ما هو الحل ؟

[الحاج الطيف]

باخواني راهو جاينا رمضان
لازم نستعدوا نفسيا وجسديا لهذا الشهر .
أنا قلت نبطل الدخان ولكن علابالي لكان شبعت قول الراس غنيلي .
أنا قلت مانخرجشش من الدار ونقعد غير في المبرد ما نقدرش بسكوا نمل من الرقاد وما يعتبرش صوم
انا قلت نتفرج التلفيزيون وبرامج ولكن لللأسف تشوف أشياء ماتناسبش مع صيامنا .
انا قلت نخرج برا ولكن كاين المنكرات بالزاف وخاصة من جانب النساء وحاشى البعض .
أنا قلت نرجع العملي ولكن الأختلاط داير حالة
قولولي راكم كيفي ولا غير انا لراني نتخبط وحدي وبغيت نصوم صحيح
وماهو الحل ؟

 

[nassim007]

أنا قلت نبطل الدخان ولكن علابالي لكان شبعت قول الراس غنيلي .


رانا كيف كيف هنا

بربي ان شاء الله نطيشو علينا
​

 

[حطيست1]

مدة الصيام لهذا العام هي 16 ساعة ... وأنا منقدرش نتحمل المدة هذي وأنا متكيفتش ... راني نخمم كاش ما نلقى حل . . . مشكلة تاع الصح ...

كيما قال المثل : لي جات فيه يصبر

مشكور خويا على الميضوــــــــــــــــ ع
؛؛
​

 

[هشام رضا]

مالا حنا في الصحراء واش نقولو
الحمد لله مانتكيفش مي من 4 إلى 7 تاع العشية بزاف مع سخانة بسكرة

 

[touffik]

الله يصبركم
انا عندى عادى​

 

[الخيزران]

" Les biens et les maux qui nous arrivent ne nous touchent pas selon leur grandeur, mais selon notre sensibilité. "

 

[نهلة21]

شباب لازم تحبسو الدخان هدى فرصة ليكم تحملو دير المستحيل انكم تنسوه وان شاءالله ما يأثرش فيك بزاف ورمضان كريم

 

[نسيم الربيع]

أنا قلت مانخرجشش من الدار ونقعد غير في المبرد ما نقدرش بسكوا نمل من الرقاد وما يعتبرش صوم

او بغيت تهبل داركم؟ ربي يعينك خوياتبالي اخدم خدمتك واحكم عينيك ودير واش تقدر باه تحبس الدخان وزيد اختم القرآن كي متلقاش واش دير اقرا ... سلالام

 

[مايا الجزائرية]

السلام عليكم

رمضان كريم

رمضان شهر المغفرة والرحمة يجب عليكم ان تعرفو كيف تعبشو في شهر رمضان

ربي يكون معاكم

 

[حنان13]

لازم تحبسوه ربي يكون معاكم
​

 

[khalil hip hop]

واش راك خويا لاباس بخير ان شاء الله بألف خير


الحل راهوا عندي هو استهلا في روحك في رمضان راهوا جاي صعيب اي باي
​

 

[dana1993]

السلام عليكم
بالنسبة للصيام فهو ساهل النهار يمر ثم ثم و الحمد لله لا عطش ولا جوع برك لازم الابتعاد على الشمس و الخروج في القايلا
اللهم بلغنا رمضان
رمضان كريم
موفق​

 

[فراشة الايمان]

أنا بطلتو الدخان ههههههههههه
لعقوبة ليكم

 

[*ليديا*]

السلام عليكم ورحمة الله وبركاته
راهي فرصة باه تنساو الدخان
نقلكم الله يصبركم مام راه كيان برامج ملاح وتقدر تقصر شوي مع حبابك وشوي في الدار وتصلي و تقرا القرآن رايح يفوت الوقت بالخف
صح رمضانكم ​

 

[H@teM]

نورمال الحمد الله
خوكم سبور تيف
​

 

[الحاج الطيف]

أنا بطلتو الدخان ههههههههههه
لعقوبة ليكم

ههههههههههههههه أنتي اصلا تعرفين الدخان والله غريبة

 

[الحاج الطيف]

او بغيت تهبل داركم؟ ربي يعينك خوياتبالي اخدم خدمتك واحكم عينيك ودير واش تقدر باه تحبس الدخان وزيد اختم القرآن كي متلقاش واش دير اقرا ... سلالام

علابالك كوني في علمك أنا اتحدث بنيابة عن المدخنين
ولو طليت على داركم اكيد كاين حالة هذه لقلتيلي عليها .

 

[souhila_95]

الله يصبركم ويهديكم

 

[tear of angel]

انا رمضان عمرو ما يخوفنى طول عمرى وانا نصوم فى الصيف

 

[iT@liAnO]

ربي سبركم هادا مكان
مشكوور خوياااا على الموضوع
​