كوزينة رمصان

[نكهة مطر]

السلام عليكم اختي

انا خطيني طياب ندير البوراك ونروح نشري الخبز والقازوز هذي هيا خدمتي في رمضان
مشكورة

 

[the_end]

فكرة هايلة
يعطيك الصحة
تحياتي

 

["غزالة الجزائر"]

فكرة رائعة
يعطيك الصحة

 

[mayamaya]

موضوع رائع يستحق التقيييم أخي

 

[barza]

انا هويتى الطبخ طبعا بعد كرة القدم ونموت على الكوزينة وعلى البوراك
شكرا على الفكرة الرائعة
​

 

[Sami_Dz]

merçiiiiiii​

 

[محاربة صحراء]

اليوم نبدا في طبخ

 

[محاربة صحراء]

كسرة خميرة
شوربة فريك
بوراك
بيتزا بطاطا
طجين حلو
سفيرية

 

[محاربة صحراء]

روعةاختي نبع احساس

 

[loca]

فكرة شابة يا انوشة مرسي عليك ورمضانك انت تاني مبارك انا نكدب عليك منعرفش طياب نغسل غي ماعن هههههه بصح معليش نشوف واش درنا ونخبرك هههه شكرا خيتووو​

 

[الوان الربيع]

بارك الله فيكي اختي تقبلي مروري

 

[قطورة الندى]

مشكووووووورة اختي على القكرة الرائعة وان شاء الله نشارك فيها

 

[خولة93]

 

[إحســاس بــراءة]

السلام عليكم
شكرا ليك اختي على الفكر الهايلة
اذا راح نمدلكم اليوم اطباق اللي موالف نديروهم عندنا في الشلف
الخاصين بشهر رمضان
من بينهم
الحريرة
الدولمة او المثوم
طاجين الزيتون
اللوبية باللحم
اللحم الحلو
والبوراك بالطبع


1- الحريرة


راح نعطيكم مقادير تحضير الحريرة ل 10 اشخاص

3 قطع او اربعة من اللحم المقطع مكعبات
حوالي 5 حبات طماطم
2حبات بصل متوسطة
4حبات جزر
3حبات بطاطا
نصف كوب حمص يكون طايب نص طياب من قبل
3 ملاعق اكل زيت
فلفل أسود
راس الحانوت
ملح
قصبر
حوالي فنجان من الفريك

الطريقة :

في قدر تحطي البصل المقطع و اللحم و الطماطم والبطاطا مقطقة قطع و الجزر و تضيفيلها الملح والفلفل وراس الحانوت والزيت و تحطي معاها شوية قصبر و تحطيها على النار
بعد ماتتقلا مليح الخضر اللي حطيناها نمرقوها بالماء وتخليها تطيب
بعد ذلك تكوني حطيتي الفريك في ماء غالي
لما تطيب الخضر جيدا تنزعيها من القدر و تقومي بطحنها كلها مع بعض و بعد طحنها تعاودي ترجعيها في القدر و تضيفيلها الفريك اللي كنا حطيناه في الماء وتضيفي الحمص وتزيدي شوية ماء و تخلي الفريك مع الحمص يزيدو يطيبو شوية واضيفي حوالي ملعقة ونصف طماطم مصبرة وقبل ماتطفي على النار زيدي شوية قصبر من الفوق باه يعطيها بنة مليحة.
هاذي هي وشهية طيبة

 

[إحســاس بــراءة]

2-البوراك
بالنسبة للبوراك كاين طرق بزاف لتحضرو واكثريتها باللحم
لكن اليوم حبيت نمد طريقة لصنع البوراك فقط بالبطاطا والبيض والجبن
الطريقة
تاخذي حوالي 5 حبات بطاطا
3 بيضات
جبن
ملح

غلي حبات البطاطا مع البيض
كي يغلو قومي بتقشير البطاطا وطحنها
قومي بمرس البيض ايضا بفرشاة
في صحن ضعي البطاطا وزيديلها البيض
و ضيفيلها الجبن وقليل من الملح
وخلطيهم كامل م بعض
وبعد ذلك خوذي ورق البوراك اللي عندك واخدمي على حساب كيفاه موالفة تخدمي البوراك تاعك
وبعد ذلك اذا حبيتي اقليهم و لا عندك طريقة اخرى ديريهم في الفور باه مايرفدوش بزاف الزيت ويجو خفاف
حبات البوراك قبل ماتحطيهم في الفور ادهنيهم بشوية زبدة و حطيهم في الفور حتى ياخذو لون وردي

 

[محاربة صحراء]

روعة اختي ‏Bouchra*02

 

[hind 09]

يعطيك الصحة

 

[منال السطايفية]

ميرسي يعطيك الصحة

 

[إحســاس بــراءة]

روعة اختي ‏bouchra*02

الله يسلمك اختي
ممكن تمديلنا اطباق و وصفات خاصة بيكم تعملوها في رمضان

 

[محاربة صحراء]

ممكن اختي عندنا شوربة بوراك وحوت اليوم فلان وقازو والحمد الله او بطاط في كوشة