ادخلوا ماتندموش

[abir batna]

السلام عليكم
عندي فكرة هايلة غدوة رمضان وقررت لوكان كامل نطبخو نفس الاطباق فاليوم الاول باه يفوت علينا كامل كيف كيف
الاطباق ماشي انا اللي نحددها انتوما ديروا اقتراحاتكم والماكلات اللي تعجبكم وممبعد نققروا واش نديروا اوك
وصح رمضانكم​

 

[himina]

سلام عليكم شكرا موضوع في القمة انديرو شربة فريك مع طجين لحم لحلو ونزيدو ماسيدوان وشويا بوراك وصح فطوركم مسبقا

 

[الشاوية الحرة]

فكـــــــــــــــرتك هايـــــــــــلة تــــــــــاع الصح حنـــــــــــا في عادتنــــــــــــا وفي دارنا ديما أول نهــــــار من رمضـــــــان يكون فطـــــــــــورنا هكا
شربة فريـــــــــك .........طاجين حلو ..........كفتة.........بوراك :yahoo:
رمضــــــــــــــــان كريــــــــــــــــم ...........
​

 

[آمنة يحيى]

السلام عليكم....

أنا أريد أن أعطي إقتراحي لطبخة اليوم الأول لشهر رمضان:
حريرة لأنها الطبق الرئيسي عند الجزائريين ،البرقوق ، السلطة ، جلبانة ، بوراك ، مشروب الروايال ، فلان . شهية طيبية .
صح فطوركم وكل عام وأنتم بخير .
صلوا على النبي صلى الله عليه وسلم.:mellow:

 

[تسبيحة]

رمضان مبارك و كل عام و انتم بخير

لكن يا أختي أعتقد أن هذه الفكرة غير واقعية نوعا ما !!

 

[barza]

شربة فريـــــــــك
حريرة
طاجين حلو
كفتة
بوراك
سلطة
رمضان كريم
​

 

[طيور الجنة21]

جاري فريك
طاجين عين البقرة
سلاطة
بوراك
زلابية
جو كوسة مبروك
قازوز ميموزة
ديسار

وشهية طيبة

 

[بنت الجسور المعلقة]

شكرآ ع الموضوع
12مساءآ يبدا لفطور وطنجر فوق النار ههههه ماجي توجدي la sala manger يكون آذن يصلو ومبعد لفطور أكيد
وفطورنا يكون في اليوم الاول ::
جاري ...(شوربة فريك)....سلطو متنوعة أردوف.....بوراك.....حميص ....كفتة لحم ودجاج أو مرق زيتون .....طاجين لحم حلو ....*
ومبعد يجي مشروب ومبعد ديسار




العبادة وقراْة القرآن والصلاة قبل كل شيء
​

 

[بنت اليم]

السلام عليكم
مرسي اختي على الفكرة
احنا في دارنا في أول نهار نطيبو:
*شربة فريك
*مرقة حلوة
*دولمة (كفتة)بالزيتون
*سلاطة وفيها : سلاطة نورمال حضرا+حميص+ماسيدوان
والديسار+ المشروبات
في السهرة ان شاء الله
*فلان
*زلابية
*حلوة الترك
*ونطيب كيكة بالشوكلا
وباين سير التاي مع المكسرات


​

 

[soussoubatna]

شكرا لك على الموضوع نديروا جاري و بيتزا وبوراك و بيبسي وعند السهرة فلان بارد بزايد ولا واش قلتي
​

 

[sahara-dz]

أنــا نحــب ناكــل نهـار الأول حــريرة مع الجـلبانـة و البوراك و سلاطة خفــيفــة وأرز فايض تحـيـاتي ومـشكورة أختي على هذا المـوضوع
صح صيامكم و صح رمضانكم وصح فطوركم إن شاء الله بااااااااااااااااي

 

[mayamaya]

صح فطوركم وكل عام وأنتم بخير .

 

[بلسم محمد]

هل كل هذه طبخات تؤكل في الليلةواحدة لازم تخفوارواحكم وتعطوحق العبادة وحق الفقير