- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة الكرام وأسعد الله أوقاتكم
وملأها بركة وسعادة، وصح رمضانكم وربي يتقبل منا ومنكم الصيام والقيام وصالح الأعمال
كالعادة مستحيل يعدي شهر رمضان المبارك على اللمة الغالية بدون كاميرا كاشي وبدون ضحك وبدون مقالب
وهاد العام خممنا أنا وشريكتي في الإجرام @عآشقة الجنـة باه نديرو كاميرا كاشي لأعضاء اللمة كيما كل عام ونطيحوهم في الفخ
ونعرضو المقالب هادو في حلقات باه نغيرو الجو ويكون لرمضان داخل اللمة طعم مختلف وجميل
لكن هاد المرة فكرنا أنا وأسماء وقلنا بعيدا عن كاميرا كاشي تاع فلان هدر فيك وفلان قال فيك ووين نخلي العضو هاداك يهز في قلبو
ولا نخلي العضو يغضب من عضو خلاف علاه مانديروش حاجة مختلفة يكون فيها عبرة ورحمة وتعاون
بالأخص والمعروف على ناس اللمة أنو مايجمعهمش عالم افتراضي فقط بل تجمعهم محبة وتواصل وترابط رغم أنهم داخل عالم افتراضي
فيفرحوا مع بعض ويبكيو مع بعض ويحسو ببعض، فهل يا ترى صح كامل هاد الكلام؟
نخليو الحلقات القليلة في عددها ولكن الكبيرة في معانيها وقيمها هي تخليكم تحكمو على أهل اللمة وأخلاقهم
إذن تابعوا معنا حتى الأخير، وبالاكم تنحيو التيليكوموند من يدكم وشاهدوا معنا كاميرا كاشي بعنوان
{لمة خير}
سادس ضحية معنا في الكاميرا كاشي لنهار اليوم هي العضوة إيمان @faith8 أو إيمان تشان كيما نحب نسميها باليابانية
إيمان من الأعضاء القدامى في اللمة وفرحنا بزاف كي شفناها تدور هنا بيناتنا
هيا سقسيت أسماء عليها قلتلها كاينة واحد العضوة حابة نديرلها كاميرا كاشي بصح جامي حكيت معاها
هل نديرلها ولالا، قاتلي أسماء خير ما اخترتي وإيمان طفلة بزاااف مليحة والدليل وفاءها للمة وتواجدها معانا
قاتلي بصح نتي ديريلها كاميرا كاشي خاطر أنا تفيقلي كن نحكي معاها هيا مالا جهزت المعدات اللازمة
وقلت كيما رمضان مستحيل يعدي بلا زلابية كذلك كاميرا كاشي مستحيل تعدي بلا إيمان
ماحبيتش نجيب سيناريو جديد وبما أنو السيناريو لي طبقتو على صفاء وياسمين نجح قلت هاداك هو سلاحي السري ونكمل بيه
شوفو معايا واش صرا
كوون وو إينوريماس إيمان تشان (حظا موفقا إيمان)
لؤلؤة قسنطينة
(راسلت إيمان وفتحت معاها حكايات طوال أولا لأني جامي حكيت معاها
وثانيا لأني فعلا نرتاحلها ونحبها رغم أني جامي حكيت معاها
يعني الكلام لي قلتو الفوق ماش داخل في السيناريو بل هو حقيقةوإيمان ردّت عليا مباشرة وفتحتلي قلبها كأنها تعرفني من زمان)
إيمان
(ربي يحفظك حبيبتي إيمان على كلماتك الطيبة
حتى أنا نعزك ونحبك
إيمان أحست بالأمان ودخلتها طول تحكيلي على معاناتها مع الترونسبور
وجبناها حكايات وتعارف نهار كامل وبما أنو جامي حكيت معاها مستحيل ندخل في المقلب مباشرة
إذن الصبر جميل
غدوة الصباح راسلت إيمان وأنا في كامل سعادتي
ولحسن الحظ مارجعتليش إلى ما بعد الظهر وبالتالي لقيتها فرصة أني نستغلتأخرها في الرد ونمثل أنو بين الصباح والمساء تغيّرت حالتي النفسية
لؤلؤة قسنطينة
(من هنا بديت نمهد للسيناريو ونجهز أرض المقلب
خاصة أنو إيمان مسكينة رغم أنها عرفتني في يوم واحد بصح فتحتلي قلبها كأنها تعرفني سنين
)إيمان
(إيمان الزينة مهدتلي الطريق وقاتلي تفضلي
ربي يحفظك إيمانو على رحابة صدرك ونحن السعداء بتواجدك بيننا
ولكن استعدي لماهو قادم
لؤلؤة قسنطينة
(كالعادة ماتنساوش البابي موشوار بعد مشاهدة هذا الفيلم المؤثر
حتى إيمان مسكينة تفاعلت مع كلامي وحست بيا وحبت تواسيني وتطلعلي المورال قدما تقدر)
إيمان
(إيمان الغالية قلبها حنين بزااف وكلامها كلو جواهر
وفعلا كيما قالت البيوت اسرار وقبل ما نظلمو إنسانلازم نحسو بيه ونعرفو كيفاه عايش باه نقدرو نهدرو)
(وأنتِ أغلى حبيبتي إيمان
رغم الضعف لي حستني فيه حبت تخليني قوية وحبت تطلعلي المورال قد ما تقدر
رغم أنو قلبها وجعها وتقاست بصح مابينتش غير باه توقف معايا فعلا شخصيتها قوية
والجميل في الأخت إيمان عطات عذر للأخت الافتراضية لي قاستني بالكلام وقاتلي يمكن تكون طيبة وماعرفتش كيفاه تهدر برك
نتي فعلا جوهرة حبيبتي إيمان وربي يكتر من أمثالك )
(مالقيت مانقول في حقك حبيبتي إيمان وسلامة قلبك من اي سوء أو شر
ودعواتك لي دعيتيهم ولا كنتي ناوية تدعيهم ربي يكتبلك مثلهم وزيادة وربي يكتبهملك في ميزان حسناتك يارب
المهم نيتك الطيبة وقلبك الصافي حتى وإن كان مجرد مقلب)
لؤلؤة قسنطينة
(تأثرت بكلام إيمان السابق وكنت رايحة كالعادة نكشفلها من أول حرف بلي كاميرا كاشي
لكن قلت نكمل هاد الرد ونكشفلها اللعب من بعد يكفي كامل الجهد لي بذلتو باه تطلعلي المورال
) إيمان
(مازالت إيمان مصرة على المسامحة وحسن الظن بالغير قلبها كبير ماشاء الله
والشي لي ما تعرفوهش انها هاداك اليوم كانت مشغولة وعندهم ضياف
وبقات رايحة وجاية عليا وتخمم معايا في حل وتحاول تساعدني وتسمعلي وتطلعلي المورال في آن واحد
ربي يحفظك حبيبتي إيمان وربي يعطيك ماتتمناي)
(تأثرت بزاف بوقفة إيمان معايا وقلبها لكبير وقوة شخصيتها وخبرتها مباشرة بلي كانت مجرد كاميرا كاشي وبلي مجرد مقلب)
إيمان
في النهاية وضحت فكرة الكاميرا كاشي للأخت إيمان واعتذرت منها وكيما شفتو تقبلت الموضوع بصدر رحب
واستأذنتها في طرح حلقتها طبعا قبل عرضها وهي وافقت، وكالعادة نعتذر من مشرفات الطبخ جبنا سيرتهم دون علمهم ههه
لب المقلب كان على العضوة الافتراضية لي جرحتني وفكرة قسم الطبخ ماكانت إلا تمهيد فقط
وفي نهاية الحلقة تاع اليوم نقول للغالية إيمان نتي بنت اصل وإنسانة من ذهب وبارك الله فيك على وقفتك وتشجيعك وعلى قلبك الطيب
ربي يجازيك الجنة وربي يعطيك ما تتمناي، وربي يحفظك رغم أنو عمرها حكات معايا وجمعتنا ليلة تعارف واحدة فقط بصح فتحتلي قلبها
وكانت نعم الصديقة ونعم الأخت وحسيتها تعرفني من زمان لكن عند إيمان المهم أنك تكون لماوي فقط وهي تفتحلك قلبها الطيب في أي وقت
وكيما قلتها من قبل جمعنا عالم افتراضي فقط ولكن القلوب لا تزال حقيقية وتنبض بنبض حقيقي ولهذا سميناها "لمة خير"
وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري
نتمنى تكون هاد الحلقة عجبتكم
ماتنساوش تخليولنا رايكم في هاد الحلقة ونلتقي في حلقة أخرى ومع عضو آخر ان شاء الله
سلااام
