les vols au vent من مطبخي

[nada242008]

المقادير
العجينة تباع جاهزة ومطبوخة او تصنع في البيت بالعجينة المورقة كالتالي

نفرد العجينة المورقة

ثم نقوم تقطيع دوائر حسب الذوق ​

​

​

و دوائر اخرى فيها ثقب فى الوسط بهذا الشكل

ندهن الدوائر الاولى ببياض البيض
و نضع فوقها الدوائر الاخر و ندهنها بالصفار البيض كما فى الصورة​

​

ملا حظة للامانة الصور التي توضح طريقة اعداد العجينة منقولة لاني اشرتيتها جاهزة
الحشو
كوب من مرقة دجاج
لحم مرحي + بصلة مفرومة ومعدنوس وفلفل اكحل وملح + بيضة
تشكليها كويرات وتحشي كل كويرة بقطعة فرماج روج ومن بعد تقليهم شوية حتان يتحمرو
وتحضري صوص بيضا تاع دجاج تصفيها طبعا وتلوحي فيها كويرات اللحم المرحي يكملو طيابهم فيها
تجيبي les vols au vents اللي شريتيهم ولا خدمتيهم وتسقيهم شوية بمرقة دجاج ومن بعد تحطي كويرة لحم مرحي + شوية زيتون اخضر مقطع + فرماج مبشور وتسقي بمرقة الدجاج شوية
وتكرري العملية لمرة ثانية في كل حبة
ماتسقيش بزااف باش ما يترنخوش وكي تكملي رشة معدنوس ودخليهم للفور لمدة 10 دقايق

 

[ابوندى]

شكرالكي اختي والله فكرتيني بيهم كل عام الوالدة الله يحفظها تعملهم لينا درك نقولهم علاها
موضوع رائع شكرا جزيلا
تستاهلين التقييم
​

 

[بنت الجسور المعلقة]

مشكورة على المجهود و على وصفة les vols au vent
ننتظر جديدك حبيبتي​

 

[ام سيرين]

يعطيك الصحة اختي بينين بنان حابة نجربهم بصح منعرفش كيفاش ندير العجينة المورقة ومنعرفش وين تتباع.

 

[بنت الجسور المعلقة]

تتباع عند لي يبيع الحلويات

 

[samifa31]

مشكورة وصفة رااااائعة
تحياتي

 

[إحســاس بــراءة]

مرسي اختي راهم يبانو هايلين وبنان يعطيك الصحة

 

[الجمرة الخبيثة]

يعطيكــ الصحة ختيـــــــ
نموووووت على لفولفو مي جامي خدمناه في الدار غير نشروه
ساهل .......
مشكووووووووووورة :wink:
وصحــــــــــ فطوووووركــــــ
​

 

[شمس الليل]

 

[سماح4]

مشكورة اخت أم ندى على الوصفة تبان هايلة ، بصح مافهمتش وشحال من قطعة عجينة مثقوبة تحطي فوق لخرى لاخاطر راهي تبان عالية كي طابت .

 

[zahra09]

مرسي بوووووووكو والله يغيرو​

 

[nada242008]

مشكورة اخت أم ندى على الوصفة تبان هايلة ، بصح مافهمتش وشحال من قطعة عجينة مثقوبة تحطي فوق لخرى لاخاطر راهي تبان عالية كي طابت .

قطعة واحدة فقط
كي تعود العجينة المورقة مخدومة مليح تجي عالية

 

[nada242008]

شكراا لجميع على المرور ورمضان كريم

 

[صفية الروح]

السلام عليكم
مرحبا يا ام ندى واش راكي اختي ان شاء الله تكوني بخير
رمضانك كريم كل عام وانتي بصحة وعافية
بارك الله فيك على الوصفة عودتنا على وصفاتك الشهية يعطيك الصحة
تحياتي لغاليتي ندى لا تنسي
صح فطوركم

 

[nada242008]

السلام عليكم
مرحبا يا ام ندى واش راكي اختي ان شاء الله تكوني بخير
رمضانك كريم كل عام وانتي بصحة وعافية
بارك الله فيك على الوصفة عودتنا على وصفاتك الشهية يعطيك الصحة
تحياتي لغاليتي ندى لا تنسي
صح فطوركم

وعليكم السلام اختي صفية
رمضان كريم عليك وعلى اهلك وكل عام وانت بالف خير
شكراا على المرور الطيب وصحا بعد الفطور

 

[M!ss D!or]

ya3tik saha we saha ftourek​

 

[MIMI 1987]

يعطيك الصحة اختي انا نحب نديرهم بالزيتون دينوايوتي و الجاج يجو بنان

 

[هــــيلدا]

يعطيك الصحة حبوبة، هذا وين كنت راح نسقسيك كاش وصفات جديدة لرمضان،

تسلم الايادي
​

 

[حنان الروح]

يعطيك الصحة اختي
وبارك الله فيك
على الوصفة الرائعة
تسلم ايديك
​

 

[حاملـة المسك]

ممتازة....يعطيك الصحة​