الفحل لي يخدم ويتعب ويروووح يفليكسي لالة مايعرفهاش

[ديهيا القالمية]

صح فطوركم واش راكم يا الحباب انشاء الله تكونو ملاح


اليوم حبيت نحكي على وحد الظاهرة يعانيو منها ليحان لي يلعبوها فايقين بزاف:santa_1: تلقى واحد يخدم ويتعب ومباعد تجي وحدة زغيترونة وتلعبلو بجيبو
عندي بنت عمي صغية 17 سنة الله يبارك طفلة وحدة عند والديها امها استادة وعمي خدام عائلة ميسور حالها متربية تقرا b1 المهم جيت نقعد معاها واحد النهار:heh: لقيتها تحكي مع واحد البوهالي
في عمرو 30 سنة تفاهم معاها يفليكسيلها 1000 دج mais مين يحتاج يعطلها تفليكسيلو على خاطر يسكن في دوار بعيد ( دشرة) على la ville ديما تكملهم وتقولو لا جونس هم يسرقوني
هو قاللها : يما تقولي انت نية الناس يكلحوك بصح انا لا مايكلحونيش في الدراهم :tears:
:scared:كي سقساتو مين جاتك لابيس قاللها : كراها ب300 دج من عند جارنا هاداك لي شرا التراكتار لحمر ربحها معاه تسمى bonus

قلتلها مسكين قوليلو بلي يقدر يشري بيس جارو راهو يكلح فيه كلاتني وبلعتني كون غير ما قلتش :tears: واش دخلنا فيه وعلاه السوارد يجبد فيهم من جيبي .... :surrender:حابتني نفيقو باش ما بقاش يفبيكسيلي وظهرت انا غرت منها :scared: فعلا :

وعندي تاني البنات يقراو معايا نهار كامل معلقين السيروم ( يهدرو بالبورتابل ) احمممممممم بلديات بزاف جيت نقعد مع وحدة فيهم كل لقيتها تحكي مع شايب

واحد الهداري الله لا يسمعكم فيهم فعلا :

باش يحققلها احلامها اه عفوا اوهامها

يفليكسيلها توصل حتى 1000 دج و2000 دج ومباعد هي تفليكسيو للناس سقسيتها بأدب وبشوي قالتلي : خواتاها الدراري يعرفوها غير باش

[وانا طفلة وعندي حوايج خاصة بالبنات نحب نشريهم mais نحشم نقوللهم عليهم]



http://www.alhsa.com/forum/imgcache/13473.imgcache
http://www.alhsa.com/forum/imgcache/13473.imgcachehttp://www.alhsa.com/forum/imgcache/13473.imgcachehttp://www.alhsa.com/forum/imgcache/13473.imgcache

مالا ما تخلوش خواتاتكم يلجأو لغيركم باش يلبيولهم حاجاتهم
http://www.alhsa.com/forum/imgcache/13473.imgcache
الدنيا قل ربي خيرها والنفس راهي امارة بالسوء

ربي يسترني واياكم من الهاد المصائب
ان شاء الله ما نكونش قلقتكم نستنى ارائكم الصريحة لي تعودنا عليها

 

[هــــيلدا]

17 سنة مع 30 سنة باش يفليكسيلها

 

[ديهيا القالمية]

17 سنة مع 30 سنة باش يفليكسيلها

واش تحبي meme انا كي قالتلي حرت :scared:ربي يهدي

 

[الجمرة الخبيثة]

هههههههه هاذي زينة ......
والله لبنات هم كلش
فتنة يمشوا
هو تاني يستاهل اكثر بهلول
تلقايه عشاه ميسعاهش يروح يفليكسيها لطفلة وقيلا حتا متستاهلش وزيد كي يسحقها هو يلقالها والله عجب
وديك الي فليكسهالها وين راحت ؟؟؟؟ ولا تعيط بيها لرجال فحولة
هي اصلا تحتقروا
الله يرفد على عبادوا
​

 

[chiva.]

راكي غالطة يا ختي واش دوخك رمضان ههههههههههههههه يا لطيف مش قع ليجون يا خيرة مش لي غير مركب حمص:closedeyes: صحيح ظاهرة كاينة بزاف ادا كانت تستاهلها نفليكسيلها 120 الف وراه المشكل:sneaky2:

 

[hicham500]

ههههههههه هدي ولات عفسة قديمة
الجديد راه الغاشي ولاو يقصروا بالناس ذكورا يهدروا باصوات بنات
ويتمسخروا بالناس يجيبوهم في القايلة الحامية لبلاص ويخليوهم واقفين فيها
نهار طول يستناو ويصوروهم :yahoo:هههه​

 

[kano88]

شكرا أختي على الموضوع
كلامك فيه فايدة كبيرة
و الله هاداوين تولهت
بارك الله فيك
أووووووووووووووو
مش على لفليكسي
جامي نفليكسي .... هههههههههههه
على الفايدة لخرى راكي فاهمتني
شكرا
:ax_flw:​

 

[مشاعر كاذبة]

مازالوما شفتو والو اخوايا انا تاني ندير هد العفسة مع انو عمري 13 لكن كيما يقولك الحاجةام الاختراع وهديك ال ينروح نفليكسي لروحي من جيبي نخلي الحباب قصدي الي نلعبوهالم يفليكسولنا هد اسمها****اعرف تعيش****** ايا مع السلامة

 

[nour mary]

هههههههههه مسكين هادا لي في عمرو 30 سنة واحدا قد بنتو تديرلو هاكا
كاين ياسر لي يفليكسيو لبنات
وهادو ل لي مخليين خواتاتهم حتا يعود يطلبو دراهم ؟ عجب آ ختي

 

[Mafia.dz]

و الله يعطيك الصحة راكي جبتيها في الصواب


​

 

[فؤاد الورقلي]

سلام
موضوع واقعي مئة بالمئة
والمستفاد
يا لجان ماتخلوش خواتكم حتى يجيبو الدراهم من برا
والله يهدينا جميعا

شكرا اختي
ربي يجازيك​

 

["غزالة الجزائر"]

ايه و الله عندك الحق شحال من طفلة نعرفها تدير هكدا
يعطيك الصحة

 

[farida91]

وكاين اكثر من هكا
الله يهدي ماخلق
​

 

[♥ قطر الندى ♥]

هههههههههه
باطل يا مواطن
انا ريي نقول يستاهلو ياي لي يدير هكا غير اعطوه لحس يستاهل هههههههه
والله كوارث لبنات صغارات يضحكو علا رجال كبار او بالاحري اشباه رجال

 

[** غزال الصحراء **]

أنا نعرف طفل دارها بواحد حتى ولى يفليكسيلو , إيماجيني هاذا الطفل صوتو مخربش كريثة , و كي يرققو يزيد يفسد //

هاكا قاع وطاح في بgار أمنو و تهلى فيه دورو ما تخصو , يشبعو فليكسي ومن بعد هاذا الطفل يعيط بليزينيتي هاذوك لصاحبتو ( بلاد ميكي صح )

عجبتني النصيحة اللي قلتيها في لخر , لازم قاع نتهلاو في خواتاتنا باش ما يحتاجو حتى عربي , وما يولوش يخممو في الحوايج هاذو
صحيتي .

 

[DARINE05]

صباح الخير اختي والله كاين لي فايقين من لولاد ميديروش هكا
ام غير المفرينين هوما لي يلعبوها

 

[{~B4SM4]

راكي قلتي 17 سنة يمالا مازالت صغيرة
على جال هاكدا قدر يلعبلها على المورال
ربي يهدي هاد العيباد لي يهنيهم ضميرهم باش يلعبو على بنات الناس
والله 30 في عمرو ومازال عايش لامور ياو لوكان راهو جايب4ولاد
تاع الصح هاد الوقت الإنسان قيسيه على العقلية تاعو ماشي على السن

ربي يخليك ع الموتوع النايس /~

 

[فراشة الايمان]

اللي يمد ايدو ربي يزيدو

 

[dana1993]

ههههههههه دوبل تاع لاج تاعها ههه ختي هاذوك مساكن ميعرفوش صلاحهم مليح بيسك باينا تمكسو بيا و تقولو باي باي هه خدمتهم هاذي و ذك البورتابل رجع غير للخدايم هاذو حنا كلاصتنا الحمد لله مافيهاش بنات كيما هك بصح مرة درت ساعة اضافية في كلاصة اخرى ووو ماعلاباليش دايرين واحد العفسة البورتابل لاصق تحت الخمار ماشي حتا كيتمان ولا.....ربي يهديهم و يصلحهم ان شاء الله

 

[ابرار الجزائر]

:sneaky2:و الله غير تحيريلهم مرة صاحبتي تحكي مع واحد قاتلو 20الف تاع البارح مالحقتش عاود افليكسيلي قلتلها صح قاتلي لحقت و هدرتها حتى زادت لحقت20لخرى و ربي يهدينا ويهديهم