~|...^^ كرسي الاعترآفـ ^ الخآص برمضآن ^ كل يوم نستضيفـ عضوين ^^ ...|~

[مفآهيمـ الخجل]

ياريت الاعضاء لي تختارهم لكرسيي الانتحار تنبهوهم برساله خاصه
لي عوده للموضوع ونقرعج ع الاعضاء ههههههه​

اكيـــد لي نستقبلوه رانا نعيطولو في الخاص

في انتظار مشاركتك

نورتـ
​

 

[**سارة**]

راح نطرح شوية اسئلة خارجة عن الاطار الرمضانيــ .::.

-ما هو أكثر يوم تحبه في الأسبوع؟
*الأربعاء
- ما هو نوع هاتفك المحمول ؟
[ Samsung E250 ]

.- ما هو رقمك المفضل بين 1 و10 ؟ علاش
* 9لأنو دائما رقم حظي

- ما هو المشروب الذي لا تستطيع الاستغناء عنه؟
*الجو تاع رامي يعجبني بزاف ولازمني دايما نشربو على الصباح

- ما هو اللون الذي تفضله ؟
*الوردي

- ما هي أجمل مرحلة في حياتك ؟
*الطفولة أكيد

- ما هو البلد الذي تحب أن تزوره؟
*تركيا

- ما أكثر ما تحبه في الإنترنت ؟
*اللمة وماكانش غيرها

- هل تمارس الرياضة ؟ ماهي رياضتك المفضلة
*نحب السباحة وكنت نديرها مي كيما حجبت حبستها

- غرق المنتدى ومعك قارب لا يحمل الا ثلاثه من تأخذ معك ؟ صرااحة
*والله صعيبة هادي كون نخير تلاتة يزعفو لخرين أكيد ماني رايحة نفرط في حتى واحد

- من هو كاتم أسرارك ؟
*صديقتي العزيزة

مرسي أختي أسئلة روووووووعة ​

 

[لؤلؤة المحيط]

السلامــ عليكم ...
صح فطورك مامتو سارة ..
كي فطرتي ملييح ؟؟؟
-الله يسلمك حبيبتي وصحا فطورك
مرسي على الدعوة ربي يخليك

مانعييكش بالتسقسي علبالي عيانة من رمضان بما فيه الكفاية
..1 أحكيلي شكون هي سارة ؟؟
-]سارة يا سارة هههههه سارة وحدا تحب الناس بزاف وقلبها بيض ونية وصريحة وعنيدة تقدري تقولي وتدير واش في راسها

..2 شكون أغلى ثلاث أشخاص في حياتك ؟؟
-أكيد والديا أختي وصديقتي

..3 أمنيتك فالحياة ؟؟
-ننجح في قرايتي وفي مستقبلي

.. 4 أوصفيلي روحك.. حابة نخطب ..
-ههههههههه ياخي مهبولة شوفي الوصف الخارجي درك نقولك الحاجة الي تعجبني فيا انا عينيا لونهم خضر وانا سمرة ونورمال ماني طويلة ماني قصيرة والوصف الداخلي راني قلتهولك قبيل

..5 اللون المفضل ؟؟
-الوردي

..6 الماكلة المفضلة ؟؟
-في رمضان طاجين الحلو وفي ليامات لخرين البيتزا

..7 ذكرى حلوة ماتحبيش تنسايها ؟؟
-امممممممممم أني لقيت صديقة تفهمني ونفهمها ومانيش حابة نضيعها

..8 شحال تختمي القرآن من مرة في رمضان ؟؟
-مرتين

..9 طوايشية فالليكول ؟؟؟
-ماشي غير

..10 علبالي قع كنا نكتبو فالطوابل تاع ليكول ... واش كنتي تكتبي ؟؟
ايا هنا خلاص نقولك
قهوتكم عسل ومقروطكم سكر
وتبقاو على خير مافيها حشمة
وان شاااء الله مانكونش كثر ت عليك واذا كشما تفكرت راني نرجع ليك
سلاااااااااااامو
-هههههههههههه والله أسئلة كي العسل ربي يعيشك
صحا صحورك​

اوووكي ربي يخليك وسكرا على صرااحتك
وبقالك السؤال العاشر ماجاوبتيش عليه
وااااااااااش كنتي تكتبي فالطابلة

 

[**سارة**]

اوووكي ربي يخليك وسكرا على صرااحتك
وبقالك السؤال العاشر ماجاوبتيش عليه
وااااااااااش كنتي تكتبي فالطابلة

ههههههههههه والله نسيتو برك
هيه كنت نكتب اسمي لأني مغرووووووومة باسمي ويعجبني بزاف ههههههه

 

[MiSs Sisi StyLe]

صباًحاً مُعطر بالورود
صباًحاً مُعطر بشذى الحرٍوٍفٌ والمعـــآنيٌ



عُدنآ من جديد ..ل نستقبل نجمه

../نجمـةٌ من نجــوٍمُ هـذآ الصـرٍح الشـآمخُ
../نجمــةٌ بزغت في سمآُء منتدى..اللمة الجزائرية
وعزٍفتٌ لنآ بحروفهآ الذهبيةٌ المتلألئه الحآنآ خآلدهُ


’


شخصية في غنى عن آلتعريف قدمت آلكثير والمفيد من آجل أثراء
صفحات المنتدى بكل مآهو جديد ..
عضو مميز في مشاركآته وله بصمه في المنتدى
..

بدًآيه وكآلعآده نتعًرف ع بطًآقتك الشَخصيِة..

../اسمك ؟
../ ع ـمرك ؟
مستواكيـ الدراسي هل هو متوسط/عالي/ضعيف
../ع ـملك ؟
../ الح ـالة الإج ـتماعـية ؟
../ هوايآتك ؟
../ سلبيآتك ؟
../ ايجابيآتك ؟

لي عوده ان شآء الله

 

[**سارة**]

بدًآيه وكآلعآده نتعًرف ع بطًآقتك الشَخصيِة..

../اسمك ؟سارة
../ ع ـمرك ؟ 17سنة
مستواكيـ الدراسي هل هو متوسط/عالي/ضعيف ؟متوسط
../ع ـملك ؟مازال السنة الباك ان شاء الله
../ الح ـالة الإج ـتماعـية ؟ عادي
../ هوايآتك ؟السباحة والنت ههه
../ سلبيآتك ؟عنيدة وعصبية بعض الشيء
../ ايجابيآتك ؟حب الشخصية والصراحة

لي عوده ان شآء الله
​

 

[مفآهيمـ الخجل]

** سارة ** بالاك راكي غير انت اليوم معانا

امالا راهم يكثرو الاسئلة

بالتوفيقـ
​

 

[**سارة**]

** سارة ** بالاك راكي غير انت اليوم معانا

امالا راهم يكثرو الاسئلة

بالتوفيقـ
​

معليش ختي والله نورمال أسئلة كيما العسل
النت برك شوية تقيلة ما يقلقوش برك كيما نطول عليهم
بصح شكون هو الضيف الثاني ​

 

[قَطٌر❀ الٌنَـدَى]

موضوع هايل يعطيك الصحة مرام

دخلت باه نتقرعج شويا ههه

صحا رمضانكمـ​

 

[مفآهيمـ الخجل]

موضوع هايل يعطيك الصحة مرام

دخلت باه نتقرعج شويا ههه

صحا رمضانكمـ​

اهلا امونتي

انت هااايلة

مااارسي حنونة

صحا سحوركــ
​

 

[مفآهيمـ الخجل]

معليش ختي والله نورمال أسئلة كيما العسل
النت برك شوية تقيلة ما يقلقوش برك كيما نطول عليهم
بصح شكون هو الضيف الثاني ​

ههه رانا كامل نعانو من النت العيانة

هبلتنا :busted_red:


العضو الثاني سامي عيطتلو و مازال ماجاش :closedeyes:

عالعموم رانا نستناوه و و ادا ماجاش رانا نسهرو معاك انتــ :heh:
​

 

[HWK4ALGERIA]

أعتذر على التأخر،،، انا نختار محاربة الصحراء
شكرا ليكم على الاستضافة.

 

[HWK4ALGERIA]

بالذراع باه قدرت انزيد مشاركة،،، pffffffffffff على الكونيكسيون،،، تقبلو مني الاعتذار. مرة أخرى

 

[little princess]

شكرا للاعضاء على حسن اختيار
راني جيت وجبت معايا مجموعة من الاسئلة ان شاء الله ميكرهونيش برك ههههه
لن اطيل ومراحش نشكر بزاف وندخل مباشرة ههههه لتكسار الراس


ما هو ناديك المفضل ؟
المنتخب الذي تحب مشاهدته ؟
رياضة اخرى تروق لك بعد كرة القدم ؟
هل يمارس ضيفانا الكريمين الرياضة ؟
بون نبعدو مالرياضة شوية

في اي تخصص انت ؟
هل تعتبر الجامعة في وضعها الحالي مكان منحط ؟
كل المقولات عن الاساتذة وافعالهم اللااخلاقية الرشوة مثلا هل توافق عليها وشهدتها ام لا ؟
الاستاذ الجامعي انسان متكبر مارايك ؟
بون نروحو للسياسة شوية
هل لك انتماء حزبي ؟
لو كنت وزيرا للتعليم العالي اول قرار تتخذه ؟
لو كنت وزير لرياضة نفس الشي ؟
لو كنت رئيس الجمهورية ؟
ما رايك في النظام السياسي والنظام القضائي في الجزائر ؟
بون نبعدو شوية على السياسة ومشاكلها
هل تحبان الادب ؟
اي نوع من الكتب تطالعان ؟
هل لكما حس ادبي و تكتبو خواطر ؟ هههههه متقولوليش الضيفان دياولنا خواطريين ملكبار
هههه تلعبو بلاي ولى لا ؟
بون نروحو للمدينة تاعكم ؟
تعجبك ولى حاب تبدل ؟
الا توافقني ان عموم سكان العاصمة يمتازون بالتكبر

بون المدينة الجزائرية التي تتمنى زيارتها ؟
المدينة الغير جزائرية ؟



لي عودة اذا توفرت اسئلة اخرى وقنابل صديقة اخرى

​

سلام و صحا اصحوركم

 

[**سارة**]

ما هو ناديك المفضل ؟
-وفاق سطيف

المنتخب الذي تحب مشاهدته ؟
-أكيد الخضرة وان تو ثري فيفا لالجيري

رياضة اخرى تروق لك بعد كرة القدم ؟
-السباحة
هل يمارس ضيفانا الكريمين الرياضة ؟
-ايه كنت ندير السباحة وحبستها

بون نبعدو مالرياضة شوية
-أوكي

في اي تخصص انت ؟
-السنة ان شاء الله نعقب الباك سيونتيفيك

هل تعتبر الجامعة في وضعها الحالي مكان منحط ؟
-يعني تقدري تقولي

كل المقولات عن الاساتذة وافعالهم اللااخلاقية الرشوة مثلا هل توافق عليها وشهدتها ام لا ؟
أكيد مانوافقش عليه

الاستاذ الجامعي انسان متكبر مارايك ؟
-مازلت ماجربتوش

بون نروحو للسياسة شوية
هل لك انتماء حزبي ؟
-لا

لو كنت وزيرا للتعليم العالي اول قرار تتخذه ؟
-ننحي هادا البروقرام الجديد راهو زيرو

لو كنت وزير لرياضة نفس الشي ؟
-مانبدل والو

لو كنت رئيس الجمهورية ؟
-ايييييييييه واش نحي واش نخلي لازمو موضوع وحدو هههههههه

ما رايك في النظام السياسي والنظام القضائي في الجزائر ؟
-بلاد ميكي واش تحبي

بون نبعدو شوية على السياسة ومشاكلها
هل تحبان الادب ؟
-خاطيني خلاص
اي نوع من الكتب تطالعان ؟
-والله مانكدب عليك مانطالعش بزاف

هل لكما حس ادبي و تكتبو خواطر ؟ هههههه متقولوليش الضيفان دياولنا خواطريين ملكبار
-والله مانكتب ختب اصلا انا مانتفاهمش مع الحوايج هادو

هههه تلعبو بلاي ولى لا ؟
-لا

بون نروحو للمدينة تاعكم ؟
تعجبك ولى حاب تبدل ؟
-بيانسووووووووووور تعجبني

الا توافقني ان عموم سكان العاصمة يمتازون بالتكبر
-لا

بون المدينة الجزائرية التي تتمنى زيارتها ؟
-وهران

المدينة الغير جزائرية ؟
- اسطنبول
​

 

[sami19280]

السلام عليكم

اسف على التاخير جماعة

ومرحبا سارة //شدي حيلك كيما يقولو الخليجيين ههههه//

مرسي على الدعوة وان شاء الله نجاوبو على الاسئلة بعفوية.​

 

[**سارة**]

السلام عليكم

اسف على التاخير جماعة

ومرحبا سارة //شدي حيلك كيما يقولو الخليجيين ههههه//

مرسي على الدعوة وان شاء الله نجاوبو على الاسئلة بعفوية.​

وعليكم السلام
صحا فطورك خويا
ههههههههه شد حيلك انت تاني راهم أسئلة وعليهم الكلام ههههههههه
ان شاء الله خويا ​

 

[sami19280]

حظ موفق للجميع
اهلا بيك سامي
اود ان اسألك سؤال ما سر هذا التميز بالمنتدى يا ترى ؟؟؟؟؟؟؟
استغرب جدا للشخصيتك طريقة تفكيرك مختلفة تماما مقارنة بسنك
اشجعك كثيرا لما انت فيه الان واتمنى ان تواصل على هذا الدرب
​

وبيكـــ مرحبتين ايمان الله يخليكـــ.

والله سر التميز ماهو صعب ولا معقد فقط هو الابداع يعني ببساطة لازم الانسان يحاول يجيب الجديد ويتميز.لانو كل واحد فيا يقدر يبدع في مجالو.

والله ياايمان بزاااااااااف اللي غابتلهم تاع عمري 18 عام ونطرح مواضيع تاع ناس كبار مي بالعكس هذي جامي استغربتها في نفسي لانو نظن انو الابداع والمعرفة والفكر ماعندهمش سن محدد.بالعكس القدرات ديما تكون عند الانسان وهو صغير.

مرسي ايمان على المداخلة وسعيد لتفاعلي معكـــ .ادعيلي معاك بارك الله فيكــــــــــــ
​

 

[sami19280]

في انتــظآر الاخ سامي

راح نطرح شوية اسئلة خارجة عن الاطار الرمضانيــ .::.

-ما هو أكثر يوم تحبه في الأسبوع؟

- ما هو نوع هاتفك المحمول ؟

lg+nokia مي قريب نتهنى منهم.

.- ما هو رقمك المفضل بين 1 و10 ؟ علاش
8 نرتاحلو هاذ الرقم.
- ما هو المشروب الذي لا تستطيع الاستغناء عنه؟
الماء بطبيعة الحال

- ما هو اللون الذي تفضله ؟

الاسود ثم الاسود ثم الاسود ماتقولوش راكـــ ميل للحزن هههه

- ما هي أجمل مرحلة في حياتك ؟

راني في مرحلة شباب 18 عام بركـــ

- ما هو البلد الذي تحب أن تزوره؟
انجلترا قريبا ان شاء الله.
- ما أكثر ما تحبه في الإنترنت ؟

اني تعرفت على ناس عندهم مكانتهم على الساحة.
- هل تمارس الرياضة ؟ ماهي رياضتك المفضلة
طبعا خوكم سبورتيف **الفوت+كرة اليد+الجري**


- غرق المنتدى ومعك قارب لا يحمل الا ثلاثه من تأخذ معك ؟ صرااحة :music_whistling:
؟؟؟ الله يجيب الخير هههههه
- من هو كاتم أسرارك ؟

الوالدة+اختي ربي يحفظهم ان شاء الله.
​

.........شكرا مفاهيم على الدعوة...............

 

[Mr.Tahar]

السلام عليكم
صح فطوركم
هل لي ان اجد لديكما جوابا مقنعا لسؤالي

س: هل كل أمر منطقي, يتحقق على ارض واقعية

بالتوفيق​