ربي ايعيشكم عاونوني

[little princess]

مساء الخير

واش احوالكم يا اعضاء اللمة انشاء اله كامل بخير

بون انا راني حاصلة وحد الحصلة الله لا يشوف واحد فيكم فيها و حبيتكم تعاونوني كيفاه اندير
القصة و ما فيها هي متعلقة بصوري انا كنت حاطة اتصاوري في الفايس بوك المهم و هاداو التصاور طاحو في يدين ولاد الشر و هادو العباد هوما من المدينة ديالي المهم اداو هادو les tof و بدعو فيهم و من بعدها ولاو ايهدوني قالولي جيبيلنا ادراهم و لا انوروهم لباباك و انا حرت كيفاه اندير ask انقول لبابا على القصة و خلي الي يصرا يصرا و الا انمدلهم ادراهم مي انا يا سعدي منين انجيبلهم الدراهم مازالني نقرا و مانخدم ماوالو
ربي ايعيشكم دبرو عليا كيفاه اندير راني حاصلة

سلام و صحا افطوركم​

 

[** غزال الصحراء **]

مساء الخير

في البدية لازم نعرف أسكو باباك علابالو باللي كنتي ديري في ليفوطو في الفايس بوك ولا والو ,, إذا كان عارف نورمال ما كاين حتى مشكل //

التهديد تاعهم ما يولي عندو حتى وزن خطراش يولو كيفهم كيف الناس , جابو ليفوطو من الفايس بوووك , يديرو بيهم واش حبو خطراش ماشي غير هوما اللي عندهم

مي إذا ماكانش عارف ,, هنا المشكلة تصعاب ,, يعني قادر يقولك منين جاوهم ليفوطو هاذو و تولي في إحراج...

في كلتا الحالتين لازم تحكي مع باباك ,, و Attention تمديلهم دورو , ما تخليش إنسان يستغلك مهما كانت الضروف

ربي يفتحها .

 

[المتفائلة_91]

لا حول ولا قوة الا بالله

انتِ اصلا علاه تحطي في تصاورك ، هذا الشي منافي لعاداتنا ، ومنافي حتى للشريعة

بصح خلاص ضرك وقع الفاس في الراس ،
وش نقولك ، انا نصيحة تهدري مع ماماك ، وهي تعرف كيفاش تبلغ لباباك هاذ الشيء


ربي يخلصك منهم


صح رمضانك

سلام​

 

[adnandz]

وي احسن طريقة تهدري مع ماماك لخاطرش هي اللي تنجم تفهمك ومن بعد تلحق لباباك
مي الغلطة نتاعك

 

[ديهيا القالمية]

ماتخليهمش يستغولوك اختي هادو ولاد الشر والهم زعمة ولاد حومتك وخبري ماماك هي الاولة اما باباك اعرفي كيفماه تمهديلو احكيلو على الفيس بوك وعلى لي فوطو ومباعد قوليلو على واش راح يعملو ولاد الحرااام هادوك
والله انا نحير في البنات لي يحطو ليفوطو لي يسوا واللي مايسواش يتفرج بيهم ربي يعاونك اختي وصح بعد الفطور​

 

[قَطٌر❀ الٌنَـدَى]

يااختي درتيها بيديك انتى واش داك تحطي في تصاويرك في النت ياك راكي عارفة ولاد لحرام

المهم والاهم ضك اذا كان كي تقوليها لباباك بلي انتى ديجا حاطة تصاويرك في النت وهو يتقبلها اهنا عادى تتحل

بصح المهم مديريش عليهم وتعطيلهم الدراهم علي خاطر بالاك يشدووهم وتعطيلهم الدراهم ويعاود يهدوك اهنا متفراش فهمتي اختى

ربي يفرج عليك​

 

[nour mary]

كيما قالولك قولي لماماك وهي تعرف كيفاش تقول لباباك
ومتمديلهمش الدراهم باسكو يزدو يدومونديو كتر
ربي يجيب لي فيه الخير

 

[Lonely Girl]

حنونة درتي غلطة كبيرة كي درتي ليتوف تاع فالفيسبوك
وزيد طاحو فيد ولاد الحرام ياعمري //شوفي كفاش تخبري ماماك قبل بويسك هي اللي راح تتفهمك ومتخضيش رايهم يعودو يغروك تمديلك الدراهم باين عليك صغيرة وابلاكي طيحي فالبياج نشالله ينحل المشكل وتخرج على خير

وصح فطورك
​

 

[angel_fly]

اصلا انت علاه تنشري في تصاورك راكي درتي مشكل لروحك علابالك بللي وجوه الشر بزااااااااااااااف
انا رايي كيما اللي قبلي قولي لماماك و هي تدبر عليك

 

[meryouma1992]

أنـــــــــــــــــــــــا بانتلي صارحي مماك و لا باباك و ما تمديلهمش الدراهم باش ما طمعوش

 

[nassim007]

الغلطة تاعك نتي

 

[little princess]

مساء الخير

في البدية لازم نعرف أسكو باباك علابالو باللي كنتي ديري في ليفوطو في الفايس بوك ولا والو ,, إذا كان عارف نورمال ما كاين حتى مشكل //

التهديد تاعهم ما يولي عندو حتى وزن خطراش يولو كيفهم كيف الناس , جابو ليفوطو من الفايس بوووك , يديرو بيهم واش حبو خطراش ماشي غير هوما اللي عندهم

مي إذا ماكانش عارف ,, هنا المشكلة تصعاب ,, يعني قادر يقولك منين جاوهم ليفوطو هاذو و تولي في إحراج...

في كلتا الحالتين لازم تحكي مع باباك ,, و Attention تمديلهم دورو , ما تخليش إنسان يستغلك مهما كانت الضروف

ربي يفتحها .

5oya donc ana machi kole man7ote tof en9ole lbaba mais baba te9dere et9ole 3abalou psk 3abalou bli dima ne7ki m3a wlade 5alti par facebook w la msn w wlade 5alti hado sont des imègris 3aychine fi litranger w chaque jour ewaroli ses tof w ana tani newarilhime mes photos w ki ne7ki m3ahome en9ole eldarna bli hani e7kite m3a sela w rani waritlou les photos w ch7ale 3ejbouheme w 9alouli bli ki enjou edina elhadi le blasa eli tsawarti fiha ye3ni te9dere et9ole 3abalou w ma3abalouche
inchalahe ya 5oya mene fomak elrabi w merci 3la elnasi7a

 

[little princess]

الغلطة تاعك نتي

je sais bli la fote edyali

 

[little princess]

لا حول ولا قوة الا بالله​

انتِ اصلا علاه تحطي في تصاورك ، هذا الشي منافي لعاداتنا ، ومنافي حتى للشريعة​

بصح خلاص ضرك وقع الفاس في الراس ،
وش نقولك ، انا نصيحة تهدري مع ماماك ، وهي تعرف كيفاش تبلغ لباباك هاذ الشيء​

ربي يخلصك منهم​

صح رمضانك​

سلام​

الله ايسلمك و انتي زادة اوكي غدوا انشوف كيفاه نهدر معا ماما انا عبالي بلي بابا ماهو حيحكي والو عبالو بلي طيش مراهقة لا اكتر و لا اقل مي جاتني حشومة قدامو مارسي حنونة على النصيحة و ربي ايجيب الخير انشاء الله

 

[RaNiA]

صراتلك كيما وحايد نعرفم
مام احنا في ولايتنا كاين بنات حطو صورهم و درك ولاو في مشاكل
ننصحك ما تمديلهم حتى دورو على خاطر كون توالفيهم هكا تبقاي طول حياتك معلقة راهم ما يقنعوش يبقاو طول يهدو فيك
روحي قولي لباباك ولا ماماك خير قوليلها بلي حطيتيهم في الفايس بوك وهوما سرقوهم
ولاكان هذو لي حطو صورك من مدينتك مادابيك تجبديهم واحد واحد و تنعتيهم لباباك

 

[naGam]

اختي هي غلطة كبيرة ولكن مايفيد حتى شيء لما نقولك راهي غلطة كبيرة ومانعرف هيه............ومن بعد نحبوا الحل
والحل هو أنوا والدك سواءا كان يعرف بلي راكي تحطي تصاورك في الفايس بوك ولا الانترنت ولا اي موقع اخر قوليلوا هكذا احسن لأنوا هاذوا ولاد حرام وممكن يعملوا اكثر من هاك بكثير ماشي يهددوك برك وممكن ينشروا صورك في الانترنت وبين الاولاد وانتي ..............لاقدر الله انا نقولك احسن حل تفاهمي مع والدك وهو يعرف كيفاه يتصرف معاهم
​

 

[اسامة]

احسن طريقة تهدري مع ماماك لخاطرش هي اللي تنجم تفهمك ومن بعد تلحق لباباك
مي الغلطة نتاعك​

 

[الرومنسي الجاد]

الغلطة جات منك انت .. و الحل لازم يجي من عندك انت ..
اتحملي شوية مسؤولية ..
انا واحد من الناس كي نصيب تصاور بنت بلادي نسيبريميهم .. ماشي نطرافيكيهم و نهدد بيهم . .
للاسف منقدرش نعاونك في هاذي .. جامي فات علي موقف مشابه . .
ربي يجيب الخير
​

 

[souhila_95]

والله حصلة كون ما درتيهمش ولاد الحرام في كل بلاصة
نوصيك خبري والديك ويصرا اللي يصرا
​

 

[BREAVE-HEART-91]

يا اختي اولا الغلطة نتاعك لخطراكش انت حطيتي لي فوطو تاوعك
ثانيا روحي خبري باباك قبل ما يسبقوك.وربي معاك.