█╣◄ الزوج اللي يطيع في زوجته اكثر من امه اللي ولداته ►╠█ ‏‏ ‏

[***بنت الوادي***]

والله كل واحد وحسب مرته وأمه

ساعات أم ماتهنيش كنتها ولا العكس

والعدل سيد الأحكام​

 

[أماني2]

باش تحس
لازم تحط روحها في بلاصتو

فماك تعرف قيمة الأم

أسكو هي تسمح في أمها؟؟؟؟؟؟؟؟؟​

 

[zi_crazy]

الزوج اللي يطيع زوجته اصلا ما عندهش شخصية
كل وحدة و بلاصتها
نعرف واحد على جال مرته دابز اللافامي تاعه
و ما تنسوش بلي النساء تاني واعرين
ديفوا المشكل ما يكونش غير في الزوجة يكون تاني في الام
تقعد يماه و مرته مدابزين و هو في وسطهم ما علابالهش واش يدير
المهم شكرا اخي على الموضوع
و صحة فطورك​

 

[khalil hip hop]

هههه كاين لي دايرين زوجتك ثم زوجتك ثم زوجتك يعبدها بلى صلاة
مرناش نحقرو في الزوجة مي كل حق وحقو وكل واحد يديه
رسول صلى الله عليه وسلم لي قال الام اولى مشي هدرة من عندنا
وكاين ناس دايرتها حجا راهي دير التيكي لرواحها بففف
سمحني مي نقولك تخلعو من بنات
ايا سلام وصحى فطورك خويا

عندك حق خويا فيما حتا انا راني منيش حاقر حق لبنات

كل واحد وحقوا اللي جرا عليه بصح في رأيك انتا اناهي

اللي تطيعها اكثر زوجتك والا امك انا نقول امي اكثر

ومن بعد يجي بابايا ومن بعد يجي زوجتي هكا انا عقليتي

وانت ؟
​

 

[khalil hip hop]

والله كل واحد وحسب مرته وأمه

ساعات أم ماتهنيش كنتها ولا العكس

والعدل سيد الأحكام​

لا لا لا لا أختي ماتكونيش من الغالطين لأن الام تحب ولدها

مليح هل ترضي انتي ان اقول لكي ان امكي لا تحبكي انا

منيش عارف بصح انتي عارفا انا امك راهي تحبك واش قلتي

وامك تحب مرت خوك ولا لا لا اعطيني الرأي نتاعك ؟
​

 

[khalil hip hop]

باش تحس
لازم تحط روحها في بلاصتو

فماك تعرف قيمة الأم

أسكو هي تسمح في أمها؟؟؟؟؟؟؟؟؟​

لازمتنا نخلوا زوجاتنا يحسوا روحاهم في بلاصتهم لأن لازم

تعرف امي انا عندها مكانة عظيمة عند الله والزوجة لازم

تحس شويا معنى الام نعم لازم تسمح في امها وانتا واش رايك ؟
​

 

[khalil hip hop]

الزوج اللي يطيع زوجته اصلا ما عندهش شخصية
كل وحدة و بلاصتها
نعرف واحد على جال مرته دابز اللافامي تاعه
و ما تنسوش بلي النساء تاني واعرين
ديفوا المشكل ما يكونش غير في الزوجة يكون تاني في الام
تقعد يماه و مرته مدابزين و هو في وسطهم ما علابالهش واش يدير
المهم شكرا اخي على الموضوع
و صحة فطورك​

اختي عندك حق فيما قلتي انا نقول الام ماتذيش زوجة

ولدها وانتي تقولي منكن تولي الام تولي تاذي في زوجة ولدها

بالعكس نا نقول تحبها كللي بنتها وكيما قلتي بلاك

الزوجة تاذي ام الرجل هاذي كاينة منها وانتي قلتي انا

لبنات انتاع الجيل هذا راهم واعرين وانتي واش رايكي ؟
​

 

[معضادي وليد]

عندك حق خويا فيما حتا انا راني منيش حاقر حق لبنات ​

كل واحد وحقوا اللي جرا عليه بصح في رأيك انتا اناهي ​

اللي تطيعها اكثر زوجتك والا امك انا نقول امي اكثر ​

ومن بعد يجي بابايا ومن بعد يجي زوجتي هكا انا عقليتي ​

وانت ؟ ​

هكا حبيت نوصلك الفكرة خويا لازم يكون كل واحد بهذي العقلية الام ثم الاب ثم الزوجة تشكر

 

[assoma]

ياو كل وحدة في مقامها
اصلا المرا الي تكره راجلها في يماه مشي مرا في نظري
مارسي على الموضوع وماشكيتش الامر سحر

​

 

[khalil hip hop]

هكا حبيت نوصلك الفكرة خويا لازم يكون كل واحد بهذي العقلية الام ثم الاب ثم الزوجة تشكر

هههههههههههههههههه

عندك الحق خويا لعزيز برك نسيت حاجة هي

الام ثم الاب ثم الزوجة ثم الاخوة تشكر على المرور
​

 

[khalil hip hop]

ياو كل وحدة في مقامها
اصلا المرا الي تكره راجلها في يماه مشي مرا في نظري
مارسي على الموضوع وماشكيتش الامر سحر

​

لازم الزوجة تكون تطيع اولا الرجل علاه لأن الرجل هو

اللي معرس بيها ومن بعدها تجي الام اللي وفقت عليها

ومن بعد يجي الاب اللي توكل عليها فهمتي اختي ؟ السحر

انا اصلا اقصد بي السحر يعني الراجل يكون مسحور على

خاطر سعات وخطرا تسرى هاذي في الاعراس اختي هذا مكان

والسلام عليكم
​

 

[حسان]

اخي الفاضل بدبوز و الله موضوع حساس جد و مميز


عندما كانت والدتي على قيد الحياة طلبت من زوجة ان تطيعها

و كانت زوجة حتى نقبل طلبها تذهب لوالدتي و تخبرها و تاتي لي والدتي و تخبرني فاوافق عليه

أمك ثم امك ثم امك

رحمها الله و يارب أرحمها و ادخلها جنتك


اوصيكم بامهاتكم و الله العظيم ام لا تساوي الأرض و ما عليها
​

 

[Nina's]

عبالي بلي نحب نكون عزيزة عند راجلي بصح يماه هي الاولى به

 

[khalil hip hop]

اخي الفاضل بدبوز و الله موضوع حساس جد و مميز


عندما كانت والدتي على قيد الحياة طلبت من زوجة ان تطيعها

و كانت زوجة حتى نقبل طلبها تذهب لوالدتي و تخبرها و تاتي لي والدتي و تخبرني فاوافق عليه

أمك ثم امك ثم امك

رحمها الله و يارب أرحمها و ادخلها جنتك


اوصيكم بامهاتكم و الله العظيم ام لا تساوي الأرض و ما عليها
​

ربي يرحمها والدتك وادخلها جناتك ان شاء الله

لازم الزوجة تطيع ام الرجل هذا مكان خويا حسان ام و

الام وثم الام ومن بعد يجي الاب


​

 

[ياقوتة الصحراء]

المرا كي تتزوج دير المستحيل باش تحافظ على راجلها وتولي وتعبدو وطيعو كي الملك وتشوف فيه الامان

بعد دار باباها على هديك الراجل يلقى بلي زوجته ديرلو حوايج مالقاهمش عند امه وتتهتم فيه اكثر من منها

يولي الزوج يسمع لزوجته ويلبي طلباتها ممكن اكثر من امه


هدي ماعندها حتى علاقة بالسحر هي مسالة معاملة برك

المهم نشكرك خويا على موضوعك القيم وقول لصاحبك كي تتزوج رايحة تتنحالك علامات الاستفهام لي في راسك

 

[zahira92]

اييييييييييييييييييييييييييه صح عندك الحق راني شفتها في عصام راجل لطفية كي تبدل على امو سعاد ههههههههههههه مشكور اخي على الموضوع.

 

[المتفائلة_91]

علاه راك حاير ياخي ولات نورمال


كله راجع للشخصية قوتها او ضعفها ،،



سلامووو​

 

[بسمةالحياة]

من الصبح وانتوم تحكيو تعقدو وتفكو بصح ما فهمتش شكون الضالم الزوجة والا الزوج في رايكم طبعا ....
راني نشوف بلي الاغلبية حصلوها في المراة بصح انا نشوف العكس الرجل هو السبب حتى واذا كانت مرتو ماشي مليحة مع يماه هو ما يقولش في جرت مرتي مانيش مليح مع يما قبل كل شيئ راهي يماه وهو لي يخلي مرتو بلعقلية والا بسيف تحترم امو و تقدرها هذا اذا كانت مرتو هي لي ماشي مليحة وسوايع تلقى المراة مليحة ومليحة مع يماه بصح هو اصلا ما يقادرش يماه كيفاه رايحة مرتو تقدرها انا ما نقولش الراجل لازم يتبع راي يماه والا مرتو وهو وين راه رايو لازم يتبع الراي الصحيح ويكون راجل ماشي الريح لي جاء يديه لازم يفهم مرتو حدودها اذا ما فهمتهمش ...
انا هاذو هو رايي و الله اعلم....
وفي هاذ الوقت نادرا باه تلقى راجل مد ليماه حقها ولمرتو اما تلقاه حاقر مرتو واما ماشي لاتي بيماه وربي يهدينا ويسترنا​

 

[***بنت الوادي***]

لا لا لا لا أختي ماتكونيش من الغالطين لأن الام تحب ولدها

مليح هل ترضي انتي ان اقول لكي ان امكي لا تحبكي انا

منيش عارف بصح انتي عارفا انا امك راهي تحبك واش قلتي

وامك تحب مرت خوك ولا لا لا اعطيني الرأي نتاعك ؟
​

انت ما فهمتش رايي... أنا اكيد أمي تحبني

واتحب نساء أخوتي كيما تحبنا حنا بناتها..

وعلى هذا الأساس العلاقة مليحة مع أخوتي

وأمي ونفس الوقت مع أخوتي ونساءهم ...

وأما كاين أمهات ربي يهديهم ما يحملوش الكنة

حتى ولو كانت للهم كالجنة وأنا نعرف منهم

ياسر وهنا الزوج راح يجي مع الحق أي مع

مرته ويساير أمه مسايرة على انها هي لعندها

الحق..وشكرا على الموضوع في قمة الأهمية.

 

[rafiksat39]

انا عندي الي ينشي بهاذي العقلية


مراهوش راجل الي خلي مرتو تنسيه



في امو الي حملاتوتو 9اشهر وقاست


باه زيداتو تقبل نروري صحا فطورك
​