نقـــــــطة تحول

[@احساس طفلة@]

هاذي أول مشاركة لي في هاذ المنتدى نتمنى التفاعل
ندخل في الموضوع
أكيد كل واحد فينا عندو نقطة تحول في حياتو
وتختلف من شخص لاخر
أنا مثلا اليوم الي ربحت فيه الباك كان عبارة على نقطة تحول بانسبة لي
من النهار الي بديت نكبر وأنا حاطة قدامي غير الباك
وكنت نتوقع انو النهار الي نربح الباك راح تتغير حياتي تماما
وأكيد كنت نتوقع انها تتغير للأحسن وراح نولي انسانة أخرا
طبعا تصدمت بالواقع المر انها الحياة متتغيرش
وهاد الشيئ اعتبرته نقطة تحول في حياتي لاني تأكدت مهما يكون مشاكل الحياة راح تزيد مع زيادة العمر وراح تزيد المسؤلو يات و راح تبقى حتى الممـــــــــــــــات
أكيد كل واحد فيكم عندو قصة يحكيهالنا ​

شكرا للمتابعة وصحا فطوركم​

 

[** غزال الصحراء **]

صحا فطورك
صح قاع قبل ما ندو الباك كنا نتسنو في قفزة من حياة إلى حياة , مي في بلادنا كلش كيف كيف //

صح في فرنسا مثلا تحس بالتغير في حياتك , هنا والو روتين و خلاص
خاصة حنا الشباب , الديبلوم و قادر ما يديرلكش تغير بإستثناء أنو ولات عندك ( ورقة ) زيادة في البيبليوتاك تاعك

موضوع مليح و نتسناو نشوفو نقاط التحول في حياة الأعضاء
فيلامان .

 

[kano88]

الله غالب حاولت نتحول مقدرتش
ملي نحاول تفشل ...
و أ خيرا ديت البااااااااااااااك
ووووووووووووووووو زدت فشلت .......
و آخيرااااااااااااا تخرجت .............
ووووووووووووووو ما ديت والو .... هههههههه
ياو والو و نحاوهولي ... مخلاوهش ....
في الختام ....
مزال معنديش نقطة تحول مهبول يقعد مهبول
صح فطوركم​

 

[dana1993]

سلام اختي
نقطة تحول مم ايه كان نقطة تحول مانيش عارفاتها بصح كاينا حاسة بيها
ربي يصلح ان شاء الله و لعلى ليبروبلام لواح ميهناش حتى يلوحو عليه التراب

 

[صمت الذكريات]

بالنسبة لي كنت متؤكدة ان البكالوريا لن يغير شيئا في حياتي
نقطة التحول بالنسبة لي هو اليوم الذي خرجت فيه من عالم الرومانسية و الاحلام الى عالم الواقع

 

[المتفائلة_91]

انا في حياتي كامل ماجتنش حتى نقطة تحول ، حتى نص نقطة ماكانش ، كله كيف كيف ، كيما البارح كيما الشهر اللي فات كيما غدوة كيما الشهر الجاي ،، والله ماكاينة لا نقطة تحول لا والو

موضوع هيلول كيما مولاته


صح فطورك

سلامووووو​

 

[aMiNa-K]

اييييييييييييييييي جازت عليا وحد النقطة تحول .. قلبت حياتي 180 درجة
و امينة قبل التارمينال مبدلة كامل على امينة مور التارمينال
و السبب ماشي الباك بصح تعتبر من خصوصياتي مانقدرش نحكيها :no_1:​

 

[الرومنسي الجاد]

حاولت نتحول من بيكاتشو لسنورلاكس . .

مي مقدرتش . . الروتين راه هالكتا . .

عايشين ف بلاد الميزيرية الله غالب رانا صابرين و صايي . .

يرحمها ربي ان شاء الله ..
​

 

[يسرى 2008]

اختي انا مازلت صغيرة
مي حلمي درك ندي البيام ب 18 وبنلغ المركز الاول
ونتوقع كان ديتو بهكا رايحة تتبدل حياتي
باللحظة هاديك برك ومبعد ترجع نورمال
وحلمي اني ندي الباك ب 16 باش نولي طبيبة
وكان تتحقق رايحة تتبدل حياتي باللحظة هاديك
وحلمي ندخل كلية تاع الطب وكان تتحقق رايحة تتبدل حياتي باللحظة هاديك
وحلمي نروح نقرا في بلاد برا
وكان تحقت تتبدل حياتي خلاه
يمكن انا عايشة في عالم احلام
وعايشة في بيئة محدودة تاع الاحلام
ولا محال لها باش تتحقق بصح على القليلة اني عندي حلم في حياتي
وعايشة بيه خرمن منعيش بلا احلام وتكون حياتي تعيسة
انا نحب نحقق احلامي وعندي طموح ونوتق بالحظ
وان شاء الله الحظ يكون محالفني شكرا ليك

 

[meriem150491]

في بلادنا منظنش كانت نقطة تحول

 

[DARINE05]

نقطة التحول تاعي لي حابة نعيشها نولي طبيبة بربي انشاء الله

 

[ياقوتة الصحراء]

انا نظن بلي اهم نقطة تحول عند الانسان هو الزواج
انا عندي نقطة انعطاف مش نقطة تحول وهي كي ديت الباك

 

[رفيق الخير]

نقطة تحولي عشقي لأنثى عشقة غيري

شكرا ​