هالة
:: عضو مُشارك ::
- إنضم
- 27 أوت 2006
- المشاركات
- 101
- نقاط التفاعل
- 207
- النقاط
- 13
السلام عليكم ورحمة الله تعالى وبركاته
بصراحة منيش عارفة من وين نبدا او على اي شيئ واجعني نحكي لانو الي واجعني كثير بزاف وصعب نحصره هنا ونحكيه لكن الي نعرفه اني موجوعة وجع صعب نفسره او نشرحه او نلقاله العبارات حكايتي انو انتيمتي او نقول اختي الي مجابتهاش امي وصديقتي الغالية وتوام روحي كل هذو كنت مدايرتهم في صديقتي لكن غدرتني للاسف وطعنتني بسيف بارد ولحد الان مشي مصدقة .هذي يااخوتي صديقتي عندي معاها اكثر من عشر سنوات عشرة وملح واخوة ومحبة وسري كامل معاها منقدرش نرقد او يفوت عليا يوم بدون منكلمها او نشوفها كلينا مع بعض وخرجنا مع بعض وشربنا مع بعض وضحكنا وبكينا وحكينا بالساعات مع بعض هي سري عندها وسرها عندي وكون تتالم الف بسيط انا نتالم اكثر منها نحبلها الخير اكثر من روحي ونفرح لفرحتها كاني انا ويشهد ربي لو تزيد عليها حاجة نحسها زيادة فيا وش نقول ولا وش نحكي من سنين وايام وعمر فوتناه مع بعض كنت نحس بالونس وانا معاها نحس كانو عندي ضهر لما نتالم او نتوجع نلقى عن شكون نبكي ونشكي بالرغم من انو عندي اخوات لكن جامي نحكيلهم مثلها مدايرتها اختي وحبيبتي ونعزها ونحبها حب كبير صدقوني ياخاوتي راني نحكي ونبكي كبرت علاقتنا حتى وصلت للعائلات امي وامها وابي وابوها واخي واخوها يعني ولينا تقول عايلة وحدة وبصراحة اهلها ناس ملاح ويحبوني حتى برى عرفونا الناس ويقولو علينا تقول توام حتى لحوانيت والمطاعم والبيتزيريات حفضونا وكانو يغيرو من صداقتنا وطورت الصداقة وعرفتها بجدتي وليت نديها ليها ولخالاتي وعماتي وبنات عمي ونديها معايا لاهلي حتى ولاو يحبوها ويعتبروها جزء اساسي في حياتي كون نبقى نحكي لللغدوة منوصلش ليكم كيف كانت العلاقة بالرغم من انها اكبر مني باربعة سنوات لك تلاقينا بالعقلية كنت نحترمها وجامي نوعلها قلبها بكلمة ولا نقوللها شيئ يزعجها والغالي عندي يرخس فيها والصعب فيها يسهال مكاش مرة احتاجتني وملقاتنيش وهي تاني نفس الشيئ لكن للاسف بدات تتغير من فترة تقدملها شخصين لخطبتها وكانت هي غير ترفض يخي قاتلي امها وخواتاتها المزوجين لو تحبيها ومدايرتها خيتك انصحيها وقوليلها علاه راكي ترفضي نصحتها ويشهد ربي نصيحة اخت وحبيبة لختها وقتلها فكري واستخيري وعلاه راكي ترفضي ردت عليا بقساوة وقاتلي لو تحبيني متفتيحليش هذا الموضوع وزيد انتي لو تقدمولك توافقي :s انتي قاعددة غير تتخيري وانا تقولي لي وافقي قتلها انا قتلك فكري وزيد مدام زعلتي هذي اخر مرة ندخل فيك هذي حياتك وانتي حرة وانا راني غير من مصلحتك قاتلي اخر مرة تكلميني قتلها اسمحيلي وربي يقدملك الخير من يومها بدات الطفلة تتغير وصارت اي شيئ نشريه تشري كيفه واي شيئ نفكر فيه تقول انا تاني لاحظت امي وخواتاتي هذا الشيئ قتلهم معليش راهو يعجبها ذوقي عادي صارت تقلد بطريقة عمياء وكنت انا بيني وبين نفسي نفرح ونقول معليش خيتي وانا كي نشري حاجة نوريها ونقوللها اشري كيفي وننصحها ونوريلها وانا بقمة سعادتي حتى تمادات وصارت تقلدي حتى في حياتي الخاصة وتقلي نفس المواصفات الي مدايرتهم في شريك حياتك انا تاني هكذا علاه انا بواش ناقصة عليك :- نقوللها ربي يقدملك الخير ياحبيبتي وربي يعلم راني نفرحلك مثل نفسي وصارت اي رجل يتقدم ترفضه على طول بدون متعرف اي شي عليه لانها مدايرة في بالها لازم كيفي لاحظت امها هذا الشيئ وقاتلي يابنيتي انصحيها قتلها ياميمتي راهي زعلت قاتلي معليش من صلاحها خليتها وسكتت مع الوقت صارت عصبية واي كلمة تزعف منها حملتها وقلت معليش حتى اخر مرة واه من اخر مرة المرة الي خلات خيتي تصبح وش نقول غدارة او خاينة او ناكرة العشرة والله راني نقول هكذا وجاييني كبار كيفاه جاء النهار الي نقول فيه هكذا على توام روحي في هذا اليوم المشؤوم خرجنا مع بعض للسوق ويومها من صباحها وهي زعلانة كنت وقتها رايحة انا نشري وهي عندها اوراق تدفعهم قتلها شوفي نبداو بصوالحك ومن ثم نروحو نشرو قاتلي ايه بصح متعوديش من حانوت لحانوت تدخلي وتخرجي راني مشي قادرة نمشي الي تلقايها اشريها سكتت لاني ملاحظة انو من الصباح مشي مليحة بالرغم من انو انا بتلك الفترة كنت نمر بضروف صعبة جدااااااا وكنت محتاجة قربها ليا رحنا للمكان الي محتاجة اوراق منه لقينا مغلق ثم رحنا للمكتب الثاني قالولها نفتحو يوم الاحد تقلقت وقعدت تقول في كلام مشي مليح قتلها علاه راكي تقلقي في روحك معليش الاحد وروحي ولعل في هذا خير قاتلي بنظرة قاسيةكيفاه تحوسيني منتقلقش كون جيتي في مكاني متتقلقيش قاتلي راهي غاضتني منك قتلها انا راني من مصلحتك حتى متتلقيش على ابسط الامور خلي المرة الجاية ويفتحها ربي رحنا حتى نشري وش يخصني كانت تمشي معايا وتتذمر واي حاجة نقوللها شوفيهالي تقلي مشي مليحة مشريت ولى شيئ بعدها قاتلي راني محتاجة نروح لوحد السايغ وهذا السايغ بعيد يعني لازم نحكمو طاكسي حتى توصلنا قاتلي نحكمو طاكسي وبالنص نسلكو الاجرة لانه كيما قتلكم بعيد والطاكسييور يقلك لازم حق زوج مرات تعطوني قتلها اوكي نروحي حكمناها ورحنا .السايغ هذا جاي بمنطقة معزولة شوي يعني تديك طاكسي وترجعك اخرى لما حطنا عندو لقيناه مغلق وقتها كانت 11 ونص قتلها دوكا وش نديرو وقاللنا الطاكسي تقعدو هنا في هذا الوقت قتلو انا لالا رجعنا لمكانا واحنا راكبين قتلها شوفي منقعدوش هنا وحدنا قاللنا كي نرجعكم نخلص عليكم 3 مرات قتلو انا اوكي قتلها انا نخلص الي فاتو وانتي هذي المرة قاتلي لالالالا معنديش الدراهم خلصيهم انتي كامل ولا نقله دوكا يحبس في الطريق قتلها انا لالا قعد يقول نهبطكم قتلو انا لالا كمل طريقك وسكتت ولما وصلنا خلصتو فيهم كامل وبالضعف وسكتت في قلبي قلت مالها صحبتي هكذا ومحاورتهاش ولا قتلها كذبتي عليا ولا اي شيئ ولاحتى علاه مخلصتيش سكتت واصلت تسوقي وتكلمت معاها عادي وكان شيئ لم يكن دخلنا لمحل شريت مكياج لما شافته قاتلي نشري كيفه قتلها اوكي المرة الجاية نروح معاك دخلنا لمحل اخر شرات زيت انا وريتولها قتله انا اعطيني تاني واحد قاتله هي انا اعطيني 2 قاللها باقيين 2 برك قاتلو نديهم انا انا الي قلت الاولى عليهم قدام السيد قتلها انا معليش اديهم وخرجت وبلعتها بحلقي كملت صوالحي واحنا راكبين في البيس خلاصلي الصرف بقاتلي 200 الف مجمولة قتلها صحة خلصيه راهو خلاصلي الصرف وكي نصرف نرجعلك قاتلي لالالا معنديش وهي تخلص في بلاصتها ويرجعلها في الصرف :s عطيته الميتين قالي اعطيني الصرف واش على الف راك تعطيني ميتين الف قتله معنديش الصرف . غاضتني في صحبتي بزاف وقتلها كون غير سلفتيني ومنباعد نردلك راكي عارفة راني قبيل كملت كامل الصرف انا نقول هذي الكلمة ودور عليا امام الناس وهي مقلقة واش راكي تمعنيلي على قبيلة كي خلصتي وقسما بالله غير نوصل للدار ونبعثلك دراهمك انا تخلعت
قتلها راكي عارفة بلي انا مشي هكذا وزيد مشي رايحة نجاوبك راكي مقلقة ولو نجاوبك يصرى مشكل والشيطان راهو دخل بينا قاتلي ايه اسكتي راكي عارفة روحك غالة المئة بالمئة قتلها خلاص اسكتي الناس راها تشوف فيك وانا مشي رايحة نتحاور معاك وانتي هاك قاتلي قسما بالله غير لعشية نبعثلك الدراهم مع اختي قتلها انا مشي رايحة نشدهم عليك قاتلي قتلك نبعثهملك قتلها تبعثيهم نرجعهملك ولا نعطيهم لاختك ولو تبعثيهم رايحة تخسريني قاتلي ايه نخسرك نورمال :cray02: هبنا من البيس وشريتلها لاكريم وعطيتها قاتلي لالا مناكلش قتلها غير كولي قاتلي لالا سكتت قعدت بحذايا في البيس ومن ثم ناضت قاتلي قاتلي راهي ضايقة روحي من هذي البلاصة سكتت طول الطريق وهي ساكتة مكلمتنيش وانا نحاول نكلمها وهي ساكتة لما وصلنا وهبطنا قاتلي بسلامة ولعشية نبعثلك دراهمك سكتت انا ومن يوم الي تفارقنا لحد الدقيقة وهي اخبارها منقطعة عليا عندنا اليوم 14 يوم وانا قلت معليش راها مقلقة نخليها ويوم ورا الثاني وساعة ورا الاخرى حتى امس مصبرتش قلت نكلمها اولا لوجه الله وثانيا لانها كانت بيوم تعنيلي كل شيئ بدنيتي كلمتها رن اتليفون المرة الاولى مردتش قلت مسمعاتوش المرة الثانية مردتش المرة الثالثة تاني مردتش قلت يمكن لاهية ومردتش مع اني متاكدة في نفسي انها قاصدة متردش لاني نعرفها مليح كانت ترد عليا ولو تكون بالحمام وتقلي راني بالحمام وحتى لو متسمعش تليفونها ترجع تكلمني لما تلقى اتصالاتي عطيتها اعذار وانا بايتة حايرة اليوم الصبح قلت نرجع نكلمها مرة اخرى اولا لوجه الله وثانيا لاني مشي حقودة ومنحبش الخصام وحتى تطلع صلاتي وثالثا لانها كانت وكانت يوما ما ولاني مشي نكارة للعشرة والملح ولاني وفية وحبيتها على صدق كلمتها المرة الاولى ردت وسكتت لما قلت الو الو .. غلقت المكالمة :cray02: تخلعت وقلت يمكن بالخطا عاودت الاتصال بنفس الوقت مرة واثنان :cray02: للاسف مردتش معرفتش روحي وين راني او هذي حقيقة او خيال بديت نبكي ونبكي ونبكي مثل الاطفال وحاسة بحرقة كبيرة بحلقي وغصة خانقتني فوضت امري لله ورقدت وانا بكيانة لما فقت لقيت راسي رايح يتفجر وجنب ايدي اليسرى يوجعني سالتني امي وقاتلي مالك وكيف قدرتو تصبرو على بعضاكم قتلها راهي مقلقة برك قلت نخليها خفت كيفاه نقولها لامي الي تحبها وتدعيلها لما تدعيلي تشاركها بالدعاء حست امي انو كاين شيئ لكن محبيتش نقلق امي لان امي مريضة وتعبانة وبقيت نقاسي وحدي حتى خواتاتي مقدرتش نقوللهم لاني حشمانة ومشي لاقية وش نقول هل عشرة السنين تنتهي بربع دينار :s الي فكرت فيه هو هنا قلت نفرغ قلبي حتى ومزاله مليان انا الليل ومشي نرقد بالمنومات ومشي نرقد والله العضيم مني حابة هكذا راني حاسة بانهيار داخلي وحرقة واحساس غريب جدا صعب نوصفه والله غايضني الحال على خيتي كيف قدرت تنهي علاقتنا بدون سبب خممت حتى تعب وش السبب لقيته مكانش ومن جيست اليوم ثبتتلي انو خلاص مشي حابة نرجع .دوكا وش نقول لامي وخواتاتي ولابي ولاخي ولاعماتي ولخالاتي وبنات عمي وصحاباتنا لما يسالوني عنها لما نروح للمحلات لما يسالوني عنها لما نروح للبيتزيريا كل هذا كوم واخلاصي وحبي واحترامي وتقديري ليها كوم ثان صحيح كثير منكم الي يقرا رسالتي يقول وهذي علاه راهي دير هكذا خليها الي يبدلك بالفول بدليه بقشوره والي يقول مميهمكش فيها خليها والي قول انسايها كل هذا انا نعرفه ونعرف اكثر منه لكن كيف تقدر شخص تخلصله ويكون جزء اساسي بحياتك تنحيه منها فعلا انا باختبار كبير بزاف دموعي مانشفت ولا متخيلة انو صديقتي وتوام روحي تخلات عليا بسهولة وكل كلامها ليا لما كانت تقول راكي اكثر من اخت خسرتني بالف راك :cray02: وانا مشي نقول هكذا راني حابتها ترجع لانو حتى لو ترجعلي اكيد مشي رايحة نصدها ونرجعلها لوجه الله لكن كسرت شيئ كبير بداخلي والشيئ المكسور لما يتصلح مايرجع مثل قبل الشيئ االي نتمناه من ربي الان انه يفرج همي وغمي وياجرني بمصيبتي ويخلفلي خيرا منها ويعطيني القوة على فراقها ويعوضني احسن منها ويطفي النار الي في قلبي ونصيحة لوجه الله لكل من قرا رسالتي اياكم تبالغو بحبكم لشخص ما وتخلوه يكون اهم شيئ بحياتكم حتى لاتكون الصدمة قوية وتاثر على نفسيتكم لانو ليس هناك اناس يتغيرون بل هناك اقنعة تسقط لانو علاقتي انا مع صدقتي كانت مثل الصخرة لكن حطمتها باغبى تصرف .لقد لقنتني الدنيا درسا قاسيا اليوم درس لن انساه ماحييت وصدقوني انا اعني مااقول اقسم بالله صعب انسى صديقتي مهما مرت السنين وسابقى اتذكر كل لحظة مريتها معها وبحلقي غصة صحيح انسحبت من حياتي لكنها انسحبت بطريقة اشد من العذاب وخلت في نفسي سؤال يتكرر كل مااتذكرها ماهو السبب والاصعب لو قلت ان السبب هو دنانير معدودة لو تعطى لطفل مااشترت له حتى حلوى .صحيح لا صداقة تنفع ولا حب يدوم هذا حال الدنيا لكن اسال الله ان يقدرني لما يجي يوم وامر بجانبها واسلم عليها سلام عادي واقول كانت اختي يوما وليتها ماماتت .اتمنى من كل من قرا رسالتي يدعو لي الله يفرج همي وشكرا لكل من اهتم وقراها .في النهاية اقول لك ياصدقيتي وانتي لاتسمعينني الوداع يااختي انا من هي اللحظة اعتبرتك فارقتي الحياة وقرات عليك الفاتحة لانني لا استطيع ان اتخيل انكي موجودة بالدنيا وانا وانتي متفارقان الوداع يامن تمنيت لو استطيع اضيفك لدفتر العائلة :cray01:
بصراحة منيش عارفة من وين نبدا او على اي شيئ واجعني نحكي لانو الي واجعني كثير بزاف وصعب نحصره هنا ونحكيه لكن الي نعرفه اني موجوعة وجع صعب نفسره او نشرحه او نلقاله العبارات حكايتي انو انتيمتي او نقول اختي الي مجابتهاش امي وصديقتي الغالية وتوام روحي كل هذو كنت مدايرتهم في صديقتي لكن غدرتني للاسف وطعنتني بسيف بارد ولحد الان مشي مصدقة .هذي يااخوتي صديقتي عندي معاها اكثر من عشر سنوات عشرة وملح واخوة ومحبة وسري كامل معاها منقدرش نرقد او يفوت عليا يوم بدون منكلمها او نشوفها كلينا مع بعض وخرجنا مع بعض وشربنا مع بعض وضحكنا وبكينا وحكينا بالساعات مع بعض هي سري عندها وسرها عندي وكون تتالم الف بسيط انا نتالم اكثر منها نحبلها الخير اكثر من روحي ونفرح لفرحتها كاني انا ويشهد ربي لو تزيد عليها حاجة نحسها زيادة فيا وش نقول ولا وش نحكي من سنين وايام وعمر فوتناه مع بعض كنت نحس بالونس وانا معاها نحس كانو عندي ضهر لما نتالم او نتوجع نلقى عن شكون نبكي ونشكي بالرغم من انو عندي اخوات لكن جامي نحكيلهم مثلها مدايرتها اختي وحبيبتي ونعزها ونحبها حب كبير صدقوني ياخاوتي راني نحكي ونبكي كبرت علاقتنا حتى وصلت للعائلات امي وامها وابي وابوها واخي واخوها يعني ولينا تقول عايلة وحدة وبصراحة اهلها ناس ملاح ويحبوني حتى برى عرفونا الناس ويقولو علينا تقول توام حتى لحوانيت والمطاعم والبيتزيريات حفضونا وكانو يغيرو من صداقتنا وطورت الصداقة وعرفتها بجدتي وليت نديها ليها ولخالاتي وعماتي وبنات عمي ونديها معايا لاهلي حتى ولاو يحبوها ويعتبروها جزء اساسي في حياتي كون نبقى نحكي لللغدوة منوصلش ليكم كيف كانت العلاقة بالرغم من انها اكبر مني باربعة سنوات لك تلاقينا بالعقلية كنت نحترمها وجامي نوعلها قلبها بكلمة ولا نقوللها شيئ يزعجها والغالي عندي يرخس فيها والصعب فيها يسهال مكاش مرة احتاجتني وملقاتنيش وهي تاني نفس الشيئ لكن للاسف بدات تتغير من فترة تقدملها شخصين لخطبتها وكانت هي غير ترفض يخي قاتلي امها وخواتاتها المزوجين لو تحبيها ومدايرتها خيتك انصحيها وقوليلها علاه راكي ترفضي نصحتها ويشهد ربي نصيحة اخت وحبيبة لختها وقتلها فكري واستخيري وعلاه راكي ترفضي ردت عليا بقساوة وقاتلي لو تحبيني متفتيحليش هذا الموضوع وزيد انتي لو تقدمولك توافقي :s انتي قاعددة غير تتخيري وانا تقولي لي وافقي قتلها انا قتلك فكري وزيد مدام زعلتي هذي اخر مرة ندخل فيك هذي حياتك وانتي حرة وانا راني غير من مصلحتك قاتلي اخر مرة تكلميني قتلها اسمحيلي وربي يقدملك الخير من يومها بدات الطفلة تتغير وصارت اي شيئ نشريه تشري كيفه واي شيئ نفكر فيه تقول انا تاني لاحظت امي وخواتاتي هذا الشيئ قتلهم معليش راهو يعجبها ذوقي عادي صارت تقلد بطريقة عمياء وكنت انا بيني وبين نفسي نفرح ونقول معليش خيتي وانا كي نشري حاجة نوريها ونقوللها اشري كيفي وننصحها ونوريلها وانا بقمة سعادتي حتى تمادات وصارت تقلدي حتى في حياتي الخاصة وتقلي نفس المواصفات الي مدايرتهم في شريك حياتك انا تاني هكذا علاه انا بواش ناقصة عليك :- نقوللها ربي يقدملك الخير ياحبيبتي وربي يعلم راني نفرحلك مثل نفسي وصارت اي رجل يتقدم ترفضه على طول بدون متعرف اي شي عليه لانها مدايرة في بالها لازم كيفي لاحظت امها هذا الشيئ وقاتلي يابنيتي انصحيها قتلها ياميمتي راهي زعلت قاتلي معليش من صلاحها خليتها وسكتت مع الوقت صارت عصبية واي كلمة تزعف منها حملتها وقلت معليش حتى اخر مرة واه من اخر مرة المرة الي خلات خيتي تصبح وش نقول غدارة او خاينة او ناكرة العشرة والله راني نقول هكذا وجاييني كبار كيفاه جاء النهار الي نقول فيه هكذا على توام روحي في هذا اليوم المشؤوم خرجنا مع بعض للسوق ويومها من صباحها وهي زعلانة كنت وقتها رايحة انا نشري وهي عندها اوراق تدفعهم قتلها شوفي نبداو بصوالحك ومن ثم نروحو نشرو قاتلي ايه بصح متعوديش من حانوت لحانوت تدخلي وتخرجي راني مشي قادرة نمشي الي تلقايها اشريها سكتت لاني ملاحظة انو من الصباح مشي مليحة بالرغم من انو انا بتلك الفترة كنت نمر بضروف صعبة جدااااااا وكنت محتاجة قربها ليا رحنا للمكان الي محتاجة اوراق منه لقينا مغلق ثم رحنا للمكتب الثاني قالولها نفتحو يوم الاحد تقلقت وقعدت تقول في كلام مشي مليح قتلها علاه راكي تقلقي في روحك معليش الاحد وروحي ولعل في هذا خير قاتلي بنظرة قاسيةكيفاه تحوسيني منتقلقش كون جيتي في مكاني متتقلقيش قاتلي راهي غاضتني منك قتلها انا راني من مصلحتك حتى متتلقيش على ابسط الامور خلي المرة الجاية ويفتحها ربي رحنا حتى نشري وش يخصني كانت تمشي معايا وتتذمر واي حاجة نقوللها شوفيهالي تقلي مشي مليحة مشريت ولى شيئ بعدها قاتلي راني محتاجة نروح لوحد السايغ وهذا السايغ بعيد يعني لازم نحكمو طاكسي حتى توصلنا قاتلي نحكمو طاكسي وبالنص نسلكو الاجرة لانه كيما قتلكم بعيد والطاكسييور يقلك لازم حق زوج مرات تعطوني قتلها اوكي نروحي حكمناها ورحنا .السايغ هذا جاي بمنطقة معزولة شوي يعني تديك طاكسي وترجعك اخرى لما حطنا عندو لقيناه مغلق وقتها كانت 11 ونص قتلها دوكا وش نديرو وقاللنا الطاكسي تقعدو هنا في هذا الوقت قتلو انا لالا رجعنا لمكانا واحنا راكبين قتلها شوفي منقعدوش هنا وحدنا قاللنا كي نرجعكم نخلص عليكم 3 مرات قتلو انا اوكي قتلها انا نخلص الي فاتو وانتي هذي المرة قاتلي لالالالا معنديش الدراهم خلصيهم انتي كامل ولا نقله دوكا يحبس في الطريق قتلها انا لالا قعد يقول نهبطكم قتلو انا لالا كمل طريقك وسكتت ولما وصلنا خلصتو فيهم كامل وبالضعف وسكتت في قلبي قلت مالها صحبتي هكذا ومحاورتهاش ولا قتلها كذبتي عليا ولا اي شيئ ولاحتى علاه مخلصتيش سكتت واصلت تسوقي وتكلمت معاها عادي وكان شيئ لم يكن دخلنا لمحل شريت مكياج لما شافته قاتلي نشري كيفه قتلها اوكي المرة الجاية نروح معاك دخلنا لمحل اخر شرات زيت انا وريتولها قتله انا اعطيني تاني واحد قاتله هي انا اعطيني 2 قاللها باقيين 2 برك قاتلو نديهم انا انا الي قلت الاولى عليهم قدام السيد قتلها انا معليش اديهم وخرجت وبلعتها بحلقي كملت صوالحي واحنا راكبين في البيس خلاصلي الصرف بقاتلي 200 الف مجمولة قتلها صحة خلصيه راهو خلاصلي الصرف وكي نصرف نرجعلك قاتلي لالالا معنديش وهي تخلص في بلاصتها ويرجعلها في الصرف :s عطيته الميتين قالي اعطيني الصرف واش على الف راك تعطيني ميتين الف قتله معنديش الصرف . غاضتني في صحبتي بزاف وقتلها كون غير سلفتيني ومنباعد نردلك راكي عارفة راني قبيل كملت كامل الصرف انا نقول هذي الكلمة ودور عليا امام الناس وهي مقلقة واش راكي تمعنيلي على قبيلة كي خلصتي وقسما بالله غير نوصل للدار ونبعثلك دراهمك انا تخلعت
قتلها راكي عارفة بلي انا مشي هكذا وزيد مشي رايحة نجاوبك راكي مقلقة ولو نجاوبك يصرى مشكل والشيطان راهو دخل بينا قاتلي ايه اسكتي راكي عارفة روحك غالة المئة بالمئة قتلها خلاص اسكتي الناس راها تشوف فيك وانا مشي رايحة نتحاور معاك وانتي هاك قاتلي قسما بالله غير لعشية نبعثلك الدراهم مع اختي قتلها انا مشي رايحة نشدهم عليك قاتلي قتلك نبعثهملك قتلها تبعثيهم نرجعهملك ولا نعطيهم لاختك ولو تبعثيهم رايحة تخسريني قاتلي ايه نخسرك نورمال :cray02: هبنا من البيس وشريتلها لاكريم وعطيتها قاتلي لالا مناكلش قتلها غير كولي قاتلي لالا سكتت قعدت بحذايا في البيس ومن ثم ناضت قاتلي قاتلي راهي ضايقة روحي من هذي البلاصة سكتت طول الطريق وهي ساكتة مكلمتنيش وانا نحاول نكلمها وهي ساكتة لما وصلنا وهبطنا قاتلي بسلامة ولعشية نبعثلك دراهمك سكتت انا ومن يوم الي تفارقنا لحد الدقيقة وهي اخبارها منقطعة عليا عندنا اليوم 14 يوم وانا قلت معليش راها مقلقة نخليها ويوم ورا الثاني وساعة ورا الاخرى حتى امس مصبرتش قلت نكلمها اولا لوجه الله وثانيا لانها كانت بيوم تعنيلي كل شيئ بدنيتي كلمتها رن اتليفون المرة الاولى مردتش قلت مسمعاتوش المرة الثانية مردتش المرة الثالثة تاني مردتش قلت يمكن لاهية ومردتش مع اني متاكدة في نفسي انها قاصدة متردش لاني نعرفها مليح كانت ترد عليا ولو تكون بالحمام وتقلي راني بالحمام وحتى لو متسمعش تليفونها ترجع تكلمني لما تلقى اتصالاتي عطيتها اعذار وانا بايتة حايرة اليوم الصبح قلت نرجع نكلمها مرة اخرى اولا لوجه الله وثانيا لاني مشي حقودة ومنحبش الخصام وحتى تطلع صلاتي وثالثا لانها كانت وكانت يوما ما ولاني مشي نكارة للعشرة والملح ولاني وفية وحبيتها على صدق كلمتها المرة الاولى ردت وسكتت لما قلت الو الو .. غلقت المكالمة :cray02: تخلعت وقلت يمكن بالخطا عاودت الاتصال بنفس الوقت مرة واثنان :cray02: للاسف مردتش معرفتش روحي وين راني او هذي حقيقة او خيال بديت نبكي ونبكي ونبكي مثل الاطفال وحاسة بحرقة كبيرة بحلقي وغصة خانقتني فوضت امري لله ورقدت وانا بكيانة لما فقت لقيت راسي رايح يتفجر وجنب ايدي اليسرى يوجعني سالتني امي وقاتلي مالك وكيف قدرتو تصبرو على بعضاكم قتلها راهي مقلقة برك قلت نخليها خفت كيفاه نقولها لامي الي تحبها وتدعيلها لما تدعيلي تشاركها بالدعاء حست امي انو كاين شيئ لكن محبيتش نقلق امي لان امي مريضة وتعبانة وبقيت نقاسي وحدي حتى خواتاتي مقدرتش نقوللهم لاني حشمانة ومشي لاقية وش نقول هل عشرة السنين تنتهي بربع دينار :s الي فكرت فيه هو هنا قلت نفرغ قلبي حتى ومزاله مليان انا الليل ومشي نرقد بالمنومات ومشي نرقد والله العضيم مني حابة هكذا راني حاسة بانهيار داخلي وحرقة واحساس غريب جدا صعب نوصفه والله غايضني الحال على خيتي كيف قدرت تنهي علاقتنا بدون سبب خممت حتى تعب وش السبب لقيته مكانش ومن جيست اليوم ثبتتلي انو خلاص مشي حابة نرجع .دوكا وش نقول لامي وخواتاتي ولابي ولاخي ولاعماتي ولخالاتي وبنات عمي وصحاباتنا لما يسالوني عنها لما نروح للمحلات لما يسالوني عنها لما نروح للبيتزيريا كل هذا كوم واخلاصي وحبي واحترامي وتقديري ليها كوم ثان صحيح كثير منكم الي يقرا رسالتي يقول وهذي علاه راهي دير هكذا خليها الي يبدلك بالفول بدليه بقشوره والي يقول مميهمكش فيها خليها والي قول انسايها كل هذا انا نعرفه ونعرف اكثر منه لكن كيف تقدر شخص تخلصله ويكون جزء اساسي بحياتك تنحيه منها فعلا انا باختبار كبير بزاف دموعي مانشفت ولا متخيلة انو صديقتي وتوام روحي تخلات عليا بسهولة وكل كلامها ليا لما كانت تقول راكي اكثر من اخت خسرتني بالف راك :cray02: وانا مشي نقول هكذا راني حابتها ترجع لانو حتى لو ترجعلي اكيد مشي رايحة نصدها ونرجعلها لوجه الله لكن كسرت شيئ كبير بداخلي والشيئ المكسور لما يتصلح مايرجع مثل قبل الشيئ االي نتمناه من ربي الان انه يفرج همي وغمي وياجرني بمصيبتي ويخلفلي خيرا منها ويعطيني القوة على فراقها ويعوضني احسن منها ويطفي النار الي في قلبي ونصيحة لوجه الله لكل من قرا رسالتي اياكم تبالغو بحبكم لشخص ما وتخلوه يكون اهم شيئ بحياتكم حتى لاتكون الصدمة قوية وتاثر على نفسيتكم لانو ليس هناك اناس يتغيرون بل هناك اقنعة تسقط لانو علاقتي انا مع صدقتي كانت مثل الصخرة لكن حطمتها باغبى تصرف .لقد لقنتني الدنيا درسا قاسيا اليوم درس لن انساه ماحييت وصدقوني انا اعني مااقول اقسم بالله صعب انسى صديقتي مهما مرت السنين وسابقى اتذكر كل لحظة مريتها معها وبحلقي غصة صحيح انسحبت من حياتي لكنها انسحبت بطريقة اشد من العذاب وخلت في نفسي سؤال يتكرر كل مااتذكرها ماهو السبب والاصعب لو قلت ان السبب هو دنانير معدودة لو تعطى لطفل مااشترت له حتى حلوى .صحيح لا صداقة تنفع ولا حب يدوم هذا حال الدنيا لكن اسال الله ان يقدرني لما يجي يوم وامر بجانبها واسلم عليها سلام عادي واقول كانت اختي يوما وليتها ماماتت .اتمنى من كل من قرا رسالتي يدعو لي الله يفرج همي وشكرا لكل من اهتم وقراها .في النهاية اقول لك ياصدقيتي وانتي لاتسمعينني الوداع يااختي انا من هي اللحظة اعتبرتك فارقتي الحياة وقرات عليك الفاتحة لانني لا استطيع ان اتخيل انكي موجودة بالدنيا وانا وانتي متفارقان الوداع يامن تمنيت لو استطيع اضيفك لدفتر العائلة :cray01:
