تقديم دروس في صنع الحلوى لي تحب تتعمل تتفضل

[semmouna]

يابناااااااااااااااات نقلكم نصيحة فيما يخص عجينة اللوز الي نشروها

انا منحبهاش وكل من نقدملو حلويات مشبحة بيها ينحيها من فوق
الحل عندي
ارحي النواتكوكو الي هو اصلا مرحي رطبييييييييييييييييييييييييه وضيفيلو حليب مركز نسيلي حلو طبعا حتان تصبح عجينة تقدري تلونيها وتستعمليها مثل عجينة اللوز لكن الطعم ااااااااااااااااااحسن ههههههههههههايل

جربوها وادعوووووووولي​

هذي فكرة هااااااايلة والله غير نجربها
يعطيك الصحة ختي
​

 

[nissma34]

صح فطوركم اخواتي

حبيت نسالك اختي كل الحلويات اللي بانفس العجينة و نفس الحشو نطبقو عليهم نفس قولعد اللي عطيتيهملنا
يعني لازم يباتوو لا ما شيي ضروري يعني متل هاد القاطو عجبني و حبيت نعمله لازم نبيتهليلة او نطيبه في دقيقتو
و حبيت نسالك علا مدة الطياب مرات ينشف معايا بزاف هاد النوع من الحلويات و يجو قاسيين ماشي هشاش ممكن تعطيني مدة طياب هاد النوع من الحلوى و مشكورة حبيبتي
العسل

ماشس بضرورة تبيتيه ليلة كاملة مهم تحليه اكثر من ساعة يرتاح ويحافظ على شكلوا بعد الطهو من 10 الى 15 فقط تنشف العجينة وحشو البيض فقط هاد النوعية متسحقش تتحمر تنشف فقط

 

[nissma34]

الدرس القادم يكون عبارة عن وصفات simple قاتو العيد اي وحدة تخدمهم مجربين 100 في 100 ومذاقهم رائع

 

[nissma34]

الدرس السابع
حلوى العيد
1-قاتو حلوة الترك
​

للعجينة

500 غ مارغرين​

01 كيلو فرينة​

كاس سكر ناعم​

علبة ونصف حلوة ترك ​

02 خميرة كمائية
للتزين
كاس مربى
علبة حلوة ترك
كاسان كوكاو
التحضير
نخدم الزبدة مع السكر كي الكريمة +حلوة الترك+الخميرة ونضيف الفرينة نشكل اصابع ويطهي في فرن متوسط
لما يبرد نخلط المعجون وحلوة الترك نرمد الحلوى فيه ونلبي بالكوكاو خشن​

بنيـــــــــــــــــــــــــــــــــــــــــــــــــون

​

02 علب بيمو
كأس كوكاو مرحي
علبة حلوة الترك
زبدة
شكولا سوداء
شكولا بيضاء
شوكي لي زي نوتيلا مي هي تاع بلادنا ماهيش غالية
نرحي البيمو +الكوكاو مرحي +حلوة الترك
ونجمع بالزبدة المذابة حتى الحصول على عجينة
نأخذ كرية من الخليط نضع ملعقة صغيرة شوكي
ونغلق ونلفها نضعها في الثلاجة حتى تتماسك
نذيب الشوكا مع قليل من الحليب والزبدة +شوية كاكاو على حمام مريم وقطرة زيت وملعقة ماء بارد جدا
نغطس الحبات في الشكولا ونزينها بخطوط شكولا بيضاء
ملاحظة :يمكن بعد ما تغطسيها في الشكولا تزينها باي نوع من المكسرات لي عندك او شكولا فرميسال تطلع هايلة
حلوى المورينغ
​

250 غ مارغرين
02 مغارف سكر رطب
مغرفة صغيرة خميرة
مغرفة نشاء
02 صفار بيض
فرينة لجمع العجينة
للديكور
مورينع
04 بياض بيض
سكر رطب حوالي 700 غ ان كان البيض حجمه صغير
-معجون
-قوفريط كروستي ذوق شكولا
نخدم الزبدة مع السكر+صفار البيض +النشاء +الخميرة ونجمع بالفرينة نترك العجينة ترتاح
نحضر مورينغ :نخفق بياض البيض مع السكر حتى نحصل على مورينغ طالع ويلصق ميسيلش
نحل العجينة ونقطع دوائر ندهن كل دائرة بشوية معجون
غلفي السطح بالمورينغ وطيبيهم في فرن خفيف
لصقي 02 ب 02 بالمعجون وديري في الحواف القوفريط المرحي ​

حلوى النسيلي​

للعجينة
250 غ زبدة
250 غ سكر رطب
vanille
500 غ فرينة
مغرفة صغيرة خميرة
2 بيضات
الحشو:
نيسلي
التزين
شكولاطة سوداء
مربى
جوز هند
pistache
تخدمي الزبدة مع السكر +البيض +مغرفة صغيرة فاني و في الاخير +الخميرة و الفرينة تتحصلي على عجينة ديريها في كيس بلاستيكي و خليها ترتاح.
بعد ما ترتاح حليها و ديرها في قوالب القنديلات بعد ما ترشيهم بالفرينة اثقبي شوية بعود الاسنان و حطيهم في ثلاجة 1/4 ساعة
اطهيهم في فرن متوسط
حضري الحشو حضري نسلي في كوكوت كي يبرد
ادهني الاطرف بالمربى و رشيهم بجوز الهند
احشي الحلوة وحطي فوق كل قطعة ملعقة تاع شكولاطة ذايبة وذري بيستاش

كرات القوفريط

علبة قوفريط علب كبيرة
زبدة
كاس كوكاو
للتزيين
شكولا
قوفريط ذوق فرولة
نرحي القوفريط +الكوكاو ونجمع بالعسل ندير كورات نرمدهم الشكولا ثم في قوفريط مرحي تاع الفراولة ولا اسهل واش رايكم​

كورات الشكولاطة

للعجينة:
500 غ فرينة
250 غ زبدة
125 غ سكر رطب
2 بيضات
50 غ كاكاو
باكي خميرة
للتزين
شكولاطة بيضاء و سوداء
التحضير
اخدمي الزبدة مع السكر +البيض و الكاكاو+الخميرة و الفرينة
شكلي كراي صغيرة و طيبها في الفرن
اقلسيها بالشكولا و زينيها بخطوط الشكولا البيضاء​

يتبــــــــــــــــــــــــــــــــــــــــع​

 

[ام منصف]

 

[فايزة1207]

حلوى المورينغ

نحل العجينة ونقطع دوائر ندهن كل دائرة بشوية معجون
غلفي السطح بالمورينغ وطيبيهم في فرن خفيف

قصدك فوق المعجون نضع المرانغ

ضح فطورك

 

[نور الجنة]

الله يرضى عليكي والله افدتيني كثير الله يجعلها في ميزان حسناتك حبيت اسالك عن حلوة الوردة لما وضعتها في الفرن نزلو اوراقها و مجاج باهيا ارجو منك الرد في اسرع وقت

 

[meimeifati]

صح فطوركم
مشكورة حبيبتي على النصائح و الوصفات القيمة راني اليوم جربتو و خرج هايل لكن عندي مشكل مع حشو اللي بالكوكاو
يجي قاسح شوية و ما نيش عارفة و علاش
ممكن نسالك وزن علبة حلوة الترك شحال الي متوفرة في المنطقة بالميزان نتي واش بغيتي تدي
فممكن توضحيلي الكمية بالغرام
و مشكورة

 

[nissma34]

حلوى المورينغ

نحل العجينة ونقطع دوائر ندهن كل دائرة بشوية معجون
غلفي السطح بالمورينغ وطيبيهم في فرن خفيف

قصدك فوق المعجون نضع المرانغ

ضح فطورك

صح فطورك نعم تدهني غير شوية وتحطي لا مورينغ

 

[nissma34]

الله يرضى عليكي والله افدتيني كثير الله يجعلها في ميزان حسناتك حبيت اسالك عن حلوة الوردة لما وضعتها في الفرن نزلو اوراقها و مجاج باهيا ارجو منك الرد في اسرع وقت

اما حلوى تقصدي

 

[انتقام الوردة]

 

[بلبلة سطيف]

اختى نسمة من فضلك انا عملت لمخبز وكانت النتيجة جيدة لكن وردة التزيين كيف الصقها بالمعجون او بلاجولى شكرا حبيبتى الله يجازيك خيرا ان شاء الله

 

[nissma34]

اختى نسمة من فضلك انا عملت لمخبز وكانت النتيجة جيدة لكن وردة التزيين كيف الصقها بالمعجون او بلاجولى شكرا حبيبتى الله يجازيك خيرا ان شاء الله

لصقيها والطليه ماهيش ناشفة باه تلصق لاكان نشفلك القلصاج شمخس شوية سكر وماء زهر ولصقي بيه

 

[بلبلة سطيف]

شكرا جزيلا الله يحسبلك مجهودك فى مزان الحسنات

 

[nissma34]

صح فطوركم
مشكورة حبيبتي على النصائح و الوصفات القيمة راني اليوم جربتو و خرج هايل لكن عندي مشكل مع حشو اللي بالكوكاو
يجي قاسح شوية و ما نيش عارفة و علاش
ممكن نسالك وزن علبة حلوة الترك شحال الي متوفرة في المنطقة بالميزان نتي واش بغيتي تدي
فممكن توضحيلي الكمية بالغرام
و مشكورة

اما قاتو لي جلك الحشو تاعو قاسي
علبة الترك بالتقريب = 150 غ

 

[كوثر الوهرانية]

 

[tasnim55]

مشكورة حبيبتي نسمة على المجهودات والله افدتنا كثير ربي يحفضك ويخليك ويكثر من امثالك

 

[DHIAA2002]

مشكووورة اختي نسمة على هذا المجهود ووضعه الله في مزان حسناتك.راكي فرحتينا وفرحتي صغارنا .......حلوياتك في منتهى الروعة

 

[فراشة الايمان]

شكرا ليك اختي استفدت منه كثيرا الله يجازيك كل خير

 

[meimeifati]

مساء الخير حبيباتي
اقصد كل حلويات اللي حشوها كوكاو و تتلم بالبياض لما نلمس سطح الحلوى بعد ما نعسلها لما نلمس الكوكاو نلقاه قاسي ماشي هشيش لكم
لما يبات يطرى شوية