اوزن واش راك تهدر؟

[الخيزران]

يعطيك الصحه ختي موضوع مليح
صح مازالت لحد الان هادي العقلية و مازالت في الدزاير الجهوية و العنصرية قبايلي شاوي عربي و تلقي المجتمع ديالنا مازال بشعار حنا في حنا و نعرفو غير نضحكو على بعضانا ،،، مالغري الجزايريين اغلبيتهم يعود اصلهم لاصل قبائلي او شاوي بما ان القبائل و الشاوية... هم السكان الاصليين ،،،،

عطرت الصفحة اختي ناريمان بطلتك الزكية ,بنات بلادي الجزائر يبانو وقت الصح

 

[بحر الأحزان]

ه ههه ههه ههه هاذي الكلمة شحال نسمعها والله عندو الحق يخلي الدم يغلي في الراس
للأسف والله هذا الحال لا يدمي القلب
تجمعنا بلاد وحدة ودين واحد ولغة وحدة بصح ............
للأسف الشديد تعجز الكلمات عن البوح
صحة فطوركم​

 

[الخيزران]

الحقيقة منحبش شاوية صح ولاد البلاد بصح ناس مش تاع تعاشير ولاخلطة العقل هو اخر شيئ يستعملوها غير تاع تهاويش وراني قريت الجرنال ليوم قالك فعين البيضا راه كاين جرعى بسب معارك بين الاشخاص بالعصي ربي يهديهم.

كنت اتمنى ردك اخي الفاضل يكون موضوعي بعيد عن الذاتية والحساسيات ومشاكلك الخاصة ولا اذا كاش ما عندك حسابات مع شخص او اثنين
اما موضوع الدواس والتهاويش ففي كل الولايات راه كاين قريت على العاصمة كل يوم تدخل قوات الامن وتفرق العراك في باش جراح في بير توتة وحتى في ولايتك المصون
انت تكرهنا ماعليش لكن احنا نحبو ميلة وناس ميلة ونتمناو تخرج ولاية ميلة من الفقر
والتهميش بفضل شبابها

 

[NOURREDINE ZGHARI]

رانا كامل اخوة في الله واحد مهوش خير من واحد

 

[khalil hip hop]

بسمـ الله الرحمنـ الرحيمـ

السلامـ عليكمـ


انا نعرف باللي الشواي يتحدثوا عليه اهنا في 39 وادي سوف

باللي راهم الشواي يتكبروا بزاف كل حاجة يديروها يتكبروا عليها

راح نقوللكم وادي سوف واش خرجت الكلام على الواشية " الشاوي

شواي يتمشى هاشاوي شاوي متكبر هاشاوي رجليه خشان هاشواي شوي

ضعيف " المهم شد كرشك واضحك انا الحمد لله عنما لم تأتيني امي شاوي

المحد لله ياربي حتى انا واش نقلك على هاذوا الناس نتاع وادي سوف

ربي يهديهم يخرجوا لكلام بزاف ويتهلاهوا باناس بزاف ربي يهدي

ويستر والسلام عليكم
​

 

[lyna]

شاوية و راسي خشين ونصف وخمسة وعشرين ومبعد
وادي بالنسبة ليا حاجة نفخر باها ماشي نحشم باها
راسي خشين معناها عندي راي و لامن يقدر يبدلهولي و عندي عزة نفس وماشني امعة غير نتبع
صح انا مانسكنش في بلاد الشاوية بصح اصلي من تما
صحا و تحيا الشااااوية و الجزائر و الجزائريين الحرار ماشي ......................

 

[الخيزران]

شاوية و راسي خشين ونصف وخمسة وعشرين ومبعد
وادي بالنسبة ليا حاجة نفخر باها ماشي نحشم باها
راسي خشين معناها عندي راي و لامن يقدر يبدلهولي و عندي عزة نفس وماشني امعة غير نتبع
صح انا مانسكنش في بلاد الشاوية بصح اصلي من تما
صحا و تحيا الشااااوية و الجزائر و الجزائريين الحرار ماشي ......................

يعطيك الصحة ونص وخمسة وعشرين

 

[الخيزران]

رانا كامل اخوة في الله واحد مهوش خير من واحد

ونعم بالله
مرور كريم اخي نور الدين

 

[Rochdi.dz]

راني وزنت و لقيت 2 كيلو

ههههههه

لالا نتمسخر برك ياختي واش راح ديري
كل فئة راهم يقولو عليها حاجة

و الصح انو رانا كامل من بلاد وحدة
رانا كامل ولاد نجمة و هلال

مي الله غالب

ربي يهدي ما خلق
​

 

[nassim007]

نعم

نتش ذشاوي اgليغ


وتحيا الشاوية وين ماكانت


​

 

[بحر الأحزان]

الحقيقة منحبش شاوية صح ولاد البلاد بصح ناس مش تاع تعاشير ولاخلطة العقل هو اخر شيئ يستعملوها غير تاع تهاويش وراني قريت الجرنال ليوم قالك فعين البيضا راه كاين جرعى بسب معارك بين الاشخاص بالعصي ربي يهديهم.

والله يا خويا راك غالط 100بـ100 أنا شاوية لكن عايشة في البرج
أرواح لهنا وتشوف وتشوف الهوشات صح كونك فحل وقول كلمة والله يدفنوك في ارضك
ونهار راهو لبر ايجة لباتنة كي لعبو مع سطيف والله ملي جاو وهم يشكرو فيهم والعكس ديما يقولولي علاش ماتشبهيش لشاوية عاقلة ورزينة صح راسنا خشين ونيفنا جامي نطيحوا بيه في الرض نفسنا عزيزة علينا
شــــ,ــــــاويـــــــ’ـــــــــة و أفـــــــ،ــــــتــــــ’ـــــــخــــــــ,ـــــــــر
ونموت على شاوي ولد شاوية الحر لي نيفو ديما في سما عالي ​

 

[إحسَانْ]

يااااااااااو الشاوي هو الراجل الصحيح وفيف الشاوي ولقبايلي والعربي و التوارقي رانا كامل جزائريين

 

[خولة البرج]

ورانا كامل جزايرين وحد مهو خيرمن خوه كي ولد الدوار كي ولد البلاد

شاوي نايلي غربي صحراوي ترقي قبايلي

قاع ديزالجيريان خاوة خاوه
​

 

[ماكانش]

يعطيك الصحة فاطمة على الموضوع الباهي
الإنسان لازم يوزن الهدجرة تاعو ديما
ساعات الواحد يقول كلمة وماينتابلهاش وتكون كبيرة بزاف
وعلى الشاوية انا مانيش شاوي بصح الحمد لله متربي معاهم وعايش معاهم
الشاوية عندهم النيف والرجلة طبعا ماشي كامل رجال منهم لمليح والدوني...
ومايعجبونيش في امور ليس المقام مقام ذكرها ....​

 

[سماح4]

الشاوية ناس رجلة ،وكل الجزائريين عقلية وحدة وعاداتهم متشابهة والضحك على بعضانا هو لي خلانا دايما اللور نشوفو غير في عيوب بعض،الأستاذ هذا فنيان ماهوش حاب يشرح يعني كي راه مش حاب يأدي رسالتو دورها معايرة ،موضوعك هايل بارك الله فيك أختي.

 

["غزالة الجزائر"]

واش خصهم الشاوية ربي يبارك
شاوي و لا بطٌل وعلى الكلمة يكمل

 

[سماح4]

قال جل جلاله:​

(ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون)​

+ تقييـــــم.​

 

[عبد الجبار الجزائري]

انا تبانلي الانسان الجاهل برك يهدر هدي الهدرة
الفرق الوحيد الي يفرقنا هو التقوى

 

[عبد الجبار الجزائري]

انا تبانلي الانسان الجاهل برك يهدر هدي الهدرة
الفرق الوحيد الي يفرقنا هو التقوى

 

[zlatan ibra]

أنا من خنشلة يعني شاوي مي أول مرة نسمع هذي تاع الشاوي راسو خشين تالمو سافرت بزاف الولايات مي جامي سمعتها ، بصح تصرا وكيما خذيتي المثال تاع لمعسكرية وانا ضد هاذ النمطية الي موجودة عقلية العباد وهي حاجة جديدة علينا ونتمنى تزول من المجتمعات نتاعنا واربي يهدي ماخلق