وش راكم يا جماعة الباك

[AdNan31]

السلام عليكم
هاد الموضوع نكتبو من موقع التمارة واللي هي

بدون ادني شك الاقامة الجامعية هههههه

راني في واحد السيبار في الاقامة

المهم بغيت نتكلم مع الناس اللي راهم يقرو في الليسي وعندهم الباك واللي حلمهم الاول والاخير هو الجامعة

بغيت نقولهم بلي يقولا الناس اللي مجربين
الباك نشوة والجامعة حشوة

والله غير كرهت حياتي وبغيت نحبس القراية


اولا كتلني vide
ثانيا توحشت دارنا
malgri كنت في درانا رؤاني في ربع ايام ههههههه

كرهت الميزيرية نتاع الجامعة
كتلني البرد والماكلة العوجة نتاع الجامعة

المهم كرهت كرهت كرهت كرهت

وش تقولا فيها راكم ماشي مأمنيني

المهم بغيت نقولكم اقراو مليح باش تختارو فيليار اللي تحبوها وفي الجامعة اللي نبغوها اوكي

ايا بالسلامة ادعولنا برك خوتي

تامنو كنت في رحمة ربي خاطيني الدخان وكنت متهلي في روحي

مي دروك الله يحفظ ويستر سمحت في روحي

ركبني VICE الدخان

والصاة استغفر الله نصلي الظهر مع العصر مع المغرب
والعضاء خطرات نخليه لغدوة


المهم ربي يهديني ويهديكم

ادعولنا بالصلاح
​

 

[sisou023]

ربي يعاونك و يكون معاك أخطيك من الدخان يهديك ربي و الها في قرايتك ميزيرية و تفوت معليش هاذي هي الجزائر أصبر يفرج ربي

 

[BARCA232]

السلام عليكم ورحمة الله تعالى وبركاته
الشيء اللي قلته انا تبانلي عكسك تماما
انا درست في الجامعة وكنت داخلي والحمد لله
عمري ماكميت في حياتي
والله اجمل أيامي في الجامعة
غير حاجة نقولها اللي راه في الجامعة يايقرى حتى يوصل مع الماجور باه يروح ماجستار
واذا كان حاجة اخرى تبانلي يغدى يgاجي احسن له
بالتوفيق
​

 

[AdNan31]

مشكورين على المرور كتلتنا التمارة خويا

 

[لؤلؤة المحيط]

وصلاتك للدخان ؟؟؟؟؟؟؟؟؟؟؟؟؟؟؟
اذا ولى هاك غير حبس عليك القرايا ولا الدخان وترك الصلاة

 

[AdNan31]

وش راح ندير راني في تماااارة هدا ما نقول

ربي يفرجها علينا ان شاء الله

 

[D@rk Angel]

أنا راني في 2as ان شاء الله انجيب الباك وخلاص , هذا ما راني حاب راني خايف بزاف

 

[Houda Chaouienne DZ]

و الله يا خويا حتى عام الباك واعر
مي قرايتو حلوة اون+ معا لافامي
و مع الدار يطهلاو فينا
ربي ينجحك خويا و يهدينا كامل
ادعيلنا نتا ثاني
سلاااام

 

[تسنيم22]

شوف خويا انت بلاك راك عاد فجاميعة وكرهت واش نقول انا لي كملت هذ لعام وراني كاشة غير لبيدو و جفاف يا وندمت على نهار لي قريت فيه مارنيش نقول هاك باه نطيح لمورال لصحاب ليسي بصح هاذي هيا الحقيقة لوكان حسبت كنت كي نجي فتارمنال نزوج وناخذ ذاك لمقري لي خطبني اه على القراية واش دارت فينا ايه وكان ماشي لقرايا وكان راني فتوريفال هههههههه راك قلبت عليا المواجع

 

[AdNan31]

ربي يصبرنا يا رب
​

 

[TIBA BITA]

rabi ywafek jmaate bac

 

[somiasahraoia]

ربي يسهل لنا برك

 

[كنزا]

والله يا خويا عندك الحق مي مرانيش معاك في صلاتك و تعلام الدخان ما تنساش روحك راك في مقتبل العمر و ما تدرا في الكون واش يكون ما تسيبش صلاتك خطراكش راهي هي عمود الدين و لي ينساها ينساه ربي و تهلا في قرياتك و هادي شدة و توفوت و راك غير كي عدت ماشك مالف برك كي تتعود كلشي يولي نورمال رانا في بلاد النوووووووورمال لا خاطر انا جربتها مي تولمت مع الوضع في العام الثاني و الثالث و على فكرة نسيت نقلك بلي مكاش كيما ايامات الجامعة صح تسوفري مي حلوة
واش راح نقلك اسمحلي على الاطالة

 

[ryma_lool]

ههههههههههههه خوفتني انا السنا الباك

 

[abc.imane2009]

ربي يوفقكم يا جماعه باك والله اتمنلكم نجاح انشاء الله يا رب
اه وجيئبونها زرادها ماتنسوناش وحنا منسوكمش في دعوا ليكم
ربي يصبركم يا رب​

 

[فراشة الايمان]

merciiiiiiiiiiiiiiiiiiiiiiiii

 

[wafa peace 2011]

انا واش نقول مادام وصلت الجامعة اقرا يا خويا ماتصيب غير قرايتك واخطيك من الدخان ربي يوفقك

 

[sisouma]

ان شاء الله يا اختي نديوه بمعدل مليح ...ونديرو حاجة مليحة وانت ربي يكون معاك ام بزاف والله انا يقراو معايا داو ب 15 ودزوهم كاما بيطرة في الخروب وخدوهم بصح وش ديري ربي يسهلك

 

[NaDiA.]

سلام خويا سافا ريحت شويا من لاجريب؟ نشالله لاباس ياو ليك وحشة

المهم ياخي قتلك بلي سي بالابان هاد التخمام و زيد لحقت للدوخان اااااحوجي توخضت في خويا مسكين..ياو راني حاسة بناس الجامعة المقيمين ف الجحيم وراها ميزيريا كبيرة و رهج و البعد تاني حبوبة ماكاش كي الدار..شاغادي نقولك تهلا في روحك و صبر ربي معاك نتا راك تقرا و على ربي تنجح و داك التشاؤم و التخمام لعوج خليه ابار باسكو راك تضيع في صحتك امني

و زيد ماكان لاه تتضايق رانا كامل معاك




باي..​

nina

 

[حلمي النسيان]

او شكون راه هنا

ماتخممش بزاف عدنان خويا ، بلا ماتبطل القراية

دير ترونسفار و خلاص

و انا نقولك الواحد يقرا مليح ولا مايقراش ماتحصيش قاع شاراه يقارع فيك

ديفوا تخدم على حاجة و فالتالي تطلعلك حاجة وحد اخرى ، هذا مكتوب

المهم ربي يسهل عليك و يسهل على كل مؤمن

و ربي يوفقنا كامل

سلامـــ

​