ماذا ستطبخين اليوم سيدتي

[nada242008]

اختي ريما من فضلك ما تحوليش الموضوع الى دردشة حتى لا يغلق من طرف الادارة
خلينا نتكلموا غير في امور الطياب
لو سمحتي

 

[رآج ـية العفو]

lمرحبا بيك اسومة وانا نقول الموضوع منور منين :sheer:اتاري النور نورك ههههه
واش نويتو للعشا i-o:
انا راني نطيب في هومبورغر
كي نكمل نوافيكم بالصور
مرحبا بالغالية روز ليك وحشة كبيرة
الرشتة تهبل الجيغواز يعطيك الصحة

النور نورك يالغآلية ونور الحآضرين
بصحتك حنونة ​

 

[رآج ـية العفو]

موآضيعنآ الأخيرة مكآنش؟؟
​

 

[merieme hassi]

​

السلام عليكم
تبارك الله عليكم يا الفحلات كل واحدة باسمها :sheer:
اليوم عشاء خفيف
حريرة و سلاطة خضار و خبز الدار
راني ريجيم :shay:
خصصني ننقص شوية :sadwalk:
شهية طيبةi-o:​

 

[l'algeroise]

شكرا كامل لي عجبتكم الرشتة nada242008 أنا تاني راني ندير ف همبرغر تاع المطلوع مبعد نحط التصاور

 

[merieme hassi]

راه عندي مشكل
الاشهار الي راه في الصفحة و الله شئء مخجل
اغنية فيها مراة نصف عريانة شافها زوجي حشمت منو
واش عندكم نفس المشكل
باش راني نكتب موضوع حتي نعرق
افيدوني من فضلكم

 

[rima29]

والله انا تاني يا مريم بابا قاعد هنا وراني حشمانة منو عيين باش نحيها ما بغاتش والله​

 

[رآج ـية العفو]

بصحتكم العشآ لبنآت ​

 

[عفاف الجزائرية]

يااااااااااااه شوفو شكون اللي طل
طل القمر مرحبا بيك اختي اسماء بدات ترجع اللمة كيما عاداتها ورح ترجع ان شالله احسن
نورتي من جديد
وسلامك كان يوصلني دايما في السكيب ديما توصللي فريدة السوال
انا عشايا درتلهم شربة فارميسال وجلبانة وفلفل وسلاطة
ما لحقتش للكسرة شريت الخبز
نوافيكم بالصور درك كي نحطلهم
هيا مباعد نتلاقاو
​

 

[BARCA232]

السلام عليكم ورحمة الله تعالى وبركاته
أحن الى أيامي هنا وسط امهاتنا الغاليات
وأحببت ان أطل عليكم
وأبلغكم سلام الوالدة
وقالت ليكم ربي يوفقكم
وينورليكم دربكم
اخوكم محمد
احلى سلام الى الكتاكيت الصغار من ندوووووش الى محمد
بالتوفيق
بــــــــاقة ورد لأحلــــــــى أمهات بالكون
أمهات اللمة الغالية

​

​

​

​

 

[nada242008]

بصحتكم مريم والبنات الكل
هذا عشايا وحدي خطراه راجلي رجيم هههه:like_1:

--
راني حطيت قراتان بطاطا ولحم مرحي في الاطباق الرئيسية
اسومة المواضيع من نوفمبر حتان مارس كلها ضاعت

 

[رآج ـية العفو]

يااااااااااااه شوفو شكون اللي طل

طل القمر مرحبا بيك اختي اسماء بدات ترجع اللمة كيما عاداتها ورح ترجع ان شالله احسن
نورتي من جديد
وسلامك كان يوصلني دايما في السكيب ديما توصللي فريدة السوال
انا عشايا درتلهم شربة فارميسال وجلبانة وفلفل وسلاطة
ما لحقتش للكسرة شريت الخبز
نوافيكم بالصور درك كي نحطلهم
هيا مباعد نتلاقاو
​

النور نوركم يالغآلية مرسي حنونة ربي يخليك
من زمآن درت ميلك شيك بالعسل والفرآز وعآودته
اليوم تفظلوا

​

 

[كوثر الوهرانية]

اهلا بيك اسماء اللمة نورت يا لحبيبة
الله يعطيك الصحة اختي الجيرواز رشتة تشهي راني غير كيما درتها و لاول مرة في حياتي و نجحت فيها و الفضل يرجع لغالية ياسمين
امم همبرغر يشهي ندوشة تسمى غير انتي و ندوشتي الحبوبة الي راح تعشوا راجلك راه بحالي انا و بسومتي
ميلك شيك يشهي اسماء الله يعطيك الصحة
اهلا بيك اختي مريم حاسي الله يبارك طيابك يبان بنين
عفاف بصحت عشاكم اختي
انا درتلهم الشربو و فريت اوملات و شلاطة تاع الروز بقات من البارح و كاشير
بصحتكم كامل العشاء

 

[dahbito]

مساء الخير على الجميع واهلين بالي التحقوا بينا نورتو اللمة باطلالتكم ربي يخلينا دائما لبعضانا
المهم هدا هو العشاء اليوم حميص +سلاطة

صح عشاكم​

 

[Djazaire-El-Ghalia]

:sheer:سلام عليكم حبّوبات بسّوم أنت هنا ١٠٠٠٠ مبروك النجاح دمت في تألق والله لك وحشة أنا اليوم رحت للمسجد على رجلي بعيد وكي وليت جبت الأولاد من المدرسة ودرت شكشوكة فلفل حاف دمتن في صحة وعافية

 

[روعة2005]

هاني جبت عشايا بصحتكم لبنات امممم همبورغر يشهي وسلاطة والحميص و......... امممم

 

[ibtesem]

mmmmmmmmmmmmmm foufa masha allah
ma3andish el 3arbiya asebrou 3liya shwiya
hahahahahahahhhahaha
>>>>>>>>>>.
bsahtek nada wash tayebti
......................
imen raha mzelta rabi m3aha
>>>>>>>
dourk nhat rouwar ta3 mahjouba yam

 

[dahbito]

اممممممممممممممممممم مايدة تشهي اختي فوفة بصحتكم سخفتيني في الديسار

 

[رآج ـية العفو]

الله يبارك فوفة طآبلة تشهي وآش اللي في الكيسآن؟
لبنآت صح عشآكم كآمل وسمحولي رآيحة نغيب عليكم هآذ
ليآمآت بآسكو رآني لآهية في حآجة وكي نكمل معآهآ
رآني نكون معآكم اما درك نتبعكم من بعيد بدون مشآركآت
ونشوفكم على خير يالغآليآت وسلآمي لكل اللي مآ شفتهمش
الغآليآت خكيك وندى الورود وام لميس وأميرة السآحل
ونوآل وكآمل لبنآت اللي كآنوا معآنآ
يلـآ تصبحوا على خير

 

[روعة2005]

ربي يعيشك بسومة راني نستنى في المحاجب

حبيبتي راجية انا ام لميسو خانوني وطيشوني وطيشو كل مشاركاتي ونقاطي لي لميتهم نقطة نقطة اهى اهى:schmoll::cra_zy:
تفضلي الديسار يادهبيتو نحي السخفة حبيبتي:shay:
التحلية اخترعتها برك بصح جات هبال خدمت ياؤورت منزلي حطيتو اول طبقة ومباعد ميكسيت تفاحة+بنانة+6 حبات فراز ودرتهم الطبقة 2 +وقطعت بنان وفراز وغطيت با الياؤورت