ماذا ستطبخين اليوم سيدتي

[imane27]

مساء الخير عليكم واش راكم صح فطوركم بالواحدة شهيتوتى
انا لبارح جربت وصفة تاع واحدة فى منتدى اخر بالقرعة ولحم مرحى جات هايلة

 

[روعة2005]

مساء النور عليكن
عفوفة1 الحسوة تسخف كاش نهار نجربها واكيد البسكريات نفسهم في الطعام لا يعلى عليه والله ذواقين واحنا طيابنا مايل ليهم نفس الشي الماكلة لكان ماتكونش حمرا وحارة متجيناش خلاص بنينة
ايمان كفتة الكوغجات جاتك مممممم بصحتكم
وعيد سعيد ريمه وكل عام وانت احلى وبصحتكم هذا واش ينفع مع السخانة غير بوخفيف
كوثر وروز وتسنيم وشريفة وعفوفتي ونانوس ومريم وبسومة امسية سعيدة للجميع

 

[nada242008]

مساء الخير فوفة كيما قلتي طياب بريكة مش بعيد على طيابنا تقريبا نفس العادات في الطياب
ماقلتيناش واش طيبتي اليوم
ايمان طبق يشهي بصحتكم
وينهي بسومة مابانتش اليوم

 

[روعة2005]

انا ليوم درت غرتان جاجو جاوني لمحاجب من عند ميمتي

 

[rima29]

بصحتك فووووووووفة وربي يحفظلك ميمتك​

 

[ام منصف]

ريما 29
سنة حلوة ليك وكل علم وانت بالف خير
ربي يحفظك وينجحك

 

[rima29]

ريما 29 سنة حلوة ليك وكل علم وانت بالف خير
ربي يحفظك وينجحك

رب يحفظك حنوووووووووووووونة ويخليلك منصف وندوووووووووشة​

 

[روعة2005]

مشكورة ريمة على الدعوة الطيبة ولكي با المثل غاليتي

 

[merieme hassi]

السلام عليكم
واش الاحوال عندكم
ام منصف ربي يهنيك
ام لميس واش راكي حنونة
ريمة 29بصحتك حنونة التشكشوكة
ام ندي بصحتك الحسوة اول مرة نسمع بهدي الاكلة كيفاش تخدموها
ايمان 27بصحتك الوصفة
ام لمييييس حنونة لصحتك القراتان
كوكو واش احوالك
روز ربي يعاونك علي الريجيم
ابتسام كاش تاي نعرف السوافة مشهورين بيه و نعزهم بزااف
عفاف الجزائرية تسنيم وبرانسس و نانوس واش راكم
انا جربت وصفة معروفة في الغرب و هي الكارنتيكا جابولي الحمص المطحونة و عملتها هده الصورة











​

 

[imaneBBA]

والله غير راكم جوعتوني
يعطيكم الصحة:re_gards:
​

 

[merieme hassi]

والله غير راكم جوعتوني

يعطيكم الصحة:re_gards:​

مرحبااا بيك معانا
:sheer::sheer::sheer::sheer:

 

[tasnim55]

ام ندى مشكورة الف شكر على الرد وربي يخليك لينا ولعايلتك والرفيس قاعد في قلبي خطراش الوصفة تقول طيبي كسرة مثل الشخشوخة وتلوي الكسرة حول نفسها وتقطعي اشريطة بالسكين وبعد تفوري مرة وحدة هنا سؤال مطروح كيفورتيه شمختيها شوية ولا لا وبعد تفوار درتي لعسل و زبدة مذابة وشبحتيه بالجوز والسكر قلاصي على ما اضن هذه الطريقة وشكل الكسرة يجي كيما سباقيتي لمقرصة يعني لعريضة

امان 27 يعطيك الصحة جات هايلة
فوفة نورتي
لعشا خممت نطيب حميص وبروشات تاع الحوت مع الفريت

 

[rima29]

مريوووومة قوليلي كيفاش تديروها لكارنتيتا ؟

​

 

[عفاف الجزائرية]

سلام بنات ان شالله تكونو بخير
ايه ايه ماكمش مخليين والو ما حطيتوهش راكم قايمين بيهاانا كي راني في الريجيم راني حارمتهم معايا هههه
دقلتلهم كي نلحق وين حابة نوصل راني نرجع نطيبلكم وندلعكم
انا غدايا كان كي العادة سلاطة خضراء خيار حبات زيتون وحبة تفاح
هوما درتلهم جلبانة قليت البطاطا كاريات صغار وخلطتهم معاها
جات مليحة
العشاء والله ماش عارفة واش ندير
ساعة نقول نديرلهم سوفلي
والله احترت
ندوش عجينة العشر دقائق راحتلي افيديني حبيبتي
عفوفة 3 غاب حسها وغاب حماسها عسى المانع شر
​

 

[دمعة اشتياق]

حبيبتي ريمة نقولك كيفاش نطيبو الكارانتيكا ؟؟ ساهلة ماهلة

 

[دمعة اشتياق]

المقادير :
لرطل حمص مطحون طحنا ناعما - 2 لتر ماء - فنجان زيت - ملح- 2 حبات بيض لكن من الأحسن يكونوا3 لتكون الطبقة العليا لذيذة جدا

نضع الحمص المطحون مع الزيت و نحكه بين الأيدي جيدا نضيف الملح حسب الذوق و الماء و يترك الخليط ليتشرب لمدة ساعة على الأقل ( يمكننا الإستغناء عن مدة التشرب إذا كنت في ضيق لكن من الأحسن تركها للحصول على نتيجة أفضل )
سخني الفرن و أضيفي البيضات المخلوطة و امزجي جيدا ثم ضعي الكل في صينية و افرغي المزيج , يوضع في الفرن و ينضج حتى يصير بني من فوق و أطفئي

 

[tasnim55]

فوفة بصحتك حنونة لمحاجب ربي يحفضلك ميمتك ويطول في عمرها وتفرح بيك
مريم مشاء الله على صنية لكارنتتا تشهي
ام منصف كيف الحال انشاء الله راكي بخير

 

[merieme hassi]

مريوووومة قوليلي كيفاش تديروها لكارنتيتا ؟​

اهلا حنونة الشاطرة ربي يفرحك
خلطت 250غ حمص مطحونة مع 1 لتر و نصف تاع الماء ملح حبة بيضة شوية زيت و خلطتهم بالميكسور مليح حتي شفت فقاعات
دهنت الصينية بالزيت و دخلتها للفرن كي سخنت ضفتلها الخليط تاع الحمص
و الصينية كانت في الرف الفوقاني وكنت نقلب فيها باش تحمار من كل الجوانب
علي فكرة الحمص انواع و خدي عينك ميزانك في اظافة الماء لازم ما تكون جارية بزااف ما تكون جامدة لازم تكون متوسطة
انا اول مرة تنجح معايا
ان شاء الله نكون فدتك
تحياتي ليك حنونة
ام مريم واسيا

 

[merieme hassi]

فوفة بصحتك حنونة لمحاجب ربي يحفضلك ميمتك ويطول في عمرها وتفرح بيك
مريم مشاء الله على صنية لكارنتتا تشهي
ام منصف كيف الحال انشاء الله راكي بخير

اهلا حنونة
كاش عشاء و لا مازال
ربي يهنيك

 

[merieme hassi]

كوثر الوهرانية كاش طياب من الغرب الي يحبو قلبي
:sheer::shiny::re_gards: