بوتيك المستحضرات التجميلية لبنات اللمة الجزائرية-موضوع حصري-

[السلطانة]

نعلن عن افتتاح
بوتيك المستحضرات التجميلية
لبنات اللمة الجزائرية
كل سلعة تشريوها
صوروها وحطوها هنا
نعرفو دوق بعضانا
ونستفادو من انواع الماكياج

​

 

[برنســ اللمة ـيسة]

ديما بأفكارك الشيطانية اللي ما تخطرش على البال
و الله فكرة هايلة و انشاء الله نلقاو تفاعل مع العضوات ​

 

[ايمان9]

انا شخصيا استفدت من هذا الموضوع لكن مع الاسف اتحذف المهم نعاودو من جديد

 

[السلطانة]

صورتلكم شوي حاجات من مستحضراتي
هيا نبداو :

مع الة نزع الشعر براون

​

السيشوار:

هادو بابيليس وبلاكور :

لي عودة اخرى
بعد قليل
​

 

[جزائرية كوول]

فكرة هاااااااايلة يعطيك الصحة شرطية
​

 

[السلطانة]

نكمل
هادو شومبوان+صابون +روايح

زيت املا للشعر ونعومته

زيت نبات السعد للقضاء على الشعر من الجسم:

هدا زيت الحلزون للشعر:

 

[برنســ اللمة ـيسة]

صورتلكم شوي حاجات من مستحضراتي

هيا نبداو :​

مع الة نزع الشعر براون

​

​

سلامو شوشو
حبيت نسقسيك على براون قالولي مليحة و عندها فعالية .....اكي تفهمي

قوليلي كاينة منها و لا لا باسكو حبيت نشريها مي خفت
​

 

[الورد الأحمر]

ايه راني جيت مي بيدين فارغين، ما عنديش فوطوات درك، جيت
نبارك برك ونرجع خطرة أخرى معمرة اليدين، أولوغ مبروك الافتتاح
وان شاء الله نستفادو.
ايه عندي نفس التساؤل تاع الأنوشة هذي لي فوقي، زعمة نشريها وما
نقلقش؟؟ وزيد الزيت هذاك تاع نبات السعد زعمة صح مليح؟
​

 

[السلطانة]

سلامو شوشو
حبيت نسقسيك على براون قالولي مليحة و عندها فعالية .....اكي تفهمي ​

قوليلي كاينة منها و لا لا باسكو حبيت نشريها مي خفت ​

سلامو فوفا
انا عن تجربتي بيها نفعتني
وتقريبا قضاتلي على الشعر نهائيا
مع ندير بيها نحط زيت السعد
ومع الوقت توالف لحمك بيها
تولي ليه ليه تنحي
مع اللول شوي تقلق كي شغل البشرة متوالفش بيها
مي مباعد تولي بيااااااااا
تحكملك 15 يوم هاكداك

 

[برنســ اللمة ـيسة]

سلامو فوفا
انا عن تجربتي بيها نفعتني
وتقريبا قضاتلي على الشعر نهائيا
مع ندير بيها نحط زيت السعد
ومع الوقت توالف لحمك بيها
تولي ليه ليه تنحي
مع اللول شوي تقلق كي شغل البشرة متوالفش بيها
مي مباعد تولي بيااااااااا
تحكملك 15 يوم هاكداك

ايا مليح
هيا قوليلي واشحال تدير باش نسجل الغرامةعلى بابا
قصدي money
​

 

[السلطانة]

ايه راني جيت مي بيدين فارغين، ما عنديش فوطوات درك، جيت

نبارك برك ونرجع خطرة أخرى معمرة اليدين، أولوغ مبروك الافتتاح
وان شاء الله نستفادو.
ايه عندي نفس التساؤل تاع الأنوشة هذي لي فوقي، زعمة نشريها وما
نقلقش؟؟ وزيد الزيت هذاك تاع نبات السعد زعمة صح مليح؟ ​

اهلا يامولات البازاغ :sheer:
مرحبا بيك المرة الجاي عمري لقفف i-o:
فيما يخص السؤال
كيما قلت لوفاء
نتيجتها فعالة
مع اللول شوي تقلق كيماتولفش بالبشرة تاعك ومباعد تولي بيا خلاه
مع زت السعد تتهناي من الشعر تدريجيا
وينقص زيت السعد نتيجتو مع الوقت لازم تبقاي كل ماتنحي تدهني بيه كل مرة
15 يوم تحكملك

 

[السلطانة]

ايا مليح

هيا قوليلي واشحال تدير باش نسجل الغرامةعلى بابا
قصدي money ​

راها من 300 الف وطلع كاينة حتى ل 900 الف

هيا ديري حسابك انتي
واشري لي تقدري عليها :showoff:
زيدي سقسي مول لمحل راه يعاونك

 

[جزائرية مكاش كيفي]

السلام عليكم

بوركتم على الطرح القيم موضوع بزاااااااااف هايل و مفيد

حبيت برك نسقسيكم على زيت نبات السعد الي جرباتو تقولي ادى مليح ؟؟

***تحياتي لروحكم العطره***
​

 

[الورد الأحمر]

مغسي شووشيتا، ايه المرة الجاية رايحة نجيب معاي قفة ماكياج
خخخخ، مي تكون فارغة، ما عنديش ماكياج بزاف، ما نستعملوش
المهم ، هيه مغسي عالمعلومات وعندي نفس السؤال تاع الفلوسة
لي فوقي بعد، كيما قالت شحال لغرامة لي يسلكها بابا ؟
جاوبي برك عليها راني نقرا من تم، ما تقيليش تردي زوج مرات
​

 

[السلطانة]

الله يعيشكم حبوباتي
استفساراتكم حطوهم هنا في الرابط تاع موضوع الاستفسارات
زعم هنا نعرضو السلعة ولهيه نستفسرو عليها

جزائرية مكاش كيفي درك نجاوبك فيه اختي
https://www.4algeria.com/forum/t/277477​

 

[برنســ اللمة ـيسة]

راها من 300 الف وطلع كاينة حتى ل 900 الف

هيا ديري حسابك انتي
واشري لي تقدري عليها :showoff:
زيدي سقسي مول لمحل راه يعاونك

خلي حتى تجيه la prime
و يخلصها باش ما يديرلي حتى سبة
هههههه​

 

[الورد الأحمر]

اوكي شوشو، وي عندك الحق

​

 

[M!ss D!or]

مليح خويتة كي سترجعتي المواضيع
ان شاء الله داااائمااا للامااام و التالق

 

[السلطانة]

نكمللكم
مستحضراتي

هادو كرام صولاي
vichy
w
uriage
شريتهم في زوج ب 120 الف
كل وحدة

 

[M!ss D!or]

بصحتك شوشو حوايجك روعة
و ننصحك دايما كي تشري فون دوتان من المستحسن يكون موس
و ربي يهنيك و ينورك