الحب الاعمى

[bilal22]

السلام عليكم............
انا نظن بلي حالة الكابة و فقدان الشهية هي رد فعل طبيعي............ما كاش كيفاش قلبك لداخل مقطع و انتا من بارا تضحك و فرحان.........تقدر تضحك مي ملفوق برك.........
اما الانتحار الادمان على الشراب .فلا و الف لااااااا ........كل شيء له حدود و حدود الله لا يمكن تجاوزها ...............
الانسان لازم يدافع على الحاجة لي باغيها ولكن في حدود ما يرضي الله ........

تفكرت واحد القصة تقول : كانوا وحد الزوج يحبو بعض لكن البنت مسلمة و الرجل مسيحي ما قبلوش اهاليهم باش يزوجوهم و نظرا لحبهم الاعمى قرر كل واحد يضحي من اجل الاخر طون علمه فغير الرجل ديانته الى الاسلام و البنت الى المسيحية و حينما التقيا ليكشف كل منهما للاخر تضحيته ( نسيت واش صرا ) المهم ماتوا .......... و كيما قال لي حكاها محشيتلها لذيك الطفلة ................
الخلاصة: نعم للتضحية و لكن في حدود ما يرضي الله ............
ملاحظة :انا ضد هذا النوع من العلاقات و لكن الخلاصة صالحة لاشياء اخرى في الحياة
سلاااااااااااااااام........................

شكرا لك ختي واللاضافه الجميله
وخلاصة القول ان التضحيات يكون في حدود ولاكن كل الامر راجع لشخصية الانسان ومدى صلابتها وتمسكها بربها يعني لا ننكر ان هناك من يصعب عليه تقبل الامر هاذا وهاذا راجع لضعف قوة شخصيته والله ما نعرف لحل هنا هههه شكرا لك ختي نورتي مره اخرى سلام

 

[bilal22]

انا بحب تثتث ... تثتث ثاني يثتيني
لايحين نتزوزوانا و تثتث ... او دالي نحبت ياثر
ذاي راح يحطبني ... و دالو بابا اوتي
حنا عايثين لابال في ... موتو يا حثادين

ههههههه
​

خارج مجال التغطيه خويا رشدي ههه

 

[bilal22]

السلام عليكم
شكرا على المرور
انا نعرف وحدة باباها ماقبلش يزوجها بواحد لي تحبو و يحبها
هو يظل يخطب فيها ماحبش باباها
هربت عندو
و هاذي ماعندهاش سمانة
يعني ماتقولو لا ناس بكري لا ناس ذرك
كامل كيف كيف

على العموم
ربي يهدينا​

شكرا لك خيتي للمسانده وحتى انا كي درت لموضوع عارف بلي مش من وحي لخيال
ربي يحفضك ويحفضنا نورتي ختي

 

[bilal22]

احم احم احم، واش بيك سخفت عالمواضيع زيك؟؟ ايه زعما زعما برك الحالة راهي هكذا، وهيه كي يكونو يحبو بعض معليش يحرزنو على بعض شوية من بعد راهم ينساو وكل واحد يبدا حياتو من جهة وحد أخرى، اي تجي دالتك وتحزن خخخخ، واتفكر كلامي وقول نور قالت، مي ان شاء الله تديها في اللخر هيههي، هيا سلامو، ومغسي عالموضوع
​

مواضيع زيي ياي ومعجبوكش طيري مترديش هههه
ياو راكي تقولي تجي دالتي ونحزن انا نقولك خمي تلقايني نحب قبل ومن بعدا ادعيلي نحزن ههه باسكو هاذي مش راح تشوفيها ولا في منامك هههه
ياو منتفكر ما نحير روحي انا لي راني نقولك انساي ومتعبيش روحك هههه

 

[TeNtOuNa]

هاديك العقلية يسميوها تمثيل درامي
الله غالب عاندو مهند ولميس
وهاداك فاش فلحو
​

 

[Mr Lonely]

الحب اعمى للناس الضعاف
الي يحب يا خويا ما يطيحش بقلبو يخدمو عقلو ثاني
كل شيئ في العقل و هو الي يميز العاقل و المجنون
لازم الانسان يعرف كيفاش يوفق و ينظم العواطف
نتاوعو باش ما تصراش تداخلات و مشاكل
نعطي نصيحة برك لقوم حبي لازم يكون عندكم
شخصية قوية ما طيحوش على وجوهكم
و تقبلوا مروري
​

 

[دنيا"]

الحب اعمى للناس الضعاف

الي يحب يا خويا ما يطيحش بقلبو يخدمو عقلو ثاني
كل شيئ في العقل و هو الي يميز العاقل و المجنون
لازم الانسان يعرف كيفاش يوفق و ينظم العواطف
نتاوعو باش ما تصراش تداخلات و مشاكل
نعطي نصيحة برك لقوم حبي لازم يكون عندكم
شخصية قوية ما طيحوش على وجوهكم
و تقبلوا مروري​

راي من رايك خويا في النهاية كلشي مقدر من عند ربي والزمن كفيل بالنسيان

 

["غزالة الجزائر"]

ماظنيتش مزالت كاينة هذي العقلية
درك وحدة مايقبلوش دارهم يروح لعشيا يخطب وحدة اخرى وهي لي يجي يخطبها بعد هذا الطفل تقبل بيه
وفي هذا الوقت عاد كلشي مصالح في مصالح
ونتمنى انو يكون مزال كاين هذا الحب وهذي التضحية ​

 

[bilal22]

بلال انا نظن لو كان تجرب ........

تعرف وعلاه راهم يديرو هكا

والغلطة الكبيرة من الاهل هوما اللي ميحبوش الستر لبناتهم ولا اولادهم
اصلا بمجرد ما يجي يخطب ديجا هنا بانت النية تاعو والاهل ميعجبهمش الحال
وش نقولو ربي يهديهم

ومرسي بزاااااف على حسن الانتقاء
​

قالك انا في حالي ونقول للطالب سببلي علاه نجرب راني هايل هكا هههه
صح غلطة الاهل مدام هوما متوافقين وبالاخص ان كان سمعتهم لاباس بيها يعني علاه يمكرو
ولاكن هاذا لا يسمح لك ان تقوم بعمليات انتحاريه هههه لازم لواحد يحكم عقلو شوي
شكرا لك خيتو نورتي

 

[bilal22]

صباح النور بلعقل خويا مازالت جديد وهلكتنا بالمواضيع
ساعفنا شوي ههه
الحب الاعور في لالجيغي ومادار من فيلمات هندية وتركية
مي العبد يدي واش كاتبتلو
صحيت على الموضوع المثير للاهتمام
تحياتي

​

ههههههههههههه نتم لس تشاعفو خوكم جديد ومفعم بالنشاط هههه
صح يدي وش كاتبلو مي علاه الناس تجهل وتحب تغلط روحها وتخش راسها وتدخل في المحال ههه
شكرا لك عمتى لمشرفه ههه

 

[bilal22]

الحب الاعمى ههه
كان في زمن قيس و ليلى
درك ما نظنش كاين الحب لهاد الدرجه
شكرا على الموضوع
​

هيه اعمى كيما نتي هههه
شكرا لك ختي للمشاركه صحيتي

 

[bilal22]

خويا راني شاكة نت عايش في قرن وحداخر

مابقاش حب ههههه شولة هدا حب حاجة تاع ماكلة ,,, ?? و لا تاع تحواااس

ههههههههههههه خويا دروك المادة تهدر ني حب ني الو ​

لالا حب نتاع تحلاب برك هههه
نتي تهدري علا امور وانا نهدر علا امور وانا قلت نحكي علا زوج يحبو بعضاهم ويا ربي وطيحي في واحد ونشوفوك تتغلب عليك لماده ولا تحوسي عليه هو

 

[bilal22]

لافامي الخضرا دايرة حالة هنا

​

ونتي وش راكي ديري في وسطنا ههه

 

[bilal22]

ياربي ويعمي كاش انوشة وتحبني ههههههههه​

ياو الانانيش خلاصو في وقتنا هاذا قعدو غير لمعجز ههه

 

[bilal22]

ههههههههههههههههههههههههه راهي عقلية dz
كلش ماشي​

هيه كلش كاشي كلش ماشي وعليها يباصي ههه
شكر لك ختي

 

[bilal22]

الحب اعمى

وعلاه يفرط في قلبو
ومبعد
يلوم غيرو

الي ضربوه يديه ما يوجعوه
يداك اوكتا وفوك نفخ
سلام
​

ولاكن القلوب ليست ملك لاصحابها هاذي ديرها في بالك مليح
شكرا لك للمشاركه

 

[al-mase]

شكرا لك خيتو وربي يعطيك ما تتمناي ولاكن مش نحكي علا لعلاقات يعني نحكي علا الحب الصادق واحد تعجبو وحده ويبحث عليها ويدير عليها لمحال ومن بعدا ميكتبش ربي كاين لي تولي عليه النتائج سلبيه

لمهم شكرا لك مره اخري ختي​

في هدي عندك الحق واحد كي يكون يحب وحدة ولا وحدة كي تكون تحب واحد ومايكتبش ربي يسراو حوايج مايش ملاح ويوليو يخدمو لحرام يديرو حوايج ماتتوقعش ربي يهدينا ويبعد علينا البلاء
​

 

[bilal22]

يا خويا و الله صعيبة
تكون باني حياتك مع الشخص اللي تحبو
خطوة بخطوة
في لحظة تلقا كل شي انهار
انا واحدة من الناس ننهار مع أحلامي​

يا لطيف ها متنهاريش هنا برك ههه
صح مشكل كبير مي ما مادى ردة فعلك هاذي لي تخوف هل تصل لدرجة الا ...........
شكرا لك ختي

 

[bilal22]

في هدي عندك الحق واحد كي يكون يحب وحدة ولا وحدة كي تكون تحب واحد ومايكتبش ربي يسراو حوايج مايش ملاح ويوليو يخدمو لحرام يديرو حوايج ماتتوقعش ربي يهدينا ويبعد علينا البلاء
[/center]

هيا مليح كي فهمتيني هاذي لمره والا كنت راح ننتحر كيفهم هههه
صح الامر صعيب وردة الفعل هي لي تخوف باسكو كاين لي ميتحملش خلاص
ربي يحفضنا برك

 

[bilal22]

ربي يجيب الخير

امين يا ربي
شكرا لك