قساوة الماضي
:: عضو مُشارك ::
- إنضم
- 17 أوت 2010
- المشاركات
- 223
- نقاط التفاعل
- 0
- النقاط
- 6
السلام عليكم
من مدة استنيت ترجع اللمة باه نفرغ قلبي لانو ماعنديش بلابيها
قبل مانبدا حكايتي هذه مشاركتي السابقة اللي فيها تفاصيل قصتي
من مدة استنيت ترجع اللمة باه نفرغ قلبي لانو ماعنديش بلابيها
قبل مانبدا حكايتي هذه مشاركتي السابقة اللي فيها تفاصيل قصتي
https://www.4algeria.com/vb/showthread.php?t=268842
كما سبق وقلتلكم اني متزوجة من 10شهور وكانها قرن من اللي صرالي مع زوجي اللي كرهني في حياتي
زوجي عايش بفرنسا وهو من اقاربي تزوجنا وانا قعدت عند اهلي شهور لانو سافر مكانش يسقسي عليا كانو مش متزوج معلش اصبرت واصبرت بالرغم من هدرة الناس اللي ماخلاتنيش في حالي اللي يقول راح وخلاها في بيت باباها واللي يقول راهو طلقها المهم خليها لربي وكل هذا قلت نصبر ونشوف اخرت حكايتي معاه
المهم جاو كواغطي ودرت دوموند فيزا والحمدلله عطاوني لحقت عليه لفرنسا ومكنتش عارفة اني راح نلحق لجحيم كنت نحسب بلللي اتسقم وجيت وكتبت موضوع هنا في اللمة بلللي مشاكلي خلصو لكن الظاهر جامي يخلصو مشاكلي حتان نموت
كي لحقت شرط عليا نعيش مع اهلو بالرغم انو قادر يشري دار وعندو امكانيات انا طبعا مارفضتش وقبلت ومكنتش حابة غير نتهنى معاه وهنا زادو مشاكلي معاه
كاني مش عايشة معاه يخرج ويحوس مع اصحابو ويروح ف نص الليل وانا عليا نطبخ وندير ميناج ونسكت ومن الفوق يقول لازم تخدمي على ما واش تقولك ديريه بالسيف عليك
جامي سمعت منو كلمة حنانة والله عمرو ماقالي نحبك حتى كي نكون مريضة ونموت قدامو مايحسش بيا ولا يديني للطبيب ولا يقولي حتى كلمة حنينة بالعكس يشنف عليا
بعد شهر بغا ربي اني نهز الكرش من اول شهر ومنبعدها امو وخواتاتو غارو ماحبونيش نهز رجعو يعمرولو راسو وكي ىيرجع للدار مايهدرش معاي لدرجة انهم قالولو طيشها ماعندك مادير بيها كل هذا وصبرت وخفت نروح لبلادي ويضحكو عليا يقولو لحقت راجلها وطيشها حتى كواغط وريزيدونس ماعنديش ماحبش يعملهملي باين بللي قاري الخبث من الاول
المهم انا عندي اختي متزوجة تاني في فرنسا تزوجت صغيرة كان ف عمرها 16 هربت من الميزيرية اللي كنا عايشين فيها وتغربت صغيرة
كي جيت هنا لفرنسا الحمدلله مكنتش وحدي كانت هي قايمة بيا من لبسة ومن ماكلة لانو راجل جامي عطاني شريت حاجة
اتخيلو والله انا نتوحم وعجوزتي تخبي عليا الماكلة ومن الفوق تعمر رااجلي وتاني قدامي والله عشت الرخس وانا نشوف بعيني
خواتاتو قالولو بعدها على ختها راهي تعمر فيها وانا اختي جامي قالت شي ماشي مليح فيهم المهم حتان جا نهار قالي ختك مانسحقهاش ومانسحقكش تهدري معاها
قولولي واش نعمل راني نخمم في الطلاق لانو منيش قادرة نصبر كتر وكتر وانا كلش شي غير ختي وزيد من الفوق حب يفرقني على كل الناس حتان قالي ماديريش صحابات ماتخرجيش باش نقعد مانعرف والو وزيد حتى الهدرة مايهدرش معاي ديما وانا اللي نرجعلو
والله راني نعاني بزااااااااااف راني مذلولة بزاف
اختي الصراحة لما عرفت واش راهو صاريلي قاتلي انا ماحبتش نخربلك حياتك بصح انا عمري مانخليك تقاسي وانا نسكت
هبلوني والله راني قريب نهبل
انا اونسانت ومريضة بزاف ومن الفوق المشاكل واحد ماهو حاس بيا بلا ختي
خللي كون نكتب التفاصيل والله ماتصدقو واش عملو فيا
راني حابة نموووووت مانيش قادرة نزيد نعيش معاه بصح خايفة الطلاق ومنبعد الطلاق
كاتبلي ربي نعيش دايما حزينة من صغري
ياربي الطف بيا يااااااااارب
