مقروط لعسل بالمراحل المصورة من مطبخى

[imane27]

المقادير
دقيق خشين يكون مليح تاع مقروط
شوية ملح زيت عسل ماء ماء زهر
حشوة لتحبيها لوز تمر كاوكاو
التحظير

فى قصعة درت 4 كيلات دقيق او كيلة سمن حنا هنا دقيق ماشى كيما تاع جزائر وشوية ملح ونتى ديرى 3 كيلات بكيلة
نتى ديرى 3 كيلات بكيلة
وبيتوا ليلة كاملة باش يشرب مليح

وهنا عندى ماء وماء زهر مخلطين

وفى صحن اخر شمخى بلماء وماء زهر غير بشوية باش متنشفش لعجينة كامل

وتلميها بصح متعجنيش

وهادى حشوة لوز درتلها شوية سكر قرفة وشمختها بماء زهر

وتفتحيها فالوسط وتعمريها بلحشوة

وتلويها على شكل حربوش

وتقطعيها مقروطات

وتحطيهم فى سنوة وتخليهم يرتاحو

انا وجدت لعسيلة فالدار وهي كيلة سكر وكيلة ماء وشوية شب
حطى نصف كمية سكر فى طنجرة وخليها تولى كرمال بلا ما تحرقيها
وظيفى لماء وبقية سكر وشب وخليها تغلى 15 دقيقة

وقليهم فى زيت غازر وسخون وغير يسخن زيت نقصى لفرنو باش يطيبو من داخل

وهوا سخون من مقلة تحطيهم فلعسل باش يشربو لعسيلة تمتم انا نعسلهم مرتين

وهاهوا هنا واجد انشاء الله يعجبكم

 

[tasnim55]

يعطيك الصحة ايمان مقروض رائع الله يبارك انا نديرو في الكوشة خطراش كينقليه في زيت يتحل ومشكورة على الوصفة

 

[omarwa]

اولا مبروك عليك لبنية تترب في عزكم جاك هايل المقروط انا تان ندير 4كيلات بكيلة لان السميد مشي كما تاع الدزاير يعطيك الصحة

 

[عاشقة الوحدة]

يعطيك الصحة ايمان على المقروظ

 

[حكيك]

يعطيك الصحة يا شاطرة جاك هايل

 

[amir 07]

الله الله عليك
يسلملي ايدياتك

 

[rima29]

حنا نديرو مقروط الللي يطيب في الفور​

 

[mamouka]

مقروط هايل يعطيك الصحة

 

[{مُدَلَّلَتُهُ}]

 

[روعة2005]

هايل ايمان بارك الله فيكي على الطريقة

 

[تفاؤل]

انا جربته من قبل و ما صلحليش ساجرب طريقتك وبارك الله فيك

 

[monmon39]

جوعتيني انشاء الله انجربو و انردلك الخبر مشكوره

 

[imane27]

شكرا لزيارتكم الموضوع نورتوه

 

[zohra09]

يعطيك الصحةjak hayel wana dekto wakelit mano jak raw3a

 

[فنون]

ماشاء الله عليك يا ايمان27 بارك الله فيك هدا مقروط وعليه لكلام ماشاء الله
يعطيك الصحة يا اختي.

 

[imane27]

الله يسلمكم شكرا على التشجيع

 

[أمال المستغانمية]

يعطيك الصحة ايمان

 

[♥SaMoù Là MoDèsTe♥]

خرجلكـ / روع 'ــة
يشهي
مرسي أختـيـ إيمــآن
​

 

[imane27]

شكرا لمروركم الموضوع الله يفرحكم

 

[الماني]

انا درت خطوى خطوى مثلك و جاني الله يبارك شكرا عزيزتي ايمان