آأنستي سيدتي..وداعا \\ للنحاااافة\\موضوع حصري مع الناحيفات

[hiba14]

انا طولي 170 خصني على الاقل 14 كلغ بعدما كنت زايدة ب 10 كيلو على الوزن المتالي

 

[oum amir]

مرحبا لبنات كنت نشوف في ركن صحة حواء دخلت لموضوع النحافة لقيت هناك عدة اخوات يعانون منها وكانت ابنة عمي جد جد نحيفة ولكن وفجاة زاد وزنها_o: وعندما سالتها عن السبب قالت انا وجدت وصفة في احدى المنتديات وهي كالاتي نوتلا +150غ من الحلبة محمصة في الفرن ومرحية بودرة اخلطيهم جيدا وتناوليها مع الخبز في فطور الصباح او لوحدها دون خبز واستمري عليها لمدة ولانها كانت نحيفة جدا فقد قالت بانها في نفس الوقت استعملت وصفة التين ولكن لا اعرف الوصفة:sadwalk: ساسالها عنها و اكتبها لكن عجيبة فعلا سمنت وحتى خدودها توردت كل من يراها يستغرب لانها وفي مدة قصيرة سمنت :sheer:انا طولي 166 ووزني70 كغ

 

[oum joumana]

وعلاه عليكم الواحد حاب ينقصفي الوزن الزايد و انتم اتغيرو فينا الواحد بصيف ما ينزل كيلو والله غرت ههههه درك انتم اعطوني كيفاش راكم تاكلو في اليوم وانا انقلكم ادا حابين تسمانو خلطو الماكلا في اي وقت درك تسمانو وخليونا احنا اسمان نحرمو حالنا والله كون جيت منكم راكم نورمال

 

[-mimi-]

صباح الخير بنات كيفكم ان شاء الله بخير
انا طولي 160 ووزني 45 كيلو
وحابة نسمان مي جربت كل شي والنافع ربي
سمعت عن حبوب اسمها جانسينغ كامل الي جربوها قالو مليحة وفي شهر تزيد 5 الى 6 كيلو
اني نحوس عليها مي مالقيتهاش

 

[ضوء الخيال]

كاين حبوب تسمن تتباع عند العطارين والعشابة يسموها super appeti

بصراحة انا استعملتها وجابت معي نتيجة في ظرف شهر واحد يعني بقدر ماتكثري تاكلي توصلي للنتيجة اسرع
هي حبوب تفتح الشهية بدرجة كبيرة لدرجة انك تاكلي زوج اطباق وتحسي روحك كلي ماكليتيش
حبيت نفيدكم بتجربتي الشخصية

تاكلي ثلاث حبات في النهار وحدة مع 9 الثانية مع 3 والثالثة على 9 انتاع الليل
تكثري من المعجنات والحلويات
ممكن نمدلكم برنامجي الي كنت متابعاتو
الصباح نفطر قهوة مع خبز بالزبدة على 9 ناخذ الحبة (مالزمش ناكلوها على معدة فارغة) ناكل من وراها قاطو بيمو بالشيكولا او قوفريط على 10 ناخذ 2 بولات روز ولا مقرون او سباقيطي حسب المتوفر في البيت من بعد نتغدا عادي يعني على حساب ماما وش دايرة غذا بعد الظهر نشرب عصير مع حاجة حلوة انا كنت شارية قاطو باتمر يشبه للمقروط المنزلي بعد صلاة الظهر ندير لاسياست على 3 نوض على صوت المنبه ناخذ حبة اندير معاها 3 علي ياؤورت دانيت نرشها بنواد كوكو بعدها على 4 صحن معجنات على 6 كاشير بالخبز ولا حبيبات زيتون اسود نتعشى على 8 كي تلحق 9 ناخذ حبة تجوست من بعدها حبيبات قاطو التمر قبل مانرقد كسكروط فريت ولا سلق بالبيض
الوجبات كنت نوعها حسب المتوفر عندي في البيت خطرات كنت انا نشري الارز والمعجنات من عندي ونطيبهم المهم هو التنويع في الوجبات باش ماتكرهيش

من خلال تجربتي بانولي سلبيات الحبوب وهي

يرقد بزاف سيرتو الايام الاولى وباش نتغلبو عليها ننصحك تبداي تستعمليه وانت في البيت يعني ايام عطل على الاقل 5 الايام الاولى تكوني في البيت لانك ماتقدريش تقاومي النعاس

يفتح الشهية بدرجة كبيرة لازم تكون الماكلة تحت يدك يعني كل ماتجوعي تاكلي ولازم تضبطي ميزانية للماكلة يعني ديري برنامج كل يوم وش تاكلي

بسبب كمية الوجبات الزايدة ممكن معدتك ماتكونش مالفتها ممكن يسببلك الامساك او الاسهال لازم تردي بالك من هاذ النقطة يعني كي تاكلي امضغي الماكلة مليح تجنبي شرب الماء اثناء الوجبة

الاطعمة المناسبة
الياؤوت انتاع الشيكولا دانيت حلوة الترك الارز المقرون الفرماج

من بعد نصورلكم علبة الحبوب
اي استفسار راني هنا
​

 

[djoudjouna]

حبيت نسقسيك ختي ضوء الخيال شحال يدير السعر ديالو
اذا نلقاه عند الصيدلية
و شكرا

 

[djoudjouna]

و شحال زدت في الوزن ديالك
و اذا كانت باين فيك الزيادة كيما كنت حابة ولا شوية برك
و اذا حبستيه و لا مزالك تاكليه
و اسمحيلي على كثرة الاسئلة
و شكرا

 

[ضوء الخيال]

سعرو يتراوح بين 15 و 18 الف انا شريتوا من عند العشاب استعمليه مدة شهر وشوفي الا والمك ولا لالا
شهر يسقاملك 5 علب يعني ثمانين الف
نتيجتوا ماطولش وتبان زدت 3 كيلو في ظرف عشرين يوم ومازالني نستعمل فيه خاصني 8 كيلو:showoff::showoff::showoff::showoff::showoff:
قاتلي وحدة استعملاتو من قبل كي تحبسيه بعد مدة تنقصي في الوزن :scared::scared: يعني لازم تحافظي على نفس برنامج الاكل والا عندك حل اخر انك تستعمليه شهرين وتتوقفي شهر ثم ترجعي ليه هاك تحافظي على وزنك الزائد ومن جهة اخرى تريحي جسمك ومعدتك :sheer::sheer::sheer:
مكان حتى مشكل الا تحبي تزيدي تسقسي راني هنا
في القريب نحط صورة السوبر ابيتي
​

 

[wafae sarah]

انا طولي 1.59 و وزني 40 كغ
لازمني حوالي 16كغ على الاقل

 

[naGam]

انا طولي167ووزني54ناقصني واحد 7كيلوا ولا8
​

 

[Łøst Fłôwęr]

سعرو يتراوح بين 15 و 18 الف انا شريتوا من عند العشاب استعمليه مدة شهر وشوفي الا والمك ولا لالا
شهر يسقاملك 5 علب يعني ثمانين الف
نتيجتوا ماطولش وتبان زدت 3 كيلو في ظرف عشرين يوم ومازالني نستعمل فيه خاصني 8 كيلو:showoff::showoff::showoff::showoff::showoff:
قاتلي وحدة استعملاتو من قبل كي تحبسيه بعد مدة تنقصي في الوزن :scared::scared: يعني لازم تحافظي على نفس برنامج الاكل والا عندك حل اخر انك تستعمليه شهرين وتتوقفي شهر ثم ترجعي ليه هاك تحافظي على وزنك الزائد ومن جهة اخرى تريحي جسمك ومعدتك :sheer::sheer::sheer:
مكان حتى مشكل الا تحبي تزيدي تسقسي راني هنا
في القريب نحط صورة السوبر ابيتي
​

انا تانيجربتو نتيجة هايلة في شهر زدت 4 كيلو بصح راه يرقد بزاف على هذي برك ماشي مليح واذا زدتي معاه مشروب الحلبة تخرجلك نتيجو هايلة

 

[•• AméL Là Stàr ••]

سلام
مع انو مكاني ماشي هنا بصح جيت باش ننصحكم بحبوب appétit تفتح الشهية ومصنوعة بالحلبة تلقاوها على الاغلب في الصيدليات وشكلها يجي حبات كبيرة وفيها ريحة الحلبة​

 

[السلطانة]

​

 

[M!ss D!or]

السلام عليكم حبيباتي
سمعت بلي الدرع يسمن شكون عنها معلومة عليه على الاضرار و و و
​

 

[وميض]

السلام عليكم
انا طولي 156 ووزني كان 55 وزاد شوية 57حتي 60 بعد ماجربت جميع الحبوب الي نعرفها جربت بريكتين يوكل ويرقد بصح لازم تاكليه 3اشهر باش يتعود الجسم علي زيادة الوزن صح تزيدي بسرعة بصح انيا ماكملتوش لخاطر دارلي الهباط... اما الدواء الاخر الي في عينيك نتيجة ولي جربتو اسمو حبوب خميرة البيرا يصفى وجهك وتصفى يتكل مرتين في اليومبعد الاكل بساعتين عملي نتيجة مرضية خصوصا بعد ما حبستو

 

[M!ss D!or]

شكراااااااا حبيبتي وميض على الافادة
حقيقتا انا نخاااف من الحبوب نقول بالاك مايوالمونيش كل وحدة وجسمها يعني نخاف كاشما يسببلي
و هاد الحبوب تع الخمير مخدوم بمواد طبيعية ?
​

 

[وميض]

خميرة البيرا هي بكتيريا نافعة للجسم بعد ما تاكليها يسهل الهضم وتحسي بلمصارين البطن صارت لينة يعني تاكلي مليح وتم تم ته

 

[وميض]

تمتم تجوعي انا عندي خمسة اولاد شغل البيت والتعب ونقص النوم يعمل نحافة

 

[ام منصف]

خميرة البيرا كاين ياسر اللي جربوها وجابت معاهم نتيجة مرضية
بصح المشكل كي تحبسيها ترجع الشهية تنقطع يعني لازم تاكليها دايما​

 

[ISMA.dz]

خميرة البيرا كاين ياسر اللي جربوها وجابت معاهم نتيجة مرضية
بصح المشكل كي تحبسيها ترجع الشهية تنقطع يعني لازم تاكليها دايما​

السلام عليكم

اكلتها شوي وماخرجتش عليا مافهمتش علاه وخاصة انو الحبة تجي فيها ريحة الخميرة ماقدرتلهاش

وحبستها كليتها مرتين فقط

كنت جربت الحلبة رحيتها مع العسل حر تسمن لكن ريحة الحلبة تصرع ماحملتهاش حبستها عاود نقص وزني

ودرك راني محتارة​