أبو أميمة الجزائري
:: عضو منتسِب ::
السّلام عليك ورحمة الله وبركاته
هاذي أول مشاركة لي في هذا القسم من المنتدى
ومن خلال إسمه حبيت نفرغ شيئ قليل قليل مما في قلبي
خطاش راهو معمر وقريب يفيض .............
ما دامنا شباب حبيت نبداو نتكلموا شوية على رواحنا
ولازم نكونوا واقعيين وعاقلين ومتفهمين
الحاجة الأولى قبل ما نهدروا على الدين والصلاة والقرآن
حبيت نلفت إنتباهكم إلى قضية التّربية والأخلاق
كيفاه راهي حالتنا معاها .....؟
كيفاه رانا نتعاملوا مع النّاس ......؟
هل نحن حقيقة ناس مربيين أم نلعبوها برك ...؟
البارحة واحد يقول : كنت راكب في الحافلة جاي في وقت الظهيرة
الشمس تحرق ركب واحد الشّيخ كبييييير وغلط في الحافلة
طلب من القابض أن يحبطوا في مكان معين فرفض الروسوفور
وهو شاب غير حوالي 24 سنة
وياجماعة والله العظيم غير كلا الشيخ مسكين ما خلا فيه والو
وبالزيادة حبطوا في نص الطريق في هاذيك السخانة
والله غير يغيض مسكين ...........
حبيت نقول وين رانا رايحين بهاذي العقلية ..........
اللي ماتوصلش بعيد ..................
لازم كلّ واحد يضرب طلّة على نفسوا يحاول يراجع بعض الحسابات
بالزيادة ......
قضية الكلام البذيئ ماذابينا نريقليو روحنا معاه مليح
خطاش الأمر زاد عن حدّه بزاف بزاف
حتّى الواحد عاد ما يقدرش يخرج مع باباه ولا يماه
قضية المعاكسات بين الطرفين
شباب وبنات ماشي غير شباب
حتّى البنات عادوا يتبلاو
مادابينا كل واحد يحترم نفسو
ويخاف مولاه في بنات الناس ...
هاذي رسالة أولى من أخيكم حسين
إن شاء الله تجي مناسبة أخرى
نزيدو نفيديوا شوية
دمتم بود .........
