ماذا ستطبخين اليوم سيدتي الجزء 2

[ibtesem]

صباح الخير يالبنات واش راكم

 

[أم دودو]

صباحكم سعيد واش راكم كامل
واش راكي ابتسام أنا راني بخير و الحمد لله
غداي شربة و سلاطة و خبز الشيبس

​

 

[dahbito]

صباح النور ابتسامو والله رانا الحمد لله
وفطورك يشهي ام دودو بصح بحرتلي في خبز الشيبس كيفاه خدمتيه

 

[أم دودو]

صباح النور ابتسامو والله رانا الحمد لله
وفطورك يشهي ام دودو بصح بحرتلي في خبز الشيبس كيفاه خدمتيه

الله يسلمك دهبيتو و صح فطورك إنت تاني
بالنسبة لخبز الشيبس هذا نديره دايما مع الشربة و جاري الفريك ساهل و ما يديش الوقت
- كأس و نص فرينة + أقل شوي من الفنجان زيت و ملح و رشة سكر و مغرفة صغيرة خميرة فورية و تبسسيهم و تضيفيلهم بيضة صغيرة و تسقيها بالماء حتى تصبح عجينة متماسكة تتركيها نص ساعة تتخمر و من بعد ترشي الطاولة بالفرينة و تبسطي العجينة بالحلال و يكون سمكها نصف سنتيمتر و تجيبي الجرارة أداة اللي تقصي بيها البيتزا و تون السنة تاعها مشرشفة تقصي بيها العجينة مثلثات مثل حبة الصامصة و تقليها مباشرة في الزيت السخون و تنشفيها فوق ورق المطبخ و تقديه بطريقتك و من الأحسن تقدميها سخونة
​

 

[حاملـة المسك]

سلام على الجميع
بسومة و الله كلامك أثر فيا ربي يخليك
ربي يعيشكم نت و ندى و روز و كل من استوحد غيابي
و الله غير تفنيين برك و مخي حابس تملو البنزين
نحاول نطل كل ليلة كما قالت ندى العشاوي هناتني منهم :tongue_2:
آسيا الكلورون منحبوش بزاف بصح البسبوسة بتلك الطريقة جد مغرية ...روووعة
تخلطي ماء الورد مع البودر و لا كفاش
وجات تانيك مسطرة مليح ستعملتي مسطرة
مليحة في سهرات رمضان تشبح القصرة مام باش الواحد يديها فـ يديه متحشمش
كوثر مـ شاء الله عليك فنانة ربي يحفظك
نت الوحيدة من جهة الغرب لنعرفوها ربي يخليك لينا و ما يحرمنا من طلتك الوهرانية
ماما ميا مرحبا بيك نتشرف بانضمامك لنا

بصحتكم الغدا​

 

[عفاف الجزائرية]

سلامو بنات ان شالله تكونو كاااااااااامل بالف خير
ربي يخلكم حتى انا توحشتكم
واكيد راجعة بنشاط
الميكرو راه حابس برك هاذو الايام يخدموه ونرجعو لعادتنا
ديما لمتنا للاعلى ورح تبقى للاعلى​

 

[nada242008]

مساءكم فل يا اهل اللمة
ام دودو غداك يشهي وسخفتيني في الجاري ربما نطيبوا في الليل
والشيبس خرجتلك روعة روعة كيفاه تقطعيها مثلثات فقط ولا تلفيها كيما الصامصة
رغووودة فرحتينا
انا غدايا كان دوبارة
صح غداواتكم كامل

فوفة ماعليش رانا نسناوك
واكيد بلاصتك فارغة في اللمة
ان شاء الله ماتطوليش وترجعينا:sheer::sheer:

 

[ام حبيب]

مساء الخير اخواتي كراكم

 

[أم دودو]

إمممممممم ندوش البارة ريحتها من هنا و خاصة هاذوك الطرشيات نموت عالحرور بصحتك
أما الشيبس نقطعه مثلثات بهذه الأداة و إذا ماعندكش إستعملي سكين حاد

إذا درتي جاري في العشاء جربيه مافيهش مقادير مكلفة و ساهل على ضمانتي و إن شاء الله راو يعجبك
​

 

[nada242008]

إمممممممم ندوش البارة ريحتها من هنا و خاصة هاذوك الطرشيات نموت عالحرور بصحتك
أما الشيبس نقطعه مثلثات بهذه الأداة و إذا ماعندكش إستعملي سكين حاد

إذا درتي جاري في العشاء جربيه مافيهش مقادير مكلفة و ساهل على ضمانتي و إن شاء الله راو يعجبك
​

اوكي راني فهمتك يا ام دودو
واكيد الجرارة عندي
في الليل ان شاء الله نجربها
يعطيك الصحة ومشكورة على التوضيح

 

[assia dz]

آسيا الكلورون منحبوش بزاف بصح البسبوسة بتلك الطريقة جد مغرية ...روووعة


​

كامل مانحبوش الملونات نعرفوا أضرارها بصح صراحة راهي تبهي الحلويات بزاف أنا مانتصورش مثلا المخبز بلا ألوان راهو يجي روعة، وحتى النودكوكو تعجبني ملونة في بعض الحلويت، أنا كي ما يكونش عندي بيستاش نلونها بالأخضر الفاتح ونزين بيها القطايف، تجي هايلة.
حطي النوادكوكو في كيس صغير وحطي شوية ملون وخلطي جيدا تحصلي عليها ملونة بلا ماء.

 

[imane27]

مساء الخير عليكم صح فطوركم كامل
ام دودو فطور يشهى بصحتكم
ندى دوبارة متستغنيش عليها كليتها غير مرة واحدة فى حياتى
هدا عشايا تاع لبارح جاج محمر فريت سلاطة وصوص تاع لجاج كنت حابة نزيد شربة راجلى محبش قالى حبتى تحرقى كروشنا

 

[assia dz]

أنا اليوم الغدا كان باذنجان قراتان.
راني حطيت الوصفة الخاصة ب la pate d'abricot وهذا الرابط:
https://www.4algeria.com/vb/showthread.php?t=286308
أما البسبوسة فبعد ما كتبتها ووضعت الصور درت اعتماد المشاركة راحت النت وراح كلش معاها تقلقت تاع الصح منها ، لكن راني نعاود نكتبها إن شاء الله بعد ما تروحلي القلقة

 

[assia dz]

بصحتك الشوربة أم دودو وخبز الشيبس، وانت ندى بصحتك الدوبارة نعرف اسمها ومكوناتها بصح عمري درتها ولا ذقتها، إذا بقاتلك شوية ابعثيهالي إيمايل، جاج يشهي إيمان وحتى السلاطة مغرية.
​

 

[روعة2005]

مرحبا بيك عفوفتي شكون ينسى سكرة المنتدى ولا اللمة بلا بيك لايت :shay:
ندوش اممم تشهي الدوبارة ممممممممممم
ام دودو غداك يشهي سيرتو خبز الشيبس روعة
رغودة اكيد نفتقد تواجدك معانا عندو طعم خاص وردودك دايما مميزة
ايمان عشاء با الطبع يعطيك الصحة حبوبة
الجيرواز بصحتك العشاء ممممممممم
هذا كان عشانا البارح

والغداء كان محاجب بصح ماقيتش المغطة ندوش وقيلة نصفاك ندي الزايدة ههههههههه

والعشية دارت الوالدة سفنج مممممممممممممممم

 

[أم دودو]

إيمان غداك يشهي بالأخص الدجاج ههههه
آسيا يعطيك الصح على وصفة عجينة المشمش
فوفة عشاك باهي بصح ماعرفتش واش هو فهمت غير سلاطة الرز و صحن الديسار قوليلي واش هو الباقي هههههه
و محاجبك طايبين عالجمر بلا مغطة
و بصحتكم السفنج
و أنا تاني قصيت القاطو عملته البارح و لازم يبات ليلة كاملة و قصيته ضرك و حطيته مع القهوة

​

 

[روعة2005]

الله يسلمك ام دودو هذاك مثوم+ودلمة لوبيا خضراء+هريسة
وبصحتك القاطو حبيبتي

 

[بنت الجسور المعلقة]

حبابي راني 16سنة برك ههه علابالي درك تقولو صغيرة وطيب وانا نحب طبخ بززززززززااف متصوروش قدااااش انا ليوم درت
كيش الطماطم والتونة

وهاو رابط لوصفة
https://www.4algeria.com/vb/showthread.php?t=286180​

 

[mama miya]

سلام عليكم خوتاتي و الله غير حببتوني فالمنتدى
وربي يحفظلكم يديكم و بصحتكم كامل و شكرا لترحيبكم بيا
انا درت طعام للعشاء مع الدلاع و سامحوني ما عنديش كيفاش نصور
البورتابل فسد و الكاميرة ماعنديش

 

[imane27]

صح عشاكم لبنات
ماما ميا بصحتكم طعام بدلاع راجلى يموت عليه