جديدة و.........

[limar22]

االسلام عليكم واش راكم لاباس جديدة وحبيت نفرغ قلبي راه مليان كاين موضوع كرهتو و مليت نحكي عليه ولانا كابوس ساعات نحس روحي نحلم تالمو ما نيش مالفا تصر عدنا حكايا هكا اوف ما فهمت والو الناس ولات دوبل فاص ولا من بكري كيما هاك ربي يسترنا وصلنا لزمان كلشي داخل بعضاه و دجي تفهم ادوخ....

 

[ماكانش]

يعطيك الصحة ليمار
مرحبا بيك بيناتنا
الله غالب الطبايع فسدت والناس تبدلت
هكذا ولاو دوبل فاص باش يعيشو
تركو الرجولة تاعهم تركو كملتهم رخسو
يالطييييف ...​

 

[chemssou007]

ما تحيريـ روحك ما والو يا الأختـ
عيشي كيما تحبيـ و اخطيك من الناسـ يحبو حتا يحرقو رواحهم
ديريـ همك في راسك و هم الناسـ طيشيه في البحر
الناس ولاو تاع مصالح الا من رحم ربي
لذلك ننصحك أخطيك من الناسـ و اعتمديـ على روحك

سلام​

 

[محـ أمين مد]

عيشي نهارك كي شغل غادي تموتي غدا من ذاك

اضربي الدنيا بطالون لكن ماتسمحيش في دينك

و خلي الباقي على ربي
​

 

[Jeune Sghir Mc]

دوبل فاص برك!!!
كاين 3 فاص 4 فاص 5 فاص
كاين بزاف
الله غالب أختي واش راح نديرو
ولفي روحك على هذا الزمان
تحياتي
​

 

[ملكة جمال اللمة]

كاين بزاف
الله غالب أختي واش راح نديرو
ولفي روحك على هذا الزمان
​

 

[la_safa]

الله غالب هادا حال الزمان درك

نقلك ماتلتاي حتى بواحد عيشي كيما يحلالك
و اصبري هاذا ماكان

و ربي يهنيك
​

 

[{مُدَلَّلَتُهُ}]

Mar7ba bik khti

hada houwa 7al el denia rabi yehdina

 

[limar22]

مرسي لكل واحد رد عليا

 

[سمية25]

شوفي اختي الكوفيرطة راهي دوبل فاص اما الناس في هذا الوقت راه عندها 100فاص وكل فاص يستعمل على حساب الغاشي ..........الله يهدي الجميع
انا نقولك عيشي حياتك والمهم انك صافية مع ربي ومع روحك هذا هو الصح
تقبلي مرووووووووووري

 

[blida09]

بعدنا عن دينا الحنيف ورجعنا اضعف الامم لهذا سبب
الله يهدي ويصلح اختي

 

[ديهيا القالمية]

شفتي كيفماه اختي ولي يقول الحق كامل راه كلامو مسوس صامط ودمو تقيل وواحد مايصدقو هذا هو مي هادو ماتقدري تبدلي فيهم والو الكلب (حاشاكم) تقصيلو دفارو بيقى كلب نعيش حياتي كيما نحب وفي حدود ما يرضي الله والناس عمرهم ما راح يرضاو عليك شكرا على الموضوع

 

[pixau_dz]

موضــــــــــــــــوع قيم ومميز

شكــــــــــــ لك ـــــــــــــــرا

تقبلو مرور pixau_dz

 

[limar22]

شكرا للجميع :re_gards:

 

[roudi92]

2فاص و سكتي الناس درك عايشين على الهف كي ذيل السردوك حاشاك الريح الي يجي يديهم ربي يهدي ماخلق

 

[limar22]

امين اختي شكرا علي الرد