الــزين زينة و العقلية ماينــــا.

[مفآهيمـ الخجل]

شخصيا زين الطفل مايهمنيش بزاف

وتاني ميكونش باشع لدرجه تكرهني فيه
يعني يكون شكلو مقبول
بصح اللي مستحيل نسمح فيه التربيه ثم التربيه ثم التربيه ثم العقليه يعني مالازمش يكون سامط

شكرا على الموضوع​

يعطيكـ الصحة ختي

التربية و التربيه اهم

بآآآركـ الله فيك​

 

[مفآهيمـ الخجل]

الحمد لله عندي فيا انا هاذو الحوايج في زوج

وهو تاني فيه هاذو الحوايج في زوج
ربي عطالنا قد قلوبنا
الحمد لله

الله يباركـــ...
لعقوبة للي راهم في لاسوفرونس في البحث بين الزين والعقلية ههههه​

يا اختي واش نقوللك المثل يقول
ما يعجبك نوار الدفلة في الوديان مداير الضلايل وما يعجبك زين الطفلة حتان تشوف الفعايل
يعني الزين ما يبني جبال
المهم والاهم هي العقلية التفكير التصرف التربية والاخلاق
معاهم شويا نتاع الشوية نتاع الزين
هاذي زدتها من عندي برك
ربي يجعل الخير هاذا ماكان​

يعطييكــ الصحة

ماارسي عالمرور​

 

[مفآهيمـ الخجل]

طبعا الشي المهم هو العقلية والزين شوس منها يكفي على بال لي يكون زين بزاف يولي يشوف روحو

اييه عندك الحق

صحيتي ختي

نوورتيــ​

 

[مفآهيمـ الخجل]

dans un match de foot A n est pas tjrs gagnant ou B ne l est aussi

meme chose pr​

الـــــزين VS العقليــــة



il pt y avoir :
0-0
100-100
50-50
100-0
0-100
50-100
100-50
.....​

مآآآرسي عالمرور ختيــ​

 

[DARINE05]

اييييييييييييييي موضوع مليح واش نقولك في زوج يكملو بعضهم لا راحت العقلية مكان حتى معني للحياة

 

[مفآهيمـ الخجل]

وعليكم السلام ​

خيتو درتي موضوع مليح
بون لكلام لي قلتيه ماعندي مانقب فيه
بصح انا متمني وحدة بلا مانشوف زينها ولا عفقليتها
موهيم وحدة وخلاص
بصح شرطي تكون بدون سوابق يعني انا الاول وانا الاخير

ان شاء الله ..ربي يعطيك ما تتمنى​

يقلك مكناش شجرة ماقاسهاش الريح
مي كل ريح وكيفاه يقيس ​

ربي يعطيني قد نيتي ويعطيكم قد نيتكم
....
آآميــــن ...ربي يعطينا على قد نيتنا ​

سلام ​

بآآآآركـــ الله فيك

نووورتــ​

 

[مفآهيمـ الخجل]

الي مكتبها ربي هاديكــ هي ..​

صحيتي ختي لي مكتبها ربي هاديك هي

مااارسي عالمرور

​

 

[l'espoire.h]

حنا عندنا نgولوا الشبوب عقل يعني (الجمال جمال العقل)

، و انا رايي في هذا الموضوع نفضل جمال العقل يعني العقلية هي الي تهم أكثر و من بعد يجي الشبوب و لا "الزين"

.

 

[مفآهيمـ الخجل]

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .

كمال الدين و الخلق فكلما كانت المرأة أدين و أكمل خلقا كانت أحب إلى النفس و أسلم عاقبة, فالمرأة ذات الدين قائمة بأمر الله حافظة لحقوق زوجها و فراشه و أولاده و ماله، معينه له على طاعة الله –تعالى- إن ذكرته, و أن تثاقل نشطته, و أن غضب أرضته, و المرأة الأدبية تتودد إلي زوجها و تحترمه و لا تتأخر عن شئ يحب أن تتقدم فيه و لا تتقدم في شئ يحب أن تتأخر فيه, و لقد سئل النبي- صلى الله عليه وسلم- أي النساء خير؟ قال: ((التي تسره إذا نظر’ و تطيعه إذا أمر’ و لا تخالفه في نفسها و لا ماله بما يكره))- رواه أحمد والنسائي.

ما عندي مانزيــــد


بآآآآركــ الله فيك ختي

نوووورتيـــ​

 

[مفآهيمـ الخجل]

علابالك اختي ركي حطيتينا في مشكل انا شخصيا مالقيتلوش لحل علابالك علاه قريت موضوع تاعك وتخيلت نفسي نعيش حياتي مع وحدة باشعة متشبه لوالو منقدرش الله غالب من بعد تخيلت روحي مع وحدة روعة الزين ولا طاي بصح كي نقولها الشرق تقولي الغرب وكي نقولها الغرب تقول الشرق.

ايا مالا لحل نتمنى من ربي يرزقني بوحدة فيها هدو الزوج الزين والعقلية على خاطر انا نستاهل ههههههه

صحا اختي في لامان.​

ههههههه و الله تحير واش تخير

ان شاء الله تلقا لي عندها في زوج خاطر تستاهل كيما قلت

مااارسي عالمرور الجمييل​

 

[مفآهيمـ الخجل]

و عليكم السلام خيتو

شوفي
كي ما قالك خويا هشام حطيتينا في مشكل ما لقيناش رواحتينا
بالنسبة ليا الزين يهمني 10/100 مي العقلية لازم 90/100
انا كي ندي واحد زين و فعايلو شين ما نستحقوش
هدا اللي يرقدني على طريحة و ينوضني على 10 طرايح
و لا يجيني على 2 تاع الليل خابط ما يعرفش الباب من التاقة
ياولدي يقعد يحكم سابعو ليه ماعندي ما ندير بالزين تاعو

ههه عندك الحق يقعد يحكم سابعو خيير
و للأسف أنو معظم بنات و شباب تاع دركا يخممو غير في الزين
و اللي جايبو ربي أكيد فيه الخير

مرسي حبيبتي على الموضوع الزين اللي كيما انت​

ويي هادا المشكل درك كي البنات كي الدراري ولاو يشوفو الزين برك

و لي يجيبو ربي اكيد فيه خير

يعطيكـ الصحة حنونة

نوورتيــ​

 

[مفآهيمـ الخجل]

انا بالنسبة ليا>>>>>بصح مازالني صغيرة
75% العقلية
25 % الزين

كل واحد و كيفاش يقيس

صحيتي حنونة

نتوورتيــ
​

 

[مفآهيمـ الخجل]

اييييييييييييييي موضوع مليح واش نقولك في زوج يكملو بعضهم لا راحت العقلية مكان حتى معني للحياة

عندكــ الحق

العقلية اهم بزاااف

صحيتي دارين

نوورتيـــ​

 

[مفآهيمـ الخجل]

حنا عندنا نgولوا الشبوب عقل يعني (الجمال جمال العقل)

، و انا رايي في هذا الموضوع نفضل جمال العقل يعني العقلية هي الي تهم أكثر و من بعد يجي الشبوب و لا "الزين"

.

و انا رايي من رايك

بارك الله فيك حنونة

نوورتي الموضوع​

 

[sahiko hamza]

لو تسمحيلي يا اختي الكريمة نزيد نضيف حاجة
نحكي على بني جنسكم ... ( الإنـــــــاث)

انا لاحظت وشفت انو يتمشاو بالعكس
على سبيل المتال وحدة تكون مع واحد يزيرها يضربها يسبها تطيعو وتخاف منو
اما لي يعطيها الحرية ويقلها قادريني برك .............. ياحسراه تطيشو وماتشوفش فيه خلاص وزيد تحقروا ؟

انا هذي درت حاجة في راسي
انو من نهارها تدي طريحة باه لي نقولها تمشي بيها :lol:



نقصر برك مي نشوف فيها هذاك هو وماعرف وش يكون الجواب تاعكم ...


​

 

[nina bonoise]

نحب الزيــــــــــــــن و نحب العقليـــــــــــــــــة
شوية من و شوية من
​

 

[مفآهيمـ الخجل]

لو تسمحيلي يا اختي الكريمة نزيد نضيف حاجة

نحكي على بني جنسكم ... ( الإنـــــــاث)
:re_gards:​

انا لاحظت وشفت انو يتمشاو بالعكس
على سبيل المتال وحدة تكون مع واحد يزيرها يضربها يسبها تطيعو وتخاف منو
اما لي يعطيها الحرية ويقلها قادريني برك .............. ياحسراه تطيشو وماتشوفش فيه خلاص وزيد تحقروا ؟

هههه و الله صح

و راني ملاحظتها بزاف

لي يقادرها تعفس عليه و لي يوريلها العين الحمرا تحسبلو الف حساب

و الله يحيرو تع الصح

[ انا عن نفسي نحب لي يقادرني ماشي الستيل لاخر:schmoll:]
​

انا هذي درت حاجة في راسي
انو من نهارها تدي طريحة باه لي نقولها تمشي بيها :lol:​

ههههههههه هاديك هي​

نقصر برك مي نشوف فيها هذاك هو وماعرف وش يكون الجواب تاعكم ... ​

مااارسي سايكو خويا

نووورتـ​

 

[مفآهيمـ الخجل]

نحب الزيــــــــــــــن و نحب العقليـــــــــــــــــة

شوية من و شوية من​

ايــــه احســــن

شوية هاك و شوية هاك


ماارسي عليك حنونة​

 

[القلب الابيض]

كاين و كاين ختي انا نعرف بنات زين و عقلية مي كيما قلتي بالاك معضمهم على كل حال انا كي ترجع ليا العقلية هي لولا و تاني شويا زين ههه (شويا مشي بزاف ) و بيان سور مايكملش هادا كامل غير بالدين
ميرسي على الموضوع ختيتو

 

[Rosa2]

السلآمـ عليكمـ ..~
طبع’ـآ كيمـآا عودتينـآ ,, موآضيعكـ كلهـآا رآئعهـ ..

و في مـوضوعكـ هـذآ " الزين vs العقلية "
انا نوقف بينهم للزوج
خآطر يكملو بعضهمـ البعض
كي العقلية كي الزين


//
مـآرسي خ’ـيتو & يع’ـطيك الصح’ـه ..~