السلام عليكم ورحمة الله وبركاته
مع الأسف أخي هكذا يعامل الفرد في الجزائر ! ناس عندها باك طيرت الخدمة عام الغفلة راهي تضرب وتقلب وناس عندها ثانوي راهي تعاني وناس عندها ديبلومات راهي تعاني أكثر ! يغيضك لعمر لي قريبتو ويغيضك انسان جاهل يجي يدرّس عليك ! ويغيضك انسان شبعان يجي يقولك خير من ماكانش !!! كاين ناس راهم في خير من ماكانش بسبة ناس شبعانين يزهولك بالجملة هذي !! ناس من نهار كنا صغار نروحو مع بابانا للبوسطة ولا لاميغي ولا واحنا نشوفو فيهم لليوم كبرنا ومازالنا نشوفو فيهم !! ما انقرضوش وما خلفوش الدالة لغيرهم يتفرعنو عليك واليوم كي دخلنا نخدمو معاهم وعرفنا النيفو تاعهم جاتنا الدمعة كي عرفنا بلي كانو سنين وهوما يطلعو علينا الحاجب وقت كنا نجيو كيفنا كي المواطنين واليوم كي عدنا دي كولاغ زعم اكتشفنا بلي راهم نكرة جيست النقص لي فيهم معمرينو بالتشناف ! الناس لي كيما هذي هي لي مدية حق ناس كيما انتا وكيما بزاف كيفك !! المعرفة حرقت حق بزاف ناس !! بصح نبقاو نقولو المعرفة كاينة وربي مازالو كاين !! وهذا واش نقولك الشدة في ربي خويا مادام الدنيا بيد ربي ما تستسلمش وخليك قوي وكثر من حسبي الله ونعم الوكيل ويجي يوم ويفرجها ربي ... لي علينا نقولو الحمد لله في السراء والضراء ... بالتوفيق خويا .
