الباك في الشارع

[*Sarah*]

السلام عليكم و رحمة الله

الله غالب الموضوع باين من العنوان
بعد ما خلصت الباك و كل شيء خرجت للشارع فرحانة قلت صايي بلاك نكون الاولة في الليسي خطاه سهرت و عييت تعبت سهرت و مرضت الله غالب شربت المقويات فطوري كان خاص من كل ما طاب و لذة ...........:showoff: هدا كامل باه نهز صحتي و نقدر نكمل.... _o:
و من لخر نلقى بعد ما خلصت و خلاص ( شعبة آداب و فلسفة) نلقى الجماعة تهدر بالأسئلة ...:scared:
و الله لحرام عليهم حسبي الله و نعم الوكيل من الرياضيات و فلسفة و شريعة و الله ما غضتني كمشفتش الاسئلة و لا شيء غاضتني ناس تنجح بالراحة بلا شقى و يروحوا و يشاركونا في نفس المقعد و بلاك نطيروا بسبتهم لان معدلاتهم اعلى ...........

أنا على بالي بلي ربوع الوطن كامل على بالو (المعنيين بالامر: الطلبة الاساتذة و الحراس) مي معلى باليش شكون لمأيدهم و شكون لا.

أنا ضدهم طبعا لأنهم ياكلو في لحرام و يظلموا في الغير و أنا مع الحراسة المشددة 5 و 6.....
شكون لمعايا و شكون لضدي
أنا و الله لو جاتني الاسئلة ما نقراها و لا نسقسي عليها.....​

 

[جهيدة السوفية]

أدعو الله من كل قلبي أن يوفقك وتدي الباك هدا العام ومن الأوائل ولو نجحتي لازم تعطيني الشخشوخة هههههههههه أمزح فقط اسمعي الظالم عمره ما يربح
قال تعالى : ان الباطل كان زهوقا
معناه راهو الي كاتبلك تديه أنا مريت بنفس ما مريتي تلاميذ تدي في النقاط باطل بصح حت ولو وصلو وصارو ما صارو كلها حرام في حرام
ربي يوفقك أختي
تقبلي مروري
أختك جهيدة​

 

[زهرة الندى]

يا خيتو واش تديري هذي هي الدزاير :cra_zy::du_nno:​

وقالك لازم النسبة النجاح تطلع
:thumb_down:
ربي يهدينا برك ​

و ربي ينحجك خيتو بمعدل كبير ان شـــــــاء الله ​

 

[محـ أمين مد]

في الجزائر الدنيا راها مع الواقف

واش حابة تعملي ....
​

 

[السلطانة]

وعليكم السلام
راح الشارم تاع الباك ذاك العام
وزادو كملوها بتسريب اللاسئلة
يعني مليحة يادزاير
ربحتي
ربي يوفقك اختي
​

 

[شجـ الروح ـون]

ربي يوفقك خيتي
والله بلادنا كلشي ولا نورمال فيها
حتا انا الصبح خويا
جا زعفان
قالي اللي جامي قراو خرجو يضجكو وقالو ادينا عشرين
لكنو قالي مانحتاجش حاجة الحرام
الا اديت ندي بعرقي وبخدمتي
وربي عمرو مراح يخذلني
ربي يوفقكم خيتي
ربي معاكم​

 

[*Sarah*]

إن شاء الله
مشكورين مي و الله صح كاين بزاف درك طاحو بين الرجلين خطاك ميحبوش لحرام .......
يا ربي يستر راني مييت بالخلعة درك واش يصرى...
و حاليا راها اسئلة الفيزياء راها في النت مع الحل أكيد كاين لمش شايفها
مي الاشكالية لعندي هي أنا علاه ملحقتنيش الاسئلة كما هما؟ أنا شكون و هما شكون؟؟
و الله تجي تفهم باه تنحي الحيرة تحير و تدوخ.......​

 

[mir@cle]

ياختي هم اختاروا يبنوا حياتهم على أساس حرام
​

 

[malek2010]

واحد مايكذب عليك انا البارح في الليل جاوني قالولي السوجي أنتاع الفزياء خرج وهاو واش راح يجي بديت نحل فيه عمبالي يجي والجماعة بكل يحلوا فيه من بعد اليوم ماجاش طلعت السخانة للراس وزيد ماحضرنالوش مليح واش ديري هدي هي الدزاير...

 

[noussy]

انعم ايه البااااااااااااارح طلعوا اشاعة بصح صحيحة انا قالهالي استاذ في الامانة قالي كان السوجي لي قالولكم عليه هو لي رايحين يديروهولكم اليوم لأنو بالفعل تسرب الاسئلة كي قتلو وين راهو ؟؟ فهمني وحد الحاجة قالي بلي الوزارة راها تحط سوجي a ..b...c للاحتياط على جال يوم كما ذا والنهار ذا جا نهاروا يعني كانو رايحين يحطون انتاع تقني رياضي وكي لقاو بلي الاسئلة تسربت راحو للموضوع b والله غير صح تغيظك عام كومبلي واحنا نسهروا ونتعبوا ومن باعد يجي واحد في حياتو ماهزش الكايي ومايعرفش وين يصددها يجيب 20 في مواد كما ذيكــ ........ الله يهديك يا ابن بوزيد ولا يديك ... مين ولا رئيس قطااااااع التعليم ماشاف ربحــ ضيع البلاد ان شاء الله ربي يضيعو

وان شاء الله بربي ننجحوا