يا ...تبهديــــــــلة

[أسماء الجزائر]

السلام عليكم و رحمة الله و بركاته
حبيت نحكيلكم عل بنت عمتي هذا العام جوزت الباك
المهم...شعبة الادب و فلسفة هذا العام اداوهم يجوزوا الباك في ليسي بعيد وبنت عمتي الشاطرة ناضت النهار الاول بكري راحت و قالت خدمت مليح..........
النهار الثاني ناضت .....على .....انا و الله غير خلعتني
ناضت على ال8 ...ما فطنتش ني هي ني ماماها ني خواتاتها ني....دار كاملة وبدات تبكي و تضبح و راحت لجارهم و عينيها منفخين و قاتلو ما فطنتش..ههههههههههه
تبهديلة و الله
واش رايكم في البنات اللي كبار و ما ينوضوش بكري ؟ و اللي ما يفطنوش للreveille ؟
تحياتي للجميع
ســـــــــــــــلام:sheer::sheer:طويلة كي انا ههههه

 

[ماكانش]

هههههههههه
ماتقوليليش ماراحتش تفوت ؟؟؟
لاحول ولاقوة الا بالله
يعني ماشي متعمدة ؟؟؟ هههههه
نقصر برك
لأنو من طبيعة الإنسان كي تكون عندو قضية ايرجو ولا مسافر الليل مايرقدوش مليح غير يفطن ...
على كل حال في نظري أن الطفلة ولا الطفل عيب انو ينوضوع على ال10 وضواحيها ههه
خاصة كي تكون الطفلة مزوجة كي مرت خويا ههههههه​

 

[يوسےفے]

هههههههههههههههههههه...ما سبت ما نقوووووول.....ان شاء الله تكون فوت ذاك النهار وأن شاء الله تنجح​

 

[الجندية]

يآعمي مكانش هههههه قلت الصح ههه
انا كي تكون عندي حاجة ولا قبل reveille ننوض نوجد روحي وكل شي عاااااد يصوني
بصح كي نكون آليز وماعندي حتى بروجي الـ 9 نتاع الصبآح راني عاد نشوف في المنامات
سلام
​

 

[Estrella]

نهار كي من داك ماشي غير نوض بكري
انا نروح نحللهم الليسي ههههههههه
نتمنى تكون فوتت هداك النهار
ربي ينجح الجميع..
شكرااا ​

 

[أسماء الجزائر]

شكرا على الردود
نزيدلكم حاجة راحت و جوزت و رجعت لعشية فارحة بروحها ..كلي ما صرا والو
والله تبقى حاير في هذا الجيل راحت ليهم ماما البارح صابتها راقدة على 11 ما نضعرتش هههههه

 

[loca]

هههههههههههههه كارثة هادي والله عارفة عندك باك ياوا نا من خلعة منرقدش قاع ديجا هاو فجر علاش متونضش تصلي وكان راها مالفة تنوض توالف هداك وقت
الله يهدينا شكرا ختو وسلمي على بنت عمك قولها نهار عرسك اسكو تنسي روحك هههه وقولها عام جاي ان شاء الله نوضي بكري ههه
سلااامووووون​

 

[نسيم الربيع]

اواه فنهار هكا نورمالمو تنوض هي تفطن الامام
انا فيامات الباك كنت نوض بكري
بصح كيما يكون عندي والو نسهر ووين نضت نضت
مارسي عليك​

 

[المتفائلة_91]

ههههههههه هاذي مريحة طول ، كون جا هامها الباك راهي توقظت قبل الreveille
كيما انا نهارات الباك رحت راسي قد السخط من قلة النوم

ايا فيهم الخير كي خلوها تفوت

ربي ينجحها​

 

[Soumia_Sétifienne]

ههههههههههههههههههههههههههههههههه والله انا ثاني مانوض وحدي

 

[nina bonoise]

هههههه اوندري تحكي عليا
كون متنوضنيش ماما منوضش
باسكو منفيقش قبل ال 10 سا تاع الصباح ههههه
و ساعات 11 سا لكان الكالم في الدار
و مام بالرافيي نحبسوا و نزيد 5 دقايق
نلقا روحي رقدت خلاه
محلا الرقدة
​

 

[الطفلة البريئة]

الحمد لله كي فاقت و فوتت النهار هذاك ههههههه
هكذا نعرفو باللي راحت قيمة الباك في الجزائر ، حتى الخوف تاع الباك ما بقاش
انا الحمد لله في دارنا اللي يفوت الباك ينوضو معاه بابا و ماما من الوقت اللي ينوض يقرا فيه
و اصلا انا وحدة نكون مسافرة برك نبات نايضة نشوف فالساعة وين يا الباك
المهم ربي ينجحها
@m!m​

 

[أسماء الجزائر]

شكرا على الردود و التفاعل مع الموضوع
مسكينة بنت عمتي بهدلتها..ههههه

 

[manita_a]

اواه كاين فرق بين وحدة موالفة تنوض على الظهر و كاينة وحدة غفات و مانضاتش بكري بالاك من لعيا بلاك سهرت في الليل
مهم انا نقول تبهديلة كي وحدة تعمد باه تنوض على 12 ولا 1 بصح هاذي مش متعمدة
شكرا على موضوعك

 

[الجمرة الخبيثة]

والله ياختي يرحم عمنا لgاوري لي راه ديرلنا لي بورتابل متسحقي حتا عربي هههه
​

 

[سجل أنا جزائري]

باردة القلب هذي هههه
العائلة هذي عندها مرض الرقاد توارثوها من الجيل لجيل هههه

 

[إيمان قلب]

السلام عليكم
والله صح انا كي تكون عندي حاجة ارجون اصلا مانرقدش مليح ونفطن في كل وقت
مي كي تكون هاك وخلاص مي أنا نحب ندير الرفاي الصباح على السبعة ولا والله مانفطنلو ويبات يصوني ماعلباليش واش راه يصرالي
ان شاء الله برك تكون جوزت هذاك النهار وربي ينجحها

 

[الجريئة]

ربي ينجحها
انا كي تعود عندي حاجة نوض قبل الجاج ههههههه
سلام

 

[زمردة الايمان]

انا لوكان كا تنوضنيش ماما نرقد نهار كامل
مي في القراية توجور نوظ وحدي
ان شاء الله تنجح بنت عمتك
​

 

[DARINE05]

yon akhah maskina dok ay srtlha khl3a blak batat tarivisi