وين رآحت قيمة الوقت ؟

ضآحكة مستبشرة

:: عضو شرفي ::
إنضم
27 جويلية 2014
المشاركات
15,079
النقاط
13,521
محل الإقامة
أزمير
الجنس
أنثى


السلام عليكم و رحمة الله تعالى و بركاته
اهلا و سهلا بالجميع اعضاء و زوار


كيف حال الجميع ؟


عندي مدة مكتبتش هنا توحشت هذا القسم و اليامات الزينة فيه

اليوم وليت من جديد و ان شاء الله تكون نهاية للكسل هههه
عدت و بحوزتي ميضـــوع { كيما كنا نقولو من قبل هههه } و لي هــو الـــوقت و سرعته


الزمان هذا لي رانا فيه الوقت ولـى يجري بسرعة الضوء ثم ثم تلقى اسبوع شهر شهور مضت بلا ما نحسو
تغيب عن منطقة ما فترة صغيرة تخلي فيها اطفال صغار ترجع تلقاهم ولاو شباب و بنات الله يبارك عليهم
انا حسيت صح للوقت بلي ولا يزرب من نهار جبت الباك و رحت للجامعة خاصة و انو عام البكالوريا كانت فيه الدقيقة عندي بقيمتها
عامين من 2016 جازوا بسرعة رهيبة تسقسيني واش صرا فيها نقولك مع معلباليش هههه نعم
الوقت يمضي بدون انجازات يروح الوقت و حنا مزلنا في نفس النقطة محققنا حتى هدف ولا نتيجة
يعني هاذا الشيء ليس لصالحنا خاصة مع تطور التكنولوجيا هذا فيسبوك هذا انستقرام هذا يوتيوب حتى تلقى النهار خلاص
لا صلاة في وقتها لا قراءة قرآن لا ذكر لا طاعة الا من رحم ربك { تقصير في الطاعات }
الوقت يمضي و حنا منحسوش بيه و يروح غير في التفاهات القيل و القال و ارواح و روح


بصح السؤال المطروح ؟ الوقت صح راه يمضي بسرعة كيما هو معروف من علامات قروب الساعة يولي العام شهر و الشهر سمانة و السمانة يوم و هي رايحة
ولا مواقع التواصل الاجتماعي و الانترنت قضات على قيمة الوقت و ولى معندو حتى قيمة ؟


نتفكر يامات الصغر كنا نوضوا صباح نروحوا نلعبو في ايام الصيف و نشرولهم واش يسحقوا في الدار و نتغداو و توصل القيلولة و في العشية نزيدوا نروحوا نلعبوا
منولوش حتى مع المغرب نتعشاو و نرجعوا نلعبوا الى ما بعد العشاء نحس الوقت كانت بقيمتوا ثما نهار صح يجوز نهار
ضركا اصلا الصباح منوضوش بكري الفترة الصباحية راحت و هذا اكبر خطأ النبي صلى الله عليه و سلم قال : { بورك لامتي في بكورها }
لكي ندرك قيمة الوقت لازم نوضوا بكري و هاذي نقطة مهمة و اساسية لما نسقسوا انسان كبير في السن على الوقت مع شاب عشريني رح تكون اجابة مختلفة
لانو الشيخ تعود منذ شبابه ينوض يقضي اموروا صباح و الشاب يبات قاعد و يظل راقد



صح الوقت راه يزرب و هذي من علامات قروب الساعة لكن اهمالنا لانفسنا و تضييع الوقت مع الانترنت و النوم المتأخر و الاستيقاض المتأخر ثاني خلانا منعرفوش قيمة الوقت
لو نرقدوا بكري و نوضوا بكري مع الفجر لان خير الاعمال مع الفجر سواءا طاعات او معاملات او اي شيء و نستغلوا الوقت في المنافع
الصلاة في وقتها الجلوس مع الاهل الذهاب لصلة الارحام و وضع برنامج خاص مثلا القيام بهواية ما رح نولو نستناو الوقت الفلاني باش نقوموا بأي عمل من الاعمال وقتها سندرك حقيقة الوقت عن حق
ماشي كيما الماكلة و الرقاد تسعة تاع صباح مع تسعة تاع الليل نفس الشيء لانو تروح هباءا منثووووووووورا مفيها حتى منفعة


ههههههه تخلطتلي شوي في ترتيب الافكار المهم الموضوع او الميضوع حول قيمة الوقت و سرعته و كيفية استغلالة و فيما يضيع كتلخيص للموضوع هههه
و اعطونا رايكم حوله ههه


ان شاء الله تعجبكم عودتي للقسم بهذا الموضوع الخفيف الظريف

و انتظروني في موعد اخر مع موضوع آخر


مسائكم سعيد :giggle:



 
آخر تعديل بواسطة المشرف:

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
وعليكم السلام ورحمة الله وبركاته
أسماء المهبولة ضحكتيني هههه جيتي تنصحينا وليتي تضحكي هههه
موضوع هايل أسومة يعطيك الصحة (y) وقت صلاة درك كي نرجع ان شاء الله نرد عليك حبيبتي
نحكم بلاصتي قبل ما يهجمو هههه
لي عودة ان شاء الله

 

وحيدة كالقمر

:: عضو مُشارك ::
إنضم
29 أفريل 2018
المشاركات
134
النقاط
13
محل الإقامة
Oran
الجنس
أنثى
الموض ع رائع و طرحوفي الوقت المناسب
صح هاذي من علامات الساعة لكن العولمل لي ذكرتيها من انترنيت و الاستيقاظ المتأخر تزيد في قصر الوقت
بصراحة هذا الشيئ يخيفني نوعا ما اصبح اليوم يمر بلمح البصر و تجد نفسك لم تنجز شيئا تنتفع به
ربي يهدينا ان شاء الله
بارك اللهةفيك اختاه موضوع اعجبني ^^
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
من بين الاشياء اللي رجعت صح تخليني نخمم ونتعب نفسيا هو الوقت
ا بن عمي شحال يفوت هاهي 2018 انصفت البارح برك كنا نقولوا عام سعيد
سبحان الله البركة تاع الوقت مكانش لكن الشيء اللي حيرني
صراحة انو حتى لو نشغل الوقت بالمنفعة يفوت ديفوا نجو نريفيزيو للامتحان سبحان الله ما نكمل الصفحة الاولى نلقاها فاتت زوج سوايع
بلا ما حفظت بلا ما والو الفجر صح هو مربط الخيط لانو البركة كاامل في الفجر ولكن مع هذا والله غير يفوت الوقت وزيد مع الفايسبوك وغيرو تجي تحكي زوج دقايق مع حبيبك تلقى الوقت كاامل راح خمس سوايع وانت مكونيكتي بدون شعور الله لا يحرمنا من نعمة البركة في الوقت ويغفرلنا في كل وقت ضيعناه يا رب
صحيتي
 

زهور الأمل

:: عضو شرفي ::
إنضم
27 جانفي 2017
المشاركات
2,410
النقاط
2,511
محل الإقامة
My Home
الجنس
أنثى
وعليكم السلام ورحمة الله وبركاته
شكرا لموضوعك المهم جدا والذي اصبح هاجسا يخطف منا اللحظات
بحلوها ومرها
فقد اصبح الوقت يجري منا كتدفق الماء من القنينة
لا ندركه ولا ندرك ما نفعل ليتشتت تفكيرنا ما ين الحفاظ عليه وفعل شيء اخر فى نفس
لتمضي الايام والاساباع والسنوات فنصحو من غفلة لنجد انفسنا كبار دون غهم واسع للدنيا
اى دون تجربة نستفيد منها ونفيد
كحل لذلك لا ارى سوى انه على الفرد منا ان يتخلى عن انانيته تجاه نفسه وغيره و يبذل بعض الجهد لتحقيق احلامه واذا فرغ منها فلا باس ان نصبح خدومين لله من خلال من يحتاجنا لنرضى الخالق ونكتسب الحسنات و حب الناس
كما جاء في حديث الرسول المصطفى

*من كان في حاجة اخيه.كان الله في حاجته*
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
السلام عليكم ورحمة الله وبركاته
قاعدة نقول ياربي كاين موضوع قلت نوليلو وماوليتش شكون هو ههههه
والله يا أسماء ختي المشكلة تلقاي روحك مادرتي والو في حياتك تلقاي كلي عندك فراغ
بصح كي تجي تحسبي تلقاي الوقت يجري، وماش غير يجري يعني سرعة خيالية العام ولا شهر والشهر ولا اسبوع
واليوم ولا ساعة، أنا ساعات نقعد لعشية نتفرج مثلا برنامج نغمض عيني نلقى روحي غدوة بعد في نفس الوقت نتفرج في نفس البرنامج
نتشوكا تجيني منام كيفاه الوقت يجري هكاك؟ نشفى عليها بكري كي تلحق العطلة الصيفية وحنا في الابتدائي
هاديك العطلة تقول عام ماتجي تخلص وندخلو نقراو حتى نكبارو هههه لي يطوال ولي يزيان هههه درك والو حتى ولو تحب تخرج عطلة
غدوة بعد تلقى روحك داخل حتى اصدقائك ماتتوحشهمش ههه، وصح وقتنا درك ولا بالاك يروح هكاك ماش كيما بكري
بصح كيما قال حكيم حتى البركة راحت من الوقت تاعنا تفطن الصباح ماتجي تدور شوي تلقاها 12 تتغدا تغسل لماعن
تلقاها 3 تصلي العصر تلقاها 5 هووب تلقاها 8 شوي تلقى روحك رايح ترقد وهكا كأنو اليوم ساعة
حتى ولو تحب تستغل وقتك وتخدم حاجة الوقت يجري، العمل لي كنا نديروه بكري في نهار درك وينا نديروه في3 ايام
بكري كنا نحبو نسهرو مع العائلة الليل يبان طويل درك والو غمض عينك تلقاها 12، يعني صح لازم الانسان يستغل وقتو
في ما ينفع خاصة انو الوقت ماولاش سيف ويقطع برك ولا دبابة هههه لازم نحاولو نستغلوه بالشي القليل ان شاء الله
شكرا أسومة على الموضوع التوعوي ضحكت عليك ساع انا تاني تخربطو افكاري دخلت وخرجت برك هههه
تحياتي

 

ضآحكة مستبشرة

:: عضو شرفي ::
إنضم
27 جويلية 2014
المشاركات
15,079
النقاط
13,521
محل الإقامة
أزمير
الجنس
أنثى
وعليكم السلام ورحمة الله وبركاته
أسماء المهبولة ضحكتيني هههه جيتي تنصحينا وليتي تضحكي هههه
موضوع هايل أسومة يعطيك الصحة (y) وقت صلاة درك كي نرجع ان شاء الله نرد عليك حبيبتي
نحكم بلاصتي قبل ما يهجمو هههه
لي عودة ان شاء الله


و عليكم السلام و رحمة الله
ههههه اضحكي حبيبتي الحقيقة تقال تخلطتلي صح
الله يسلمك زينة ربي يتقبل منك


السلام عليكم ورحمة الله وبركاته
قاعدة نقول ياربي كاين موضوع قلت نوليلو وماوليتش شكون هو ههههه
والله يا أسماء ختي المشكلة تلقاي روحك مادرتي والو في حياتك تلقاي كلي عندك فراغ
بصح كي تجي تحسبي تلقاي الوقت يجري، وماش غير يجري يعني سرعة خيالية العام ولا شهر والشهر ولا اسبوع
واليوم ولا ساعة، أنا ساعات نقعد لعشية نتفرج مثلا برنامج نغمض عيني نلقى روحي غدوة بعد في نفس الوقت نتفرج في نفس البرنامج
نتشوكا تجيني منام كيفاه الوقت يجري هكاك؟ نشفى عليها بكري كي تلحق العطلة الصيفية وحنا في الابتدائي
هاديك العطلة تقول عام ماتجي تخلص وندخلو نقراو حتى نكبارو هههه لي يطوال ولي يزيان هههه درك والو حتى ولو تحب تخرج عطلة
غدوة بعد تلقى روحك داخل حتى اصدقائك ماتتوحشهمش ههه، وصح وقتنا درك ولا بالاك يروح هكاك ماش كيما بكري
بصح كيما قال حكيم حتى البركة راحت من الوقت تاعنا تفطن الصباح ماتجي تدور شوي تلقاها 12 تتغدا تغسل لماعن
تلقاها 3 تصلي العصر تلقاها 5 هووب تلقاها 8 شوي تلقى روحك رايح ترقد وهكا كأنو اليوم ساعة
حتى ولو تحب تستغل وقتك وتخدم حاجة الوقت يجري، العمل لي كنا نديروه بكري في نهار درك وينا نديروه في3 ايام
بكري كنا نحبو نسهرو مع العائلة الليل يبان طويل درك والو غمض عينك تلقاها 12، يعني صح لازم الانسان يستغل وقتو
في ما ينفع خاصة انو الوقت ماولاش سيف ويقطع برك ولا دبابة هههه لازم نحاولو نستغلوه بالشي القليل ان شاء الله
شكرا أسومة على الموضوع التوعوي ضحكت عليك ساع انا تاني تخربطو افكاري دخلت وخرجت برك هههه
تحياتي


و عليكم السلام و رحمة الله تعالى و بركاته
ههههه انا قتلك حكمك الزهايمر { بعيد الشر } في عمر الزهور
ايه يا مريم ختي الوقت يمر بسرعة الضوء دون تحقيق حتى منافع يروح غير الفوق و التحت
هههه عندك الحق على عطلة الصيف حتى انا كنت نحسلها تجوز دقيقة بدقيقة و كل دقيقة بقيمتها و النهار يجوز و حنا درنا فيه بزاف امور
هههه ضركا تريحي عام و منعرف ايلا توحشتيهم ماشي غير ثلث شهور
ايه الوقت راحت البركة فيه و هذي حكمة من حكمة ربي سبحانوا لانو الانسان في هذا الزمان ولا ميعطي حتى قيمة للوقت و هطا من اسباب زوالها
ان شاء الله ربي يوفقنا و نستغلوه في طاعىة ربي اولا و في الحوايج المافعة ثانيا
العفو حبيبتي و شكرا على مرورك العطر و الطيب
ههههه لي يضحك يلحق

منووورة حبيبتي
 

العيون الخضراء

:: عضو مُشارك ::
إنضم
12 جويلية 2018
المشاركات
192
النقاط
521
محل الإقامة
Ain defla
الجنس
أنثى
والله ياختي عندك الحق ،
راني حاسة كلي رانا في فيلم كل حاجة تفوت تجري ،وليت نقول اليوم ندير هاذيك الحاجة ممبعد نلقى روحي فاتت سمانة وانا ماقضيت حتى حاجة ، والناس كامل ولات تقول الوقت راه يفوت يجري حتى البنة تاع المناسبات كيما رمضان والعيد ماوليناش نحسو بيهم كيفاه يجوزو سبحان الله .
وشكرا على الموضوع
 
Top