السلام عليكم
ياجماعة راها صاير فينا الباطل حنا زووالة وكل ما يجي الصيف يقطعوا علينا الماء مالقيتش حتى باش نغسل يدي الصباح ولا نطيبوا قهيوة قالولنا لازم تخلصو الفاتورة ابتداءا من سنة 1995 الى اليوم والله ماعندنا هذا المبلغ الضخم رانا قبينا قتلنا الوسخ والميزيرية نحوسو غير على قطرة تاع ماء فقط ولعلمكم الماء عندنا الشروب يسبب التهاب الكلى بادلة طبية منذ الثمانينات وبالفعل اغلب السكان عندهم عجز كلوي والماء هذا ماتحملوش حتى محركات السيارات لانه ماء مالح ويسبب بوشاج في كلش وما تنضج بيه لا مرقة لا حتى شيء غير القهوة الكحلة اما اذا درنالو الحليب يرجع مثل الصابون وقالولنا لازم تدفعوا الباقي باش نفتحولكم الماء الذي لا يصلح الا للغسيل فقط انا عندي فاتورة فجائية بقيمة4.500.000 دج منين نجيب وحتى لوكان جا الماء صالح للشرب والله غير نتحتمو ونخلصوه ولكن هذا ماهوش ماء هذا وباء قاتل والفقر من جيهة والسخانة من جيهة والمير والافاعي نتاعو معاه من جيهة ونزيد نقلكم حاجة المير عفوا سي المير وحاشيته والناس المرفهة اصحاب البطون المنتفخة والمباني الشامخة طبعا من تحت ظهر الدولة عندهم دولة في وسط دولة يستعملو الشاحنات تاع البلدية ويجيبو الماء الصالح للشرب من اماكن بعيدة مجانا والدولة تخلص الفاتورة تاع الكاميو والنقل ونزيدكم حاجة مفاجئة عندهم مسابح خاصة في قصورهم ولازم يجيبولهم الماء الي يعوموا فيه منين ......... من البحر الابيض المتوسط نعم يا جماعة الخير راهم يعومو ويتنعمو على ظهر الشعب المغبون وحنا قتلنا الوسخ هذا الشيء وتقولو الجزائر حرة مستقلة وراها الحرية الي تخلى الشعب الجزائري يحب بعضو بعض ويتساند في كل المحن علاش هذا الظلم وعلى العموم انا اسف المنطقة الى راني ساكن فيها مازال مالحقهاش الاستقلال نهائيا على كل الاصعدة وماتفهمونيش خطأ رجاءا رانا نسوفرو الروبيني او السبالة راها تصفر والبوادن نشفت ومالقيت وين نروح حسبي الله ونعم الوكيل انا اسكن جنوب العاصمة ب 250 كلم جنوبا .
ياجماعة راها صاير فينا الباطل حنا زووالة وكل ما يجي الصيف يقطعوا علينا الماء مالقيتش حتى باش نغسل يدي الصباح ولا نطيبوا قهيوة قالولنا لازم تخلصو الفاتورة ابتداءا من سنة 1995 الى اليوم والله ماعندنا هذا المبلغ الضخم رانا قبينا قتلنا الوسخ والميزيرية نحوسو غير على قطرة تاع ماء فقط ولعلمكم الماء عندنا الشروب يسبب التهاب الكلى بادلة طبية منذ الثمانينات وبالفعل اغلب السكان عندهم عجز كلوي والماء هذا ماتحملوش حتى محركات السيارات لانه ماء مالح ويسبب بوشاج في كلش وما تنضج بيه لا مرقة لا حتى شيء غير القهوة الكحلة اما اذا درنالو الحليب يرجع مثل الصابون وقالولنا لازم تدفعوا الباقي باش نفتحولكم الماء الذي لا يصلح الا للغسيل فقط انا عندي فاتورة فجائية بقيمة4.500.000 دج منين نجيب وحتى لوكان جا الماء صالح للشرب والله غير نتحتمو ونخلصوه ولكن هذا ماهوش ماء هذا وباء قاتل والفقر من جيهة والسخانة من جيهة والمير والافاعي نتاعو معاه من جيهة ونزيد نقلكم حاجة المير عفوا سي المير وحاشيته والناس المرفهة اصحاب البطون المنتفخة والمباني الشامخة طبعا من تحت ظهر الدولة عندهم دولة في وسط دولة يستعملو الشاحنات تاع البلدية ويجيبو الماء الصالح للشرب من اماكن بعيدة مجانا والدولة تخلص الفاتورة تاع الكاميو والنقل ونزيدكم حاجة مفاجئة عندهم مسابح خاصة في قصورهم ولازم يجيبولهم الماء الي يعوموا فيه منين ......... من البحر الابيض المتوسط نعم يا جماعة الخير راهم يعومو ويتنعمو على ظهر الشعب المغبون وحنا قتلنا الوسخ هذا الشيء وتقولو الجزائر حرة مستقلة وراها الحرية الي تخلى الشعب الجزائري يحب بعضو بعض ويتساند في كل المحن علاش هذا الظلم وعلى العموم انا اسف المنطقة الى راني ساكن فيها مازال مالحقهاش الاستقلال نهائيا على كل الاصعدة وماتفهمونيش خطأ رجاءا رانا نسوفرو الروبيني او السبالة راها تصفر والبوادن نشفت ومالقيت وين نروح حسبي الله ونعم الوكيل انا اسكن جنوب العاصمة ب 250 كلم جنوبا .
