افهمو الموضوع مليح

[bilal22]

السلام عليكم

ليوم حبيت نتكلمو في وحد الامر يخص لمواضيع لي هنا

من خلال السنوات لي قضيتها هنا لاحضت ناس بزاف فيها طببع هاذا

علابالي راكم تخمو في الطبع هاذا درك نخبركم هههه

تلقاه يدخل لموضوع وبالاخص اذا كان فيه ردود بزاف

يلحق يقرا سطرين من فوق وسطرين من تحت

وهووووووب يشوف الردود لي تحتو حتي يزيد يدي فكره
ويدير رد

بح لي مش منتبه لها نورمالمو يعرف بلي صاحب لموضوع كي
يقرا ردك

يفهم بلي مقريتش لموضوع مليح او تبعت الردود برك

وعلا هاذا انا حبيت نقول بلي كاين ناس متحبش تحرجك وتقولك راك مش فاهم

او اي شيء ولهاذا حبيت نوجه كلام ونقول اذا حبيت ترد علا موضوع
هيا اعترفو برك وقولو كفاه تقراو لموضوع وتشوفو الردود ولا لا قبل الرد
وفي الاخير نقولك
افهم محتواه مليح ومن بعدا رد علا راحتك حتي متتحطش في موقف محرج

شكرا لكم لحسن الاصغاء والمتابعه
سلام
​

 

[محاربة صحراء]

صح والله من ساعات نديرها

 

[الحق سلاحي]

شكرا للموضوع الشيق سلمت يداك

 

[Mafia.dz]

راك ناشط يا بلبل الله يبارك

وقيلا القلب معمر لا ؟؟

واللي اشي باغي يقرى علاش يدخل للسوجي ؟؟


​

 

[جزائرية للابد18]

مشكور خويا بلال على حسن الانتباه مي هادي كي مانقولوا ولات ظاهرة في المنتديات واحد مايقراش الموضوع طول يقرا رد زوج ويكتب مع انو اذا لاحظت تلقاه مقتبس من الردود اللي قراه او واحد كي يكتب موضوع يكتبول شكرا جزاك الله كل الخير ويخرج مي موضوعك والله يستحق المتابعة المهم اتمنى الاعضاء يتوقفوا على هادي العادة ​

 

[bilal22]

صح والله من ساعات نديرها

ياو مش نتي برك راهي نسبه كبيره ههه

شكرا للموضوع الشيق سلمت يداك

العفو علا الرد الجميل شكرا لك

راك ناشط يا بلبل الله يبارك

وقيلا القلب معمر لا ؟؟

واللي اشي باغي يقرى علاش يدخل للسوجي ؟؟


​

يييييييييييييييه وشحال عندي مشفتكش يا لمافيا هههه
هاو لا معمر لا والو نفحه برك كايه
هيه لي مش باغي علاه يرد مي ياكلو قلبو بلاك كي يشوف الردود يدخل يطل ويحط همسه ويخرج

 

[bilal22]

مشكور خويا بلال على حسن الانتباه مي هادي كي مانقولوا ولات ظاهرة في المنتديات واحد مايقراش الموضوع طول يقرا رد زوج ويكتب مع انو اذا لاحظت تلقاه مقتبس من الردود اللي قراه او واحد كي يكتب موضوع يكتبول شكرا جزاك الله كل الخير ويخرج مي موضوعك والله يستحق المتابعة المهم اتمنى الاعضاء يتوقفوا على هادي العادة ​

شكرا لك نتي علا الاضافه الجميله
وصح كيما قلتي حتى انا نعرف من ردود في مواضيعي بلي لعضو هادا مقراش لموضوع مي وش راح نقولو نرد عليه علا حسب وش قال وخلاص
اما هاديك شكرا وبارك الله فيك كلام اخر هههه تقول راهم صدقو
شكرا لك للمتابعه نتاعك الجميله ولي ررزين راه يفهم ويعرف بلي صاحب لموضوع يحس بيه كي يكون ردو مقتبس من الردود
نورتي اختي

 

[hicham500]

السلام عليكم
ههههه موضوع هوا راك تقرا في افكار نتاع الناس :cra_zy:
سيرتو في الليل الواحد يكون رايح ينعس مقابل الميكرو
والموضوع طويل قلي برك كيفاه يكونصونطري معاه :scared:

صراتلي قداه من مرة نلقى روحي ندير في ردود لاعلاقة بالموضوع
حتى يعديو عليه نهارات باش نفوق ونولي نموديفيهم هههههه​

 

[خفيف الروح]

ما اعليهش ميروووووووووووووك اعليكم

راني نمزح معاك

ههههه

مرة وا اكتب موضوع يسب فيه الاعضاء

وجاء واحد وشكروا

لخاطر ما قرا ما فهم ما والو

سلام مع الشكر.


​

 

[بقايا إنسان]

وعليكم السلام ورحمة الله أخي الكريم وبعد:عندك الحق فيما قلت لكن مشي الكل يخدم هذي الخدمة
ولا أتحدث عن نفسي ما عليك غير ان تتبع ردودي كلها
ونشكرك بزااااااااف على هذا الموضوع

 

[أم راضية ~_]

سلااااام

شحال تروماركي_o: ،بصح عندك الحق لوكان ماكثروش ما تفيقلهومش؛:schmoll: و الله غير أمر محرج و ساعات الشخص يديرو بلا ما يفيق بلاك لضيق الوقت،ولا لاكونيكسين تقيلة ، ولا تفنيين على قراءة الموضوع

ولا (عاند لا تحسد) هههههه المهم إن شاء الله أنا ما نكونش منهم و نرد على حساب رايي و في إطار الموضوع تاعك و إدا كنت منهم :shay:قولي معلييش باش نصلح روحي:shiny:
شكرا موضوع حلو و شباب :sheer:

 

[الجريئة]

حم حم حرام عليك تسبب الاحراج ههههههههههه
ساعات المهم نرد عليهم كامل برك
ومعظم الوقت نقرا الموضوع
مرسي

 

[Estrella]

صح عند الحق
خطراتش نديرها
غير مين يكون الموضوع طويل برك
ههههه
بصح متخافش موضوعك قريتو حتى لتالي
هههه
يعطيك الصحة على الموضوع الرائع ...​

 

[{مُدَلَّلَتُهُ}]

ههههههه مرات كي يكون الموضوع طويل و الكتبة صغيرة نقرا شوية من الموضوع و شوية ردود و نرد ههههه مي مشي دايما

مشكووووور على الموضوع

 

[مروة 95]

و الله أنا مانردش على الموضوع
غير لاكان قريتو و عجبني
يعني عجبني بزاف لااخر كلمة
نرد ​

 

[mira bey]

انا ولله نذرح نقرا الردود ديما نقرا اول رد برك
وكي ندير رد ديالي نروح نقرا رد لي قبلي ساعاتك نلقى حاجة قلتها قالها هو ولله نحشم نقول دكا يقولو راهي هزتها من عندو هههههههههههه مرانيش نشكر في روحي ولا بصح راني نقول في الصراحة انا نحب نقرا غير الموضوع و الردود نكره نقراهم نقرا غير الاول و الاخير هههههههههههههه
و صح ولله كاينا منها هادي لي يقراو الردود و ميقراوش الموضوع ياك ديما نلقاهم كيف كيف يهدرو هههههههههه

 

[يوسےفے]

هههههههههههههه...انا شحال من مره كي يكونو عينيه تعبانين والموضووووع طويل نقرا سطوره من الأول وسطووووره من الأخير و نورمالمو يكون الرد التاعي نصه داخل ونصه خارج النطاق ......شكراااا ليك...ما تقليش درك ما فهمتش و جيت ترد ههههه
تحياتي​

:re_gards: :re_gards: :re_gards: :re_gards: :re_gards:​

 

[loca]

هايووون
راني جيت هههه بلاك كاين منها منعرف ههه تعرفني منبغيش نمنشر ههه
نشوفهم ونقرا بعض ردود بصح ندير روحي مشفتهمش سون فضايح ياك ههه
انا شخصيا نقرا عنوان عجبني ندخل نقرا ادا عجبني محتوى نرد معجبنيش نفحت هههه
ما نرد رد مستفز ما نقرو زوج ونخلي زوج كيما قلت
بصح معليش هادو dz كلشي ممكن
سلاامووون ​

 

[عبدو 29]

موضوعك ما راهوش شيق فقط
ولكن فيه من النقد البناء
شكرا
​

 

[GI Joe]

na9ra mais la 3ad kbir c pas la peine nokhroj w khlass makan leh nrepondi
​