ماذا ستطبخين اليوم سيدتي الجزء 3

[عفاف الجزائرية]

رغودة اني جبت
احنا نسميوه الزريرة
​

 

[mizora]

انا درت مطلوع مقلي فالزيت (كاين اللي يقول خميرة)

 

[حاملـة المسك]

كما قلت ندى مسبقا تجي بنتو قريبة بزاف للمحلبي
كجاني جامد خلطتو في المكسور و اضفت شويا حليب ماء الورد
طيبتو للحظات و درت طبقة محلبي و طبقة عسل الحر و أعدت العملية
المذاق بنين لكن جاني حلو انا منحبش الحلاوة
وليت أضفت ياهورت فواكه عجبني
من الافضل أني مدرتش الليمون
عفاف الزرير في بسكرة هو خليط حمص و قمح و لبلابي و يضاف له العسل و الزبدة
و حنا في دارنا نسموها البسيسة
​

 

[أم دودو]

صح غداواتكم و عشاواتكم الكل
بصراحة أكلاتكم كامل تشهي
بنت الجسور المعلقة يا ريت تحطيلنا وصفة القطايف جات هايلة يعطيها الصح ماماك و تطبيق عجينة المشمش كذلك هايل يعطيكم الصح
بائعة الكبريت أنا تاني أول مرة نسمع بالبر و الزرير احنا تاني نديروه خليط من الحمص و القمح بصح واش هو اللبلابي من فضلك
أم ندوش بصحتك المقرونة
أم منصف تقبل الله صيامك
الأختان سوسو و نونا بصحتكم اللازانيا
ونرحب بالأخت سمورة راكي وليتي واحدة من العايلة
عفاف ربي يعينك عالغبار نعرفه و حاسة بيك
باقي البنات بصحتكم كامل
نسيت ما قتلكمش أنا اليوم ما كنتش في الدار كنت عند أختي و تغدينا معقودة و سلاطة مشوية و العشاء دارتلنا التليتلي
​

 

[ام منصف]

بصحتكم
انا غير ذرك اللي شفت الضو ههههههههههههههه بعد الفطور
خرجني راجلي حوسنا شوية و شرالنا لاكريم
العشاء كان سباقيتي بالطون
​

 

[روعة2005]

اولا صحه فطورك شريفة ربي يتقبل ...امين وبصحتك التحويسة ولاكرام
ام ندى...المقرون تشهي ....اسيا اممممممم ريحة المسكوتشو لحقتني حتى هنا مممم هايلة
بنت قسنطينة تطبيق ممتاز والقطايف والرشتة ممممم والمعجون شهاني موت
الاختان....ميزورة...رغودة...ام دودو...ايمان...بسومة.....سمورة...تسنيم ....روز طبقت اليوم الحساء تاع الكرم بطريقتك جاني هايل بزاف مشكورة منها بنة منها ريجيم هههه
عفوفة ربي يعينك والله نفس المشكل في بريكة كل عشية يزورنا ههه

 

[mizora]

ام دودو اللبلابي يشبه للحمص بصح هشيش كتاكليه ماشي قاسي ان شاء الله تكوني عرفتيه
و راهم يخلطوه فالاعراس مع الكوكاو ههه

 

[الاختان سوسو ونونا]

بصحتك ام ندى البيتزا بائعة الكبريت ديسار رائع ام منصف صح صيامك اسيا اكتبينا الوصفة تاع الحلوى وكامل البنلت صح عشاكم

 

[assia dz]

بصحتكم كامل العشا، أنا اليوم جربت فريكاسي ابتسام ما درتوش بكري وكثرتلو الخميرة باش يطلع حمارلي بزاف، ماجاش شباب كيما الأصلي ، بصح عجبني وعجب الاولاد بزاف، الخطرة الجاية نتحفو مليح .

 

[assia dz]

بصحتك ام ندى البيتزا بائعة الكبريت ديسار رائع ام منصف صح صيامك اسيا اكتبينا الوصفة تاع الحلوى وكامل البنلت صح عشاكم

صح عشاكم ياالالفحلات وما يكون غير خاطركم، هذيك مسكوتة بالنشا والمقادير:
5حبات بيض+ 9مغارف سكر+200غ نشا+1خميرة الحلوى+فانيلا
تخبطي صفار البيض مع السكر حتى يبياض الخليط، ومبعد حطي النشا والخميرة بعد ما تغربليهم، وفي الاخير حطي بياض البيض مضرب كالثلج وقلبي برك البياض باش ما تكسريهش وحطي الخليط في مول مدهون ودخليه للكوشة سخونة وخليه على نار هادئة حتى يطيب.
كي تطيب نحيها من المول وخليها تبرد ومبعد اقسميها في الوسط وحطي الكرام باتيسياروزيدي حطيها على الوجه والجناب وزيني بكوكاو أحرش او فارميسال ...

 

[assia dz]

هايلة اسيا تشهي يعطيك الصحة الكريمة اللي درتيها من الفوق كريمة باتيسيار ولا كريمة وحدوخرا​

مشكورة أميرة الساحل راهي كرام باتيسيار

 

[l'algeroise]

مساء الخير عليكم أخواتي نشالله تكونو كامل بخير أنا كنت غايبة ليوم وين رجعت توحشتكم و توحشت اللمة اجزائرية راني شفت كامل الصفحات ماعندي مانقول غير يعطيكم الصحة يا الفحلات ومرحبا العضوات الجدد معانا ربي يكترهم نشالله هكدا نفيدو و نستفادو
عندي طلب لأخت رزو٢٢ وصفة الخبز البلغاري
وطلب لأخت أم ندى وصفة الخبز اللبناني
فريكاسي الأخت ibtesem جربتو قبل ما تنقطع اللمة و جا هايل فكرتوني فيه مازلها عندي الوصفة
لغدا درت فلفل مشوي ولعشا hachis parmentier

 

[assia dz]

ربي يخليك قوليلي كيفاش درتيها
راني هدا وين نتعلم مكان لاه تزعفو مني علابالي كثرت عليكم

مافيها والو اختي ميزورة رانا كامل نتعلموا، شوفي راني كتبت الوصفة قبل هذا الرد

 

[assia dz]

ربي يخليك اختي اسيا واكيد نتمنى الوصفة با التفصيل باش نطيبو راه وقتو شكرا مسبقا حنونة

معجون المشمش حب:
1كلغ مشمش، 1كلغ سكر، 3كيسان ماء، عصرة قارص
حطي الماء والسكر على النار كي تشوفيه غلى حطي المشماش حب اللي تكوني غسلتيه ونشفتيه، خليه ولما يغلي نحيه مباشرة وحطيه في حاجة عريضة ومن الأفضل inox ، خاطر رايحة تحطيه في الشمس بزاف، ومواد أخرى قادرة تتفاعل مع الشمس ويروح الطعم نتاعو، حطيه في مكان مقابل الشمس انا نبدلو شحال من مرة في النهار من مكان لمكان نحوس على الشمس، وغطيه بغربال رقيق، وخليه، في الليل دخليه وقلبي الحبات باش يطيب من الجهتين وعاودي خرجيه الصباح، انا استغرقلي 5أيام بصح عندي حاطاتو في الشمس من الصباح حتى للمغرب، تعرفيه وجد كي يعقد السيرو نتاعو وينقص.

 

[روز]

بصحتك فوفة الحريرة مليح لي عجباتك ماتحسيش روحك في ريجيم من طعمها الهايل بصحتك

لالجيرواز هاهي وصفة الخبز البلغاري راهو كان هنا في المنتدى ومش عارفة وين راه

1ونص كوب حليب سائل
2بيض
4كاسات فرينة
1 ونص م ك خميرة فوريه
ثلاثة ارباع فنجان القهوة سكر
1م ص ملح
ثلث كوب زيت

الحشو
بصل
فلفل حار
زيت لتقلية البصل
8حبات كيري
نقطع البصل صغير والفلفل ونحط عليه قليل زيت
ونقلبه على النار ليشقر البصلثم نضيف تقريبا 7 او اكثر حبات كيري

[FONT=Geneva, Arial, Helvetica, sans-serif]

[/FONT]

[FONT=Geneva, Arial, Helvetica, sans-serif] بعدها نرجع للعجينة نقسمها نفس الصوره[/FONT]

[FONT=Geneva, Arial, Helvetica, sans-serif]

[/FONT]

[FONT=Geneva, Arial, Helvetica, sans-serif]كل قسم اقسميه 4 كرات يعني تخرج عندنا 16 كورة ونغطيها [/FONT]

[FONT=Geneva, Arial, Helvetica, sans-serif]

[/FONT]

[FONT=Geneva, Arial, Helvetica, sans-serif] نبدا تحلي الاولة[/FONT]

[FONT=Geneva, Arial, Helvetica, sans-serif]

[/FONT]

[FONT=Geneva, Arial, Helvetica, sans-serif] وندهن وجهها بزيت الزيتون [/FONT]

[FONT=Geneva, Arial, Helvetica, sans-serif]

[/FONT]


[FONT=Geneva, Arial, Helvetica, sans-serif] و الثانية ونحطها فوق الاولى وندهن وجهها بزيت الزيتون والثالثه والرابعة نفس الطريقه لكن الرابعة ما ندهنهاشوتولي عندنا اربع طبقات نبدا نحشيها[/FONT][FONT=Geneva, Arial, Helvetica, sans-serif]

[/FONT]

[FONT=Geneva, Arial, Helvetica, sans-serif] ونلفها[/FONT]

[FONT=Geneva, Arial, Helvetica, sans-serif]

[/FONT]

[FONT=Geneva, Arial, Helvetica, sans-serif]نقطعها ونرصها في صينية مدهونة زيت ونمسح وجهها ببيض مخلوط معاه حليب سائل ونرش عليها السمسم وحبة البركة وتخلينها ترتاح 10 دقائق وهي مغطاه بنايلون بعدها دخليها للفرن[/FONT]


​

[FONT=Geneva, Arial, Helvetica, sans-serif]

[/FONT]

[FONT=Geneva, Arial, Helvetica, sans-serif]

[/FONT]

 

[assia dz]

يعطيك الصحة روز على الطريقة كنت حاسبتها مخدومة بالعجينة المورقة

 

[l'algeroise]

يعطيك الصحة روز على الوصفة

 

[كوثر الوهرانية]

مساء الخير عليكم
توحشتك بزاف
اختي روز اعدريني حبيبتي راني مع الضياف و اله ما راني نقعد
السماح لبنات منكم جميعا حسنوا عوني راهي بسومة تخبركم عليا
بصحتكم كامل طيباتكم يشهو ن كل خير الله يبارك
اليوم درتلهم كلمار مقلي مع صوص طماطم و ميني بيتزى بالعجينة المورقة و فريت و ديسار
راني كل ما نلقى الفرصة نجي نطل عليكم
نوصيكم متنسونيش يا غوالي
و مرحبا و اهلا وسهلا بالعضوات الجدد معانا الله يكبر و يديم لمتنا مع بعض

 

[mizora]

مافيها والو اختي ميزورة رانا كامل نتعلموا، شوفي راني كتبت الوصفة قبل هذا الرد

شكرا ليكم كل عجبتني وصفتك و حابة نجربها

 

[omarwa]

صباح الخير عليكم يعطيكم الصحة على الاطباق الرائعة شكرا اختي اسيا على وصفة المعجون جاك هايل اختي روز الخبز البلغاري هايل شكرا على الوصفة انا غدايا كبدة وفريت