ماذا ستطبخين اليوم سيدتي الجزء 3

[عفاف الجزائرية]

صباح الخيرات عليكم يا بنات
ان شالله تكونو بالف خير
​

 

[روز]

لا شكر على واجب آسيا ولااجيرواز صح الوصفة تبان لابات فايتي حتى هي خفيفة من داخل لدرجة كبيرة نحب هذ الوصفة ياسر كوثر المهم راكي بخير مااطوليش برك رانا نتوحشوك
صباح الانوار عفاف وعلى الكل

اليوم غدايا قطعة لحم طايبة على البخار

 

[أم دودو]

السلام عليكم
واش راكم يالبنات
يعطيك الصح روز على وصفة الخبز البلغاري و الله شكله مغري إن شاء الله نجربه في أقرب وقت
أنا غداي اليوم كسكسي معاه سلاطة بصل وليدي إشهاه و العشية راح نديرلكم نوع جديد من المعجنات و إن شاء الله يعجبكم
صح غداواتكم الكل
بعد نوافيكم بالصور
​

 

[عفاف الجزائرية]

بنتا اللي متذكرة خلطة المايونيز نتاع الاخت ام لميس -فوفة2011- ما تبخلنيش بيها
في العاجل
اني ننتظر
ومشكورات
​

 

[روعة2005]

بصحتكم لبنات واش عولتو انا راح ندير فلفل كروية+خبزة الخضر والحساء تاع الكرنب ليا ايا بصحتكم كامل
-----------
عفوفتي تم الرد

 

[dahbito]

صباح الخير عليكم
واش راكم
بصحتكم كامل واش طيبتو في الايام الماضية
سلامي للجميع​

 

[الاختان سوسو ونونا]

صباح الخير اوشحالكم ان شاء الله تكونو لباس شكرا اختي اسيا علا الوصفة يااخوات ام ندى ابتسام اسيا شكون لعمرها جربت البوريك لحطيتو في ركن المعجنات والله حابا نخدمها بصح صعيبة شوي وشكرا

 

[حاملـة المسك]

بنتا اللي متذكرة خلطة المايونيز نتاع الاخت ام لميس -فوفة2011- ما تبخلنيش بيها
في العاجل
اني ننتظر
ومشكورات
​

بيضة - 2 فرماج كيري - ملح - فلفل اكحل - كاس تاي زيت الزيتون - حبة بطاطا
​

 

[oumsif]

السلام عليكم لبنات واش احوالكم مع هذا السخانة انشاء الله تكونوا بخير انا اليوم اغداي جاري فريك و حميص وكيش بالبروكلي صح غداكم الكل

 

[oumsif]

 

[اميرة الساحل]

صباح الخير على كامل الاخوات ان شاء الله الكل بخير مع هدي السخانة
اليوم عيد الاستقلال و الشباب تحيا بلادنا و يحفظ اولادها و ان شاء الله دايما عايشين في ستر و رحمة و امان امين يا رب العالمين
هذا فطور اليوم خفيف على حساب الموسم و هو
طرشي محشي باللحم المفروم و الروز و جاي بصوص تومات في الفرن + الى جانبه خضر مفورة و مقلية
طبق سلاطة جزر+ بيطراف مسكرفجين + بيض
عصير الليمون
و الفاكهة كنتالو ههههههههههههه معلاباليش واش تسميوها نتوما
بصحتكم كامل

​

 

[روعة2005]

امممممممممم فطورك يشهي اميرة بصحتكم وربي يحفظ بلادنا وينصرها دائما وابدا
----
نشكرك بزاف حبيبتي اسيا راح نجربو قريبا بصح منين نجيب الشمس نسكن في الباطيمات معنديش حوش هههه
----
انا درت حساء الكرم ليا
ودرتلهم خبزة الخضار+فلفل الكروية+قليت ضلوع

 

[l'algeroise]

مساء الخير و صحا غداكم كامل أميرة الساحل و فوفة 2011 بصحتكم غدام يشهي أنا غدايا حميس و فريت

 

[mizora]

فوفة 2011 كيفاش درتي خبزة الخضار

 

[أم دودو]

صح غداواتكم أميرة الساحل و فوفة غدواتكم تشهي
أنا غداي كسكسي و سلاطة البصل

باقي البنات صح غداواتكم كامل
​

 

[mizora]

حنا درنا الغدا بخبوخة (مروقي.محكوك.مرخوس)
كل واحد واش يسميها

 

[أم دودو]

لالجيرواز واش هو الحميس يعني سلاطة مشوية
صح غداك هذا وين شفته غداء خفيف ضريف هذا ما يليق في هذي السخانة
​

 

[l'algeroise]

الله يسلمك أختي أم دودو و بصحتك الكسكسي درتيه مرقة بيضا وقيلة إيه لحمس هو سلاطة مشوية في alger نسميوه شكشوكة

 

[كوثر الوهرانية]

مساء الخير عليكم
الله الله عليكم طيابكم كامل يشهي الله يعطيكم الصحة
انا جبتلكم بعض الاكلات الي قدرت نصورهم
ميني بيتزى على طريقة الغالية لوليتا نشكرها بزاف

كلمار مقلي بصوص طماطم

فريت

شخوشوخة

 

[روعة2005]

بصحتك ام دودو امممممم البربوشة تشهي
الجيرواز غداك هايل هذاك واش نبغي بصحتكم
ميزورة رابي في الخشين بطاطا+قرعة+جزر+بصلة+سنات ثوم+وديريهم مع فلفل اكحل وشوية قصبر +كاس ماء يطيبو في الكوكوط
ومبعد مايطيبو ويبردو كسري ليهم 6 بيضات+معدنوس مقطع+فرماج وخلطي وخليه يطيب في الكوشة