ماذا ستطبخين اليوم سيدتي الجزء 3

[mizora]

بصحتكم كامل واش طيبتو
l'algeroise
كيفاش درتي الخبز االمحشي و لكرواون
و حبيت نسقسيكم على المعجنات راني بديت نتعلم فيهم
كيفش نعرف قيس الخميرة اللي لازم نديرها
و اذا عندكم افكار او الحوايج اللي لازم نتعلمهم قولولي
و شكر لكم كامل فردا فردا عايلة عايلة دار دار زنقا زنقا
ههههه نحب نتمسخر

 

[assia dz]

سلام عليكم كامل
اليوم ظهرت نتائج الباك واختي اسماء كانت من الناجحيين الحمد لله ​

ألف مبروك نجاح أختك في الباك دهبيتو وعقبال نجاحات أخرى إن شاء الله

 

[assia dz]

بصحتكم كامل العشا، بصحتك أم ندى الخبز اللبناني جاك روعة، وأنت بائعة الكبريت معجناتك تحفة، أنا ثاني راني مع المعجنات خدمت هذا الخبز سندويش وحشيتو بكبدة الدجاج بصلصة+ فريت

 

[imane27]

صح عشاكم لبنات
اطباق تشهى يعطيكم الصحة
انا بقاتلى شربة نزيد معها فريت اوملات وسلاطة

 

[ibtesem]

مساء الخيرات عليكم يالبنات واش راكم
كان عندي خلل في الانترنات لكن الحمد لله تحل
اولا قبل اي شئ مبروك مبروك اخت دهبيتو بالتوفيك في الجامعة تعملي شئ لهي حاباتو في الفائدة للكل
..............
بصحتكم يالبنات امممممممممم مشاء الله عليكم رغم السخانة بصح راكم وراى الكوزينة

انا اليوم عملت لتارت مالحين بالخبز التوست بصح جام مشاء الله

 

[mizora]

assia dz
خبزك مشري ولا خدمتيه؟
اذا خدمتيه قوليلي كيفاش::

 

[ibtesem]

تحطيه في الفرن لمدة 10 دقائق
ثم تحطي الحشوة لي انت حبتيها
انا عملت
لحمة مفرومة والسلق والفرماج قليل من جبنة سائلة

فكرة توست جات هايلة كانها لبات برزي
من اختراعي طبعا هههه
ان شائ الله تعجيكم الفكرة تتخلصو من العجين

 

[l'algeroise]

assia dz بصحتك سندويش
imene27 ibtesem صح عشاكم
mizora مقادير الخبز المحشي:
2 م ك خميرة خبز

1 م ك سكر
2 يضات
4 كيسان فرينة
4 م ك زيت
ملح ماء
les croissants درتهم بعجينة ال 10 دقائق

 

[assia dz]

بصحتك ابتسام ويعطيك الصحة على الفكرة تاع خبز التوست مكان البات بريزي في المملحات

 

[assia dz]

assia dz
خبزك مشري ولا خدمتيه؟
اذا خدمتيه قوليلي كيفاش::

لالا خدمتو ميزورة: والمقادير:
4 كيسان فرينة
2ملاعق خميرة الخبز
2ملاعق سكر
ملعقة ونصف صغيرة ملح
بيضة
تخلطي هذا المقادير مع بعض ثم تعجنيهم بـ ( كاس حليب+ نصف كاس ماء + 50غ مارغرين ذائبة مخلطين مع بعض) تخلي العجينة تخمر ثم شكليها خبيزات صغار وخليهم يخمرو مرة أخرى ادهني الوجه بالبيض وشوية حليب وطيبيهم

 

[imane27]

فكرة خبز جات هايلة يعطيك الصحة نجربها اولادى هدا واش يحبو

 

[assia dz]

​

الله يبارك بائعة الكبريت تطبيق ممتااز

 

[ibtesem]

الله اسلمكم يالبنات والله جا اتقرمش هايل
انتوما الله بارك عليكم مشاء الله

 

[assia dz]

بصحتكم كامل واش طيبتو
l'algeroise
كيفاش درتي الخبز االمحشي و لكرواون
و حبيت نسقسيكم على المعجنات راني بديت نتعلم فيهم
كيفش نعرف قيس الخميرة اللي لازم نديرها
و اذا عندكم افكار او الحوايج اللي لازم نتعلمهم قولولي
و شكر لكم كامل فردا فردا عايلة عايلة دار دار زنقا زنقا
ههههه نحب نتمسخر

شوفي أختي ميزورة الطريقة الناجحة باه تتعلمي أنك تجربي الوصفات وهذا المنتدى مليء بالوصفات المجربة والناجحة، مرة جربي حلوى ومرة طبق رئيسي وأخرى معجنات حتى تتعلمي
​

 

[assia dz]

ضحكتيني فوفة ماكانش الحوش بصح ساهلة كاين البالكون:sheer:.

 

[assia dz]

انا الغدوة الهربة لدارنا عييت من السخانة نروح نصيف مع اني ما راحش نطول نظرا للظروف الصحية نتاع سلفتي ربي يشفيها

​

ربي يشفيلك سلفتك، وبصحتك الهربة :laugh: تروحي وترجعي بالسلامة إن شاء الله

 

[mizora]

لالجيرواز و اسيا كتر خيركم
لالجيرواز كمليلي طريقة الخبز لو سمحت

 

[أحلام 86]

الله يسلمك يا احلام
والله مازلت متفكرة تطبيقك للحنيفيات باينة بلي تعرفي تطيبي
علاه ماتشاركيناش بوصفاتك وتطبيقاتك

الله يخليك ام ندى ....الحمد لله الموسم الدراسي خلاص ان شاء الله ستكون لي عودة قوية للمطبخ
و نشارككم باطباقي
سلامي

 

[ibtesem]

صباح الخير عليكم البناتواش راكم
صح غدواتكم كل واحدة

 

[روعة2005]

سلام لبنات اولا مبروك لكل الناجحين في الباك ومن بينهم اخي العزيز نتمنالو مزيد من النجاح والتالق
غدايا كان شربة فارميسال

واش تبالي كاااامل راكم صايمين ههههههههههه
ام ندى عجبني الخبز اللبناني تاعك نظن بعد ماتحشيه تقفليه الكيردو وتشويه في مقلة ولا لا قوليلي طريقتك
بصحتكم لبنات