ماذا ستطبخين اليوم سيدتي الجزء 3

[عفاف الجزائرية]

صحا غداكم حبيباتي
بصحتكم كااااامل واش تغديتو
وندوش كون نقوللك القناوية نسمعها مي عمري لا ذقتها وما نعرفش نعملها
اذا تكرمتي وكي تكون متواجدة عندك صوريهالنا بالخطوة
انا ليوم الرجال ماكانش غير النساء برك
عملتلهم قليان خفيف فلفل وبطاطا ودجاج
وانا تغديت سلاطة (ارنوبة ههههه)

 

[nada242008]

غداك يشهي لالجيغواز امممم بصحتك المونجتو
--
فوفة تقريبا طريقتك كيما طريقتي غير انا ندير كيلة سميد وكيلة فرينة
وعجبتني حكاية تخليه يحمر 3 مرات وتفشيه اكيد هي السر في الخفة تاعو
نجربو اكيد ونرجعلك الخبر
شكراا على الوصفة

 

[nada242008]

صحا غداكم حبيباتي
بصحتكم كااااامل واش تغديتو
وندوش كون نقوللك القناوية نسمعها مي عمري لا ذقتها وما نعرفش نعملها
اذا تكرمتي وكي تكون متواجدة عندك صوريهالنا بالخطوة
انا ليوم الرجال ماكانش غير النساء برك
عملتلهم قليان خفيف فلفل وبطاطا ودجاج
وانا تغديت سلاطة (ارنوبة ههههه)

الله يسلمك عفاف
القناوية كاينة في بسكرة وتكون مكعبرة وقصيرة
وكاينة في قسنطينة حبتها طويلة ورقيقة
اول حاجة تنقيها تنحيلها الذيل وتمسحيها بمنديل خطراف فيها شوية شوك
كاين اللي يحموصوها في شوية زيت باش تحافظ على شكلها بعد الطياب
طريقة طيابها ساهلة خلاص
في طنجرة الضغط تحطي بصلة مقطعة كالشكشوكة وشوية زيت + دجاج ولا لحم وحبة طماطم مرحية + ملح وفلفل احمر حار وشوية راس الحانوت وطماطم مصبرة تقليهم ومن بعد تمرقي وطفي عليها بعد ماتطيب
ماتحركيهاش ياسر باش ماتتهراش وتحافظ على شكلها

 

[l'algeroise]

عفاف الجزائرية صحا غداك أختي
فوفة2011 nada242008 الله يسلمكم

 

[أم دودو]

صح غداواتكم كامل
فوفة خبز الدار شكله هشوش يهبل كاش نهار نجربه
لالجيرواز و أم ندوشة غداواتكم تشهي و خاصة القناوية شكلها يشهي و لو إني عمري ما ذقتها
غداي اليوم كمونية و كسرة المطلوع و سخنت معاهم كسكسي و الفاكهة إجاص

​

 

[أحلام 86]

السلام عليكم
بصحتكم كاامل غداواتكم
حبيب برك اشير الى القناوية
هنا في الشرق نطيبوها بكثرة
اليكم الوصفة
اولا تنزعي الراس ومن بعد تغسليها و تقطريها ومن بعد لاااازم تقليها في زيت حتى تبدى تحمار شوية لسببين
اولهما الشوك لي فيها يروح و تانيا هي تشبه الملوخية يعني فيها لزوجة شوية على هدي لازم تتقلى
نقطروها من الزيت مليح
لاصوص هي الاصلية تطيب بلحم الغنم ...عندنا كي مايكونش لحم الغنم ما نطيبوهاش
صوص عادي بالطماطم يعني حمراء تخليها تنشف شوية و تضيفي القناوية المقلية و تخليها تتجمر حتى تحسيها طابت مليح
و هي عموما تطيب ناشفة شوية
نتمنى نكون افدتكم
سلامي

 

[nada242008]

بصحتك ام دودو ..الله يبارك راكي فحلة
من نهار سجلتي معانا وانت تشاركي فينا باطباقك المميزة
يعطيك الصحة:sheer:

 

[nada242008]

السلام عليكم
بصحتكم كاامل غداواتكم
حبيب برك اشير الى القناوية
هنا في الشرق نطيبوها بكثرة
اليكم الوصفة
اولا تنزعي الراس ومن بعد تغسليها و تقطريها ومن بعد لاااازم تقليها في زيت حتى تبدى تحمار شوية لسببين
اولهما الشوك لي فيها يروح و تانيا هي تشبه الملوخية يعني فيها لزوجة شوية على هدي لازم تتقلى
نقطروها من الزيت مليح
لاصوص هي الاصلية تطيب بلحم الغنم ...عندنا كي مايكونش لحم الغنم ما نطيبوهاش
صوص عادي بالطماطم يعني حمراء تخليها تنشف شوية و تضيفي القناوية المقلية و تخليها تتجمر حتى تحسيها طابت مليح
و هي عموما تطيب ناشفة شوية
نتمنى نكون افدتكم
سلامي

ماعجباتكش الوصفة تاعي يا احلام :scared:
حنا نديروها بالصوص مانديروهاش ناشفة

 

[l'algeroise]

أم دودو غداك يشهي بصحتك أختي

 

[أحلام 86]

هههههههههه لالا ام ندى كل شيئ من يدك بنييييييييين و لا يعلى عليه و لووو:sheer::sheer:
بصح حبيت نقلكم على طريقتنا هدا ماكان:shay:

 

[nada242008]

هههههههههه لالا ام ندى كل شيئ من يدك بنييييييييين و لا يعلى عليه و لووو:sheer::sheer:
بصح حبيت نقلكم على طريقتنا هدا ماكان:shay:

الله يسلمك يا احلام
والله مازلت متفكرة تطبيقك للحنيفيات باينة بلي تعرفي تطيبي
علاه ماتشاركيناش بوصفاتك وتطبيقاتك

 

[imane27]

صح غدواتكم لبنات يعطيكم الصحة

 

[ام منصف]

ما شاء الله عليكم كل مايدة تنسي في الاخرى
بصحتكم

عفاف 1 مع السخانة نتاع بسكرة غير الهربة لو كان جيت في بلاصتك نقولهم ارواحولي نتوما ما نجيكمش هههههههههه
​

والوالدة ربي يخليهالك راهي متهلية فيك

انا الغدوة الهربة لدارنا عييت من السخانة نروح نصيف مع اني ما راحش نطول نظرا للظروف الصحية نتاع سلفتي ربي يشفيها

غدانا كان غراتان لوبيا خضرا بالبطاطا وشربة فارميسال والصور يجيب ربي والله ماني قادرة نصور
​

 

[حاملـة المسك]

مسائكم ورد بكل الوانه مسائكم شكولاطة واحلى شكولاطة
العفو عفوفة كلنا يد واحدة وحدة تخلف ختها
ايمان أم دودو فوفة ندى أم منصف بصحتكم وش طيبتو
ندى ربي يحفظ الوالدة
للجيرواز طريقتك في المونشتو هكداك طويل و بالحميصة عجبتني
بإذن الله نطيبها...مشكووورة
شفتي عفاف كيخطو الرجال كفاش تخف و كيخطو الكبار و كالولاد يخرجوهم تحويسة
وكتبقاي وحدك ههههه روبو و لا في الاحلام

​

 

[روعة2005]

بصحتك ام دودو الغداء تاعك متحوف مممممممممم
---------
رغودة تطبيقك ممتاز ربي يخليك وشكرا لثقتك ياغالية:shay:

 

[dahbito]

سلام عليكم كامل
اليوم ظهرت نتائج الباك واختي اسماء كانت من الناجحيين الحمد لله ​

 

[ام منصف]

الف الف مبروووووووووووووووووووووووووووك
لكل الناجحين في شهادة الباكالوريا
​

 

[حاملـة المسك]

يعطيك الصحة فوفة بيك نت لعرفتها ..العائلة كلها فرحت بيها
لا حرمت منك فوفة

نمدلكم بعض من اللمسات التي أضفتها إن شاء الله تنال إستحسانكم
لما ضربتها في الباتور حطيتها على نار ضعيفة و بقيت نحرك باش ما تلصقش
لمدة5د
و اضفت مبشور البرتقال اليابس(مهرس) للنكهة و لكسر بنة لحظة (إختياري )
و نصف بلاكا شكولاطة أنباسادور


:islam_slat2: تقبل الله صلاة الجميع بمزيد من الاجر و الثواب​

 

[nada242008]

بائعة الكبريت تطبيق ممتاز بصحتكم
دهبيتو الف مبرووك النجاح وعقبال الشهادات العليا ان شاء الله
ام منصف هيا بصحتك يالالة وسلمينا على الاهل :sheer:
انا عشايا سلاطة خيار وسندويتشات الخبز اللبناني ودلاع

صح عشاكم كامل

 

[l'algeroise]

صحا عشاكم كامل

**بائعة الكبريت** يسلمك أختي
أم ندى عشاك يهبل بصحتكم
عشايا خبز محشي بالكاشير و الفرماِج + les croissants