ماذا ستطبخين اليوم سيدتي الجزء 3

[ام منصف]

مساء الخير عليكم كامل
صح التحويسة ام ندى وندوشة جات تهبل في البحر الله يبارك عليها
انا راني في اريس عند ماما وراهم يسلمو عليكم كامل
غدانا شخشوخة مرمز وفلفل مفور اممممممم
بصحتكم البنات موائدكم تشهي
يعطيكم الصحة راكم قايمين بالحالة
واهلا وسهلا بكل المنظمين لقعدة الكوزينة اللماوية
​

 

[nada242008]

اميمة طابلة تشهي اممممم بصحتكم
ام اروى الله يسلمك ..ماقلتيناش واش طيبتي
شجون الحلوى تشهي شفتها من قبل بصح الجشوة كانت غرس يعطيك الصحة

 

[nada242008]

بصحتك ام منصف ..شخشوخة مرمز هي تشيشة مرمز
والفلفل المفور كيفاه اسمو جديد عليا
روحي يا شيخة تمتعي هههه المرة هذي نبعثلك عين صحيحة تروحي في الليل:laugh:

 

[الطفلة البريئة]

شجون يعطيك الصحة قاطو هايل و كشما تلقايلنا ديغوسات باهيين جيبيلنا نوشوفوهم

ام اروى شكرا ربي يحفضك و يخليك
أميـــــــمة طابلة تشهي يعطيك ألف عافية

و الله سخفتيني في الكفتة بالزيتون بصحتكم ​

الله يسلمك وفاء حبيبتي
والله لوكان جيتي قريبة راني بعثتلك تستاهلي ​

اميمة طابلة تشهي اممممم بصحتكم
ام اروى الله يسلمك ..ماقلتيناش واش طيبتي
شجون الحلوى تشهي شفتها من قبل بصح الجشوة كانت غرس يعطيك الصحة

يسلمك اختي ام ندى تعيشي صح غداكم حتى انتوما
​

 

[ibtesem]

تفصلو يالبنات هنا
تابع للاسبوع المسابقة الوصفة الرابعة{4}

 

[ibtesem]

بصحتكم الطفلة البريئة لغدا امممم جا هايل مشاء الله
تسنيم مابنتيش اليوم غير الخير
لالجرواز تاني
انشاء الله خير

 

[شجـ الروح ـون]

شكرا حبيباتي
ام اروى شكرا ليك نعم الحلوى لذيذة جدا وخفيفة تصلح لكل المناسبات
وفاء ربي يخليك اختي
ان شاء الله كل ما نتحصل على وصفة جديدة نشارككم بيها
غاليتي ام ندى شكرا ليك
هدا وين كتبت رد لابتسام
قلتلها انها تصلح بالتمر لكن لو تضيفيلو بعض الجلجلان المحمص راح تكون تحفة
وطعمها ولا اروع
.
.
.
ميمة طابلة تشهي خيتي
اني نجي للعشا هههه​

 

[ibtesem]

حالياً الأعضاء النشيطين الذين يشاهدون هذا الموضوع : 27 (10 عضو و 17 ضيف) ‏ibtesem, ‏ام مراس, ‏تسنيم الهناء, ‏faloussa, ‏fati mosta, ‏om mima, ‏sweetprincess, ‏tasnim55+, ‏غزالة الصحراء, ‏wassila21

تسنيم راكي هنا ماشوفتش الخط الكبير اليوم قلت راكي غائبة

 

[faloussa]

سلام البنات واش راكم والله توحشتكم وتوحشت اللمة معاكم كنت عندي ياسر ما طليتش عليكم كنت في البلاد قعدت شهر كنت سعسع نطل عليكم يعطيكم الصحة كامل :sheer::sheer:واش طيبتو وراني نشوف كاين حتى اعضاء جددد التحقو بيكم الله يبارك ربي يدومها ان شاء الله
اه ممكن تفكرونى بالسيت نتاع تحميل الصور نسيتو حابة نحط بعض الصور
دمتم اوفياء بيزووووووووووووو

 

[nada242008]

سلام البنات واش راكم والله توحشتكم وتوحشت اللمة معاكم كنت عندي ياسر ما طليتش عليكم كنت في البلاد قعدت شهر كنت سعسع نطل عليكم يعطيكم الصحة كامل :sheer::sheer:واش طيبتو وراني نشوف كاين حتى اعضاء جددد التحقو بيكم الله يبارك ربي يدومها ان شاء الله
اه ممكن تفكرونى بالسيت نتاع تحميل الصور نسيتو حابة نحط بعض الصور
دمتم اوفياء بيزووووووووووووو

اهلا بيك فلوسة توحشناااك
الحمد لله كي رحتي ورجعتي بخير
اليك الرابط
www.herosh.com

 

[تسنيم الهناء]

مساكم نوار كيما انتوما نوارات اللمة
جمعة مباركة للكل
ام ندوش بصحتك التحويسة، لابرانساس الله يبارك كل صبع بصنعة، ام منصف و ابتسام قولولي وقتاش تصومو نص شعبان غدوة ولا بعد غدوة لانكم ديما صايمات كيفي
الطفلة البريئة غداك الله يبارك يشهي، شجون حلوتك مليحة و انا نعرف لي حشوها غرس و يسموها نخيلات
روز حبيبتي ان شاء الله تكوني ريحتي و راح عليك الزعاف
لبنات الكل ربي يهنيكم

و هذا مسكوتشو درتو قبيل

​

 

[ibtesem]

ابتسام قولولي وقتاش تصومو نص شعبان غدوة ولا بعد غدوة لانكم ديما صايمات كيفي
غدا 15 شعبان تسنيم الهناء
ربي يقبل منك حبيبتي
اممممممممممم على المسكوتشو راها حاكمة عليا القهوة اسكتو برك مع الصحن تاع المسكوتشو تنحي الشهنة
هههههههههههه

 

[ibtesem]

نويت اليوم ان شاء الله نطيب رخساس
نقلي
واكلة مغربية
اسمها زعلوك هي سلطة مغربية
كي نكمل تكونو رقدتو راكم تشوفوها الصباح

 

[imane27]

مساء الخير عليكم واش راكم صح فطوركم وعشاكم تاع لبارح والله ماعندى مانقول فيكم فحلات
فلوسة واش راكى وكاش خبار على لبلاد
لبارح طيبت سبقيتى بلكروفات راح تولى عشاء تاعكم ليوم

 

[ibtesem]

بصحتكم ايمان 27 سباقيتي

 

[nada242008]

تسنيم الكيكة تشهي والديكور زاد فيها النص
ابتسام ههههه اسم الاكلة المغربية يخلع
ايمان بصحتك الكروفات
انا طيبت بطاطا ام منصف جات بنينة اممم

صح عشاواتكم

 

[imane27]

بصحت ندى جى بنينة انا ولادى يحبوها

 

[faloussa]

سلام البنات بصحتكم كامل :sheer::sheer:وعطيكم الصحة
ايمان لاباس البلاد، بصح نقولك الفاكونص نتاعي في سع خلص زعما شهر، مي فات يجري عييت نرجع
انا درت فطور شوربة وبوراك وسردينكنت صايمة مي لافوطو الله غالب راني عييت مادرتش

 

[برنســ اللمة ـيسة]

صحا عشاواتكم البنات

تسنيم موسكوتشو هايلة يعطيك الصحة و تاكلوها بالهنا
ايمان سباقيتي روعة تاكليها بالصحة
ابتسام ربي يقبل صيامك انشاء الله و يعطيك الصحة
ام ندى عشاك هايل امممممممم تاكليه بالصحة حبوبة

و راني كملت البيتزا علابالك درتها رقيقة في الحشية تحرقتلي شويا و لابيري و سلطة و دلاع كيما العادة

​

 

[nada242008]

فلوسة صح فطورك
برنساس والله غير البيتزا تبان هايلة مع انها اول تجربة
ماهيش محروقة مقرمشة اممم
المرة الجاية خليها تخمر كي تحطيها في البلاتو
بصحتكم راكي تهليتي في خوك