ماذا ستطبخين اليوم سيدتي الجزء 3

[برنســ اللمة ـيسة]

ايا مليــــــح كي شكرتنا شاف كويزين هههه
ايه و الله اول تجربة بصح بربي انشاء الله نزيد نعاودها حتى تجي كيما تاعك
انا ماخليتهاش تخمر في البلاتو علا هاديك جات هكدا
القادم أحسن انشاء الله ​

 

[nada242008]

شاف كويزين ضربة واحدة هههه اللي يسمعك يقول صح
كون تشوفي اول تجربة ليا تموتي ضحك شغل رخساس فوقو طماطم:schmoll:
بالتجربة تعودي تعرفي السمك المناسب وقداه تخليها تخمر ولازم الكوشة تكون سخونة ياسر 200 درجو مئوية وماتخليهاش تطول فيها 10 دقايق وخرجيها

 

[برنســ اللمة ـيسة]

شاف كويزين ضربة واحدة هههه اللي يسمعك يقول صح
كون تشوفي اول تجربة ليا تموتي ضحك شغل رخساس فوقو طماطم:schmoll:
بالتجربة تعودي تعرفي السمك المناسب وقداه تخليها تخمر ولازم الكوشة تكون سخونة ياسر 200 درجو مئوية وماتخليهاش تطول فيها 10 دقايق وخرجيها

:sheer::sheer:

ههههههه
عجبتني تاع رخساس فوقو طماطم
ايا ماعليش بالتجربة نتعلمو و ماكانش اللي من أول مرة تجيه كيما لازم الحال
و منكم نتعلمو
يعطيك الصحة و ربي يخليلك ندوش الزينونة
:re_gards:​

 

[زهرة الندى]

كون تشوفي اول تجربة ليا تموتي ضحك شغل رخساس فوقو طماطم
هههههههههههههههههههههههههههههه قتلتيني بالضحك
راني نشوف قالعدس و التشيشه تخبط واش لحقتو آخر الشهر أيامات المجاعه هههههههههه
راني نتمسخر ولله يعطيكم الصحه و العافيه راني حاسدتكم كاااامل ربي يهنيكم و يبعد عليكم العين
أنا gift♥dz أخت زهرة الندى ... ذرحت نعاود نسجل ههههههههه
حنا هاد النهارات رانا نشفو الفريجيدار تصفر
تفكرونا ساعه على ساعه يا المومنين ههه​

 

[ibtesem]

صباح الخير
مساء الخير
رغود راني عرضاتك اليوم عندي
جيبي معاك الملح الطرطاق ههههههههه

تفضلي بصحة والراحة

 

[ibtesem]

هدي السلطة المغربية الزعلوك

صراحة جات اممممممممممممم
ساضع الوصفة ان شاءالله
........................

هدا الرخساس من زمن طويل مطيبتوش

.........................

هدا نهار ندى عملت مقلي
جريوات وفلفل وطماطم
تشهتو
راني عملتو

ان شاء الله يعجبوكم

 

[ibtesem]

صباح الخير عليكم واش راكم
راكم راقدين انا نضت نسحر قلت نسلم عليكم
اهلا مزورة وين غبتي علينا
صح قهوتكم يالبنات ربي اوفقكم في هذا اليوم الجديد​

 

[ibtesem]

راني عاودت رجعت مقدرتش ننعس
صباح الخير روز وبنت قسنطينة

 

[برنســ اللمة ـيسة]

صباح النور يا أحلى سيدات
واش راكم؟؟
ابتسام شهيتيني على صباح ربي أممممممممم
حطيلنا الوصفة تاع الزعلوك
أنا اليوم صاايمة​

 

[ام منصف]

بصحتك ام منصف ..شخشوخة مرمز هي تشيشة مرمز
والفلفل المفور كيفاه اسمو جديد عليا
روحي يا شيخة تمتعي هههه المرة هذي نبعثلك عين صحيحة تروحي في الليل:laugh:

نعم ام ندى بصح طريقتنا تختلف على طريقتكم ناس بسكرة يديروها غير بالثوم حنا نديرولها البصلة والشحمة ثاني وتجي هايلة
الفلفل المفور
حبات فلفل حلو وحار حليهم ونحي الزريعة فوريهم
اخدمي صوص بحبة طماطم مرحية وفصوص ثوم شوية كروية وكمون وفلفل اسود كي يفور الفلفل نحيه وحطيه على الصوص واضيفيلو زيتون اسود واخضر
يجي هايل وتقدري تحتفظي بيه في الثلاجة
​

 

[rima29]

صباح الانوار
وش راكم صافا
انا اليوم صايمة وحدي
دارنا ماهمش صايمين
ربي يعيني
ان شاء الله​

 

[faloussa]

صباح الخير عليكم كامل
ابتسام طاولة تشهى يعطيك الصحة
الله يتقبل صيامكم ان شاء الله

 

[rima29]

ان شاء الله فلوسة​

 

[ibtesem]

مساء الانوار برنساس ريمة صيامكم في الجنة ربي يتقبل منا ان شاء الله

 

[nada242008]

ابتسام صح فطورك تاع البارح وربي يعاونك على اليوم
انا نويت نصوم بصح ماقدرتش :sad:
الله يتقبل صيامكم برنساس وريمة
غدايا اليوم كفتة الدجاج

 

[حاملـة المسك]

السلام عليكم..صحيتو يا بنات اللمة
بديت نشوف في الردود من برنساس
برنساس حسب الشوفة البيتزا مشي طالعة بكفاية سبرسا حمارتلك في الاطراف
نصيحةإضافية لعينك البيتزا تجيك هشيشة قوي النار شويا راهي طيب طرية و مشي نية لخطراش هي أصلا رقيقة
و لا نقصت النار طيب يابسة حتى و لا محمارتش
بالتوفيييييق

وش فاتني البارح كنت تببيلي إبتسام البارح متعشيا شكشوكة بصل:sad:
و لك الفضل .....الماكلة قاعد كما راه باينة بلي بايتة تسناي فيا
بسم الله...نتغدى منبعد نجيب البخارة​

 

[ibtesem]

امممممممممممممم بصحتك ندى
وقيلة نعملها اليوم لفطوري بصح بالحوت لانو معنديش الجاج والجزار بعيد:cra_zy:
وقيلة بنة وحدة في الاخير هههههه

 

[حاملـة المسك]

هدي هي البرشقالة و كاين لـ يسموها (برزقالة) صورتها للاخوات لـ ميعرفوهاش
هنا راهي صغيرة لازم تكبر كتر
كيفية تنقيتها نتخلصو من زريعتها لـ منبعد رايحة تكون في مكان الورد الاصفر
التيجان لكانت جد غليظة نتخلصو منهم و نقطعو البرشقالة
السر أنها بنينة مترطابش كما السلق و السبانخ ورقتها يدخلها الطياب بصح تبقى شادة روحها
البرشقالة فيها فائدة كبيرة لكن الله غالب منطيبوهاش بزاف
مناش متعودين عليها

و هذا طابع حلوة المروحة​

 

[ibtesem]

عيد ملاد ام ندي اليوم

 

[الطفلة البريئة]

مساء الخيرات عليكم البنات
و ربي يقبل على كامل الصايمات انا معولة نصوم ما كتبش ربي
هذا عشانا تاع البارح تودرلي الكابل تاع الموبيل ما درتوش البارح
الحوت تاعنا و الشخشوخة تاع عروستنا هههه

و هذا الغداء اللي درتو اليوم

الفيلي و الفريت و شكشوكة تاع الباذنجان و السلاطة و الكسرة

صح غداواتكم اللي فاطرين و اللي صايمين ربي يعينكم و يقبل منكم
ام ندى عيد ميلاد سعيد لعقوبة لـ 100 سنة
​