ماذا ستطبخين اليوم سيدتي الجزء 3

[ام منصف]

مشكورين على السؤال حبيباتي
سلفتي راهي كيما يحب ربي ساعات تحس روحها بخير وكي تنوض السطرة ماعندي مانحكيلكم ربي يشفيها ويخفف عليها يا رب

طلب لام دودو ممكن تحطيلنا الوصفة نتاع خبز الشيبس كموضوع مستقل او في موضوع الاخت بسومة
معجنات الاسبوع ‏
ولك كل الشكر حبيبتي

​

 

[nada242008]

مساء الخير عليكم
انا هذا وين كملت الميناج اللي نورمالمون نديرو كل جمعة طبعا لظروف العمل
وراني معروضة في دار عجوزتي للعشا
كون جا مش عيب نصورلكم i-o:
هيا ابقاو على خير وصح عشاواتكم مسبقا

 

[روعة2005]

سلام عليكم لبنات
هذا كان عشا البارح وعشاء اليوم وبصحتك ندوش العرضة تستاهلي بعد تعب اليوم

اختي تسنيم الباط تاع الكيلو وايه حبيبتي سميد عادي تاع الكسرة
السر انك تدلكيه مليح مليح

 

[tasnim55]

الف شكر على الرد فوفة
اممممممممم عشاء مشاء الله يشهي يعطيك الصحة بصحتكم
ام ندى بصحتكم العرضة :sheer:

 

[ibtesem]

امممممممممممممممممممممم يا فوفو امممممممممممم
تقولولي اعملي رجيم خلاص بطلت
بحتكم لعشا فوفو

 

[أم دودو]

السلام عليكم واش راكم يا بنات اللمة
فوفة عشاك يشهي سيرتو السردين نموت عليه بصحتك فوفيتو
أم منصف ربي يجيب الشفاء لسلفتك يارب و كاين هذا الدعاء راااائع جدا للمريض إن كان راح يكتبله الشفاء راح يعجله الله سبحانه و تعالى و إن كان .....لسمح الله يخفف عليه
تحطي يدك اليمنى على رأس المريض و تقولي سبع مرات هذا الدعاء (أسأل الله العظيم رب العرش العظيم أن يشفيك)و يا ربي تلقى الشفاء
بالنسبة لخبز الشيبس من عيوني راح نحطه في موضوع مستقل في أقرب فرصة
​

 

[imane27]

مساء الخير عليكم صح عشاكم
ندى بصحتك لعرضة
فوفة عشوات يشهو بصحتكم

 

[ام منصف]

أم دودو يعطيك الصحة حبيبتي ويبلغ الدعاء ان شاء الله مع انه دايما ترقي روحها ونرقوها حنا كي تعود ما هيش قادرة جزاك الله كل خير

فوفة 2011 بصحتكم حبيبتي وسلامي للميس ومحمد

ibtesem
واش النتائج نتاع امتحانك ان شاء الله خدمتي وربي يعاونك على الريجيم
*
*
انا اليوم صايمة نتاع الصح ماجى يفوت النهار حسيت قلبي راح يحبس مع السخانة نتاع بسكرة راهم ناسها يعرفوها
( ام ندى ابتسام بائعة الكبريت تسنيم 55 .... )
هههههههههه
وزيد راح التريسيتي يعني كملت
المهم فطرت سوفلي بالدجاج والبطاطا مع سلاطة
بصحتكم كامل





​

 

[assia dz]

السلام عليكم جميعا، بصحتكم كامل واش طيبتو، مبروك النجاح بنت الجسور المعلقة ولعقوبة للصح للباك وحلوياتك ما شاء الله، بالتوفيق ابتسام في الامتحان، وانت روز في الريجيم، بصح ماضنيتش كاين ريجيم مع هذاك الخبز أممممممممممممم، الخبز البلغاري أول مرة نسمع بيه ونشوفو نتمنى تحطيلنا الوصفة، أم ندى الله يعينك في الحسابات، ويعين كل اللماويات في الكوزينة باش يقدمونا أطباق مميزة( أم منصف،أم ندى، تسنيم، فوفة، دهبيتو، أم كوثر، صافيناز، بائعة الكبريت أم دودو، لالجيرواز، ابتسام، روز، إيمان، بنت الجسور المعلقة،....) ياربي برك ما نكون نسيت حتى وحدة .
راني عند وعدي حطيتلكم وصفة البسبوسة بنوادكوكو في ركن الحلويات نتمنى تجربوها وتردولي الخبر لأني كنت رايحة نحطها في مسابقة أحسن تطبيق لما فزت ، بصح انقطعت في تلك الفترة عن اللمة لظروف خاصة، ما عليهش راني حطيتها اليوم.مجربة مرارا وتكراااارا وناجحة 200%
https://www.4algeria.com/forum/t/286725

 

[روعة2005]

لاشكر حبيبتي تسنيم هذا اقل من واجبي
بسومة ربي يعيشك تشوفي انا ناكل با العين برك هههه
وربي يعيشك حبيبتي ام دودو وربي يقبل ام منصف ويشافي سلفتك وسلامك وصل:shay:

 

[روعة2005]

مشكورة كثير اخت اسيا وصفة البسبوسة شهية كثير وتشرف قدام العايلة والحباب ممممممم

 

[assia dz]

مشكورة كثير اخت اسيا وصفة البسبوسة شهية كثير وتشرف قدام العايلة والحباب ممممممم

الله يسلمك فوفة أنا هذه البسبوسة المفضلة عندي

 

[assia dz]

*
انا اليوم صايمة نتاع الصح ماجى يفوت النهار حسيت قلبي راح يحبس مع السخانة نتاع بسكرة راهم ناسها يعرفوها
( ام ندى ابتسام بائعة الكبريت تسنيم 55 .... )
هههههههههه
وزيد راح التريسيتي يعني كملت
المهم فطرت سوفلي بالدجاج والبطاطا مع سلاطة
بصحتكم كامل







​

اليوم نقدر نقولك صيامك مقبول ام منصف وربي يعينا على صيام رمضان في هذا السخانة

 

[assia dz]

انا طبقت بسبوسة ميميشة وتزين اسيا د زا
مزال مادقتش
وهدا البراونيز
من باعد اوافيكم بالصور في الصحون

سلام من بعد انشاء الله​

يعطيك الصحة ابتسام وبصحتك البراونيز نموت عليه وعلى كل الحلويات تاع الشوكولا، والبسبوسة خرجتلك روعة بهذا الألوان، راني حطيت وصفتي في ركن الحلويات

 

[ام منصف]

امين يارب العالمين
ما ظنيتش نزيد نصوم حتى نروح لدارنا
عجوزتي حلفتلي قالتلي تزيدي تصومي ما نتفاهموش كل ليلة قبل ما نرقد تقولي والله ما صمتي الغدوة السخانة والتعب والصغير وتزيدي تصومي
راني غير نسيها ونصوم هههههههههه ربي يحفظها ويعطيها قد قلبها يارب ويشفيلها بنتها
​

 

[أم دودو]

أم منصف صوم مقبول و ذنب مغفور
إبتسام إن شاء الله جوزتي الإمتحان سلامات
آسيا شكرااااااااا جزيلا عالوصفة
أنا كنت رايحة نحط صور تاع العشاء و الضوء راح (الكهرباء انقطعت)
نروح نحطهم لا يزيد يروح
اليوم درت بيتزا بشكل جديد الوصفة أخذتها من هنا
هذي الصور
هنا مازالها ماهيش طايبة

و هذي بعد ما طابت

​

 

[ام منصف]

بصحتك ام دودو البيتزا باينة هايلة
​

 

[assia dz]

ربي يقدرك أم منصف ويجازيك على طيبتك ويخليك لعجوزتك ويشفيلك سلفتك آمين.
البيتزا أم دودو من الصورة الاولى تبان هايلة، بعد الطياب ما ظهروش الصور مليح، لكن يعطيك الصحة على التطبيق.

 

[نسيم الربيع]

مساء الخير عليكم

ممكن من فضلك ختي تعطيني الوصفه او الرابط تاع الموضوع الأصلي لاني ماشفتوش وعجبني وشكرا

 

[ibtesem]

صباح الخير عليكم راها ؟؟؟؟؟؟ عندكم
سبقتكم اليوم انا لفتحت الاولى اللمة