ماذا ستطبخين اليوم سيدتي الجزء 3

[الاختان سوسو ونونا]

طيبت ليوم ماما في لغدا نعمة( بربوشة-طعام-كسكسي)

وفي لعشا طيبت درتلهلم سردين مقلية مع صلصة طماطم

وهادو خبيزات اول مرة نجربهم نشاله يعجبوكم ​

بصحتك يالفحلة الدكور تاع الحوت فكرة جديدة

 

[imane27]

صح عشاكم لبنات عشا يشهى
اسيا اشكال من المشماش تشهى
بنت الجسور رغودة توام لمة جدد عفاف فوفة ام منصف صح عشاكم
ندى رانا تفهما على فريكاسي رانى نعجن فيه اول مرة نديرو زغرتولى

 

[الاختان سوسو ونونا]

عشواتكم يشهو لبنات ام ندى رغد بسومة شريفة عفوفة ايمان شوشو ريم تسنيم وبنت الجسور وروز والاختان الحبوبات ​

شكرا ياختى وبصحتك العشا

 

[الاختان سوسو ونونا]

هذا عشايا فريكاسي ابتسام

بصحتك يامعلمة

 

[ibtesem]

انا لديما متاخرة فيكم
اسيا الله الله على الطاولة تقول راكي في جنان

 

[روز]

راهو ناض الفريكاسي نتاع ابتسام دركة مايقعدش قع هههه
ايا ايمان صوريها وحطيهنا

 

[nada242008]

الله يسلمكم يا بنات
صح عشاكم تسنيم والاختان الفحلتان وفوفة وام منصف وبنت الجسور ورغوودة وروز وام دودو ونبع اليقين
ام اروى مرحبا بيك توحشناك
سلام لمريم حاسي ورانا نسناو في عودتها
اسيا وينك ولا مازلتي تغسلي في الماعن ههههه
ايمان بصحتك الفريكاسي مسبقا راكي انتي الفحلة فينا حنا تطبيقاتنا تبخرت مع انقطاع اللمة :showoff:
ابتسام وينو عشاك

 

[ام منصف]

راهو ناض الفريكاسي نتاع ابتسام دركة مايقعدش قع هههه
ايا ايمان صوريها وحطيهنا

هههههههههههههههههههههه
راح تبدا الحملة نتاع الفريكاسي ههههههههه
والله غير عندك الحق حبيبتي
*
بصحتكم البنات
*

اسيا طابلة هايلة لوكان تشوفها ماما تعجبها تموت على خدمت المعجون بكل انواعه
مع الجنان اللي عندنا الله يبارك
تنوض مع الفجر تنحي الفاكهة ويله للمعجون
تفاح مشماش سفرجل كرطوس
​

 

[أم دودو]

صح عشاواتكم الكل
و الله طبخاتكم الكل تشهي و إلا هداك المشمش بأنواعه تسلم إيديك يا آسيا مرا و نص
أنا عشاي بوراك تاع البر
صح عشاكم مرة أخرى
​

 

[assia dz]

الله يسلمكم يا بنات


اسيا وينك ولا مازلتي تغسلي في الماعن ههههه

راني هنا، أقصد نغسل في الماعن:shay:،مديتلك سري وليتي تضحكي عليا:cra_zy: ندى ماعليهش ما نزيدش نهدر خلاص على الخصوصيات:schmoll:اليوم راني تعشيت وحدي الدار معرسين وأنا قليت بيض مع سلاطة، بصح ماكنتش قاعدة في النهار كان عندي غسيل القش تاع الشتاء.
شوفي بالنسبة la pate d'abricot ماحطيتهاش في الهواء الطلق غير في الدار نشفت ما تحطيهاش فالفريجيدار،استغرقت يوم كامل. وكي خبيتها في علبة زادت نشفت مليح.

 

[assia dz]

*

اسيا طابلة هايلة لوكان تشوفها ماما تعجبها تموت على خدمت المعجون بكل انواعه
مع الجنان اللي عندنا الله يبارك
تنوض مع الفجر تنحي الفاكهة ويله للمعجون
تفاح مشماش سفرجل كرطوس
​

الله يسلمك ام منصف، والله يحفظلك الوالدة، ضرك برك فهمت منين جبتي هذا الشطارة، والله أنا ثاني نموت على خدمة المعجون بكل انواعه

 

[assia dz]

اسيا الله يبارك راكي فحلة تاع الصح اممممممممممم ممكن تقوليلي المعجون تاع المشماش حب كيفاش درتيه يبان مقطعتيهش انصاف

الله يحفظك فوفة هذا المعجون يطيب في الشمس خليته 5أيام مقابل الشمس حتى ولى بهذاك الشكل، تعرفي المشماش على النار بالخف يروح الشكل نتاعو بالصح في الشمس يجي حبات روعة،مليح ديسار وإلا للتزين، الطريقة أخذتها من أحد المنتديات وإذا عجباتك نحطلك المقادير بالضبط

 

[assia dz]

بصحتكم بنت الجسور السردين والبربوشة، شطيطحة تشهي بائعة الكبريت بصحتك، الفريكاسي جاك روعة ندى، بصحتك راني مازال ماجربتوش، أم دودو بصحتك عشا برا راكي روpو ليوم تهنيتي، إيمان رانا نستناو فالفريكاسي نتاعك، روز راكي صايمة بصحتك الريجيم، وبصحتكم كامل البنات واش طيبتوا.

 

[روعة2005]

ربي يخليك اختي اسيا واكيد نتمنى الوصفة با التفصيل باش نطيبو راه وقتو شكرا مسبقا حنونة

 

[ibtesem]

سلام يالبنات انا هدا وين حضر عشايا احم احم
تفضلو

سمك فيلي بالتتبيلة تاع ندى

لبيري

كروفات بالصوص متومة

كمونية تاع زرودية

هدي الطاولة مع الصوص والسلطة

بالهناء وبصحتكم كامل يالبنات

 

[imane27]

راه عشايا وجد لبنات جوزو تتسحرو

 

[omarwa]

صباح الخير عليكن صح عشاكم كامل باش ماننسى حتى وحدة اسيا المعجون يشهي حنا المشماش عندنا قاع عيان بصحتك لعشى ابتسام وايمان

 

[omarwa]

الله يسلمك ام ندوشة انا توحشتكم بزاف

 

[روز]

حطينا آسيا الوصفات نتاع المعجون بالتفصيل باش نعطيها للدار في الدزاير انا هنا مانقدرش نعملو رغم اني نحب نخدم انواع المعجون بسكو سعر السكر هنا عالي جدا باش نشري فاكهة وسكر تسقاملي غالية ياسر بقيمة شحال من علبة مخدومة وتتباع
ان شاءالله تكونو بخير بنات راهي تنشطت الحالة شوية
بسومة بصحتك هذاك العشا يشهي والفريكاسي جاوك هايلين ايمان شكلهم هايل
اليوم غدايا 3قطع دجاج وحدة مطهوة في ملعقة صغيرة زيت زيتون والاخرى على البخار
كوثر كوثر راهي غايبة

 

[ibtesem]

كوثر كوثر راها غائبة ابتسام راها هنا تخلفها هههههه

صباح الخير عليكم يالبنات
بصحتكم غدواتكم
اليوم جا الحليب ياروز مي عادي مالقيتش اكتيفيا المهم لبن وخلاص