ماذا ستطبخين اليوم سيدتي الجزء 3

[nada242008]

ايمان البيتزا جاتك تشهي بصحتكم
فوفة بصحتك العدس كنت رايحة نصقصيك على الوصفة
تليق في الصيف امممم
ام منصف عظم الله اجركم ماعليش ماكتبتش ..زيدي ارجعي قبل رمضان وخلاص
انا في الغدا درت دجاج محمر وبطاطا بصح البطاريات كانوا فارغين
بصحتكم كامل واش طيبتوااااا

 

[ام منصف]

بارك الله فيكم كامل
بصحتكم غداواتكم
عفاف 1 ممكن الغدوة نرجع ان شاء الله

​

 

[حكيك]

ام منصف عظم الله اجركم
تفضلوا
https://www.4algeria.com/vb/showthread.php?p=3391056#post3391056

 

[nada242008]

طيبت فريت اوملات بالشكشوكة على طريقة ام لميس وموح مش فوفة ههههه
ومعاها سلاطة
ام منصف ربي يسهل ان شاء الله ..انا ثاني غدوة بربي ان شاء الله رايحين للقالة ايامات ونرجع ان شاء الله

 

[روعة2005]

بصحتك الغدا والعشاء عفوفة اممممممم والله نموت على لفريت تاع ام لميس بصح راني ريجيم.........هههه:shiny:
عجبتني السلاطة وصحن لي فيه السلاطة نطلع لباتنة ونشري منو ....ااااهاهi-o:​

 

[روعة2005]

طريق السلامة عفوفة تروحي وتجي بخير متعوميش بزاف هههه

 

[nada242008]

بصحتك الغدا والعشاء عفوفة اممممممم والله نموت على لفريت تاع ام لميس بصح راني ريجيم.........هههه:shiny:
عجبتني السلاطة وصحن لي فيه السلاطة نطلع لباتنة ونشري منو ....ااااهاهi-o:​

الله يسلمك فوفة
هههه اسكتي برك الصحن هذاك حكايتو حكاية
خرجت نشري طباسا واش نقلك حملت حتان ماقدرتش نهز
ونمشي ومحملة انا عدت قريب نوصل للدار ...... وطحت
واحد الطيحة الله لا يشوفك ..حتى قشي تقطع .اقسم بالله:sad:
غاضوني غيرالصحونة اللي تكسرو وماغاضتنيش روحي
منع غير هذا ههههه
بصح راني نرجع ونسلع ههههههههههههه

 

[ibtesem]

سلام يالبنات واش راكم النات عملتها بيا لكن الحمد لله
عضم الله اجركم ام منصف
ندى طريق سلامة تهلاي في روحك
سلامي الى كل الاحباب لهنا
طريق سلامة ايضا الى الجزائر الغالية تكون وصلت الى الجزائر الان
بصحتكم عشاواتكم
مبروك الى بنت حكيك
مبروك الى كل الناجحين في جميع الشهادات خاصة البكالورية

 

[ibtesem]

عوينة ياندى

 

[nada242008]

عوينة ياندى

ههههه على ايه يا حبيبتي
فاتت عليا واحد العجوز شفيتها شكيت
قاتلي دافعة بلا يا بنيتي

 

[روعة2005]

ياااااخاه صطرك ربي عفوفة......والحمد لله كي ماصرا والو للبيبي راهي واعرة الطيحة للحامل
والله يسلمك بسومة حنا قلنا كي ترقيتي تعودي تضالي تنوعي اتاريكي اختفيتي..هههه

 

[عفاف الجزائرية]

ياو واش راكم
ان شالله تكونو كاااامل بخير وصحة وعافية
توحشت ندور في ه\ا الجيهة
ليوم نها ركامل واحنا نخملو في الحوايج
غدوا على ربي يان شالله مسهلين للحمام
اني نوصيكم اتهلاو في رواحكم وفي دياركم
ما تنساوغ الغاز اغلقوه
والتريسيتي ما تخلوهاش تجبد بزاف
ما تخسروش الماء بزاف
واني كي نتفكر اني نزيد نجي نوصيكم
المهم والاهم ما تفتحوش الباب شوفو من العوينة الصغيرة

للعشاء موشتو بالجاج وصلصة طماطم ناشفة
سلاطة كوكتال
كسرة رخساس

ام منصف اختي عظم الله اجركم فيما اصابكم
ربي يعطي لاهلو الصبر

روز يا روز يا حبة عيني راهي تضيق خاطري كي نسم ضايق خاطرك
ان شالله ربي يفرج عليك ويسهللك امورك


وهااااااا\يك سلاك عفاف المسيلية اللي ما تشبعش بحتى حاجة نهار وطول وانا ننقل في الماعين
شفتي باه المرة الجاية تديري حسابك تقول السوق رح ينقرض ديجا تخيلتك كيفاه كنتي هارجة

ايا الصفحة كامل كملتها انا
كي نتفكر اني نجي

عفوفة البريكية وبسومتي وايمان وتسنيم الهناء وتسنيم الاخرى وريمة وكل البنات ان شالله تكونو بالف خير
​

 

[l'algeroise]

مساء الخير عليكم كامل

**بائعة الكبريت** بصحتك الماشطو
dahbito و Abir الgاطو هايل يعطيكم الصحة
ام منصف عظم الله اجركم
فوفة2011 و imene27 صح غداكم
أم ندى مممممممممممممممممممممم عشاك يشهي
صح عشاكم كامل
أنا عشايا بطاطا سوتي + فخاض باني + الخبز البلغاري تاع أختي روز يعطيك الصحة جا هايل ميتشبعش

 

[روعة2005]

طريق السلامة بصح وينا حمام تاع قالمة.............قرعاجة واش تحبي​

 

[عفاف الجزائرية]

لالا حمام الgargouuure
هههههه ما عرفتش كيفاه نكتبهولك
وممكن نولي نطلعو ايامات لجيجل ولا بجاية على جساب الجو

 

[روعة2005]

معليش بصحتك عمرني سمعت بيه راكي تجيبنا سوفونيرات ........نعرفك تحبي تصوري
بصحتك الجيغواز راكم شهيتوني بهذا الخبز هذو ليمات نجربو جاك هايل

 

[imane27]

ندى فى داهية طباسة على سلامتك
للجرواز عشاك يشهى

 

[روز]

على سلامتك ندى خلعتيني عليك تروحي وتجي بالسلامة
عفاف حنونة ربي يخليك يارب تروحي وتجي بالسلامة بصحتكم التحويسة
لالجيرواز الخبز البلغاري مانشبعوش انا ثاني ولي يشوفو يحسبو مشري من برا بصحتك جربيه فوفة رايح يعجبك

 

[عفاف الجزائرية]

وراسكم غير كي نجي نزيد نجربو
وندخلوه لكتاب غينس كيما الفريكاسي
​

 

[ibtesem]

ياااااخاه صطرك ربي عفوفة......والحمد لله كي ماصرا والو للبيبي راهي واعرة الطيحة للحامل
والله يسلمك بسومة حنا قلنا كي ترقيتي تعودي تضالي تنوعي اتاريكي اختفيتي..هههه

الله اسلمك ام لميس والله كانت حاكمتني القراية بما اني خلصت انشاء الله راح تشوفيني متواجدة
منوعدش كل يو مي
لاني رجيم :showoff:والزوج راه في الجزائر :sheer:غير الاولاد:sad: دخلتي للمطبخ ماشي كل يوم :shiny: