ماذا ستطبخين اليوم سيدتي الجزء 3

[عفاف الجزائرية]

الله اسلمك ام لميس والله كانت حاكمتني القراية بما اني خلصت انشاء الله راح تشوفيني متواجدة
منوعدش كل يو مي
لاني رجيم :showoff:والزوج راه في الجزائر :sheer:غير الاولاد:sad: دخلتي للمطبخ ماشي كل يوم :shiny:

​

 

[ibtesem]

شكرا عفاف تعليق في محلو

 

[روعة2005]

راح نجربه اكيد روز..........سؤال انتي دهنتيه بزيت الزيتون ولا زيت عادي​

 

[اسال الله الفردوس]

السلام عليكم
كيراكم ان شاء الله لباس انا نتبعكم بزاف وهذي اول مشاركة بصح بدون صور
العشاء كان موساكا وسلاطة وفواكه

 

[روز]

دهنتو بزيت الزيتون مايبانش طعمو فيه لكنو يساعد لابات لاش تتورق مليح
المهم كي تكوني تحلي في العجينة حاولي تكون رقيقة قد ماتقدري باش مايجيكش معجن والاهم تخليه يخمر قبل لدخليه للفرن راكي قريتي الخطوات

 

[ibtesem]

بصحتك اختي فردوس العشا

 

[روعة2005]

راح نجربه ونتبع خطواتك........مشكورة روز
عشايا كان بيتزاااااااااا​

 

[nada242008]

هيا تصبحوا على خير وتبقاو على خير يا اهل اللمة
الى الملتقى باذن الله

 

[عفاف الجزائرية]

تصبحو على اللللف خير بنات
اتهلاو في رواحكم
ليلاتكم سعيدة
​

 

[tasnim55]

السفنج بطريقة اخرى:

 

[l'algeroise]

فوفة2011 بصحتك البيتزا جات روعة والخبز جربيه ماتندميش أنا تاني دهنتو بزيت الزيتون مابانش الg و تاعو
tassnim هايل السفنج كيفاش هاد الطريقة؟؟؟؟؟
تصبحو على ألف خير

 

[imane27]

بيتزا تشهى فوفة بصحتكم
تنسيم خفاف هايل كيفاش درتيه
ندى طريق سلامة
تصبحوا على خير لبنات

 

[tasnim55]

السلام عليكم يعطيكم الصحة وش طيبتو مشاااااء الله
اختي ايمان و لالجيرواز طريقة السفنج كالتالي
في جفنة حطي 500غ فرينة+ 3ملاعق صغار خميرة فورية + شوية ملح +3ملاعق كبار زيت وبسيها وبعد لميها بالحليب دافي دريها مثل الكسرة وفي الاخير ضيفي بيضة وهنا خبطيها بيدك وتكون مرخوفة على الكسرة شوية غطيها خليها تخمر وبعد لوزيها في صنية مدهونة امليح بالزيت ولوزيها مثل الكسرة ولما تخمر غير شوية تكوني حضرتي 2 مقالي الاولى فيها 3 ملاعق زيت والثانية فيها الزيت عادي كي يسخن ارفدي بالوزة عبسي في الوسط بصوبعك وجبدي على شكل اسوارة وطيبها في المقلة الاولى غير يتغير اللون لوحيها في المقلة الزوجة وفي نفس الاتجاه وين تغير اللون وبعد قلبيها للاتجاه الاخر
وفي بعض الاحيان نستعمل ملعقة تاع الايسكريم نديرها في الماء وبعد في العجين وبعد في الزيت ولما اطيب اندرها في السكر قلاصي وهذي الطريقة رووووووووووووووعة بزاف وهنا يصبح بيني ويجي خفيف رائع والحبات قدقد مثل المحلات عدنا هنا اي استفسار راني هنا
ملاحظة كل ماتكون لعجينة مرخوفة كل ما تجي هايلة





​

 

[ibtesem]

صباح الخير عليكم يالبنات وشراكم
انا اليوم راني صايمة ربي اقدرني على اكمال اليوم وربي يتقبل منا ومنكم يارب

 

[ام منصف]

ربي يقبل بسومة
رانا كيف كيف انا ثاني صايمة امالا راكي معروضة تفطري معايا
ربي يقبل علينا ان شاء الله
​

 

[dahbito]

السلام عليكم كامل
اليوم راني مسافرة عند بيت جدي ومانجيش حتى في شهر رمضان ان شاء الله
تهلاو في رواحكم كامل
سلامي للجميع​

 

[الورد الأحمر]

أول مرة ندخل للموضوع هذا راكم دايرين
فيها طوابل وعرضات وانا تخلفت
ايه باش نولي نضرب دورات هنا
وكاشما ندير راني نحطلكم هنا
زعما بديت نقرقب في الكوزينة
ودرت زوج مواضيع هنا احم احم
برك -_-' ههههه
هيا بصحتكم كاااااامل
ومغسي أم ندى عالموضوع
سلامو
​

 

[ibtesem]

الله اسلمك ام منصف ربي يقبل يارب

سفر ممتع دهبيتو تهلاي انت في روحك وافينا بالاخبارك ادا جاتك الفرصة

 

[ibtesem]

واش طيبتو ياحراير ولا راكم كامل صايمين

 

[حاملـة المسك]

مساء نسمة البحر وعطر الورد
بصحتكم البنات التحويسة ....... أم منصف عظم الله اجركم و لا اراكم الله شرا
تنسيم الحق ديال ربي السفنج جاك رووووعة راني مركيت رقم الصفحة
روز يا الحبيبة الواحد يسمع حبابو بلي راهم مقنطين يكمل
أستغفري ربي في كل وقت صدقيني غير تحسي روحك ريحتي
فَلَوْلَا أَنَّهُ كَانَ مِنَ الْمُسَبِّحِينَ * لَلَبِثَ فِي بَطْنِهِ إِلَى يَوْمِ يُبْعَثُونَ
و ننصحك بهذا الدعاء
" لا اله الا انت سبحانك اني كنت من الظالمين "
خليتلك الراحة يا لسان المرأة العربية :ax_flw:

عاجـــــــل
فوفة نسيت نوعية الياغورت لنستعملوه في عصير الليمون
و لا لراهي متذكرة تجاوبني
شششكرا مسبقا​