ماذا ستطبخين اليوم سيدتي الجزء 3

[برنســ اللمة ـيسة]

تعرفي يا روز كنت نشوف في الطبق اللي حطيتي ههه نظن سلاطة
دخلت ندى راسها في ليكرون قلت والله غير نصورهالك
قاتلي ماما هذي حلوي اعطيهالي هههه

امممم روعة والالوان ماخلاوش
نورينا يا روز وقولينا واش درتي
---------
تسنيم الله يسلمك حبيبتي
وفاء صحيتي كي طبقي الوصفة حطيهالنا:sheer:

هههههههههههههه
الله يبارك ندوش زايدة فيها النص مسكينة حارت فيها
و تخلطولها الخيوك ه:sheer:
أواه يا روز دوختيلنا البوبونة الصغيرونة​

 

[روز]

اها هذ الصورة لي خارجة فيها ندوش ليا
واحد ما يرفدها ياجماعة راهي حصرية ههه

هاذي أكلة كليتها في تركيا بطاطة مفورة من الحجم الكبيييير بعد ماتفور مجمولة تقسميها من النص وتنحي البطاطة لي طابت من القسم والقشرة الفوقانية تنحي منها البطاطة وترمي القشرة والقشرة التحتانية تنحي منها البطاطة غير من فوق وتخليها

البطاطة هاذيك تخلطيها مع شوية الملح والفرماج بزاف بزاف والفلفل الاسود وترجعيها فوق القشرة وتحطي كل شي عندك كاشير مقطع صغير.. زيتون.. جلبانة مفورة.. بيطراف مقطع صغير. مرقاز مقطع دوائر.. جزر مرابي ماييس،، كل شي مقطع صغير حتى المخللات مقطعة صغيرة تجي
ومن فوق المايونيز تتكل سخونة ماذابيك راي هايلة مي لازم البطاطة لي قشرتها قاسية شوية باش ماتفسدش كي تكوني تخدمي عليها

 

[nada242008]

الله يسلمك وفاء
--
روعة يا روز يسمى كي شغل قوارب بطاطا بصح هي سلاطة منوعة بصح هذا مش قارب هذي سفينة ههه
عجبني الديكور امممم تقول نقعد غير نتفرج فيه

 

[روز]

ايه هيا تحفتها في السفينة ...قصدي في البطاطة ذات الحجم الكبير ههه
الصغيرة تكرهك في الخدمة راي هايلة وموديل جديد حاولي تقسمي البطاطة بين الطبقات ولا تخلطي المكونات مع البطاطة خلي حق الديكور من فوق برك تاني تجي هايلة

 

[nada242008]

ايه هيا تحفتها في السفينة ...قصدي في البطاطة ذات الحجم الكبير ههه
الصغيرة تكرهك في الخدمة راي هايلة وموديل جديد حاولي تقسمي البطاطة بين الطبقات ولا تخلطي المكونات مع البطاطة خلي حق الديكور من فوق برك تاني تجي هايلة

هيه صح كي عاد شكلها كبير جات متحوفة
نعود نفرز البطاطا والنهار اللي نلقى حبة كبيرة نطبقها
تعرفي كي شفتها في اللول شبهتها للشربة هذيك اللي يقدموها في الخبز الكبير بعد مايفرغوه من البابا
هاااايلة والله ....مالا عندنا مانستفادو في رمضان ان شاء الله:sheer:
تسلم الايادي الغالية

 

[تسنيم الهناء]

مساكم خير خواتاتي هنا الكل كل وحدة باسمها
راكم قايمين بالحالة كيما يلزم هذي شخاشخ و هاذي بيتزا و هاذي محاجب الله يبارك و يعطيكم صحتكم
ربي يقبل للصايمات جميعا
روز سلطة انتاعك حاجة فور كيما انتي الله يبارك
و عييت نتبع في الشرح بالقشور بلا قشور ما فهمت فيها والو :sad: كشما نجي نجربها نتاصل بيك بالخاص :shay:

بون انا هذا كان فطوري

دجاج و بطاطا و طماطم و فلفل محمرين في الفور

سلطة

و دلاع

بصحتكم كامل


​

 

[برنســ اللمة ـيسة]

هجورة ربي يتقبل صيامك و عشاك اممممم
يشهي
مام انا صايمة اليوم​

 

[tasnim55]

روز الله يبارك سلاطة رائعة يعطيك الصحة عجبتني الفكرة
تسنيم الهناء صيامك فالجنة وفطورك يشهي
برانسس صيامك فالجنة
ميزورة اختي مشكورة على رايك هكذا نتعلمو من بعضنا كل واحد منا يعطي راي انتاعو ممكن انت عندك فكرة احسن مني ولا العكس ما فيها والو حبيبتي المهم حاجة مليحة انك عرفتيها اليوم اني جارتك:sheer:
​

 

[حاملـة المسك]

صباح الانوار و الفل و الياسمين

ميزورا كما قاتلك ندى الجديد حبو و القديم لا تفرط فيه
و طريقة المحاجب لذكرتيها حنا نسموها محاجب المركب و الفطير شيئ آخر عندنا
إليك الرابط..
https://www.4algeria.com/forum/t/274818

ميزورا و دي تجي من نساعدوكش إنت تامر يا جميل

روز شكرا على الثقة...و تبارك الله على الجميع
نزيدك يا بسومة معارك المحاجب نحطوهم في صحن و نقطعو بالكوتو و ندgستيوهم بالفوغشات :shiny:...عندك مانــــــــــع :tongue_1:
راااانا فـ 2011
تسنيم ربي يعيشك و لك بمثل ما دعوت لي ..و ششششكرا على الثقة
بصح قلتي الطبونة عندكم ممنوعة ملا عايشة خارج الجزائر..؟
سمورة بصحتكم الرولي جاك ممتاز
برنساس تسلم الايادي و سلمي على الوالدة
راني حبست عند عشاك روز لي عودة بإذن الله للتعليق
دخلت برك باش نحطلكم تارت التفاح لدرتها البارح كان عندنا الاتصال ضعيف مقدرتش نحمل​

 

[حاملـة المسك]

تارت التفاح تفضلو تكفي للجميع

​

 

[تسنيم الهناء]

صباح النور
مادام انا لي بكرت بكري اليوم هذاك المورصة انتاع لاطارت انتاعي اوكي اختي بائعة الزلاميت:showoff:

ربي يبارك فحلة من لكبار
:re_gards:
​

 

[برنســ اللمة ـيسة]

صباح الأنوار
أبابااااااا اليوه هاجر هي اللي مفجــرة خيــــــر برك
بصحتك لاطارت حبوبة
و بائعة الكبريت لاطارت جاتك روووووووووعة تسلم الايادي
ربي يبارك​

 

[روز]

صباحكم هناوراحة بال
تنسيمو وش مافهمتيش ساهلة ماهلة ههه تقسميها على زوج القشرةالفوقانية تنحي منها البطاطة والثانية نحي منها تاني البطاطة وخليها باش تعمليها كي الصحن وتحطي فيها المكونات لي ذكرتهم هذاماكان واذا كاش حاجة الخاص لي تحبيه
وبصحتك الفطور صايمك في الجنة انشاءالله
رغودة لاتارت تهبل الله يبارك وطريقة التقديم هايلة في الصورة الثانية لو قربتي أكثر وهبطتي شوية باش تبان اكثر
كانت تولي تبان كأنها صورة نتاع مجلات^^

مرسي تسنيم55 وبرانساس والكل
​

 

[oumsif]

File: Picture.7.jpg
File URL: http://img105.herosh.com/2011/07/18/898740788.jpg صباح الخير اعليكم لبنات شكر ندى وروز22 ،بائعة الكبريت على تشجيعكم لي البارح ف الليل درت بريوش درتو عدت مرات يجني هايل الوصفة لقيتها في المنتدي

 

[فايزة1207]

عزيزتي تسنيم55 نعرف نطيب المحاجب عادي لكن المربعات هاذو جربتهم مرة جاوني معجنين من داخل عجبتني طريقتك قلت تشرحيها لي حابة نطبقهاوشكرا لك

 

[ibtesem]

صباح الخيرات يابنات اللمة كي صبحتو غاية
بصحتكم واش تعشيتو
رغود اممممممممممم على لاتارت تاع التفاح plz make pic big
سمورة هايل بريوش لعملتيه بصحتكم

 

[ibtesem]

هدا عشايا بيتزا كيما قلتلكم

هذي موسكوتشو للفطور الصباح
كي شفت روز عجبها النيسلي
امالا زينت بيها باش تشري كوكوط :tongue_1:

 

[rima29]

هاي
شزفوا القاطوات اللي خدمناهم كي نجحت اختي في الbem :

ان شاء الله يعجبوكم

​

 

[ibtesem]

مشاء الله ريمة بصحتكم
مبروك على اختك مرة اخرى

 

[ام منصف]

بائعة الكبريت تارت هايلة كيما قالت روز تقولها نتاع مجلات بصحتكم
روز يا روز راني نسنى وكتاه يخلاص ريجيمك ويجي رمضان باش ترجعي لعوايدك وتمتعينا باطباقك الرائعة
راني ندعيلك ليل ونهار يوصلك ربي للوزن المثالي
وللجميع صح غداكم
غدانا اليوم حسوة بسكرية من يدين زوجة اخي

ام لميس ومحمد
ام دودو
غاب حسهم ان شاء الله تكونوا بخير توحشناكم حبيباتي

​