• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

شاب بانتي مخترع على قناة الم بي س

ا

الاختان سوسو ونونا

:: عضو مُشارك ::
شاب باتني مخترع على قناة الم بي س

السلام عليكم:re_gards::re_gards:
هدا اول موضوع ليا في المنتدى ونتمى يعجبكم:shiny:

اليوم انا واختي فتحنا التيليفزين على برنامج ام بي سي في اسبوع

كيما بدات بعدا بدات بشاب جزائري مبتكر
وديرنا اششششششش :o_o:سكوووت انتباه
دزيري دزيري ارواحو شوفو:sheer:

ايع قالك بلي غمرو 17 سنة من مدينة باتنة
مبتكر الات واجهزة
يستعمل بعلب الزبدة وعلب الدواء وحوايج مالفين نرميوهم اجهزة عظيمة
بصح قالك بلي معندوش ورشة وامكانياتو محدودة باش يطول المبتكرات تاعو
ماكانش لي عاونو
بصح مبتكر دكي وجد شغوف الخدمة تاعو
نتمناولو النجاح والسلطات تاعنا تخزر فيه وتقيمو وتقيم اللي كيما هو

نتموناو بلادنا تهتم بليجان اللي كيما هكا هوا اكييد بزااف لازم يعاونوهم


تحيات الاختان سوسو ونونا​
 
آخر تعديل:

شاب مخترع ... في بلاد تاع سابوطاج

يعطيك الصحة على الموضوع ..



حقا هذي نتي ولا اختك لي كتبت السوجي ههههه


​
 
توقيع Moha le sage
نتمناولو النجاح والسلطات تاعنا تخزر فيه وتقيمو وتقيم اللي كيما هو

نتموناو بلادنا تهتم بليجان اللي كيما هكا هوا اكييد بزااف لازم يعاونوهم
إضغط للتوسيع...
ماضنيتش كان يقيموه في بلادنا.....مثالو ياسر
​
 
توقيع kojak
الله يبارك

شكرا لكما
 
ربي يوفقو و يكون معاه
مي ما ظنيتش يهتمو بيه
​
 
هكا هي الدولة ,, الله لايلا يوفقهآ

ربي ينجحه و يوفقه و ينور دربه

شكرا لك
 
يعطيكم الصحة لبنات
آه مانتمنالوش تفيقلو الدولة تاعنا
نتمنى تفيق بيه كاشي دولة مهتمة
سلااااام​
 
وعليكم السلاام

الله يبارك ماشاء الله عليه الله يكتر من متالو ويوفقو في حياتو نشالله ينجح في مشوارو
مرسي حبيباتي سوسو ونونا
​
 
ايييه الله يبارك
ربي يوفقو
كيما قالو الي قبلي ماشكيتش الدولة
تهتم بيه ..
كون جاو يهتمو بيهم كون دزاير راهي
ملوالا بصح لله غااااااالب
الجزاير تعرف غير تسابوطي
يعطيكم الصحة ​
 
kayn bzaaaf mtalou ma3labalhomch kamel bihom houma y9aymou lklab 7achakom

rabi ywaf9o

merci​
 
الله يبارك خبر يفرح
 
قريت العنوان حرت
انا دخلت للموضوع ايا فهمت
باتني ماشي بانتي
ايه راني قريت عليها عندي اسبوع في الشروق ولا الخبر منعرف
والله غاضني الحال عليه مسكين راهو يحتاج سكنة واسعة باش تفسحلو المجال
لوكان غير يعطوه ورشة صغيرة يا ريت يلقى التفاتة
مرسي على الموضوع خواتاتي​
 
لوكان جات بلادنا بلاد كي تاع الناس
لوكان ما راحوش منها الي يقراو ،، الي يروح ما يوليش و عندهم الحق
و انا و الله في بلاصتو نشوف في النت على كاش مسابقات دولية مانريحش هنا كامل
ليسونسيال ربي يوفقو في خدمتو و ان شاء الله يروح فيها بعيد للبعيد ماشي هنا
يعطيك الصحة ختي على الموضوع​
 
ربي يكملوا ويويلي حاجة كبيرة:sheer:
 
الله يبارك اكيد الجزايريين عندهم في ريسانهم وما نطيحوش بيهم
 
الله يبارك .......بصح واش يخدم بهاذو الباطات؟ وش هي الاجهزة اللي تنخدم ب باطة زبدة؟..
 
لوكان غير يبقى تم بالاك يقدر يطور الأجهزة
والإختراعات تاعو على خاطر سي يبقى
هنا يبقى مع لبوايط تاع الزبدة والطماطم
وما علاباليش واش تاني
مغسي اختي عالموضوع
مي شكون لي كتبتو ؟
سوسو ولاّ نونا
خربطتيونا
​
 
توقيع الورد الأحمر
بلاد ميكى تخترع ولا متخترعش كيف كيف
 
آخر تعديل:
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom