WoOoOoW وحد الجان ماشاء الله كل و حده فيكم تتمنآه !!!

[الجندية]

السلام عليكم ورحمة الله تعالى وبركاته
أما بعد .. اليوم حبيت نحكيلكم

من يومين طلعت أنا وصحبتي نتمشاو ونشرو راكم عارفين البنات :shiny:
تلاقينا وحد الشاب .. جا سلم علينا واش راكم لابآس ؟ بالباراكه عليكم
على البيآم .. ومبعد قاللها علاش ماراكيش تجي ؟
قلت في بآلي شكون هذا ؟ علابالي وين راح بآلكم .. كيما صراتلي أنا:shay:
مبعد عآود سلم هذاك الشاب ورآح .. سلآم X سللآم

قلتلها شكون هذااااا ؟ قالتلي : رآجل أختي ****
آآآه .. قلت في قلبي : إن بعض الظن إثم i-o:

مبعد كي وصلنا للدار عيطتلها أختها قالتلها راكي غير أدوري أروآحي تفطري إنتي وصحبتك .. في ألأول ماحبيتش شحال وهي تحاول فيا مسكينه
ومبعد إستآذنت الوآلده ورحنا ..

كي وصلنا .. طب طب طب طب طب !
تكلملنا هذاك الشاب .. ودخلنا وسلمت على أختها .. أختها للعلم رآهآ بالحمل
قريب يكون الـBèBè بين يديهآ ..

حكينا .. وريحنآ كانت هي مريحه معانا وهو يحضر في الفطور قاللها غيـر أقعدي مع أختك اليوم الفطور عليـآ .. قلت أنا لا لا لآزم نعآونوه راه رآجل وسيرمو لازمله معآونه .. نضت أنا وصحبتي وقلت لختها غيـر ريحي ..

عاوناه ومبعد جبنا الفطور .. ماحبش يقعد معانا .. كآن خجول بزاف
مدين ورقيق والأكثر من هذ رومنسي بزاف .. وتنسمع منه غيـر الكلمه الموزونه

ريحنا ومبعد ومبعد ....... إلخ
المهم مآشي في القصه ولا الحكايه هذي
أنا بصرآحه عجبني هاذ الجآن بزاف .. أخلآقه عآليه ومسآعد زوجته حتى في أشغال المنزل + قاللها نجيبلك خدامه هي ماحبتش !

متفاهمين والحمد لله لخاطرش فاهماته وفاهمها محترماته ومحترمها
شحال نكره هذوك الرجال اللي على والو يطيح في نساهم يسلخوهم بالمطرق
علآش قلتلكم كل طفله تتمنى شآب كيما هذا مدين ومتخلق وخدام ولابآس بيه

وآش رآيكم يآ البنآت .. قاع تحبو واحد رقيق في المعامله وتكرهو الخشن اللي يعرف غيـر المطرق :sadwalk:

ليجآن .. إنت في طبعك كي دآيــر ؟ تبغي تدللها ولا تبهدلها هههههههههه

عموما إن شآء الله لي متمنيه حاجه ربي مايحرمها منها
يــــــآآآرب يطيرلي وآحد كيما هذا يآرب ههههه قولو آمين

أيـــآ هذي الأسره السعيده

والسلام عليكم ورحمة الله تعالى وبركاته
+
{تقييم}
​

 

[islam-php]

mـي كآينْ لي يجيبْهآ عَآقْلْ يْتْحْقَرْ

[ مُجَرَدْ رأيْ ]​

 

[Just Hope]

شوفي لازم شوية شوية
ماشي عاااقل حتى خلاص حتى يبان كيما المرا
و مااااشي هاداك العصبي الي ما يعرفش يقول كلمة حنينة
هكا يكون توازن و يعيشو بسعاادة ^^
ربي يلاقيك بالي تتمنايه و يسعدك فاتي
و ما تنسايش الطيبون للطيبات ... ربي يلاقيك بالانسان الطيب ان شاء الله

 

[Estrella]

لله يباااااااااااااااارك
قليل وين تلقاي واحد كيما هدا
راني نقرا فالموضوع تاعك
وندعي في ربي يبعثلي واحد كيفو
هههههههههههه
علاش لكدب هههه
يعطيك الصحة فاتي
وبلبراكة عليك البيام
لعقوبة للباك ​

 

[nina bonoise]

ان شاء الله ربي يطيحني في واحد كيف هذا
الله يبارك
و لعقوبة للبيبي

 

[naGam]

ياحسراه يا اختي فوفو والله الرجال اللي كيما هاذوما قليل اللي تصيبيه
وان شاء الله يجيك راجل كيما هاذاك ولا خير منوا وتستاهلي كل خير
باي باي
​

 

[DARINE05]

مرسيييييييييييييييييييييي
لازم يكون نص نص ا فوفو

 

[ماكانش]

هذا راجل ذرك
افففف
اسمحيلي فاتي
راجل يسلم ويعرض ويطيب ياخي حالة ياخي ...

 

[الجندية]

mـي كآينْ لي يجيبْهآ عَآقْلْ يْتْحْقَرْ

[ مُجَرَدْ رأيْ ]​

وي كآين .. بصح كل واحد ربي يعطيه على حساب قلبه
شكـرآ
​

شوفي لازم شوية شوية
ماشي عاااقل حتى خلاص حتى يبان كيما المرا
و مااااشي هاداك العصبي الي ما يعرفش يقول كلمة حنينة
هكا يكون توازن و يعيشو بسعاادة ^^
ربي يلاقيك بالي تتمنايه و يسعدك فاتي
و ما تنسايش الطيبون للطيبات ... ربي يلاقيك بالانسان الطيب ان شاء الله

إيه ماشي قاع هايشه بصح عاقل ورزين :shay:
الله يحفظك أختي
ربي نتي تاني بلاقيك بولد الحلال
شكـرآ عزيزتي
​

لله يباااااااااااااااارك
قليل وين تلقاي واحد كيما هدا
راني نقرا فالموضوع تاعك
وندعي في ربي يبعثلي واحد كيفو
هههههههههههه
علاش لكدب هههه
يعطيك الصحة فاتي
وبلبراكة عليك البيام
لعقوبة للباك ​

ربي يبعثلك كيفو ولا خيـر .. تستآهلي والله :shay:
الله يسلمك حنونتي مرسي بزاف يآ الزينه
​

ان شاء الله ربي يطيحني في واحد كيف هذا
الله يبارك
و لعقوبة للبيبي

إن شآء الله يآربي ... إحرزي ماتعرضينيش في العرس لوول
مرسي حنونه
​

ياحسراه يا اختي فوفو والله الرجال اللي كيما هاذوما قليل اللي تصيبيه
وان شاء الله يجيك راجل كيما هاذاك ولا خير منوا وتستاهلي كل خير
باي باي
​

إيه .. هذا عمله نآدره
ربي يحفظك حنونه ... ونتي تآني ربي يبعتلك وليد الحلال اللي يفرحك
مرسي عزيزتي
​

مرسيييييييييييييييييييييي
لازم يكون نص نص ا فوفو

Oui
نبغيه فحل و رزين هذا الراجل الصح ماشي واحد كي الوحش ... _o:
مرسي حنونتي ربي يحفظك
​

 

[الجندية]

هذا راجل ذرك
افففف
اسمحيلي فاتي
راجل يسلم ويعرض ويطيب ياخي حالة ياخي ...

لوووووووووول
معلش خويا نحترم رآيك :shiny:
​

 

[iméne09]

الله يبارك هكدا يكونو رجال ولا خليني هو لازم يكون فحل و حنين ويعرف كيفاش يتعامل مع مرتو يفوت يربحلها لملاحة سي بون تحطو في عينيها وتان مالازمش يكون فاملات تكون عندو هيبتو ربي يطيحنا في واحد كيفو يجي على حساب الـgــوسطو​

 

[الجندية]

إن شآء الله يآ إيمآن
شكـرآ على المرور
​

 

[nina bonoise]

​

إن شآء الله يآربي ... إحرزي ماتعرضينيش في العرس لوول
مرسي حنونه
​

استني نلقاه الصح
و مبعد نعرضك هههههه
​

 

[chemssou007]

كنت علابالي راكي تهدريـ عليا عليها جيتـ نجريـ
راني نستنا كاش عروض زواج
كلش متوفر
ننتظروا الطلباتــ هههههههههههههه​

 

[امير الجزائر]

ان شاء الله ربي يطيحني في واحد كيف هذا
الله يبارك
و لعقوبة للبيبي

كما اليوم يا انوشة تلقى وحد كما هكدا هههههههههههههههههه

 

[ماكانش]

راني هنا حنون وأقدر الحياة الزوجية
رومنسي ، حبذا لو كانت جميلة ومن منتدى اللمة ....
تبان النهار صفحة طلبات الزواج هههههههههه​

 

[الجندية]

كنت علابالي راكي تهدريـ عليا عليها جيتـ نجريـ
راني نستنا كاش عروض زواج
كلش متوفر
ننتظروا الطلباتــ هههههههههههههه​

هههههههههههههههههههههه
أيآ مزيا جيت .... كنا نستناوك
هذي ليك +++ ربي يشدلك اللي تموت عليها :shiny:
يآصآحب أجمل موآضيع
​

 

[chemssou007]

راني هنا حنون وأقدر الحياة الزوجية

رومنسي ، حبذا لو كانت جميلة ومن منتدى اللمة ....

تبان النهار صفحة طلبات الزواج هههههههههه
​

هيا يا سفيانـ شوفـ زوج وحدا ليك وحدا ليا و نديرو شركا نديرو زواج جماعي كيما تاع الجمعياتـ
يجي اقتصادي كيما قهوة فاكتو
تحيـاتي​

 

[Houda Chaouienne DZ]

السلام عليكم
صح يا ختي هاذ الانسان الله يبارك عليه
و اي طفلة تتمناه يكون هكا
شكرا لك على الموضوع
ربي يخليه لدارو
​

 

[الجندية]

راني هنا حنون وأقدر الحياة الزوجية
رومنسي ، حبذا لو كانت جميلة ومن منتدى اللمة ....
تبان النهار صفحة طلبات الزواج هههههههههه​

ههههههههههههههههههههههههههههههه
نيشآن
​