تقبلي تتزوجي بيه؟؟ / تقبل تتزوج بيها؟؟

[مفآهيمـ الخجل]

كي نديه ،، وولادي وش يكون لقبهم؟​

استغفر الله ربي ،​

عمري ما خممت في الموضوع هذا ،،،​

بصح تبانلي حتى لوكان يقبل الفرد يدي واحد منهم ، ماظنيتش اذا المجتمع يرحمه ،
او يرحم اولاده من باعد ،​

الله اعلم​

لي عودة ،، فكرة جديدة وحابة نستفيد​

+ تقييم على الموضوع الهايل​

امالا وش حلهم هاذو مايتزوجوش؟؟ يقعدو بايريـــن؟؟

نوورمال كاين لي راهم بولادهم و عايشين لباااس عليهم

و جابلي ربي اذا كان الواحد مقتنع بواش راه يدير مايهمو لا نظرة الناس لا هدرتهم

حرااام هما ماعندهم حتى ذنب

راهم كيما هم كيما حنا

يعطيكـ الصحة عالمرور و التقييم

صحيتي ختي ​

 

[مفآهيمـ الخجل]

اذا بحبو اكيد بقبل

وش دخلو هو في ذنوب والديه​

تؤبري البـــي
اكيد اذا بحبو بقبــــل

عندك الحق هوما مادخلهم ماشي غلطتهم

صحيتي ختـــي​

 

[مفآهيمـ الخجل]

وعليكم السلاام​

اهلا مونغو 2 عاش من شافك حبيبتي

اهليين مونغولتي ..شاف من عاشك صافا؟؟​

انا عن نفسي نقولك ايدا حبيت واحد هكدا وكان معايا بنية في الخير والحلال ومدين ومتخلق علاش مانقبلش نقولك لي بأصلهم والديهم واهلهم الله يبارك وهوما والله مايستاهلو ذرة نتاع خير ويمكن هادو لي بلا اصل خير منهم بـ100 مرة
مانكدبش عليك نقبل ندي واحد كيما قلت من قبل بلا مشكل عادي...يعني هو واش دنبو كيما قلتي كان يقبل يزيد بهاد الحالة؟؟؟​

مرسي على الموضوع عزيزتي​

آآيـــوى و انا رايي هاك

ماعندهم حتى ذنب

ربي يرزقك بوليد الحلال مونغولتي و يكون شباااب كيما انت

صحيتي​

 

[مفآهيمـ الخجل]

السلآمـ عليكمـ ​

//
و عليكم السلآم
شكـرآ لكـ مفآاهيمـ على موآضيعكـ الـ القيمة & الرآئع’ـه

مارسيي ​

انا عندي صحبتي مآ تعرف لا " ابوهــآا " لآ " أمهـآا "
مربينهآ وحدينـ
عآقــلة و مؤدبة ,, مآ شآء الله عليهآ
و كيمآ قلتي ​

مـي كآاين شي نآاس " ربي يهديهمـ " تشوفهمـ بطريقة وحد اخرى
نرجعو لسؤالكـ ​

أكـيد ,, و وين رآه المـشكل و نظن راني وضحت وجهة نظري من " خلآل " واش قلتـ

هه ايه راهي بااينة​

ههههـ بتوفر الشـروط اللي ذكرتيهآ ,, حآجة باينة هآدي

​

//
آيـــوى اذا توفرت الشروط علاه لالا هه ​

آسفـة على الاطآلة

​

يع’ـطيكـ الصح’ـه ..} ​

نوو عادي ما طولتيش ياسر :shiny:

صحيتي ختـــي​

 

[مفآهيمـ الخجل]

صعيبة شويا بصراحة

اذا كان الواحد مقتنع و مأمن ماتعود صعيبة ماوالو

صحيتي ختـــي​

 

[مفآهيمـ الخجل]

كي يكون متربي متخلق ومدين ميهمش لا اصلو ولا فصلو ​

انا نشوفو فيهم ولد فلااااااااااااااان وفلتان وهوما بدون تربية ولا اخلاق اللقيط خير منهم ​

يعني انا منحكمش على الواحد على اصلو ولا فصلو ولا على باباه ولا على مو​

انا نحكم عليه على اخلاقو ودينو​

وعني هيه نقبل مش مشكل ومش عيب ​

عندك الحق نورمالمون نحكمو على اساس الدين و الاخلاق

و كيما قلت ماشي ذنبهم ماشي هما لي خيرو يجو لدنيا كيما هاك

صحيتي ختي​

 

[مفآهيمـ الخجل]

واللي قالت منديهمش ’, هههههه ​

قبل متخمم دير حاجة خمم سع كون كنت في بلاصة هداك الشخص ​

هل كون كنتو معندكمش اصل ولا فصل وقريتو ردود جارحة هك واش تقولو ياخي تقولو واش ذنبنا ​

مالا متتكبروش ياسر وكما هوما كي لخرين ​

وربي سبحانو ميفرق بين حتى واحد غير بالتقوى ​

هدا ربي سبحانو اللي خلق الدنيا واللي كلش ليه ​

وانا واش نكون قدام ربي سبحانو حتى نهمش هدي الفئة على خطا خاطية هيا اللي داراتو ​

والرسول صلى الله عليه وسلم على الدين والاخلاق قبل كل شيء ​

وانا منقولش اني امام ولا ملائكة ​

سلامات​

ما عنـــدي مانزيد على وش قلتــــي

بــآآرك الله فيك

و ربي يرزقك بوليد الحلال​

 

[مفآهيمـ الخجل]

merci hanouna

walah sujet howa​

ana man jihty mwafkatak hata wahad ma yakhtar waldih anti matfahma mais fahmi les autres w lalmojtama3​

ana akid nakbal​

merci hanounti rajal ga3 hakak w y3ich mais almra hia ali tandar yawkaw ykhamo fiha tjors-
w ykhafo ala adir kif yamaha fhamtini hanouna sahiti ​

وي عندك الحق كاين لي يخممو يقولك لوكان دير الطفلة كيما يماها و على بيها تلقاي الغالبية هاذي اذا مش كامل ما يتزوجوش من هاد الفئة ...و للاسف... لانهم فعلا مظلومـــين

و نظن حاجة بديهية انو يعرف الانسان بلي ولا واحد خير والديه و لا خير الطريقة لي جي بيها

و جابلي ربي كون كل واحد يتخيل نفسو منهم اكيد راح يتفهم معاناتهم و ممكن يتقبلهم علاش لالا

صحيتي ختي​

 

[مفآهيمـ الخجل]

السلام عليكم أولا أريد أن أشكرك على الموضوع الرائع وفيما يخص السؤال أعتقد أنني لا أستطيع بسبب نظرة الناس الرهيبة لهذا النوع و لأنني لا أريد لأولادي أن يسمعوا ما لا يرضيهم من قبل أصحابهم

و عليكم السلام

يا ختي ارضاء الناس غاية لا تدرك

اذا بقينا نشوفو على نظرة الناس و هدرتهم ما نعيشـــوووش

هي ممكن تكون صعيبة شوية و يليقلها واحد يكون مقتنع و مآمن

و ديما نتخيلو رواحنا في بلاصتهم و اكيد راح نحسو بيهم

صحيتي ختي​

 

[مفآهيمـ الخجل]

القلب وما يريد هادا هو الصح...
مرسي على الموضيوع

يعطيك الصحة القلب و مايريد

صحيتي ختـــي​

 

[مفآهيمـ الخجل]

لكي مني اختي العزيزة باقة ورد على هذا الموضوع القيم والجميل جدا
احييك على هذا الموضوع

ارجو ان تقبليها من اخت الى اخت

ربـــي يخليــــك ختـــي

بــآآركـ الله فيكــِ​

 

[مفآهيمـ الخجل]

هذو ضحايا خطأ عملوه والديهم

هوما ما عندهمش دخل
ظلموم برك مساكن
ربي يعينهم
أما نقبل ولا نو تبانلي
بلي العبد كي يحب
عبد آخر يتغاضى على
كلشي ويبقى الموقف هذا
ما طحتش فيه يعني يقدر
يكون رايي مجرد رأي
تعاطف مي كي توصل
للصح ما نقبلش
الله أعلم
مغسي عالموضوع
وسلامو​

بــآآركـ الله فيكــِ

الواحد كي يطيح في الموقف يعرف وش يقرر

صحيتي ختـــي​

 

[تاج الجزائر]

صحيح ختي هادي الفئة راهي تعاني بزاف في مجتمعنا رغم انه الذنب مشي ذنبهم

من ناحيتي لوكان يكون انسان متدين واخلاقه عالية وحالته المادية مليحة يعني يقدر

يفتح بيت مشي شرط يكون مليونير

وتكون افكارنا متقاربة نقبل بيه بصح بعد تفكير نقولك واش هو

مشي على انه ابن زنا لا والله والو يبقى عندي داك الخوف نتاع الاولاد مين يجو مشي

على هدرت ناس لالا

في شهادة الميلاد ولا مين يكبرو غادي يوقع فيها مشكل كبير لباش حنا العرب ما

يتفهوش الوضع كيما الغرب

نقولوا غير الله يصلح الحال برك

شكر ختي على الموضوع بارك الله فيك جبتيلنا موضوع يستحق النقاش ولازم كل واحد

يفكر مليح قبل ما يرد

ولازم يفكر بلي يمكن يكون هنا في اللمة ناس كيما هاكا وغادي يجرحهم الكلام

فيا جماعة ردو رد منطقي
​

 

[Houda Chaouienne DZ]

انا عـــن نفســـي لوكان نلقا واحد من هاذ الفئة و فيه مواصفات فارس الاحلام:shay: و متخلق و ثابت على دينو

علاش لالا ....انا من رايي هم ماعندهم حتى ذنب


​

و انا ثاني رأيي من رأيك ختي
بصح العائلة مستحييل تقبل
عندهم نظرة مش مليحة عليهم
الله غالب مجتمعنا ما يرحمش

مارسي بزاف حنونة ع الموضوع الحساس
​

 

[sarah_]

اولا شكرا على طرح الموضوع القيم هي في الحقيقة صح ماعندهم حتي دنب مي راكو تشوفو المجتمع انتاعنام يرحمش وانا من جهتي والله ما عنبالي لوكان يكوم كيما قالت الاختان هدى وتاج الجزائرمتدين وابن عائلة وحالتو المادية مليح قادرى نقبل مي لازم نفكر ر وشكرا على الموضوع

 

[مفآهيمـ الخجل]

صحيح ختي هادي الفئة راهي تعاني بزاف في مجتمعنا رغم انه الذنب مشي ذنبهم ​

من ناحيتي لوكان يكون انسان متدين واخلاقه عالية وحالته المادية مليحة يعني يقدر ​

يفتح بيت مشي شرط يكون مليونير ​

وتكون افكارنا متقاربة نقبل بيه بصح بعد تفكير نقولك واش هو ​

مشي على انه ابن زنا لا والله والو يبقى عندي داك الخوف نتاع الاولاد مين يجو مشي ​

على هدرت ناس لالا​

في شهادة الميلاد ولا مين يكبرو غادي يوقع فيها مشكل كبير لباش حنا العرب ما ​

يتفهوش الوضع كيما الغرب ​

نقولوا غير الله يصلح الحال برك ​

شكر ختي على الموضوع بارك الله فيك جبتيلنا موضوع يستحق النقاش ولازم كل واحد​

يفكر مليح قبل ما يرد ​

ولازم يفكر بلي يمكن يكون هنا في اللمة ناس كيما هاكا وغادي يجرحهم الكلام​

فيا جماعة ردو رد منطقي ​

عندك الحق فواش قلتي

نقبل بيه و مباعد نخاف يصرالي مشاكل مع الولاد و الكواغط و منا و منا

بالصح يا درا هاذ الامور الصغيرة هي السبب لي يخلينا ديما نشوفو ليهم هاك؟؟

يعني علاش ما نشوفوش الحياة معا واحد هاك كيفاش تكون ... و كيافاش راح يكون تعاملو معايا و كيفاش راح نتعامل معاه ...عندي احساس قــوي ياااسر بلي كل واحد من هاذ الفئة حاس بالحاجة لي ناقصاتو و اكييد يحاول يعوضها في العايلة لي يديرها


و من رايي لازم الواحد يكون مقتنـــع يااسر باش يقدر يتزوج من هاذ الفئـــة

وصحيتي ختي من الافضل ماتكونش الردود جارحة لانو ممكن راه كاين بيناتنا اعضاء من هاذ الفئة

بآآرك الله فيك ​

 

[مفآهيمـ الخجل]

و انا ثاني رأيي من رأيك ختي

بصح العائلة مستحييل تقبل
عندهم نظرة مش مليحة عليهم
الله غالب مجتمعنا ما يرحمش​

مارسي بزاف حنونة ع الموضوع الحساس​

بالصح يا هــدى اذا شافوك متعلقة بيه و مقتنـــعة بيه رغــم كلش اكيــــد اكيــــد مع الوقت راح يتقبلو الامر و ماشكيتش كاين اهل يقبلو يوقفو في وجه زواج بنتهم يطولو و لا يقصرو

و هاذي مضمووونة مية بالمية من عندي :shiny:
و الحمد لله راه كاين ياااسر لي راهم موافقيني في الراي

صحيتي هدى و ربي يرزقك بوليد الحلال​

 

[مفآهيمـ الخجل]

اولا شكرا على طرح الموضوع القيم هي في الحقيقة صح ماعندهم حتي دنب مي راكو تشوفو المجتمع انتاعنام يرحمش وانا من جهتي والله ما عنبالي لوكان يكوم كيما قالت الاختان هدى وتاج الجزائرمتدين وابن عائلة وحالتو المادية مليح قادرى نقبل مي لازم نفكر ر وشكرا على الموضوع

وي لازم نفكرو قبل مانديرو اي خطـــوة

صحيتي ختي نورتيــــ​

 

[أنا برك]

مالا من بين مواصفات فارس احلامك انو يكون بلا اصل؟


​

 

[مفآهيمـ الخجل]

مالا من بين مواصفات فارس احلامك انو يكون بلا اصل؟​

ويناه لي قال هاك؟؟

لوكان ترجع اللور و تعاود تقرا وش كتبت بشوية تفهم

انا قلت ادا جاني واحد من هاذ الفئة و فيه مواصفات فارس الاحلام نقـــبل

ماشي من بين مواصفات فارس الاحلام انو بلا اصــــل

:re_gards:
...........​