اسمحلوي الباك ولا يتلاوح

[نسيم الربيع]

اولا مبروك لكامل الناس اللي دات
الباك راحت قيمتو بصح مشي السنه من الاصلاحات تاع 2008
من تما حتى للضرك الي يقولي هذوك بيكان نقولو امشي تلعب
بصح هاذ لحكايه تاع نهار كامل وهو مع النت مكانش منها يقدر يدي عادي
كاين الناس اللي تحقرهم
وكاين اللي ميقراش حتى لوقت الصح يعني حتان يلحق للباك
وكاين اللي يقرا فالدار وفالليسي يتمسخر وكاين وكاين
مارسي عليك خويا​

 

[EL General]

و الله نقولكم الحق حاجة كيما هادي بالنسبة لبلادنا راهي ماتفرحش خلاص بالعموم لقطاع التعليم
نقولك ربي يهدينا برك
تحية و سلام
​

 

[الحاج قوقل]

احلام والله غير عندك الصح كل واحد يبغي يفرض رايو
سيستام القديم ما خرجو علماء وحنا ثاني كيفهم ياك بلاد ميكي
يا حوجي خلونا نزهاو​

مقولناش رانا احسن منكم بصح قولنا راهي سايبة شوية

وعليكم السلام
رانا نشوفو في ناس متستاهلش كانت تلعب وتمرح ومباعد يخرجو بمعدلات جامي صرات في الباك
في هادي نقولك الباك راه طاحت قيمتو
لكن متنساش كاينة ناس قرات واجتاهدت على روحها وتستاهلو
هاذي هي لالجيري
ربي يستر برك
صحيت
تحياتي
​

بالضبط وش راني نحكي شكرا لكي

يا جماعة حنايا صح سوفرينا باش جبنا الباك وكانت النسبة 31 % بصح خليوهم يفرحو ويزهاو شوي والله حرام اللي ميقراش مبعد يبان في الجامعة ياك مساكن اخيرتها شوماج.

يا سيدي مبروك عليك

لايه خلونا نفرحو بن عمي والله غير الفرحة نحاوها
يكون هكا الواحد عايش هكا في احلام يجي واحد معلبليش واش
المهم قاع رايحين لشوماج كي تاع النظام الجديد كي تاع النظام القديم
اما هي غير خلونا نفرحو هذيك اللحظة برك​

افرحي وش شدك هههههههههههههه نزعق برك ربي يبارك

عندك الحق يا خويا الحاج
وصدقني اللي يخدم واللي ميخدمش كيف كيف انا فوتوا هذا العام ومتأكدة من اني خدمت مليار بالمية وتعبت وخسرت دراهم و.....
بصح حرقوني في التصحيح بلاك كي راني من الاحرار
الله لا تربحهم واولهم بن زيد ولا منعرف وش اسمو

أه اختي الاحرار راهم محلوف فيهم ومحسوبين شغل بقايا نتاع كلاسيك ...مي مخلوفة نشاللله

سلام
ايـــــــــــــــه صح و ملياار صح
نص الي جابو الباك مايستهلوهش
وهادي الي تغيض
وهاد الشريحة الي ماتستاهلش الباك راهي كل عاام تزييييد
انا نعرف اساتذة وهاد المرة كي طلعو النتايج قالولي والله والله غير نصهم يقراو عدنا ومايستاهلوهش
المشكل ماهوش فالباك لقديم والجديد
انا جوزتو فال 2008 الباك اللول تاع نظام الجديد
صح جابوه بزاف
بصح ماكنش كاين هاد المعدلات الخيالية كيما قال الاخ
راهي تزيد كل عام
هاد المبالغة فالمعدلات تبيين بلي كاينة حاجة انوورمال
ياا اماا التصحيح سااايب بزاف والا
الاسئلة ماشي فالمستوى تاع امتحان شهادة باكالوريا
المهم
دوك تطلعو للجامعة وتشوفي العين الحمرا من لي بروف باه يعطيك 0.25(هههه راني دخلت موضوع اخر القلب معمر)
وتزيد تشوف تاااني ناس ميستاهلوش ويدو عوامهم
مي في زوج حالات برك
عندك لكتااف فالجامعة جيب عامك ونتا راقد
ولا الغش الي راهو فالجامعة داير حالة

ولزوج خماج بارسكو بينك وبين نفسك كي ترفد الديبلوم هداك
مام ويدا مالقيتش خدمة بصح
يكون ضميرك مرتاح كي تدي عوامك بتعبك

واش نقول الي تعب فالباك وداه بشقاه راه يعرف روحو ماشي حتى يبرر لناس
ومبروك عليـــــــكم


​

شغل راك دخلت في راسي نفس أفكار

 

[دنيا البسمة]

القدم كاااااااااااااامل قلبهم راهو معمر
انا ما نكذبش عليكم رجعت نغير لوكان غير خليت حتى لحق هاذ الوقت وعقبت الباك بالاك نجيب كاش 19 ونروح للترك
انا عييييييييييييييت نجبد لحقت غير 11 ووحد الشوية معاها

 

[الحاج قوقل]

باش متزعفوش مني يا لجدد مبروك عليكم الباك وان شاء الله مزيد من تألق انا نحكي ع منهاج و سيستام كيفاش داير الله غالب مفهمتوش مليح وداتكم عزة نفس المهم ما صرا والو رانا ندردشوا وندو فايدة حوار أجيال هههههههههه

وهاكم احلي تولويلة من خالتي الحاجة فايرفوكس

 

[بلادي نبغيك]

لالالالالالالالالا منيش معاك علاش مكاش لمخاخ وليفهموا بلخف هذو نوعية يقرى شوية يفهم كلشي اما بنسبة لتصحيح زيرو قلتو علاه رخفو قلتو علاه شعب يحير

 

[الحاج قوقل]

اولا مبروك لكامل الناس اللي دات
الباك راحت قيمتو بصح مشي السنه من الاصلاحات تاع 2008
من تما حتى للضرك الي يقولي هذوك بيكان نقولو امشي تلعب
بصح هاذ لحكايه تاع نهار كامل وهو مع النت مكانش منها يقدر يدي عادي
كاين الناس اللي تحقرهم
وكاين اللي ميقراش حتى لوقت الصح يعني حتان يلحق للباك
وكاين اللي يقرا فالدار وفالليسي يتمسخر وكاين وكاين
مارسي عليك خويا​

عفوا شكرا للمداخلة

و الله نقولكم الحق حاجة كيما هادي بالنسبة لبلادنا راهي ماتفرحش خلاص بالعموم لقطاع التعليم
نقولك ربي يهدينا برك
تحية و سلام
​

ربي يهدينا ويهدي بن بوزيد وخذها خلاص

القدم كاااااااااااااامل قلبهم راهو معمر
انا ما نكذبش عليكم رجعت نغير لوكان غير خليت حتى لحق هاذ الوقت وعقبت الباك بالاك نجيب كاش 19 ونروح للترك
انا عييييييييييييييت نجبد لحقت غير 11 ووحد الشوية معاها

صح بكري تجبد وملخر بارم يحرمك من كلش

 

[AHLEM1992]

وتستمتر المأساة كتبتها ع نضام تعليمي و ع بلاد ....ونتا علاش فهمتها راني عليكم

راني ع بالي بلي كاين لي يقروا والمجتهدين في كل وقت وحين بصح راهو صاري قونفلاج + تحديد الدروس + الكوبياج + قلة احترام ............واش تحسبنا مديكونيكتين من الدنيا ....ديجا وشكون لي قرواك ؟؟؟ انا صحابي كامل راهم يقرو .....ايملا قراك سيستام القديم :showoff::showoff::showoff:

هههه
ما قرانيش صاحبك الي ادا الباك في 2000
راه يقريني الي دا الباك في 1980 و هداك السيستام وحدو تاني
​

 

[programmeur]

دروك تصيب واحد جابه ب 14 و من بعد يقعد يتجرجر في الراتراباج

 

[الحاج قوقل]

هههه
ما قرانيش صاحبك الي ادا الباك في 2000
راه يقريني الي دا الباك في 1980 و هداك السيستام وحدو تاني
​

ههههههههههه زعمة ماكانش ولا واحد ؟؟؟

دروك تصيب واحد جابه ب 14 و من بعد يقعد يتجرجر في الراتراباج

ايه صح صح شكرا

 

[salma2010]

مع كامل احترامى للموضوع وصاحب الموضوع لكن لدى راى مخالف والاختلاف فى الراى لايفسد للود قضية المهم:
حضرتك تقول انو اللى جاب 12اصلها10واللى جاب11اصلها 9واللى جاب10اصلها 8
سمحلي خويا راك غالط بزاف صحيح كاين بعض التجاوزات فى التصحيح لصالح التلميذ وكاين العكس تجاوزات ما تخدمش التلميذ انا بابا استاذ تاع مات وكان يحصص فى الباك الاعوام الماضية وكان يحكيلى على هاد التجاوزات المهم الواحد ما يشككش فى تعب تلميذ يعنى انا تعبببببببببببت والله السنة وبقرايتى برك وجهودى فقققققققققققققققط دون ولا كلمة غش عارفة انو كاين اللى يجي من حظو معدلو اكتر من حقو وكاين العكس ماننساوش كيما انا تظلمت فى نقطة الرياضيات بزاااااااف مع انى كى رجعت راجع معى بابا واكدلى شحال يكون معدلى تانى العلوم بصح تخلعت المهم ربي كتبلى النجاح ونحمدو عليه واهم شئ حتى تتمتع بطعم النجاح انك بينك وبين نفسك تكون عارف انو هادا مجهودك فقط عندها طعم خاص واهم من هدا كله القناعة الواحد يحمد الله كاين اللى راهو ما نجحش ويحسدو على النعمة اللى عطاهالو ربي المهم معليش خويا طولت عليك.....سلام

 

[aneshabib]

القدم كاااااااااااااامل قلبهم راهو معمر
انا ما نكذبش عليكم رجعت نغير لوكان غير خليت حتى لحق هاذ الوقت وعقبت الباك بالاك نجيب كاش 19 ونروح للترك
انا عييييييييييييييت نجبد لحقت غير 11 ووحد الشوية معاها

واش ختي انتي au moins جبتي 11 وشوي انا تاني حكمتني الغيرة والله كنت نطير و جبت تحا ناضلي الشوك في راسي ومبعد جبت 10.01 في هداك العام 2001 الله لا تربحو داك بن بوزيد الله يخلي عرشو

 

[AHLEM1992]

ههههههههههه زعمة ماكانش ولا واحد ؟؟؟

ايه صح صح شكرا

واحد يقرينا tp فيزيك برك
مي خاطيه القراية في جيهة و هو في جيهة
زعما ماجيستار​

 

[salma2010]

ملاحظة اخير ما تنساوش انو اللى داوه زمان غير ب10دارو افضل التخصصات ماشي كيما دوك 14وما تديرلك واااااااااااااااااالو..........املا رانا كيف كيف:sad:

 

[N@riM@N]

السلام عليكم
اولا بحكمي فوت لباك وديتو وبكيت و تحرقت بالمعدل لي متصورتش نجيبو
الاسف لباك تزور ودخلت فيه لبني عميس يعني حاجه باينه ترتفع النسبه
مثلا واحد نعرفو كنت نفهم فيه في اخر لعام مكان فاهم فيها والو
يجيب 17؟؟ وانـــا ؟؟؟واش هاد نزل عليه الوحي؟
ولي يقلك باك بكري مش كيما تاع درك واش زاد؟نفس لبرو9رام
نهدر ع شعبتي علوم انا وحده كنت نراجع بلكتب لقدم يعني مكانش اختلاف
بالعكس لكتب القدم احسن ويفهمو خير
*
*
موضوع مليح بزاف يعطيك الصحه
​

 

[Tear]

سلامو عليكم حباب ربي
خويا عندك الحق في كلشي قلتو راني معاك 100%
الباك ملي طاحت قيمتو كي جاو بالعقلية تاع الاصلاحات و المناهج الجديدة يعني من الباك تاع 2008
و انا من جماعة الباك الجديدة و كيما يقولو كنا فئران التجارب تاع الاصلاحات باك 2008
و الشي لي درناه هذاك العام مع الاضرابات و خرجنا لبرا درنا مظاهرات خليها لربي عام غير تمسخير
انا وحدة من الناس و مانكدبش قريت صح للباك مي ماتعبتش بزاف
و المفاجئة كانت في الاسئلة سورتو المات كي جاتنا دالة عددية انا مخي تخلط تالمو كان باك ساهل بالبزاف
و الشي لي تخلعت فيه صح هو المعدل تاعي كان سوربريز كبيرة و الله ما كنت نستنا فيه و الصح الصح معدل كيما هذاك كان لازملو تعب كبير مي انا و الله ما تعبت ماوالو يعني معدل جا بالهف و الاسئلة الساهلة
تاع دارنا و تخلعو في المعدل ......كذبو و لدرك مازالو يقولولي كيفاه حتى جبتيه
راني طولت شوية مي هذا هو الواقع تعنا كل عام يقولولك اكبر نسبة منذ الاستقلال .......حتى وين نهار يلحقوها 100%
تحية تقدير و اجلال للسي بن يوزيد عميد الوزراء بامتياز ........ربي يستر هاذ العام الجامعات ​

 

[shahrazad]

ملاحظة اخير ما تنساوش انو اللى داوه زمان غير ب10دارو افضل التخصصات ماشي كيما دوك 14وما تديرلك واااااااااااااااااالو..........املا رانا كيف كيف:sad:

لالا بكري 10 ماكانتش تخيري افضل تخصصات
بالعكس كان كاين حاجة وسمها نظام وطبقات
وكل واحد يعرف يقدرو وين
الي دا 10 هوما يخيرولو ولااا يخير على قدو
والي دا 14 ولا 13 هدااك ياا سعدو ويا سعدو(هادي بكري برك:scared
حاب طب يديييها لانو يستاهل باه يكون طبيب ولا اي حاجة اخرى
ولو انو ماهيش غير مهنة طب الي فوور
بصح دوووك راني حايرة والله
امالااا دوكا الطب شحاال لازم
؟؟؟؟
20؟
شفتي كيفاه المعدلات الخيالية بكثرررررة شحال ماشي مليحة
ومن هب ودب يدي معدل هايل
يولي يا عاجبااا معدل 13 ماعندوش قيمة ومايقدرش يدير
بيه طب
عجججب


​

 

[الشلفي02]

خويا راك غالط
ماشي راح الباك
ياو راح التعليم كومبلي
شكون لي قال بلي كاين تعليم هنا في الجزائر الحبيبة
ناس بكري كانو كي يشوفو لي قراهم يهربو
دوكة راه يروح عندو يقول أعطيني 9ارو شريكي و لة قابسة شمة " حاشاكم "
بكري كان الأستاذ يقري من نيتو و لوجه ربي ماعلابالوش بالخلاص
الشيوخة تاع ضروك يقولك تقرة ولة لال أنا ليسونسيال راني خالص
وزيد يا بوزيد " وخذنا "

لوكان أنزيد أنكمل الهدرة نخاف يبطلوها على جالي هه
سلامي

 

[βĨЬỔũ]

لآ خويـآ أسمحــلي أنتــآ إنسآن / / حسآد و غــيوْرْ / /

مـ،ـ عْ ـذِرَة عَ الصَــراح'ــهـْ

أشْكُـرَكـ عَ المــوْضوْعْ

وَ السـ،ـلآمْ
​

 

[الحاج قوقل]

لآ خويـآ أسمحــلي أنتــآ إنسآن / / حسآد و غــيوْرْ / /

مـ،ـ عْ ـذِرَة عَ الصَــراح'ــهـْ

أشْكُـرَكـ عَ المــوْضوْعْ

وَ السـ،ـلآمْ
​

هههههههههههههههه شكرا علي رد الحمد الله قاضي صوالحي وتخرجت من الجامعة وقت الغفلة

2 دوبل برانش حاجة متخلعني :sheer: بصح العكس كل حاجة غريبة ومهيش لوجيك ماتدخلش راسي مستحيل 16 17. 1815 يتلاوحو ؟؟؟؟؟؟؟؟؟؟؟؟؟؟


نقولك حاجة هنا ف اهلية و مكحلانش ع 16 ياااااااااااااااو تطير تطير تدي 15 وشكرا ع استفزاز ماشي صراحة هادي