جلسة نواعم اللمة الجزائرية خلال شهررمضان المبارك/خاص بالبنات فقط/

[السلطانة]

اهلا بجميع الفتيات
كيف الحال ان شا ءالله بألف خير
هنا ستكون لنا جلسة
خاصة بالفتيات فقط
يتم دعوة عضوة كل يوم من ايام الشهر الفضيل
اذ يتم طرح اسئلة عليها
من قبل العضوات
حول ماتقوم به في رمضان من اعمال وغيرها

تجيب وتناقش
ونتعرف عليها اكثر

رمضانكن مبارك
مع انتظاركن
:re_gards:
​

 

[السلطانة]

صحا رمضانكم

اول ضيف لليوم الاول من الشهر المبارك هي
منيني

فأهلا بها
ننتظر تفاعلكن



​

 

[الورد الأحمر]

أهلا شوشو
صحيتي عالفكرة
يعطيك الصحة
وصحا رمضانك
تصوميه وعايلتك
بلهناء ان شاء الله
...
أهلا بالعضوة منيني
في انتظار التحاقها
لصالون القعدة
وفي انتظار تفاعل البنات
...
سلام شوشو
​

 

[صفـاء و نقـاء]

فكرة رائعة أختى

مميزة دائما بارك الله فيك

وأهلا بأختنا الغالية منينى

بالتوفيق
​

 

[قطورة الندى]

اهلا باختنا منيني
ومبارك عليكم الشههههههههههههههههههر

 

[kiki96]

​

فكرة رائعة أختى بارك الله فيك
أهلا بأختنا منينى

 

[آمِيْرَتُه]

صباح الخير بنات اللمة صح رمضانكم تصوموه بالصحة و الهناء

شكرا لكم على الضيافة و على الموضوع الرائع دائما شوشو متالقة

 

[وصال تسنيم]

موضوووووووووووع رااائع
صحا رمضانكم يا بنات
مرحبا بيك ختي منيني

 

[عازفة الاحزان]

سلام بنات
شكرا على الموضوع أخي الشرطية
وصح رمضانكن
..
وأنا راح نرحب بالاخت منيني
و يشرفني نكون أول وحدة تسألها
....
انت الي تنوضي توجدي السحور الصباح ؟
​

 

[آمِيْرَتُه]

سلام بنات
شكرا على الموضوع أخي الشرطية
وصح رمضانكن
..
وأنا راح نرحب بالاخت منيني
و يشرفني نكون أول وحدة تسألها
....
انت الي تنوضي توجدي السحور الصباح ؟
​

شكرا لك حبيبتي و صح رمضانك تصومي بالصحة و الهناء

فيما يخص سؤالك نعم نوض نوجد الصحور و لكن بمساعدة من أمي راكي عارفة لواحد يكون عيان و

نعسان بصح مشي دايما


صح فطورك و شكرا على السؤال

 

[برنســ اللمة ـيسة]

صباح الخير البنات
صحا رمضانكم و صحا سحوركم
نتمنا تكونو بخير
أختي منيني حابة نعرف اسمك أول حاجة
و عمرك وين تسكني
و قوليلي واش هي العاد تاعكم في أول يوم من رمضان قصدي واش تطيبو في السحور و في الفطور​

 

[ندى الورد]

يعطيك الصحة شوشو على الفكرة المميزة

ننتظر تفاعل البنــآت

رمضان كريم ليكم كامل

 

[آمِيْرَتُه]

صباح الخير البنات
صحا رمضانكم و صحا سحوركم
نتمنا تكونو بخير
أختي منيني حابة نعرف اسمك أول حاجة
و عمرك وين تسكني
و قوليلي واش هي العاد تاعكم في أول يوم من رمضان قصدي واش تطيبو في السحور و في الفطور​

شكرا حبوبة رمضان كريم تصومي بالصحة و الهناء

اسمي امينة و نسكن في الباهية وهران

العادة نتاعنا في أول يوم من رمضان نطيبو فالسحور طبق الطعام لي معروف بالكسكسي في الولاية

الاخرى و يكون سفة اي بالبن و السكر و اما فالفطور عنذنا بزاف أطباق و لكن الطبق لي لازم يكون

حاضر في اول يوم من رمضان هو البرقوق - طجين الحلو- حتى يجي رمضان حلو اضافة للأطباق الاخرى

كالحريرة و المعقودة .........

شكرا لك و صحة فطورك برنسيسة

 

[الخيزران]

فكرة رائعة وصحة جملتكم بنات
سؤالي امينة ’
هل مازالت عندكم في الباهية اللقاءات العائلية والسهرات في رمضان ؟

 

[برنســ اللمة ـيسة]

شكرا حبوبة رمضان كريم تصومي بالصحة و الهناء

اسمي امينة و نسكن في الباهية وهران

العادة نتاعنا في أول يوم من رمضان نطيبو فالسحور طبق الطعام لي معروف بالكسكسي في الولاية

الاخرى و يكون سفة اي بالبن و السكر و اما فالفطور عنذنا بزاف أطباق و لكن الطبق لي لازم يكون

حاضر في اول يوم من رمضان هو البرقوق - طجين الحلو- حتى يجي رمضان حلو اضافة للأطباق الاخرى

كالحريرة و المعقودة .........

شكرا لك و صحة فطورك برنسيسة

مشكورة أختي العزيزة الله يهنيك و ربي يتقبل منا الصيام و القيام انشاء الله
استنتجيت أنو عاداتكم كيما حنا بصح مانعملوش الحريرة خلاص ديما شربة فريك و لا شربة فارميسال
قوليلي في رمضان تصومي غير على الأكل و لا تختمي القرآن و تقومي الليل؟؟​

 

[آمِيْرَتُه]

فكرة رائعة وصحة جملتكم بنات
سؤالي امينة ’
هل مازالت عندكم في الباهية اللقاءات العائلية والسهرات في رمضان ؟

شكرا فاطمة نورتي و صحة رمضانك

أكيد خاصة في الأحياء الشعبية مثل الحمري و مدينة الجديدة

 

[{مُدَلَّلَتُهُ}]

موضوع هايل يعطيك الصحة

مرحبا بمانيني

اختي امينة : واش هو الطبق المفضل تاعك في رمضان ؟

الفطور انت الي تطيبيه ولا امك ؟

تختمي القرآن في رمضان ؟

لي عودة ان شاء الله

صح رمضاانكم

 

[آمِيْرَتُه]

مشكورة أختي العزيزة الله يهنيك و ربي يتقبل منا الصيام و القيام انشاء الله
استنتجيت أنو عاداتكم كيما حنا بصح مانعملوش الحريرة خلاص ديما شربة فريك و لا شربة فارميسال
قوليلي في رمضان تصومي غير على الأكل و لا تختمي القرآن و تقومي الليل؟؟​

لا أكيد الحمد الله نختم القرأن و نقوم الليل و لكن منصليش صلاة التراويح لاسباب

 

[آمِيْرَتُه]

موضوع هايل يعطيك الصحة

مرحبا بمانيني

اختي امينة : واش هو الطبق المفضل تاعك في رمضان ؟

الفطور انت الي تطيبيه ولا امك ؟

تختمي القرآن في رمضان ؟

لي عودة ان شاء الله

صح رمضاانكم

و بك حنونة صح رمضانك

الطبق المفضل تاعي في رمضان و لي كي نشوفه يعوارو عينة هو طجين الزيتون نموت عليه

ام من ناحية الطياب ماما مطيبش خلاص غير اختي و انا هي فقط مرات تنوض دير الصحور

و فيما يخص الاختتام اكيد نختم القران

مرحبا بيك

 

[عازفة الاحزان]

شكرا لك حبيبتي و صح رمضانك تصومي بالصحة و الهناء

فيما يخص سؤالك نعم نوض نوجد الصحور و لكن بمساعدة من أمي راكي عارفة لواحد يكون عيان و

نعسان بصح مشي دايما


صح فطورك و شكرا على السؤال

ان شاء الله حبيبتي
يعطيك الصحة
صح عندك الحق خاصة كي يكون الواحد مالف يصبح راقد ​