جلسة نواعم اللمة الجزائرية خلال شهررمضان المبارك/خاص بالبنات فقط/

[آمِيْرَتُه]

...مساء الخير
صحا رمضانكم ...
...و صحا رمضانك اختي منيني
...
و صح رمضانك حبيبة

نسقسيك حنونة !!
تفضلي

هل انتي من النوع لي يمل و يكره ؟؟

لا الحمد الله

اسكو رمضان يغلبك ؟؟
...

مع اني ضعيفة الا انه مايغبنيش

لوكان يقولولك اليوم جايين ضياف و انتي اليوم لي ديري الفطور
اسكو:يعجبك الحال و ديري فطور فووور
او تخافي و تتردي في اختيار الأكلات؟
أو...!!
...

مرحبا بالضيوف و بالعكس نفرح مين يجوا عنذنا
تحياتي ليك
سلام!!

الشكر للأخت شرطية اللمة على الموضوع الرائع:p.s

^^
​

​

مشكورة اختي و صح فطورك

 

[lobna biba]

​

السلام عليكم واش راكم دايرين راني حايرة واش ندير ليوم

 

[آمِيْرَتُه]

​

السلام عليكم واش راكم دايرين راني حايرة واش ندير ليوم

و عليكم السلام مرحبة بيك اختي ديري حريرة و برقوق و سلاطةو بوراك كيما حنا صحة فطورك

 

[عازفة الاحزان]

السلام عليكم
تبانلي الحالة فارغة متقولوليش راكم تلوحو في الفطور
منيني قوليلي لوكان يقولولك اخدمي البوراك ولا طيبي شربة واش تخيري ؟
وفي رمضان تصلي التراويح في المسجد ولا لالا؟
تقبلي مروري وصح فطورك​

 

[آمِيْرَتُه]

السلام عليكم
تبانلي الحالة فارغة متقولوليش راكم تلوحو في الفطور
منيني قوليلي لوكان يقولولك اخدمي البوراك ولا طيبي شربة واش تخيري ؟
وفي رمضان تصلي التراويح في المسجد ولا لالا؟
تقبلي مروري وصح فطورك​

سمحيلي كنت لاهية

فيما يخص سؤالك راني خيرت البوراك لخاطرش ساهل هههههه و في رمضان مانصليش التراويح فالمسجد

لأن من عاداتنا المراة متصليش فالمسجد

صحا فطورك و شكرا على المرور

 

[السلطانة]

صحا فطوركم يالبنات غفلتوي ودرتو رايكم هنا ههه

​

 

[السلطانة]

امينة قداش انتوما في العائلة وهل عندك خياتك بنات يساعدوك في الطبخ ام لا؟

واش طيبتي اليوم؟

​

 

[ISMA.dz]

مساء الخير حبيباتي
صح فطوركم

اختي الpوليسية موضوعك رائع

شكرا ليك تحية خاصة للضيفة​

 

[قمر ال14]

هاي صحا رمضانكم اختي كيفاش راكي تعقبي رمضان يعني من الصباح حتى يأذن

 

[صفـاء و نقـاء]

سلام حبيبة

صحا فطورك وتقبل الله صيامك

واش راكى ان شاء الله بيان؟

حنونة أنت تصلى التراويح في الجامع ولا في دار؟

و واش رايك في اللبنات اللى يديرو رواحهم رايحين يصليو في الجامع وهوما رايحين يتلقاو بصحابهم؟

أمينتى واش هي البرامج اللى تشاهديها في رمضان ؟

وقداش من خطرة تختمى القرأن في رمضان؟

صحا سحورك حنونة

ربي يوفقك
​

 

[crazykhadija]

حالياً الأعضاء النشيطين الذين يشاهدون هذا الموضوع : 8 (4 عضو و 4 ضيف) ‏هدى, ‏crazykhadija, ‏اشواق الجزائرية., ‏kiki96

ماكان لاه تسألو أسئلة محرجة الضياف راهي تقرعج علينا
​

ههههههههه سي باردو مرة اخرى منزيدش ههههههههههههههههه
​

 

[آمِيْرَتُه]

امينة قداش انتوما في العائلة وهل عندك خياتك بنات يساعدوك في الطبخ ام لا؟

واش طيبتي اليوم؟

​

صحة فطورك شوشوة و سمحولي على التاخير

أحنا 4 افراد في البيت و عنذي 3 متزوجين و خارجين على الدار و عنذي اختي تساعدني نعيطلها شاف زوزو

ههه

طيبنا حريرة و طجين حلو و بوراك و سلاطة و اكيد الفلان مممممممم

 

[آمِيْرَتُه]

هاي صحا رمضانكم اختي كيفاش راكي تعقبي رمضان يعني من الصباح حتى يأذن

صحة رمضانك و الله راني نعقب رمضان بين الكوزينة و النت

 

[آمِيْرَتُه]

سلام حبيبة

صحا فطورك وتقبل الله صيامك

صحة فطورك حبوبة امين لينا و لأجمعين

واش راكى ان شاء الله بيان؟

والله الحمد الله سوال عليكم

حنونة أنت تصلى التراويح في الجامع ولا في دار؟


لا منصليش فالجامع لان من عادتنا المراة متروحش للجامع

و واش رايك في اللبنات اللى يديرو رواحهم رايحين يصليو في الجامع وهوما رايحين يتلقاو بصحابهم؟

الله يهدينا و يهديهم

أمينتى واش هي البرامج اللى تشاهديها في رمضان ؟

والله انا بطبيعتي منحبش التلفاز فقط نتفرج خطرات مثل الافلام التاريخية او الاجتماعية

وقداش من خطرة تختمى القرأن في رمضان؟

كل مرة و كيفاش نتمنى هذا المرة نختم 3 مرات

صحا سحورك حنونة

مرسي تعيشي حبوبة

ربي يوفقك
​

و انت كذلك و شكرا على الأسئلة

 

[السلطانة]

شكرا منيني
نتمنى تكون الاستضافة راقت لكي
نلتقي غدا ان شاء الله مع ضيفة جديدة


​

 

[ندى الورد]

ان شاء الله حبوبتي شوشو

 

[آمِيْرَتُه]

شكرا منيني
نتمنى تكون الاستضافة راقت لكي
نلتقي غدا ان شاء الله مع ضيفة جديدة


​

شكرا لك شوشو ربي يحفظك نتمنى غذوة يكون تفاعل اكثر من اليوم

صحة سحورك

 

[السلطانة]

بنت الجزائر و افتخر

هي ضيفتنا اليوم
من اليوم الثاني من الشهر الفضيل
اهلا بكي اختي

​

 

[بنت الجزائر و افتخر]

شكرا شوشو على الاستضافه

و نتمنى نكون ضيفه خفيفه عليكم
​

 

[عازفة الاحزان]

سلالالام نتمنى عقب عليكم نهار الاول مليح يالبنات ؟
.....
أولا أهلا بضيفتنا اليوم
حبيت نسقسيك بنت الجزائر وافتخر
أمممممممم اسم طويل أعطيني اسم واحد نعيطلك بيه
أما سؤالي هو
كيفاه عقبتي نهار البارح أي النهار الاول نتاع رمضان ؟​