شكون قاالك دير فيا الخير.........

[السلطانة]

السلام عليكم
واش راكم ان شاء الله تكونوا ملاح
بدون مقدمات موضوعي اليوم هو عن
​

الناس لي يديرو فيك خير
ومباعد يعايروك بواش دارو فيك:scared:

كيما عند لبنات مثلا
طفلة توقف مع صحبتها في وقت الشدة
ومباعد كي تفوت
تجي في نهار هاديك لي زعم دارت الخير توقف لحبيبتها تقولها:
تشفاي نهار درتلك ودرتلك
وكون ماش انا راكي ملحقتيش
ونسيتي خيري
وانا وانا
:scared:
ولاتروح تخليلها شرات مع صحاباتها لبنات
والشي لي دارتو فيها كامل يولي في نشرة الاخبار تاع ال08

وكيف كيف تلقاها عند ليجان الظاهرة هادي

اناا مافهمتش علاه لعرب هك؟
يدير فيك خير مباعد يعايرك؟
تقول شاد السماء من قرنها عليك
هيا قولولي انتوما من النوع هادا
؟ لي يدير الخير ويعاير بيه او العكس
ولي صرالو ا لموقف هادا وعايروه بخيرهم يحكيلنا عليه

هيا تحياتي
الموضوع كتبتو على السريع ​

كل الحقوق محفوظة بلانهب بلاسلب -الشركة المنغولية للانتاج والتوزيع-

​

 

[نسيم الربيع]

هوما مايديروهش خير
يبغي زعما يكون معاك فحاجه باه تقضيلو حاجه خرى ولا يديرها فوق القلب
عقليه بيريمي.......
مارسي عليك​

 

[chemssou007]

السلام عليكم
ختي البوليسية
لي درتو في الناس سواء العائلة و الاصدقاء من خير ربي عالم بيه
بصح كي كنت انا وقت الشدة وحديـ مالقيت شكونـ يجيبلي طبسي ماكلة سخونة
انا كي ندير الخير نديرو ربي
باه ربي يرضى بيا و يخرجني من الشدة للهنا
+
بارك الله فيك على الموضوع
تحيـاتي​

 

[السلطانة]

هوما مايديروهش خير

يبغي زعما يكون معاك فحاجه باه تقضيلو حاجه خرى ولا يديرها فوق القلب
عقليه بيريمي.......

مارسي عليك​

مرحبا بيك اختي
ايه هادوك جماعة تقضياي نقضيلك
يعني ميخدموش لله خلاه
ولايديروها فوق القلب كيما قلتي
هيا صحيتي على المرور
:re_gards:

 

[السلطانة]

السلام عليكم

ختي البوليسية
لي درتو في الناس سواء العائلة و الاصدقاء من خير ربي عالم بيه
بصح كي كنت انا وقت الشدة وحديـ مالقيت شكونـ يجيبلي طبسي ماكلة سخونة
انا كي ندير الخير نديرو ربي
باه ربي يرضى بيا و يخرجني من الشدة للهنا
+
بارك الله فيك على الموضوع

تحيـاتي​

وعليكم السلام
ايه نعم لي يدير الخير يديرو من اجل الله ماش من اجل العبد
مي كاين عباد الله يهديهم
شكرا على المرور
:re_gards:

 

[adel-mz]

هادو ناس نقدرو نقولو الله غالب عليهم ،خاطر مايدروش الخير على وجه ربي
الله يهديهم
مشكورة الاخت

 

[07 _H@yThm]

يديرو فيك لخير وبلاسبه يدور عليك
راهي بارتو مام حنا ليجان تبالي عدنا كثر
تسلف من عند واحد دراهم ومباعد ترجعهالو بصح في وقت
لمحنه يقلك نهار لي جيت تتسلف وتركع .......
انا صرالولي بزاف مواقف حتا بطلت نقيم لغاشي
ياوشنقلك عقليه خاسره
صحيتي ع الموضوع
​

 

[السلطانة]

هادو ناس نقدرو نقولو الله غالب عليهم ،خاطر مايدروش الخير على وجه ربي
الله يهديهم
مشكورة الاخت

اهلا اخي
نعم نقولولهم غير ربي يهديكم
صحيت على المرور:re_gards:

 

[يوسےفے]

و عليكم السلام و رحمة الله تعالى و بركاته

يديرو الخير و يمنوووه على النااس
صدق من قال" أحذر عدوك مره و صديقك ألف مره"
و نوع الناس هاذو هوما ناس أنتهازين يستغلو الفرصه بااه يحط من هيبتك و يطلع من قيمته
يا لوكان دار فيك خير أي واحد يقدر يديره يزيد ينشرك عند الناس
و يزيد فيها من عندك يطلع الدنيا و يهبطها و يبهدل بيك تقول
يقول درت فيه الشر و ف الصح هو لي دار فيك الشر بلمن تااعه عليك
الله يبعد علينا و عليكم ناس كيما هاذو ما يستاهلوش الصحبه
الصحبه ندارت لي ينسى الخير و يخااف ألا يدير الشر
تحياتي شوشو
سلام​

​

​

​

 

[السلطانة]

يديرو فيك لخير وبلاسبه يدور عليك

راهي بارتو مام حنا ليجان تبالي عدنا كثر
تسلف من عند واحد دراهم ومباعد ترجعهالو بصح في وقت
لمحنه يقلك نهار لي جيت تتسلف وتركع .......
انا صرالولي بزاف مواقف حتا بطلت نقيم لغاشي
ياوشنقلك عقليه خاسره
صحيتي ع الموضوع​

ايه قالوها ناس بكري نعلبوها مزية تجيك من عند لعرب
وي يخرجك من ضيقتك ويرجع يعاشيك
عقلية خاسرة تاع الصح
صحيت خويا على المرور الطيب
تحياتي:re_gards:

 

[meriem150491]

نقولك حاجة؟ نعلبو مزية العرب , الله لا يخلي واحد لواحد دك

كما قالو ناس بكري الله لا يخلي عربي لعربي , كيعاد الناس تاع دك يشتيو يذلو ويشتيو يديرو اشهار بلي عاونو ودارو مزية في الناس دك مبقاش اللي يدير حاجة لوجه الله

الله يهدينا موضوع باهي يعطيك الصحة شوشو تحياتي
​

 

[ماكانش]

أهلا بيك شوشو
توحشنا نقراو مواضيعك
هذي تصرا مع الناس كامل حبيبك ولا حبيبتك ولا خوك ولا صاحبك ولا جارك
كامل يمنو عليك
وعليها نتمنى في حياتي نعيش ومانقصد حتى واحد
وبربي نشاء الله يوفقني ليها
نموت راجل وذكر وواحد ما يشر عليا بالصباع ...

يعطيك الصحة شوشو​

 

[hasna.m]

ولاتروح تخليلها شرات مع صحاباتها لبنات
والشي لي دارتو فيها كامل يولي في نشرة الاخبار تاع ال08

يقلك دير الخير وانساه
كيما قلتى اختى شرطية اللمة
شكون قالك دير فيا الخير


​

 

[DARINE05]

ايييييييييييي يفكروك ديما بيها تقول سنيولك شاك هههههههههه
مرسي شوشو

 

[هدوء المطر]

و عليكم السلام

إيه هاذو هما العرب ما يديروش فيك الخير على وجه ربي ، يدير فيك الخير اليوم باه ترجعولو غدوة ، لازم الواحد يتكل على ربي سبحانو و ما يستناش حتى مزية عربي
​

يعطيك الصحة شوشو على الموضوع
​

 

[sahiko hamza]

وعليكم السلام ورحمة الله

تشفاي نهار درتلك ودرتلك
وكون ماش انا راكي ملحقتيش

بون هاد الكلمة منتشرة ياسر عند لبنات
وفي كل بلاصة ماشي غي عدكم ولا عدنا
بون عبد كيما هذا احنا مانخدموهش خلاص
وماتخافيش يجي نهار وتلقيه وحدو ....
صحيتي موضوع يستاهل التمنشير .
​

 

[nina bonoise]

انا ماذابيا كي ندير الخير نديروا على وجه ربي
مش نديرو و نهار نحصل نروح لفلان نقولوا راني درتلك و و و ديرلي انت تاني
هاذي عقلية خاسرة
​

 

[الحق سلاحي]

دير الخير وانساه
​

 

[هدى]

السلام عليكم ورحمة الله تعالى وبركاته الاخت الشرطية
هذي مش حاجة غريبة علينا حنا العرب الطبايع الخاسرة كل فينا مال9ري نعرفوا انو المن حرام
ونعرفوا بلي 7 يضلهم الله بضله يوم لا ضل الا ضله من بينهم رجل تصدق بيمينه فاخفاها حتى لا تعلم شماله بما تصدقت يمينه مي نبفاوا ديما في نفس الطبع
ونعرفوا بلي 3 مصيرهم جهنم من بينهم المنان مي نبقاوا نمنوا
صديقيني عيت باش نفهم العقلية تاع العرب مي ما فهمت والو
الناس كي دير فيك الخير تحسب روحها هي الي معيشاتك مي نساوا بلي ربي الي يرزق ويفتح ابواب الرحمة وهما ماهم الا سبب
معليش بصح يقلك ما اكثر العبر ولكن قل من اعتبر
هما يديروا الخير ويفسدوا اجرهم بلسانهم
وزيد حاجة وحدة أخرى هما ما يديروش فيك الخير على خاطر سواد عيونك يديروا فيك الخير على خاطر علابالهم يحتاجوك في يوم من الايام وكي انتي ماترديلهمش الخير ولا ماتقدريش يبدا لسانهم يقطع
شكرا اختي على الموضوع فكرة تستحق الطرح
تحياتي
​

 

[السلطانة]

و عليكم السلام و رحمة الله تعالى و بركاته​

يديرو الخير و يمنوووه على النااس​

​

​

صدق من قال" أحذر عدوك مره و صديقك ألف مره"
و نوع الناس هاذو هوما ناس أنتهازين يستغلو الفرصه بااه يحط من هيبتك و يطلع من قيمته
يا لوكان دار فيك خير أي واحد يقدر يديره يزيد ينشرك عند الناس
و يزيد فيها من عندك يطلع الدنيا و يهبطها و يبهدل بيك تقول
يقول درت فيه الشر و ف الصح هو لي دار فيك الشر بلمن تااعه عليك
الله يبعد علينا و عليكم ناس كيما هاذو ما يستاهلوش الصحبه
الصحبه ندارت لي ينسى الخير و يخااف ألا يدير الشر
تحياتي شوشو
سلام​

​

وعليكم السلام اهلا خويا يوسف منور ال موضوع
كلامك صحيح 100/100
لعرب عندهم راسا سبيسيال الا من رحم ربك
ربي يبعدهم علينا ان شاء الله
صحيت على المرور تحياتي واحتراماتي :re_gards: