ياو عندنا الليل ولا نهار ....ارواحو تشوفو واش راني نعاني

[Mafia-beo16]

سلام وعليكم يا احباب
واش احوالكم ان شاء الله بخير

مانطولش عليكم ندخل في الموضوع
جيت نحكيلكم على واحد الظاهرة راهي مهبلتني ماخلاتنيش نرقد :sad:
ايا سيدي هدا انا وين نسكن كاين بزااااااااااااااااااااف الغاشي ههههههههه
مايخلوكش ترقد لا في النهار لا في الليل
انا في النهار ماعنديش مشكل نورمال مانرقدش
مي المشكلة نتاعي في الليل آآآآآآآآآآه يا الليل وين راك هي توصل 12 نتاع الليل هنا وين يبدى النهار هههههه
ايا هدا واحد سكران يجي يتلاوح ويقعد تحت الطاقة نتاعي ايا هدي شوية
على سعدي نستناه حتى وين يعيا ويروح يعني يزيد كاش ساعة باش يهديه ربي ويروح ويخليني نرقد
مازال ماكملت الهدرة هدي البداية
نقول انا خلاص دوك نرقد حتى وين يزيدو يجيو جماعة وحدوخرا يقصرو ويضحكو تقول راهم في النهار واقيل في النهار وماديروش هكا نزيد نسهر معاهم حتى وين نولي كي المهبولة _o:
ايا هدو راحو تهنيت منهم مي كاين مشكل واحدوخر
راهي جاية شاحنة (أكدولي عليها مليح ) وكي تكون جاية تدير حس كبير
وزيد شوية يزيدو يجو يخدمو الطريق مع انها لاباس بيها
يبداو يحفرو تقول راهم يحفرو في راسك
تبقى هكا حتى وين يطير عليك النعاس ويطلع النهار:sadwalk:
وكل نهار نفس السيناريو
وراه جاي رمضان يزيدو كثر الله يستر
راكم تشوفو واش راهي تعاني ختك
انتم تاني عندكم هكا وراكم تعانيو كيما انا
راني طولت عليكم
ايا سلااااااااااااااااااااامو ​

 

[Mafia-beo16]

- شكرا على الاعتماد

 

[فؤاد الورقلي]

سلام
ايه كاين صح
وين اخوك او اوبك
نورمالمووووووووووووو يخرجولهم

واش ماوجد غير تحت داركم يجي يقعد ويولي يطيح الهدرة

ربي يهدي ان شاء الله

شكرا لك​

 

[Houda Chaouienne DZ]

و الله ميزيرية
حنا ثاني يفوتو علينا الساكارجية مي مش بزاف
و ليام لي فاتو كان جارنا يخدم في دارو
هبلنا .. كل نهار ع 6 تاع الصبح يبدا يخبط تقول يخبط في راسي

واش نقولك ربي يهدي هذا ماكان
و نورمالمو يخرجلهم باباك كيما قالك الاخ فؤاد

شكرا ختي ع الموضوع
​

 

[Mafia-beo16]

سلام

ايه كاين صح
وين اخوك او اوبك
نورمالمووووووووووووو يخرجولهم​

واش ماوجد غير تحت داركم يجي يقعد ويولي يطيح الهدرة ​

ربي يهدي ان شاء الله​

شكرا لك​

ايه يا خويا كل يوم يرمو عليهم الماء مي ماحبوش يحشمو
ريسانهم فارغين
ياو تهدر ولا تقعد نفس المشكل
ربي يهديهم كيما قلت
مرسي ليك على المرور ​

 

[Mafia-beo16]

و الله ميزيرية

حنا ثاني يفوتو علينا الساكارجية مي مش بزاف
و ليام لي فاتو كان جارنا يخدم في دارو
هبلنا .. كل نهار ع 6 تاع الصبح يبدا يخبط تقول يخبط في راسي​

واش نقولك ربي يهدي هذا ماكان
و نورمالمو يخرجلهم باباك كيما قالك الاخ فؤاد​

شكرا ختي ع الموضوع​

ماشي غير ميزيرية نفس المشكل كل يوم
وبلا ماننساو كيما قلتي الي يصلح في دارو
الجيران الي يسهرو ويخلو الذراري يخبطو على الجيران
يخرجو ولا يقعدو والله كرهو كل يوم يخرجو
خطرة رميت عليكم بيدون ماء
مرسي ختي على المرور ​

 

[meriem150491]

الحمد لله بلاصتنا مليحة وكالم لا بغيتي ارواحي عندنا في رمضان هههه عقبيه

هيه صح نسيت كاين جارنا جا جديد ولادو اللي ديرنجمون ينوضو على 6 يبداو يلعبو
​

 

[Mafia-beo16]

الحمد لله بلاصتنا مليحة وكالم لا بغيتي ارواحي عندنا في رمضان هههه عقبيه ​

هيه صح نسيت كاين جارنا جا جديد ولادو اللي ديرنجمون ينوضو على 6 يبداو يلعبو​

هههههههههههههههههه
والله مادابيك ختي
وجديلي بلاصة قدامكم ههههه
ههههه شفتي كيفاش يخلو ولادهم يديرونجيو الناس
مرسي ختي على المرور ​

 

[touffik]

وعليكم السلام
انا تانى كان عندنا نفس مشكل كل يوم يسهرو امام دار حت للفجر درتلهم زيت محروق بش ميزدوش يريحو

 

[meriem150491]

هههههههههههههههههه
والله مادابيك ختي
وجديلي بلاصة قدامكم ههههه
ههههه شفتي كيفاش يخلو ولادهم يديرونجيو الناس
مرسي ختي على المرور ​

خلاص مرحبا ختي لبلاصة اي واجدة ههههه معليك غير تحكمي الطاكسي وتجي

اي تشوفي يطلقو ولادهم على 6 يديرنجيو الناس وكي توصل 10 يدخلوهم هديك الفهامة
​

 

[Mafia-beo16]

وعليكم السلام
انا تانى كان عندنا نفس مشكل كل يوم يسهرو امام دار حت للفجر درتلهم زيت محروق بش ميزدوش يريحو

وعليكم السلام
واش حنى وين جاهم يقعدو دير واش تدير
يالوكان تدير الزيت في الطريق يقعدو فوق الطونوبيلات
ياو تحير واش تديرلهم
ربي يهديهم
انت تهنيت منهم لعقوبة ليا ههههه
مرسي علىالمرور ​

 

[Mafia-beo16]

خلاص مرحبا ختي لبلاصة اي واجدة ههههه معليك غير تحكمي الطاكسي وتجي ​

اي تشوفي يطلقو ولادهم على 6 يديرنجيو الناس وكي توصل 10 يدخلوهم هديك الفهامة​

هههههههههههه اوكي خلاص غدوة نجي قوليلي برك لادراس هههه ربي يعيشك ختي
آآآآآه هدي هي العقلية ادي ولا خلي ههههه
ربي يهديهم​

 

[Lacey Sturm]

ربي يصبرك ختي
والله مانعرف ناس كيما هك باه تفكر سبحان الله !!
انا البارح بالسيف تاني لا رقدت جاو واحد السامطين هك منين الباطيمة تاعنا وبداو يغنيو وااااع _o::cra_zy:وعلى زين الأصوات الي عندهم ههه :lol: ومن فوق هدا قاعدين يديرو في واحد الموسيقى صوتها كي الزرنة خخخ :scared:تقدري تتصوري كمية الإزعاج
ربي يهديهم وخلاص​

 

[جوانا]

takriban kifna
hna tani mhablina

 

[Mafia-beo16]

ربي يصبرك ختي

والله مانعرف ناس كيما هك باه تفكر سبحان الله !!
انا البارح بالسيف تاني لا رقدت جاو واحد السامطين هك منين الباطيمة تاعنا وبداو يغنيو وااااع _o::cra_zy:وعلى زين الأصوات الي عندهم ههه :lol: ومن فوق هدا قاعدين يديرو في واحد الموسيقى صوتها كي الزرنة خخخ :scared:تقدري تتصوري كمية الإزعاج

ربي يهديهم وخلاص​

آآآآآآآآآآآآآمين
مافهمتش واش كاين في عقولهم مايقولوش الناس راهي راقدة والو
هههههههه امالا راكي كيفي الله يهديهم
ربي يكون في عونا هدا مكان هههههه
مرسي ليك على المرور​

 

[Mafia-beo16]

takriban kifna
hna tani mhablina

الله يهديهم ويهنينا منهم
مرسي ليك ختى على المرور ​

 

[لاجودان شاف]

السلام عليكم

صح كاين منها الجزائري ماعندو لا نهار لا ليل

شكرا​

 

[Mafia-beo16]

السلام عليكم​

صح كاين منها الجزائري ماعندو لا نهار لا ليل ​

شكرا​

وعليكم السلام
والله ماتعرف ويلا راك في النهار ولا في الليل
ربي يهديهم
مرسي على المرور​

 

[المتفائلة_91]

ديري stop bruit اختي ضرك ما تعودي تحسي بوالو

نوم الهناء ان شاء الله


صح رمضانك

 

[Mafia-beo16]

ديري stop bruit اختي ضرك ما تعودي تحسي بوالو

نوم الهناء ان شاء الله


صح رمضانك

هههههههه لوكان نقدر والله نديرها ههههه
ندير stop لواحد يجيني الثاني
ياو مايسكتوش كامل ديري stopولا ماتديريش ههههه
ربي يعيشك
مرسي على المرور
رمضان مبارك​